‘n Bom het Dinsdag ‘n bus getref wat Egiptiese polisiemanne vervoer het. Een polisieman is dood en 29 ander is in die voorval gewond, het AFP berig.
Veiligheidsmagte in Egipte word toenemend deur jihadiste van die Islamitiese Staat-groep (ISIS) geteiken.
Die aanval het in die Nyldeltaprovinsie, Baheira, ongeveer 260 kilometer noord van Kaïro, plaasgevind toe die polisiemanne onderweg was werk toe.
Jihadiste van Egipte se ISIS-filiaal voer sedert die val van oudpres. Mohammed Morsi in 2013, gereeld aanvalle uit, die meeste hiervan in die Sinai-skiereiland.