deur BJ Engelbrecht
Ek dink al twee weke hoe om hierdie brief te skryf sonder om negatief te wees oor die Afrikaner se toekoms is Suid-Afrika. As mens om jou kyk sien jy net negatiewe tekens vir ons, ons sien korrupsie en ons teenstanders sien konneksie. Die skeuring tussen reg en geregtigheid en straf raak net al hoe groter. As jy op die regte plekke het, hoef jy nie verantwoordelikheid te aanvaar vir jou dade nie. Die snaakse ding in Suid-Afrika is dat dit ‘n demokrasie genoem word, maar dit beteken nie omdat dit so genoem word dat dit wel een is nie.
Die Afrikaner ry golwe van oplewing en sit en wag….wag vir wat? Ek ervaar dit self; dit voel partykeer of ek teen die mure kan uitklim van frustrasie en vra ek 5 minute om gehoor te word, dan kry ek nie eers ‘n antwoord terug nie, want ek is nie belangrik genoeg in die belangrike mense se oë nie, ek pas nie in by hulle belangrike plan nie. Ander kere voel dit of my hart uit my bors gaan klim van trots as ek hoor hoe boere mekaar help en hoe mense om ‘n gemeenskap soos Rustenburg laertrek. Ek glo nie en hoop nie ek ly aan grootheidswaan nie, want ek glo daar is honderde duisende mense wat net soos ek voel, wat stom en verslae rondkyk vir antwoorde en gehoor wil word en dan net groot woorde lees op sosiale netwerke en koerante oor wat hierdie en daardie ou in die vorige eeu gesê het en hoe dit betrekking het op Suid-Afrika vandag. Dit is irrelevant in ‘n tyd waar mens nóú antwoorde, gemoedsrus en motivering soek.
Jy as Afrikanerleier, hetsy politiek, vermaak- of ander vorm kan nie die gewone Afrikaner beïndruk met groot woorde nie. Die enigste ouens wat jou antwoord op jou stellings in die media is die 2% wat ook vyf grade agter hulle name het en in die kringe beweeg waarin jy beweeg. Die ander 98% van ons verloor jy in die eerste twee sinne. Ons leiers moet leer om met die Afrikaner se hart te praat, en ‘n standpunt in te neem en daarby te hou. Dalk het die Afrikaner ‘n nuwe leier nodig uit die werkersklas, iemand wat die taal van die gewone ou op straat kan praat. ‘n Man met ‘n stem wat mense se koppe laat draai. Ná die verkiesing het ek nog nie weer een sms gekry van enige politieke party oor die groot dinge waarmee hulle nou besig is nie, alles doodstil. Moet die aanloop na die volgende verkiesing nie dalk ‘n 5-jaarplan in plaas van ‘n 5-weekplan wees nie?
Sunette se Klein Vallei-projek trap klei, want sodra iemand geld ruik, raak die grond daarvoor ewe skielik onbekostigbaar duur. Sy skryf daagliks op Facebook soos wat plaasmoorde gebeur en dit laat my wonder wat word van daardie plase ná so ‘n boer vermoor is? Koop iemand in die kontrei die plaas, koop een van ons teenstanders die plaas of trek die familielede wat oor is dorp toe en ‘n ekonomiese eenheid wat bygedra het tot voedselsekerheid word onproduktief? Hoekom kan ons nie om ‘n tafel sit met die familie wat agtergebly het en ‘n huurooreenkoms aangaan dat 33% van die oesinkomste aan die familie gaan, 33% aan ‘n gevestigde boer in die omgewing wat help om die boerdery te bestuur en 33% aan ‘n paar Afrikaner gesinne wat op die plaas gevestig word en op ‘n kibboetsstelsel op die plaas werk met ‘n oesbonus elke jaar? Ek weet dis baie eenvoudig gestel maar daar moet ‘n manier wees om hierdie ontvolking te keer. “‘n Boer maak ‘n plan” is ‘n Afrikanergesegde vandat ek my verstand gekry het. Dit raak nou tyd dat ons begin planne maak, nie lugkastele nie maar planne wat kan werk. Ons benodig suksesvolle planne en ons eie propagandamasjien om weer ons mense te laat opkyk en hul borse uit te stoot. Elke keer wat ons val, raak die donker gat al hoe dieper tot ons nie meer die lig sal kan sien nie.
