Drie woonstelgeboue het in New York in die VSA ineengestort en ‘n vierde het aan die brand geslaan ná ‘n vermeende gasontploffing.
Brandweermanne het gesê 19 mense is beseer, waarvan vier in ‘n kritieke toestand verkeer, sommige met brandwonde aan hul lugweë.
Die burgemeester van New York, Bill de Blasio het gesê dat dit blyk dat niemand vermis word nie. ‘n Ondersoek na die voorval is aan die gang.
De Blasio het gesê niemand het ‘n gaslek aan die owerhede voor Donderdag se ontploffing aangemeld nie. Con Edison, die gasmaatskappy, het gesê hulle het die hele gebou Woensdag ondersoek en het geen lekkasies gevind nie.
Ooggetuies het vertel hoe bebloede inwoners uit die gebou gehardloop het en in die straat ineengesak het.
Agt mense is verlede jaar in ‘n soortgelyke voorval in die Harlem-buurt dood.
seker n donker area……as die n wat area was, sou niemand beseer gewees het nie, almal sou by die werk gewees het….
Soortgelyk aan die metaangas ontploffing in Welkom – juslaaik.
Tegnies gesproke ontbrand / ontplof die gas spontaan wanneer dit ‘n kritiese konsentrasie / mengsel met suurstof bereik soos wat dit graviteer na die laagste punt.
En dis die KELDER!!
Dit gebeur ook met meubelfabrieke se houtstof en in boere se skure nadat hulle die hamermeul afgeskakel het en die nag is windstil..en die stof sak grond toe..
Die ESKOM kaskenades het tot gevolg dat almal nou gasbottels aankoop en die gevolglike brandgevaar is skrikwekkend.
Ons mense weet nie hoe om op grootskaal met gas te werk nie.
Praag kan gerus vir lesers in die veilige gebruik van gas oplei / inlig.