Hierdie staat is so dood soos ‘n vark

As ons eerlik is, is Verwoerdianisme of afsonderlike ontwikkeling nooit veel van ‘n kans gegee om te slaag nie. Skaars het dit in die vroeë sestigerjare beslag gekry of dit is met fanfare afgeskiet.

Suid-Afrikaners behoort dieselfde ongeduld met die huidige pseudo-demokrasie te betoon. Ná 20 jaar is dit glashelder watter klugtige mislukking dit is. Ministers, wat die staatskas leeg steel, laat diere op plase sonder kos en water vrek.

roodt_fbfotoSo pas gister het ons uitgevind dat “doktor” Pallo Jordan, ‘n grootkop in die ANC wat eens die Franse parlement toegespreek het terwyl Mbeki besig was om sy roes in ‘n hotelkamer af te slaap, oor sy PhD gelieg het. Vele senior bedryfslui, soos die hoof van die SAUK, het nie eens matriek nie en lieg dáároor ook. Leuens, grypsug, diefstal, misdaad, moord en doodslag vier hoogty.

In enige normale demokrasie sou die regering reeds lankal moes bedank het en die stelsel grondig hersien gewees het. Vanweë Suid-Afrika se sieklike pro-Britse en polities korrekte hoofstroommedia, gebeur dit egter nie. Telkens word daar net naarstig na nóg ‘n pleister gesoek om op die mislukkende stelsel te plak.

Die woord “demokrasie” is besig om in ons land dieselfde wrang smaak te ontwikkel as wat dit in die DDR (“Duitse demokratiese republiek”) of Pol Pot se “Demokratiese Kampoetsja” gehad het. Hoe gouer ‘n devolusie van mag plaasvind sodat gewone mense inspraak in regering kan verkry, hoe beter. Die etniese en talige mosaïek wat Suid-Afrika is, moet erken word.

“Nasiebou” is ‘n dooie vark wat reeds lankal sonder kos of water gevrek het. Kom ons begrawe hom nou finaal en gaan met ons lewens aan.

Geen Afrikaner behalwe Roelf Meyer het ooit tot hierdie grondwet ingestem nie. Dit is slu en ondemokraties op ons afgedwing. Afrikaners moet nou opstaan en die leiding neem om die land uit die gemors te red waarin die marxistiese oligargie van Joe Slovo, Ronnie Kasrils, Gill Marcus en ander Rooi gespuis ons gedompel het.

Indien die ou stelsel toegelaat was om voort te bestaan, sou dit natuurlikerwys tot ‘n konfederasie of kantonstelsel ontwikkel het, met die tuislande wat groter en outonome kantons sou gevorm het. Dorpe en stede sou groter magte verkry het en iets soos Pretoria en sy omliggende gebied waar die meeste Afrikaners woon, sou insgelyks tot ‘n Afrikanervolkstaat ontwikkel het waarbinne ons taal, kultuur en gewoontes bewaar sou gebly het.

Pleks daarvan het Suid-Afrika die Zimbabwe-pad van revolusie, radikalisme, grondhervorming en antiblanke rassisme gekies. Dis egter nog nie te laat nie.

Ek het min vertroue in die vorige geslag van Afrikanerleiers, asook diegene wat by die formele partypolitiek betrokke is. Hul soort ingeburgerde baantjie-vir-boeties-kultuur verhoed ons om vooruitgang te maak. Daar word baie gekla en gepraat, maar nie veel gedoen nie.

Ons eerste groot taak is om die dooie vark te begrawe. Hierdie stelsel diskrediteer homself, maar dit moet nogtans baie duidelik uitgespel word, sowel binnelands as buitelands.

Wat PRAAG betref, werk ons nou in topversnelling op sosiale media en op die internet, maar ook agter die skerms op ander gebiede, om die noodsaak van verandering te beklemtoon. Ons moet die howe, internasionale instellings, asook lydelike verset, gebruik om die “valse god” van die 1910-staat tot in die grond af te breek.

