Chancellor House, die ANC se beleggingsmaatskappy, het kort voor die algemene verkiesing verlede jaar R50 miljoen in hul sakke gesteek toe hulle aandele verkoop het in ‘n maatskappy wat groot kontrakte bekom het van Eskom en aan die staat behoort, het News24 Sondag berig.
Chancellor House het ‘n bykomende R50 miljoen aan dividende ontvang te danke aan sy bande met Hitachi Power Africa (HPA). In 2005 het Chancellor House net R1.25m betaal vir sy aandeel in HPA.
In 2007 het HPA tenders ter waarde van R40 miljard ontvang om drukketels vir Eskom se Medupi- en Kusile-kragstasies te vervaardig. In 2008 het die Openbare Beskermer bevind dat die toekenning van die tenders deur Eskom aan HPA ‘n konflik van belange skep, omdat Valli Moosa, Eskom se voorsitter toe, ook ‘n senior lid van die ANC is.
Robin Duff, HPA se finansiële hoof ten tye van die toekenning, het voorheen ‘n waarskuwing ontvang oor Chancellor House se onbehoorlike politieke verbintenis, maar Duff het verlede week dié bewering ontken.
HPA is ook in die verlede gekritiseer omdat die drukketels vir Medupi en Kusile na bewering deel van die oorsaak vir die groot agterstand by hierdie nuwe kragstasies is.
Mathews Phosa, die ANC se voormalige tesourier, het reeds in 2010 gesê Chancellor House moet sy aandele in HPA verkoop.
Phosa het gesê Chancellor House se belang in groot regeringstenders soos dié van Eskom skep die indruk die ANC “misbruik belastingbetalers om geld in te samel.” Vir baie jare is sy mening geïgnoreer.
Volgens News24 se bronne is die kontrakte vir die drukketels intussen oorgeneem deur Mitsubishi Hitachi Power Systems-Africa (MHPSA), ‘n nuwe maatskappy wat gestig na die samesmelting van die Japannese vervaardigingsreuse Mitsubishi en Hitachi.
MHPSA het nie reageer op News24 se vrae oor Chancellor House nie. David Milner, sy woordvoerder, het bloot gesê die verhouding tussen Hitachi Power Africa en Chancellor House is reeds beëindig met MHPSA se stigting.
Hoekom koop mense nog Japannese karre? Hulle kan die Toyota taxis ook maar aan die brand steek.
Dit is op rekord dat die Duitsers en die Britte net so ‘n oop hand het as dit by omkopery kom. Japanese karre is ten minste aansienlik meer betroubaar as Duitse karre. Vra my, ek het van albei.
Wat Britse karre aan betref, daar is nie meer so iets nie. Mini, Rolls-Royce en Bentley behoort aan die Duitsers. Jaguar en Land-Rove behoort aan die Indiërs. MG en Rover behoort aan die Chinese. Die res het in die vergetelheid verdwyn. Mmmmwwwhahahahahahaha……!!!!!
Wat sal ‘n Boer nou koop? Franse karre is net vir masochiste. Miskien ‘n Amerikaanse kar, soos ‘n Chrysler? Nee wat. Dit laat ons met Koreaanse karre. Hyundai en Kia maak nogal goeie karre deesdae.
Jan Rap ek stem saam met jou – ek het n Civic en is so gelukkig
met my motortjie soos kan kom – lig op
petrol voldoen aan al my behoeftes se tot vir my “sit af jou ligte” as ek dit
vergeet. 4 dodelike skyf remme – en brute krag wanneer ek dit vra.
So sit almal geld in hul sakke maar daar is geen produk of diens. Maar ons moet hande vat want SA is besig om voorentoe te beweeg. Het julle geweet, dat as jy omdraai en terug beweeg, dit ook voorentoe is.