Die Kaapstadse burgemeester, Patricia de Lille, het haar gedistansieer van ‘n verklaring dat die ANC-veteraan, Winnie Madikizela-Mandela, inligting laat uitlek het.
Madikizela-Mandela was glo een van verskeie Parlementslede wat inligting oor die 1999 wapentransaksie gelek het.
Die inligting was vervat in die sogenaamde De Lille-dossier. Die vraag voor die kommissie het gehandel oor wie die dossier help opstel het.
‘n Teenstander van die wapentransaksie, Terry Crawford-Browne, het vroeër aan die Seritikommissie van Ondersoek gesê Madikizela-Mandela het getuienis oor moontlike bedrog en korrupsie met die wapentransaksie laat uitlek.
Crawford-Browne het gevra om die name aan Regter Seriti vertroulik te oorhandig, maar die regter het daarop aangedring dat hy die name in die openbaar noem. “Ek wil hê dat jy die name in die openbaar gee.”
De Lille sê sy het Crawford-Browne nooit vertel dat Madikizela-Mandela aan haar dokumente oorhandig het nie. Maar De Lille wou nie verdere vrae beantwoord oor of sy Madikizela-Mandela wel in die dossier noem nie.
De Lille was destyds ‘n Parlementslid van die PAC. De Lille het haar van verklarings deur Crawford-Browne gedistansieer.
Hy het vroeër aan die kommissie gesê inligting in die sogenaamde ” De Lille-dossier” is versamel deur intelligensie-agente van die ANC wat met LP’s saamgewerk het.
De Lille het vroeër vanjaar voor die kommissie getuig en haar dossier as getuienis ingedien.
Madikizela-Mandela wou nie navrae beantwoord nie.
“Madikizela-Mandela was glo een van verskeie Parlementslede was wat …”
Te veel ‘was’ in dié sin …
Wat was was voor was was was?
Skrop 🙂
Was was was, voor Was wis was was ook Skrop. Beide gewis familie van Skrobbering?
Wat was was voor was was?
Byewas.
Nee, Gewees. 😉
dink ne die oussie was nie
Was haar was dan nie afgewas nie? Is dit hoe die sieswe by umkhonto uitgekom het?
Lekker – Winnie is seker uitgesluit uit die voordele van hierdie transaksie toe blaas sy maar die fluitjie daaroor. Die wapentransaksie is ‘n reuse terugbetaling aan diegene wat die ANC destyds gehelp het – natuurlik met voordele vir die “konsortium” soos ek al gehoor het dat hulle genoem word. (hierdie sluit al die hoë koppe in AL die faksies van die ANC in). Mag die hele lot van hulle se kieringkies braai.
onthou die begrafnis debakel, die ossie is die verkeerde ene, die bravo’s sien haar nog as die mamma van die revolusie