Die Sweedse Akademie het sy werk beskryf as "poëtiese avontuur en sensuele ekstase, wat die mensdom verby en onder die huidige beskawing verken". Le Clézio het in 1980 bekendheid verwerf met sy roman wat oor die woestyn van Noord-Afrika handel. Daarin beskryf hy die swaarkry van Lalla, 'n vrou van die Toearegstam wat moet aanpas by die Franse koloniale lewe aan die begin van die twintigste eeu.
Die Akademie se permanente sekretaris Horace Engdahl het Le Clézio geloof as 'n veelsydige outeur omdat hy ander beskawings en ander leefwyses wat afwyk van die Westerse manier van doen, in sy werk insluit.