Laasgenoemde uitdrukking (die “valse god”) kom uit Koos Malan se boek, Politokrasie – ‘n Peiling van die dwanglogika van die territoriale staat en gedagtes vir ‘n antwoord daarop, waarin hy ‘n historiese blik bied op die opkoms van die Westerse sekulêre staat wat heelhuids deur die swartes van Afrika oorgeneem is, tesame met die koloniale grense! Terwyl die swartman elke dag gal braak oor rassisme, kolonialisme en blanke oorheersing, gedra hy hom in sy verknogtheid aan Westerse staatlikheid soos ‘n kinderlike na-aper van blanke gebruike en ideologieë.

Die Afrikaner is polities en strategies nie baie slim nie – vandaar ons huidige verknegting – maar ons is oorspronklik. Net gister val my oog weer op Van Wyk Louw se pleidooi vir oorspronklikheid in Maskers van die Erns.

Selfs Einstein het gesê dat “verbeelding kragtiger as intelligensie is”. Uit die Afrikaner se oorspronklikheid en skeppingsdrang het Afrikaans, die Boererepublieke, asook ons eens voortreflike eerstewêreldstaat met sy onderwys, weermag, kunsterade, wetenskaplike navorsing, ens., ontstaan.

In elke stereotipe uitdrukking skuil ‘n greintjie waarheid. Só is dit ook met “‘n Boer maak ‘n plan”. Die huidige onsekerheid in die land is ons vriend, nie ons vyand nie. ‘n Mens skep uit chaos, nie uit orde nie. Soos NP van Wyk Louw dit stel:

“Op gebiede waar ons sekerheid kan hê, is verdere oorspronklikheid uitgesluit.”

Die Engelsman in Suid-Afrika het dít in gemeen met die swartman dat hy iets van elders wil kopieer, selfs plagiariseer. Vandaar sy slagspreuk, “Brits is beter”, waarmee een mislukte Britse resep ná die ander op ons Suid-Afrikaanse situasie toegepas word. Die Engelse is ten minste ewe skuldig aan die huidige stelsel as die korrupte swart elite, indien nie meer nie.

Deel van PRAAG se strategie is om Engelse denke in Suid-Afrika op elke moontlike gebied te lyf te gaan. Die Engelse raak onseker, dis waarom hulle tjank as Steve Hofmeyr Die Stem sing. Dis nóú die tyd om hulle meedoënloos te kritiseer, selfs te bespot, soos dit laas in die 1930s en 1940s onder Afrikaners gedoen is.

Net soos die Engelsman in sy voortvarendheid en grootheidswaan die etiket van “apartheid” op die Afrikaner geplak het, moet ons nou die skande van dié “demokratiese mislukking” op hom plak. Elke hoender wat vrek, elke plaas wat verval, elke gat in die pad, elke sent wat gesteel word, moet aan die adres van die Engelse beterweters gerig word. Jare lank het hulle ons belowe dat die utopie sou aanbreek as daar net ‘n Westminster-stelsel van “een-mens-een-stem” ingestel sou word. Wel, ons beleef nou die fameuse Rooinek-utopie in sy skitterende glorie. Net soos hulle ons nooit van apartheid gaan laat vergeet nie, moet ons hulle tot in aller ewigheid aan die Groot Gemors van 1994-2014 herinner. Ons kinders moet in die skole daarvan leer en ons kleinkinders moet dit nog ontleed as ‘n waarskuwing van wat gebeur as jy jou ore aan Engelse uitleen.

Ons sal ‘n oorspronklike nuwe stelsel moet bedink. Maar eers sal dié een geheel en al in duie moet stort. Ons moet hom nie red nie. Net soos wat die swartman oor ‘n groepstrategie beskik om slegs sy eie ras te bevoordeel, en die Engelsman insgelyks na sy Angel-Saksiese Ryk en sy eie sak omsien, moet ons eie groepstrategie wees om na Afrikaners om te sien.

