Eskom het gister erken dat dié maatskappy “nagelaat het om diesel aan te koop”, wat tot die naweek se wydverspreide beurtkragsessies gelei het. Dog verdere kragprobleme is steeds op pad en sal vir ten minste nog 18 maande duur.Ekonome het intussen hul kommer uitgespreek oor die uitwerking wat die landwye kragonderbrekings op die ekonomie gaan hê.Eskom se kaskenades is blykbaar nimmereindigend, want ‘n swaar vragmotor wat die rommel by die Majuba-kragstasie moes verwyder, het ‘n kabel afgesny, wat drie verdere kragopwekkers buite werking gestel het.
Benewens die 5 690MW wat vir beplande instandhouding buite werking gestel is, het verdere kragstasies Saterdag onklaar geraak en omtrent 8 700MW van die netwerk laat verdwyn, het Eksdom se aardig besoldigde HUB, Tshediso Matona, gister tydens ‘n perskonferensie gesê.
Die verdere onklaar kragstasies het die wankelrige situasie verder vererger. Beurtkrag het verlede Donderdag begin.
Maar soos praag reeds gister op ons Engelse blad berig het, sien Eskom geen krisis op die horison nie.
“Eskom is nie ‘n maatskappy wat in ‘n krisis verkeer nie,” sê Matona. “Wat daar is, is bloot ‘n reeks probleme. Ons hanteer die kwessies, daar is oplossings vir al dié kwessies.”Toe hy gevra is of ‘n tekort aan diesel om die oopsiklusgasturbines in die Kaap aan te steek die beurtkrag veroorsaak het, het Matona erken dat Eskom sy bestelling vir diesel uitgestel het en daarom verlede Donderdag en Vrydag ‘n tekort aan diesel ondervind het.
Volgens Matona het “logistiek rondom die lewering van die brandstof” die kragonderbreking veroorsaak. Maar hy het later tydens die onderhoud erken dat ‘n tekort aan kontant by Eskom veroorsaak het dat hulle die gebruik van diesel moes inkort.
Dit kos Eskom omtrent R3 om 1kWu krag by die twee noodkragstasies op te wek. Dié elektrisiteit kan egter net teen 62,14 sent per kWu verkoop word.
Van die R7 miljard wat Eskom begroot het om die twee noodkragstasies te bedryf, bly daar slegs R1 miljard oor vir die jaar wat in Maart 2015 ten einde loop, volgens die finansiële direkteur Tsholofelo Molefe. “Enige verdere behoeftes sal vanuit besuiniging en hertoewysings gefinansier word,” sê sy.
krisis? watter krisis? dink die baas moet n bonus kry, dit sal die probleme oplos
Dit moes ‘n moeilike keuse gewees het – diesel of bonusse – ons weet watter een het gewen.
Hierdie beurtkrag kos ons biljoene bo op die stakings van vroeër die jaar. Ek reken die eknomie is nou regtig in depressive – vergeet van resessie.
“The budget should be balanced, the treasury should be refilled, public debt should be reduced, the arrogance of officialdom should be tempered and controlled, assistance to foreign lands should be curtailed lest Rome become bankrupt, the mob should be forced to work and not depend on government for subsistence, and prudence and frugality should be put into practice.” Cicero, 58 B.C.
Oorlewing !
Ek het ‘n ander voorstel …
Ene ore, vertel ! Jy het my aandag.
Herlaai jou webleser (refresh your browser)!
Ek het ‘n prentjie aangeheg … wat die bier, braai, pistole en kragopwekkers idee heelwat verder vat! Ek glo water, vuur, vuurwapens en goeie honde is meer werd as “Basic South African Survival Pack”!
ABSOLUUT ! Al vier lewensbelangrik. Die RR is mooi, joune ? Waar is die blou bandjie om haar/sy nek ?
Nee, dié RR is nie myne nie (terloops – die water, vuurhoutjies en geweer is ook nie myne nie)
‘n Moet in elke huishouding. Alweer jou humor – dankie !
Mmmmm,,, dit lyk goed maar daar kort ‘n baie belangrike item. Beslis belangriker as die kragopwekker.
Dit is nie bedoel as kritiek nie Kaylee. Hierdie is ‘n puik manier om voorkeure van belangriheid ook te toets nê.
NS
Ek sien nou terloops ook Rifrug s’n. Goed