Die Bestuurshoof van die Prosperity Groep en van E-Med Rescue 24 Namibië, Bertus Struwig sê hulle sal voortgaan met hulle stryd om toegang te kry tot die vlugopnames van die ambulansvlug wat verlede naweek verongeluk het.
Die Suid-Afrikaanse Burgerlugvaartowerheid het toegang tot die opnames geweier.
Van die laaste gesprekke tussen lughawebeheer en die vlieëniers van die Namibiese lugambulans is verlede Sondagoggend opgeneem voordat die vliegtuig met vyf mense aan boord naby Kaapstad neergestort het.
Al vyf is in die ongeluk dood.
Die Namibiese reddingsdiens het intussen ‘n regspan aangestel om hulle te help om te bepaal wat presies daardie oggend gebeur het.
Die vlugambulansdiens ER24 het vroeër in ‘n verklaring gesê: “Daar word verstaan van die Lughawensmaatskappy van Suid-Afrika dat alle vliegtuie wat die Kaapstadse Internasionale Lughawe in die tyd genader het, in ‘n lugtou geplaas is weens ‘n tegniese fout met hul radars.
“Die E-med Rescue24 se vliegtuig was ook in die lugtou op dié tydstip. Ons het kontak verloor met die vliegtuig ongeveer sewe myl buite die lughawe,” het die verklaring gelui.
Burgerlugvaartowerheid het verklaar dat hulle hul volle samewerking met die ondersoek sal gee.
Intussen het polisie die man uitgeken wat dood is nadat sy ligte vliegtuig in die agterplaas van ‘n huis op Brits in Noordwes neergestort het.
Hy was die 45-jarige Andre Denoon. Die Brits Vliegklub sê die ongeluk het gister plaasgevind.
‘n Woordvoerder, Loanne Louw, sê die vliegtuig het oënskynlik na opstyging neergestort. Denoon word oorleef deur sy vrou Tanya en twee dogters.
Die oorsaak van die ongeluk is nog nie vasgestel nie.
Ek ruik ‘n rot, ‘n baie groot stink ding. Is dit dalk dat die personeel nie opgewasse is vir hul taak nie, of wat sal ons sê, mense lewens is mos “niks” werd nie. Daar was mos amper ‘n baie groot ongeluk by Jan Smuts so ‘n tydjie gelede. Sal maar sien hoe die dinge uitdraai.
Mense lewens in Afrika is niks werd nie – hulle weet dit kan aangevul word in ‘n ommesientjie. Ons sien juis die newe effekte daarvan.
Treine ontspoor, vliegtuie wat neer wetter, busse wat gebrand word, riool stelsels wat verstop, kragstasies wat ontplof, duikbote wat in die seebodem vas duik, militêre voertuie wat onbruikbaar is, myne wat sluit, ens.ens.
Klink vir my uiters normaal vir ‘n Afrika land.
dit was bloot n ongeluk , niks kon dit verhoed nie. Dit is menslik om te vra hoekom maar ek het besef dat geen woorde pyn kan wegvat nie. Andre Denoon word elke dag al meer en meer gemis.
Dit is dan so dat veral pyn buite woorde lê