Afrikanerkapitaal sal gemobiliseer moet word om grootliks ‘n eie ekonomie en infrastruktuur op te rig, naas die Suid-Afrikaanse wat gedoem is om tot op die vlak van Zimbabwe s’n te verval.

Ons kán dit doen. Ná die verwoesting van verskroeide aarde in 1902 het ons weer opgestaan. Ons het die droogte en Groot Depressie van die 1930s oorkom. Ons sal die huidige ineenstorting ook oorleef en beter en sterker anderkant uitkom.

Daar is lankal vanuit Londen, asook die ryk Engelse voorstede van Johannesburg en Kaapstad, ‘n semantiese oorlog teen die Afrikaner verklaar. Kom ons begin nou antwoord met grofgeskut, op hierdie webblad, op Twitter, Facebook en oral waar ons kan.

Hierdie staat is nie so dood soos ‘n mossie nie. Hy is so dood soos ‘n vark. En geen kwotaveearts van Onderstepoort gaan weer lewe in hom kan blaas nie. Ook nie Naspers se Koos Bekker met sy miljarde vanuit die suide van Frankryk of waarhy ook al partytjie hou nie.

Kom ons begin dit net sê. Ons kort “spraakhandelinge” soos een of ander Amerikaanse filosoof dit genoem het. Sommer baie daarvan. En voor ons oë sal die klug van die Ruwe Suid-Afrika wegkwyn. Meer presies: wegvrot. Soos Thandi Modise se varke, hoenders en bokke. Of Pallo Jordan se doktorale graadsertifikaat.

Laat die Britse Interhamwe in ons land die hasepad begin kies soos laas toe hulle mekaar vertrap het om voor De la Rey en sy manne by Magersfontein weg te kom!

Kom ons looi die bliksems.

45 thoughts on “Hierdie staat is so dood soos ‘n vark”

  6. More Dr Dan,
    Dankie vir hierdie stuk motiverende rubriek wat ons almal voor gewag het om deur te kom ,en ook so nodig het.
    Ek glo ons moet onsself ook dan nou net self bemagtig deur te lees en by te hou met al hierdie negatiewe inligting wat ons positief kan aanwend as geskut.
    Help my reg as ek dit verkeerd vertolk het.

  8. Twee dinge wat jy hier meld:
    1. ‘n Mens skep uit chaos, nie orde nie;
    2. Na die verwoesting van verskroeide aarde van 1902 het ons weer opgestaan.

    Met dit in gedagte was my siening nog altyd dat dit nog BAIE swaarder met die Afrikaner sal moet gaan alvorens die juk afgewerp word. Dit gaan nog te goed met ons. Ek is bevrees dat ons eers vlugtelinge van ‘n revolusie sal moet wees, met BAIE bloed, en grootskaalse lewensverlies alvorens GENOEG Afrikaners se skille van die ogies afval. ‘n Baie klein minderheid VERSTAAN wat aan die gang is (soos die lesers hier) – die meesste het nog nie swaar genoeg gekry nie: – NET hul eie bloed – en baie daarvan – sal die werklikheid laat inskop. Intussen vind ons kollektief vertroosting in daardie afskuwelike dwelmmiddel: “rugby”, en ons eie goedgelowigheid en optimisme..

    Dus wag ons maar geduldig vir die dag wanneer die verskil tussen “lewe” en “dood” inskop met al sy onvergeeflikheid. Wanneer ons openlik gejag en geslag word soos diere, en nie kovert onder die dekmantel van “gewone misdaad” nie – eers DAN sal die pad na ‘n eie plek vir ons paar miljoen mense gestap begin word.

    Dis jammer – maar bloed is vir ‘n volk soos hitte vir metaal. Dit suiwer, en temper. En ‘n Phoenix kan nie oprys en leef voordat ‘n verwoestende vuur eers alles tot niet gemaak het nie.

    Ek is verheug oor die EFF se snelle opgang. Dit versnel dinge na die onafwendbare, nodige resultaat. En DAARDIE resultaat gaan die passiewe, goedgelowige voorstedelike, beskaafde Afrikaner met ‘n HELSE slag laat wakker skrik!