As mens kyk na TV-advertensies word ons Afrikaners 99% van die tyd uitgebeeld as onnosel. Ons is nie onnosel nie maar dit word elke dag in ons gesigte geprop. Hoekom is dit nie meer gewild vir jongmense om Afrikaners te wees nie? Want ons word as onnosel uitgebeeld. Hierdie is ‘n doelbewuste aanslag teen elke Afrikaner. Ons het nodig om ons eie mense op te rig en op te bou.
Ek het nie die antwoorde nie, maar wat ek wel weet, is dat ons sit en wag vir een of ander wonderwerk om te gebeur sodat alles net weer sal regkom. Ek glo die ongesiene, ongeskrewe beleid is om hierdie land in die grond in te ry todat almal ewe min het en ‘n paar fat cats alles besit, dan kan dit baie makliker as ‘n kommunistiese staat bedryf word, want dan is almal van die staat afhanklik.
Ons wag vir Siener van Rensburg se ou met die bruin klere om van Lichtenburg af te kom. Ons wag vir iemand om vir ons ‘n stuk grond te gee sodat ons ons eie ding kan doen, en ons wag, en ons wag, en ons wag. Daar is binne elk van ons ‘n ou met ‘n bruin safaripak aan, daar is binne elk van ons ‘n hart van ‘n leeu, daar is binne elk van ons die bloed van geslagte van deursettingsvermoë en oorlewing. Hou aan trots wees op jou Afrikanerskap, as jy val staan weer op, jy is dit verskuldig aan jou voorgeslagte en jou nageslagte. Jy is deel van die belangrikste generasie en tyd in die Afrikanergeskiedenis. Elk van ons is ‘n fakkeldraer vir die voortbestaan van ‘n volk of die verdwyning daarvan en net jy weet of jou fakkel brand en of hy geblus is.
Sterkstaan!
Puik skrywe BJ Engelbrecht, geskryf sodat elkeen presies tot in die hart en siel van die Boer kan sien, lees en verstaan, die 98% na wie jy verwys.
Ek stem saam met al die punte wat jy hier noem, veral, ons het nog altyd opgestaan as ons geval het, met durf en daad, en natuurlik glo ek, God met ons.
Ons moet ook in gedagte hou, die oorgrote meerderheid mense met skoolgaande kinders, kan nie privaatskole bekostig nie en is uitgelewer aan die staatskole, wat ook beteken, kinders van alle kleure en gelowe word gedwing om saam skool te gaan, word gedwing om saam aan skoolaktiwiteite deel te neem, veldskool by te woon, wat ook meebring dat daar saam in dieselfde kamers geslaap word, gestort word, ens.
Baie van ons jong ouers is self liberaal, dus is dit geen probleem vir die kind om saam met swartes selfs te kuier nie.
Ek wens daar was ‘n kits-oplossing of ‘n wonderwerk, maar, ons sal self die hand aan die ploeg moet slaan, sonder om, om te kyk. Waarom voel dit vir my, ons sal eers alles verloor tot op die grond, dan besef dat ons, soos ons voorouers, sal en kan opstaan en ‘n sukses maak van die land, dit wat dit eens was.
Ons moet onsself verbind tot ‘n vaste wilskrag en trots vir ons eie volk en so ons pad vorentoe baan vir ‘n vrye bestaan vir ons en ons kinders.
Selfbeskikking is die antwoord.
BJ Engelbrecht sê “Ek glo die ongesiene, ongeskrewe beleid is om hierdie land in die grond in te ry todat almal ewe min het”.
Fakkeldraer sê “ons sal eers alles verloor tot op die grond”
Ek moet ongelukkig met julle saamstem … dis hoe ek dit ook sien.
Selfbeskikking = weghardloop. Dis regtig nie die antwoord nie
Stem
NOG N STEM
Andy, verduidelik asb vir my, jy stem saam met Rooikop dat hy nie saam met Gas stem wat betref selfbeskikking en dat dit nie die oplossing is nie, tog stem jy saam met Leonor ook wat saam met Gas stem, of lees ek jou verkeerd? My vraag aan julle wat nie saamstem nie, wat sou julle as alternatief aanbied, enige voorstelle.
