Geagte leser,
Geruime tyd reeds kom ons klaar met ‘n bediener wat al bietjie lank in die tand is. Ons het nou ‘n aanbod om ‘n baie sterker stelsel op te stel, maar ongelukkig gaan dit heelwat tyd en werk verg om dit reg te kry, want ons sal ‘n enorme hoeveelheid data heen en weer moet verskuif, toetse moet doen, en dergelike meer. Daarvoor het ons ook geld nodig.
Ons is baie opgewonde oor die nuwe, groter bediener, want dan sal potensieel miljoene mense ons kan lees sonder dat die stelsel oorlaai word. Daar sal ook veel meer bergingsruimte wees om gratis inhoud vir ons lesers aan te hou.
Teen dié tyd is dit duidelik dat hierdie webblad een van die twee of drie in Afrikaans is wat die nuus en menings aanbied sonder om doekies om te draai. Ook lig ons mense in aangaande die internasionale situasie sover dit vir ons ter sake is. Tot 50% van ons Engelse webblad praag.org se lesers kom deesdae van oorsee, wat ‘n aanduiding is van hoe ons die boodskap ook in daardie taal vir ‘n internasionale gehoor uitdra. Danksy PRAAG, is Afrikaners vandag deel van ‘n internasionale beweging wat daarop gemik is om die Europese beskawing van ondergang en verswelging te red. Ons maak elke dag nuwe vriende vir Afrikaners.
Webblaaie in die Naspersstal vra R99 per maand om hulle te mag lees. Dink net: vir die voorreg om Piet Croucamp of Jonathan Jansen te mag lees, moet u amper R100 per maand opdok! Hierteenoor bly PRAAG gratis en oop vir almal, maar ons het daardie 5% van mense nodig wat vrywillig bydra om ons op die lug te hou, asook die vele ander take aan te pak om Afrikaans en Afrikaners te red terwyl ons op soveel gebiede vertrap word.
Ek het ook vanoggend vasgestel dat PRAAG se voorblad 30 keer vinniger as ons mededinger s’n aflaai, en omtrent 30 keer ligter (kleiner in kilo- of megagrepe) ook is. Nie net is ons vinniger nie, maar omdat ons ons blaaie doelbewus ligter maak, is dit ook soveel goedkoper om ons te lees omdat u sodoende minder data gebruik. Vele lesers beskik nie oor onbeperkte maandelikse data nie en daarom kan oorgewig webblaaie maklik daardie kosbare hoeveelheid data, veral op mobiele toestelle, opvreet.
Van nou af tot die einde van die maand sal ons baie hard moet werk om die tegniese verhuising af te handel. Sodra ons daarmee klaar is, gaan ons allerlei voordele aan ons betalende lede en intekenare beskikbaar stel. Ons gaan ‘n hele stelsel bou waarmee u eksklusiewe toegang tot ‘n hele digitale biblioteek sal geniet. Daarom, ondersteun ons asseblief met ‘n maandelikse debietorder, dis in u en ons almal se belang.
Hou hierdie digitale avontuur aan die gang.
Klik hier en vul die vormpie in!
By voorbaat baie dankie.
Dr. Dan Roodt
Eindredakteur
Sterkte! Praag bring moed en hoop. Die Praagfamilie is wonderlik.
Goeie nuus van julle groei.
Ja die baie kiekies is onnodig op die voorblad.
Seenwense.
Moenie bekommer nie, ons is daarmee besig!
Elke keer as ons ‘n artikel oplaai, sien ek dat daar 16524 artikels hier in Afrikaans is, asook 4098 in Engels op praag.org. Saam maak dit 20622 artikels! As elke artikel gemiddeld 500 woorde lank is… verteenwoordig dit 10311000 (10,3 miljoen) woorde. Watter kleinood vir Afrikaans en die Afrikaner!
Dit is oral soekbaar via Google en ander soekenjins en om dit te bewaar is ook ‘n groot en belangrike taak, want ons hou drie rugsteune aan, twee op verskillende bedieners in verskillende stede in ‘n Europese land en een hier in Suid-Afrika. Dus al word al ons rekenaars hier deur ‘n vyandige owerheid gekonfiskeer, sal praag se inhoud oorleef.
Sodra ons op daardie groter en sterker bediener is, kan ons regtig iets groots laat gebeur!
Voorwaar ‘n skitterende prestasie. Dankie vir u volhardende en onvermoeide arbeid dr Roodt. Hou moed en doen so voort.
“10 311 000 woorde”… Wat was die langste woord, die mees gebruikte woord (Langer as vyf letters) en die mees gewilde tyd van plasing asb? Sluit dit die gesensorde skrywes uit? Baie waardering, dankie, geluk, sterkte en DV, gesonde, geseënde groei en uitbreiding.