    Ek bid vir daardie dag!

    1. Dankie vir jou skrywe Janus …

      Ek sit hier en oorweeg of ek iets gaan sê … wil die mooi optimisme van vriende soos Dolk en ander praagers nie onnodig demp nie!

      Andy sê: “Met spraakhandelinge, op Twitter, Facebook en op Praag” (haal Dan aan).

      Is ‘spraakhandelinge’ nie maar net ‘n mooi woord vir ‘bekgevegte’ nie?
      Is Twitter, Facebook nie maar net internet ‘optogte’ waaraan die wat die mag het, hulle nie naastenby steur nie?

      Ek stem met jou saam dat “daardie afskuwelike dwelmmiddel: “rugby”, en ons eie goedgelowigheid en optimisme” eers gekelder moet word

      … ek bid saam met jou vir daardie dag!

        1. Dankie Trippie.

          Dit is nie vir my lekker om met ander praagers te verskil nie … so ek probeer stilbly (waar ek kan).

          Titus 1:12-13 Een uit hulle, hul eie profeet, het gesê: Die K…. is altyd leuenaars, ongediertes, lui buike. Hierdie getuienis is waar. Daarom moet jy hulle skerp bestraf, sodat hulle gesond … (gaan lees die res maar self!)

          1. Nee Riffels, moet nooit stilbly nie, wanneer jy verskil, is dit altyd op ‘n baie mooi manier (dankie) – ek gaan verseker lees voor slapenstyd. Onthou ook, maak nie saak hoe oud ek (ons) is nie, ek leer DAAGLIKS, danksy ook aan mense soos jy.

      2. Ek het baie bewondering vir Afrikaners wat steeds, ten spyte van die uiterste provokasies wat ons daagliks beleef, probeer om beskaafd te bly. Ek het begrip – ek is ook beskaafd.

        Ons herdenk hierdie maand die aanbreek van die Eerste Wereld Oorlog, eerste skote was geskiet op 28 Julie, in Bosnia-Herzegowina toe die Ooster-Hongare geswig het onder die Duitse Keiser se maand-lange druk om die serwiers op hul plek te sit. (Terwyl hy in Swede vakansie gehou het…) Presies ‘n maand voor dit het ‘n man met die naam van Gavrilo Prinsip gesit en koffie drink, kwaad oor die uittartende houding van Frans Ferdinand, kroonprins van Oostenryk – Hongarye, wat paradeer deur die strate, uittartend, uitdagend – op daardie heilige datum – 28 Junie. En toe staan hy op en gaan skiet hom en sy vrou dood in hulle “blou lig brigade.”

        Hierdie daad het verby die Oostenrykers se “militere grappie” van 28 Julie gelei tot die inval van Belgie deur die Duitse magte, op 4 Augustus (as ek nie mis nie).

        Eensklaps was die Hele Europa gedompel in krisis – beskaafd of nie. En die vuur het gebrand – en die bloed het gevloei – en die sade vir Hitler was geplant…al sou daardie plant eers begin opkom in 1929…

        Die vetgevoerde, Spur etende, Rugby kykende en Beeld lesende Afrikaner verstaan nie HOE vinnig die “sentrum kan meegee nie”. Hoe vinniger hy meegee, hoe vinniger kan ons nou maar almal gaan bloei (van ALTWEE kante af), en dan, as almal genoeg gebloei het – kan ek MY VOLKSTAAT KRY!!!

        (Daar sal natuurlik na die tyd verhore plaasvind vir mense soos FW, Piet, Tim, Adriaan ens. Hulle sal regverdig verhoor word. Indien skuldig – sal hul gefussilieer word. Vinnig, dodelik, pynloos. Ons martel nie mense nie – ons is beskaafd.)