Gas sê
Selfbeskikking=Weghardloop
Rooikop sê
Dit is nie die antwoord nie
Leonor en ek sé, ons stem saam met Rooikop.
Selfbeskikking is mos nie om weg te hardloop nie.
Nee, Leonor het saam met Gas gestem, toe volg jou kommentaar en jy stem saam met haar, en eers daarna het Rooikop tussenbeide gekom. Jammer ek het jou verkeerd gelees Andy. Ek wou graag weet, indien julle selfbeskikking nie sien as ‘n opsie nie, wat julle voorstelle sou wees. Belangrik dat ons hieroor gesels. Groete.
Ja ek sien , ekskuus , ek het nie opgelet dat haar stem vir Gas is nie. In elk geval nou verstaan ons mekaar darem nê.
Wat Leonor hierbo sê is ook net so geldig en behoort bespreek te word. Hakplekke sal daar sekerlik wees maar dit sal aanvanklik veral gaan oor toegewydheid deur elke persoon.
Hallo Leonor, hierdie kwessie van selfbeskikking word simplisties hanteer en ek wil voorstel dat dit eerder kompleks benader word. Die woord selfbeskikking het tans ‘n soort globale aanwending. Elke selfbeskikkingsaksie is egter effens anders en ons het dit nog nie duidelik genaak hoe ons daarna kyk of wil kyk nie tenspyte van vele geskryf en gepraat. Orania het bv ‘n heining gebou en selfbeskikkingverklaar, maar mens kan dit ook sonder ‘n heining doen. Mens kan selfbeskikking kry sonder om selfbeskikking te verklaar – soos die engelse dit doen vandag sommer hier in my eie buurt. Ons het egter nog nie tot daar gegroei nie en trek noueers by die politieke gebruik (vir afrikaners) van die term selfbeskikking.
Ek stem nie saam nie, Selfbeskikking beteken dat ons opeis wat ons s’n is en was en dat ons dit vir ons en ons kinders bewaar.
Ons wil nie weer opgesaal wees met ‘n massa uit andere volke wat ons vermoëns wat vir ons eie mense gebruik behoort te word op kom teer nie.
Pragtig, BJ! Jy beredeneer nou die saak uit ‘n vars hoek!
Dankie, goed geskryf.
Ek stem met jou saam dat “As mens kyk na TV-advertensies word ons Afrikaners 99% van die tyd
uitgebeeld as onnosel. Ons is nie onnosel nie maar dit word elke dag in
ons gesigte geprop. Hoekom is dit nie meer gewild vir jongmense om
Afrikaners te wees nie? Want ons word as onnosel uitgebeeld. Hierdie is
‘n doelbewuste aanslag teen elke Afrikaner. ”
Dalk ‘n oplossing vir “nodig om ons eie
mense op te rig en op te bou” ?
… skakel daardie TV af – hul kan dit nie in jou “gesig prop” as jy dit nie kyk nie!
… en lees jou Bybel, moenie wag vir “… Siener van Rensburg se ou met die bruin klere om van Lichtenburg af te kom.” nie – daar kom iemand met WIT klere van heelwat verder as Lichtenburg!
Jou laaste paragraaf is poëties … klink amper of daar ‘n nuwe gewilde Afrikaanse liedjie in skuil! Ek is netnie seker oor jou stelling dat “jy is dit verskuldig aan jou voorgeslagte” heeltemal ‘n Afrikaanse siening is nie – dalk meer ‘n Afrika konsep.
“‘n Boer maak ‘n plan” is ‘n Afrikanergesegde vandat ek my verstand gekry het.
‘n grappie …
Die boer, die Skot en die Engelsman word in die oerwoud gevange
geneem deur ’n klomp kannibale. Die kannibaal-chief sê: “Julle kan
elkeen ’n laaste wens kry, daarna slag ons julle, vreet julle en trek
ons kano’s met jul vel oor.
Die Engelsman vra ’n koppie tee. Klaar gedrink, slag hulle hom, vreet hom en trek ’n kano met sy vel oor.
Die Skot vra whiskey. Toe hy klaar is, slag hulle hom, vreet hom en trek ’n kano met sy vel oor.
Die boer vra ’n tafelvurk.
Hulle gee hom ’n tafelvurk en die volgende oomblik begin hy homself vol
gate steek terwyl hy skreeu: “Niemand trek ’n kano met my vel oor nie!”
