Die bestuurder van ’n Quantum minibus-taxi het Dinsdagmiddag deur ‘n heining gejaag en teen ’n huismuur in Les Marais tot stilstand gekom.
Polisiewoordvoerder Sersant Anne Poortman sê die bestuurder is na ‘n nabygeleë hospitaal vir mediese behandeling geneem.
Gert Venter, ’n ooggetuie, vermoed die bestuurder het ’n voertuig probeer verbysteek en te laat besef daar is ’n aankomende voertuig reg van voor op pad. “Hy het die aankomende voertuig net betyds gesien en hasepad na regs gekies om ’n ongeluk te vermy. Die naaste uitweg was die heining van die huis op die hoek,” het hy gesê.
Poortman sê daar was geen ander beserings nie.
Bron: Pretoria Moot Rekord
Dis van al die verbysteek dat daar soveel ongelukke en sterftes op die paaie is. Waarom is dit SO belangrik om VOOR ander motoriste te moet wees.