        1. LEKKER … jou skrywe lees soos ‘n roman … dalk moet jy en Gustav saam span!

          – Eensklaps was die Hele Europa gedompel in krisis – beskaafd of nie.
          – En die vuur het gebrand – en die bloed het gevloei
          – staan hy op en gaan skiet hom en sy vrou dood in hulle “blou lig brigade.”
          – as almal genoeg gebloei het – kan ek NOU MY F* VOLKSTAAT KRY?

          Asseblief. Moenie die loop van my R5 miskyk nie …
          Ek is nie hier om te onderhandel nie
          Gee terug
          Wat myne is …

          Ons martel nie mense nie – ons is te beskaafd!

          2. Sien jy! Vrekkit! (Ek sit nog met die burger-smaak in my mond – toe ek dit lees! Toe dink ek… :-))

      4. More Rifrug,
        Ek dink jy het dit reg as jy sê dit klink eerder na “bekgevegte”. Ek het egter ook n vermoede dat sulke gevegte vir die vyand later baie irriterend kan raak, soos n klippie in die skoen terwyl ek marsjeer en nie kan stop om iets daaraan te doen nie.
        Daardie aanhoudende gedrup van n kraan.
        met jou daaropvolgende sin stem ek dan natuurlik saam, want sal die ander handeling van hulle kant af kan wees.
        Om dit bloot te ignoreer.

    1. Nee ons is nie! Weet jy wanneer is ons? Wanneer jy jou vrou en kinders oorgee om verkrag en opgekap te word! Wanneer daar ‘n snerpende, wanhopige wind deur die gange van jou en die om jou se siele begin tier… Wanneer jou gees kaal en deurdrenk met die uitskeiding van jou vyand stil en verslae terug sink… Dan is dit gedaan.

      Selfs nie eers oor my dooie liggaam nie! Na my sal my kinders DV daar wees – hier waar ek lewe, wapper ons Volk se vlag NIE halfmas nie! Ek is gereed wanneer dit moet.

      Kyk na Noag en word wys…

      Hoeveel mense was daar van Israel in die begin – wees getrou aan God en vertrou met jou HELE wese in Hom. Met liefde bo alles vir Hom.

      Ek WEET dat ons Volk weer God sal dien! Mag hulle wie dit nie glo nie se lippe met ruwe goiing-gare toegewerk word!

      Ek en my familie is VRY van hierdie barbare se kettings! Jou losmaking en bevryding begin in jul SIELE en GEES! Nie deur hul dierlike toestemming of deur Mammon nie!

      Wanneer dit weer begin reën… Wanneer jy die eerste druppel op jou vel voel… Onthou die Woorde…

      1. More Dolk,
        Ek staan op aandag terwyl ek hierdie ontboeseming van jou lees. Ek stem volmondig saam. “Dink iemand waaragtig dat God slaap.” Hoor my ,daar is diesulkes. maar hulle sal wakker word soos ek vaoggend.
        Ek was in n ligte slaap ongeveer 4 uur, en die woorde het by my opgekom, WEE HOM WAT VIR SY BROER Sê RAKA, JOU DWAAS, (Ek weet dit is in die Bybel geskrywe maar kan nou net nie presies onthou waar nie). Met die dat ek met hierdie woorde wat deur my refrein lê, word ek bewus van helder lig in die kamer. Ek was oombliklik helder wakker. Die vertrek was redelik verlig, meer as vorige aande. Vir n paar sekondes (30+) toe het dit weer stadig verdwyn.
        Ek deel dit met JOU. ek weet jy sal nie lag daaoor nie.

        1. Goeie more aan u…

          ‘n Golf hoedervleis het deur my gees gespoel toe ek u skrywe lees…

          Mat 5:22 Maar Ek sê vir julle dat elkeen wat vir sy broeder sonder rede kwaad is, verantwoording moet doen voor die gereg; en elkeen wat vir sy broeder sê: Raka! moet verantwoording doen voor die Groot Raad; en elkeen wat sê: Jou dwaas! moet verantwoording doen in die helse vuur.

          Baie dankies vir die deel darvan.

          2. Baie dankie.

            U weet… En ek wou nog “Vrede” aan u tik – toe dink ek dit sal dalk snaaks klink…

            Vrede aan u en u familie ook.