Dit herinner my aan die grappie van ou Van wat ook in die kanibale se pot beland en elke keer as hulle hom met die vurk steek lag hy homself ‘n papie. Die kanibale vra toe hoekom hy dit nou sou snaaks vind aangesien dit veronderstel is om seer te wees. Sy antwoord was:”Elke keer as julle my met die vurk steek dan maak ek broek los in julle sop”…..
Ons praat nie so bo-oor die 98% as wat dit lyk nie. Wat verstaan jy nie as ek praat van die NG Kerk as ‘n wit olifant nie, wat verstaan jy nie as ek praat van siviele samewerking tussen Afrikaners nie -omdat dit nie bestaan nie, wat verstaan jy nie as ek geen leiers raaksien nie, wat verstaan jy nie as ek verwys na skoonheid as ‘n afrikanervisie, wat belangriker is as vryheid? Ek dink weer Praag antwoord hierdie vrae maar dat min mense dit vra – maw ons is ‘n randgroepie. Die tekort miskien wat ek sien is dat daar meer mense soos jy moet wees om die boodskap op jou vlakke uit te dra sodat ons kan desentraliseer sonder om beloftes te maak. Maw 100 000 mense oor die land heen wat glo aan die visie en rigting van Praag sonder om vra te vra.
Stem saam Johann
Al is ek self redelik geleerd verstaan ek ook die skrywer se frustrasie – hoeveel keer het ek al gesien dat “gemeenskapsleiers” hulleself so hoog aanstel bo die gewone mense en daardeur al die goed wat hulle kan doen vernietig (kyk maar net in die booste ooste van Pretoria hoe absolute “nincompoops” hulleself verheg bo mense wat van die westekant van Pretoria af kom.)
Om nie eers te praat van die gemeenskaps vernietigende dominees nie.
Ja Johann ons mense is ontneem van hulle geloof deur bokryer en broeders op die kansel wat ‘n klomp strooi verkoop het. Daar is ‘n spesiale plek by nick se vuur vir hulle. Wee hulle wat ander in die verderf inlei.
More Johan, ek wou nie vanoggend inskakel op Praag nie, maar nou is ek bly ek het.
Dankie BJ dit is nou puik om so n motiverende en as ek dit nie mis het nie 2de skrywe op Praag te plaas Daar is sommer ook al n oplossing vir n probleem, en die van die plase.
Nou wil ek my verstout en vir jou en Johan vra, WAAROM kom julle nie saam met Dr Dan bymekaar en begin met n agressiewe beplanning strategie deur ander ouens soos julle in te trek en met die Afrikaner Volk te vergader om iets konstruktiefs van stapel te stuur nie.
Hier word baie op Praag gepraat, maar dit bly slegs woorde in die lug en die wind waai dit weg, en dan is dit verby.
Ons mag nie net by praat bly as ons die vermoë het soos julle wat nog jonk is om die Volk saam te bind tot n trotse nasie nie.
met dit alles moet ons nooit die Bybel vergeet nie. Doen alles met die Bybel in jou hand, moenie skaam wees daarvoor nie. As n moslem met die Koran in sy hand in die Australise parlement kan instap onverskrokke hoeveel temeer nie ons ook nie. Die belangrikste is;
DOEN DIT NET
Heeltemal reg, Rifrug, natuurlik. Maar dan moet hulle FW De Klerk, Leon Wessels, Roelf Meyer en Pik Botha ook onthou.
Johan ek hoor wat jy se. Ek het mos al geskryf oor selfbeskiking wat grondgebied aanbetref. Daar is nie ‘n kans dat ons ‘n stukkie grond gaan kry van hierdie regering nie. Ek se weer dit is ‘n pypdroom. Net een ding kan ons vryheid gee en dit is geld. Ek het ook dit geskryf op Vryburger se webblad. Die engelse se: Money makes the world go round en in Afrikaans; geld wat stom is maak reg wat krom is. Ons het genoeg intelletuele kapitaal om, soos Dan ook al geskryf het, om ‘n bank te stig soos ons al gedoen het met Volkskasbank. Met geld is daar bedingingsmag, met geld koop jy wat jy wil he, met geld bou jy jou volk. Ons kan want ons het al. My sommetjies is soos volg: R100.00 ‘n maand van 100000 mense = R10 milj ‘n maand maal 12 is R120 milj in die eerste jaar. Met ‘n bank en al sy fasette kan die geld baie vinnig groei. As die mense bereid is om vir net twee jaar die kleingeld weg te gee en spaargeld in die bank te bele kan ons binne twee jaar genoeg geld he om byvoorbeeld ‘n ‘n produksie maatskappy te koop, grond te koop, goud te koop en die opbrenste terug te ploeg in eerstens die armes en die jongmense. Die geheim sal wees dat ons binne die wet sorg dat ons alles wat ons het en verdien vir ons self hou. Dit sal die grootste uitdaging wees om die regering ore aan te sit. Maar ‘n Boer maak ‘n plan en aan breinkrag ontbreek ons nie.
