Studente by die Universiteit van die Witwatersrand het Woensdagaand gewelddadig geraak tydens ‘n betoging oor klasgelde.
Die bestuur van die universiteit het gedreig om die polisie in te roep as orde nie herstel word nie.
Prof. Adam Habib, vise-kanselier het voorheen gepleit vir groter staatsubsidies om die verhoging in klasgelde te verhoed.
Maar Mcebo Dlamini, geskorste SR-voorsitter, het gesê hulle sal Wits onregeerbaar maak totdat Habib toegee.
Klasse en toetse is Woensdagoggend opgeskort toe nadat betogers alle uitgange versper het en geweier het om studente en personeellede deur te laat.
Studente het Woensdag handgemeen geraak en mekaar vulgariteite toegesnou. ‘n Paar betogers is beseer toe ‘n ongeduldige student in hulle vasgery het met sy motorfiets omdat hulle hom nie wou deurlaat nie.
Die studenteraad sê die universiteitsbestuur is deel van die “onderdrukkende stelsel en ons gaan nie toekyk hoe die finansiële uitsluiting van studente wat moontlik kan slaag, uitgesluit word nie”.
Wits se uitvoerende komitee het vroeër Woensdag in ’n verklaring gesê dit is onaanvaarbaar ‘n klein groep betogers die res as gyselaar aanhou.
DIT is ons toekomstige leiers wat so optree – jongmense wat nog besig om verstand te probeer kry wat eintlik met geweld en terrorisme hulle sin probeer kry. Niks anders as ‘n kleuter wat ‘n vloermoer gooi. Daar is net een manier om hierdie wangedrag te korrigeer – ‘n behoorlike pakslae. Vir die studente is dit effe moeiliker – permanente skorsing en ‘n kriminele rekord behoort die ding te doen.
Rooikop, ek wed die meerderheid “swot” Poletieke Wetenskappe
In my dae het jy maar opgepak en gaan werk as jy nie ‘n lening by die bank kon kry nie, dan begin jy maar later buitenmuurs swot
Einste – dit is juis hoekom Unisa so ‘n goeie ding is.