            NS Ons moet ophou huiwer – om goed te doen…

  14. Janus
    spraakoffensief spraakhandelinge of te wel bekgevegte verreis dat jy moet kan reg spel , Boet.
    Dis nie ‘ Libtard’ nie maar LibTURDs – (_!_) of (_o_)

    :-))
    Om die spot te dryf met die lot Broeders en Kaders en ander Eff-offs is die beste wapen – hulle haat dit om verkleineer te word – baie sensitief vir humor….

    Laat ons die vloere was met die lot patete van Nasty Press narre. Hulle kan nie meer ernstig opgeneem word nie. Ek het Sonja Loots se feminisme besktyf as Bitchy-Witchy en geskik vir die Afrikaner museum.en die mans is Blacklabour Boepens Bullebakke. BBB’s ook geskik vir die museum van verlore sake.

  17. Janus, het so pas al jou insette van die afgelope paar dae gaan lees …hel man…jy klink vir my soos “Boetie is (goed) de bliksem” in. Amper nes Dok Dan wat sê “Looi die bliksems” Val die woordjie boonop tog ook nie so lekkkker op die tong nie. Nee, natuurlik niks daarmee verkeerd nie. Ons sal met graagte ophou belasting betaal, maar…….dan gaan ons vervolging in die gesig staar. Jy ken seker nog nie die taksmannetjie so alte wel nie. Hy sal vir jou wurg tot elke bloue sent plus rente op rente aan hom oorbetaal is. Jy sal Mandela se kop op elke muntstuk vryf tot sy oe begin traan, maar betaal sal jy betaal. Nee wat, daardie truuk het ek ook al probeer. Dit werk NIE !
    Al te goed weet ons nou al die geldjies gaan vermors word, maar betaal bly maar die wet van Transvaal. TV license, ai jai jai, toe ek laas keer my visvanglisensie ewe onskuldig uit my beursie opdiep was die man nou nie juis baie beindruk met my nie. Wou weereens ‘n stywe boete ople, maar nou ja, ons het ook mos nou alte lekker leer lieg in ons wonderlike Suid Afrika, en hy is daar weg onder die indruk dat oek die TV net stoor vir ‘n vriend wat tans in die tronk sit.
    Verkeersboetes se jy….tot jy gestop word langs die pad en die spoedmannetjies jou geboei daar wegneem…oeh eh eh, daai een ook probeer. Moes toe maar elke agterstallige ou boetetjie eers betaal. Het mos toe ook nou nie pêlle op hogere plekke gehad wat ‘n paar toutjies kon trek nie. Die e-tag nog nie nodig gekry nie, ry maar steeds ompaaie. Die ongehoorsaamheid en VERSET truuk ook probeer……amper met my gat in die tronk beland. Dit het mooipraat gekos om myself daar uit te kry. allerhande beloftetjies soos ‘n kas brannewyn of whiskey. Nogal effens geskrik toe die hele Polisiemag soos een man voor my kom staan met sulke groot gunne in hul hande. Het later eers gehoor dis .38 Specials. Gelukkig was daar badkamers naby want jy weet mos wat gebeur as mens so groot skrik.
    Wat ek eintlik vir jou probeer se is dit…….GUTS as jy alleen staan help jou net mooi niks. Moet nou nie dat ek jou vlammetjie blus nie, ons het manne soos jy nodig.
    Wees gegroet.

    1. Hanna-Jo…

      Wat jy kort is Geloof, Hoop en Vertroue in God – NIE in jouself of dié om jou nie… En ‘n beurende Dolk… mikrometers van jou nekaar af…

      Jy mag dalk vir my lag wanneer jy my vir die eerste keer sien… Maar jy sal waaragtig nie die laaste lag – wanneer die Donker haar hande geruisloos agter jou rug toemaak nie…

      En nou gaan ek koffie maak, reinig, tande borsel en Knielend aan die slaap raak…

Maak 'n opvolg-bydrae