EFF-parlementslid, Andile Mngxitama wou die media toespreek, maar moes noodgedwonge sy inligtingsessie Donderdag uitstel toe lojaliste van Julius Malema verrigtinge met geweld ontwrig het.
Mngxitama ondersoek bewerings gemaak deur die leier van die Patriotiese Alliansie, Gayton McKenzie.
Hy het Woensdag getwiet dat hy op pad is na McKenzie se huis om bewyse te sien wat Malema in ‘n moord impliseer. In ‘n ope brief gerig aan Malema, het McKenzie beweer dat Malema sy party se fondse misbruik en ‘n aandeel in die dood van ‘n man het wat gekant was teen Papiki Babuile.
Die EFF se Noordwes-leier, Papiki Babuile is skuldig bevind aan die moord.
Mngxitama wou die media inlig oor sy huidige rol en toekoms in die EFF asook sy verskille met EFF-leier, Malema.
Die twee is haaks oor verskeie kwessies insluitend Malema se beskerming van Babuile.
Die veroordeelde moordenaar geniet ‘n maandelikse salaris wat deur die Noordweswetgewer betaal word, ondanks sy skuldigbevinding. Hy is in Desember en Januarie ‘n salaris betaal maar is sedertdien uit die wetgewer verwyder.
Voordat Mngxitama kon praat by die inligtingsessie by ‘n Southern Sun-hotel, het ondersteuners van Malema en Mngxitama mekaar probeer doodskree en daarna het die strydende faksies tot geweld oorgegaan.
Verskeie pogings is aangewend om Mngxitama aan te rand. Verslaggewers van verskeie mediahuise is ook in die geveg betrokke.
Mngxitama is ongedeerd nadat hy beskerm is deur sy kollegas. Hy het later getwiet dat hy nog lewe en dat die nuuskonferensie sal voortgaan.
Het die verslaggewers wat in die onderonsie betrokke was baie seergekry?
Mhur mekaar !
Ek is ook maar bly daar is bietjie binnegevegte – as hulle rêrig saamstaan gaan al die ander mense in die land brul
So kom dit keer op keer uit, dat die wurm diep binne in die vrug lê, en dat die verrotting van binne af plaasvind.
“EN HY HET GEVAL, EN SY VAL WAS GROOT.”