Jammer Leonor, ek het jou verkeerd verstaan hier onder met jou stem.
Op hierdie stadium gaan daardie R100 na die Kerk toe en daarmee verkrag die dominee die liggaam van God – overgesetsynde die gemeente. Ek het tot dusver die Kerk – Staat balans dus verkeerd interpreteer.
Leonor dit klink so baie goed en ek stem heeltemal saam met jou idees…maar
(1) Dink julle hierdie mense gaan dit aanvaar al word daar miljarde aan hul gebied?
(2) Sal presies dieselfde nie maar weer gebeur sodra hulle sien die witte het weer opgebou wat hulle afgebreek het nie?
(3) Waar gaan die stukkie grond gelee wees ? Myne, boerdery, vissery, te veel om hier te noem. Dit het ons tog alles nodig ! Hoe groot gaan hierdie stukkie grond moet wees ? Tropies, subtropies ens, Ons het tog al 4 provinsies se klimaat nodig vir die verskillende boerderye.
Daar is soveel meer en dit sou ellelange briefwisseling kos om hierdie vrae te beantwoord.
Nie in die volgende 50 jaar kan ek sien dat dit gebeur nie. Dit het eeue geneem om ons land op te bou tot wat dit was.
Baie goeie punte wat jy noem, Leana. Dit sit myself ook aan die dink.
Hierdie vrae is presies waarvan ek wil wegkom. Dit is ook presies hoekom selfbeskking in terme van grondgebied nooit sal werk nie. Dit gaan in die eerste plek NIE oor grondgebied NIE. Dit is die laaste stap. Die eerste is om uit die ekonomiese verdrukking te kom. Dit kan net ons doen, ons kan nou begin en net van waar ons is. Yskor? Yskor was nie vir wins opgerig nie maar vir werkskepping. Geld kan dit doen en ons kan maatskappye en fabrieke oprig vir werkskepping maar weereens te gou om aan te dink. Die dink is, hoe bou ons mag onder hulle neuse? Het Orania nie gepraat dat hulle beleggings R500 miljoen werd is nie?
Kom weg van die idee dat ‘n stuk aarde selfbeskikking is.
Hierdie klink na koppe bymekaarsit Leonor, SLIMKOPPE dit is, en dan natuurlik geld. Sommer baie daarvan. Hou van jou idee dis gewis. Het ook nie nou op my amperse oudag kans gesien om te verhuis nie. Bring daai idees van jou sodat die (slim) manne kan begin beplan. Vir die eerste keer in ‘n lang tyd is ek minder pessimisties oor ons toekoms.
Daar is ietwat verwarring oor die term selfbeskikking. Hierdie term word orals rongegooi maar nooit verduidelik wat met dit bedoel word nie. As selfbeskikking beteken ons moet die regime se voete soen om ons taal te laat behoue bly, om ons eie opvoedkundige instellings te kry of vir ‘n stukke grond te bedel dan gaan ek verby. Om enige iets van hierdie regime te kry waar hulle in ‘n magposissie is, is benede my. Ons is klaar die slawe wat hulle korrupsie en vermorsing en afbreek voed. Slegs met ‘n possisie van mag kan ons beding. Wat is dit wat hierdie regime verstaan? Net geld. Hoe meer hulle kan kry hoe meer kan hulle mors. Die fyn lyn is om hulle in te katrol sodat ons met geld hierdie land stukkie vir stukkie terugkoop. As ons genoeg geld, en daar is by my geen twyfel dat ons dit sal kan kry nie van binne en van buite, het koop ons maklik dit wat hulle wil verkwansel soos die geval met SAL wat nou parte moet verkoop teen R118 miljoen om geld te kry.
