Lekota is boos

Die adjunkminister van Verdediging, Mluleki George, het aan die Mail & Guardian gesê dat hy intussen bedank het.

Mosiuoa Lekota  sê niemand het hulle kant van die storie gevra nie. Uit Lekota se ontstoke reaksie was dit duidelik dat hy hom nie steur aan oproepe van beide Mbeki en Zuma om aan te bly nie. Hy het uitgevaar teen die twee en gesê hulle hoef nie vir hom te dink nie want hy kan dit self doen. Hy het bygevoeg dat dié kwessie hulle gesinne en gemeenskappe waarin hulle leef, ten diepste raak

George het gerugte dat hy besig is om 'n nuwe party te stig, ontken. Hy het gesê hulle het vir vryheid geveg onder die vaandel van die ANC en sal aanhou om dit te doen. Hy het ook gesê dat die bedankings nie saam besluit is nie. Hy het sy voornemens net met sy vrou en kinders bespreek en natuurlik met sy baas, Lekota.

Manuel het gesê dat hy verbaas is oor die markte se reaksie. Hy het gesê dis algemeen in demokratiese lande dat die ministers ook bedank as die president bedank en dat markte nie so hewig reageer op sulke nuus nie.

Hy het eers besef wat gaan aan toe hy op sy selfoon sien hoeveel gemiste oproepe hy ontvang het. Sy foon was afgeskakel omdat hy per vliegtuig oppad na Washington was vir 'n IMF-vergadering. "Mense het net aanvaar dat ek die skip verlaat het", het hy gesê.