Wat moet selfbeskikking beteken: ondergeskik aan of vryheid van. So laat ons praat oor wat selfbeskikking BETEKEN.
More, ek het laas nag tot n gedagte gekom en dit is , waarom kan selfbeskikking nie uit n paar elemente of dan nou aktiwieteite bestaan nie.
Waarom kan daar nie n grondgebied bekom word en geleidelik beset word terwyl daar ook begin word om n eie bank te stig nie. Die koordinering van wat eerste begin moet word en wat volgende en waar dinge dalk op n stadium parallel beweeg kan sekerlik uitgewerk word! Daar is moontlik ook nog ander aktiwieteite wat n rol kan speel om die proses aan te help of te versterk.
Julle mense met die grade en die ervaring sal mos dit kan deurdink.
Hierdie voorstel van jou is al ‘n stap in die regte rigting. Laertrek is een so ‘n aktiwiteit. Binne laer bestaan net jy en jou volksgenote en alles wat jy aanpak is met hulle in gedagte. Die vraag is dan waar begin ‘n mens en hoe aktiveer jy samewerking. Wat dryf ons mense, wat is vir hulle belangrik en nie ons wat bekeerd is nie soos Johann gese het nie maar die wat nog dink hierdie bose eksperiment kan werk.
Ek mag verkeerd wees maar elke volksvergadering oor selfbeskikking het die vertrek punt dat grond eerste is. Wat van ‘n volksvergadering waar die geestestoestand van die Boere in die huidige konteks bespreek word in terme van sy huidige situasie a) geld b) veiligheid c) skole d) geografie e)ondersteuningsnetwerke. Watter huidige strukture is daar alreeds in plek en hoe kan dit uitgebrei word. Dit is nie nodig om die wiel te wil herontwerp nie maar dalk so ‘n bietjie timmer. ‘n Goeie opname van alles waar ons ‘beheer’ het sal ‘n goeie begin wees.
More Leonor, ek is opgewonde dat die ou kêrel darem n positiewe bydrae kon maak om hierdie spreekwoordelike wiel aan die beweeg te kry.
Ek is bewus van die volksvergaderings wat al gehou was, maar het blykbaar ook maar nie veel van gekom nie, om verskeie redes waarvan my oor bereik het.
Ek self het ook aan die Boere Afrikaner Vryheidsinisiatief behoort, en waaroor ek nog baie positief oor foel.
Die situasie het egter dink ek heelwat verander en ek voel ons moet juis jonger en innoverende denkers en beplanners kry om saam in hierdie juk te trek, met altyd in gedagte dat ons indiwidue is en ons ruimte moet laat dat daar verskillende standpunte sal wees.
Ons sal altyd die eind/hoofdoel in gedagte moet hou.
ONAFHANKLIKE / SELFBESKIKKING
Ek is so opgewonde oor jou denkrigting dat ek graag nou wil voorstel dat jyself/Johan/BJ en dan dalk ook Dr Dan Roodt en wie ook al bereid is om te begin beplan, en dalk ook skakeling te doen met die Voorsitter van die Volksvergadering en dat ons begin beweeg. Ek vermoed die betrokke voorsitter is Dr Ronnie v/d Merwe en hy boer op Merweviille.
Leonor,
Ja , ek kan sien jy gebruik jou kop. Onthou net, voor dat die ou Boere Volkie sal saam werk, moet dit eers baie slegter gaan. Nou gaan dit nog te goed met ons.
Casper
Casper, jy slaan die spyker op die kop!
Weet jy wat Leonor, ek het n versoek en dit is dat ek graag self ook met Dr Dan wil kennis maak en iets met hom bespreek terwyl julle gereed maak vir julle eerste breinskrum. hier druk iets swaar op my hart en ek moet dit vir myself uitklaar. Ek hoop ons kan so-iets reël.
Volksgroete.
More Casper, jy mag dalk reg wees, maar wat ek so tussen die nuusberigte en artikels agter kom is die ou volkie juis nou OP en ek dink juis nou na die verkiesing met n klomp ontnugtering van politieke kant af GEREED om genader te word vir aksie. Daar moet egter beweeg word en nie winde gesluk word nie.