Die regering se taakspan het onttrek uit kortstondige gesprekke om die platinumstaking by te lê, het mynmaatskappye aangekondig.
Die regering se taakspan het Maandag ontbind ondanks pleidooie dat hulle nie die handdoek moet ingooi nie.
Amplats, Implats en Lonmin sal Dinsdag aankondigings oor skagsluitings en verwerkingsaanlegte doen.
Dit volg nadat Ngoake Ramatlhodi, minister van minerale bronne, bekend gemaak het dat hy sy taakspan ontbind.
Ramatlhodi en die taakspan het Maandag die hele dag met Amcu en die drie mynmaatskappye vergader. Die besluit om die taakspan te ontbind en aan die proses te onttrek, is egter vroeg geneem sodat die Kommissie vir Versoening, Bemiddeling en Arbitrasie, die bemiddeling glo kan voortsit.
Die president van Amcu, Joseph Mathunjwa, bly steeds heftig gekant teen ’n vrywillige arbitrasieproses.
Amcu se eise en die aanbod vir loonverhogings is glo “heeltemal te hoog om arbitrasie te oorweeg”, het bronne binne die onderhandelingsproses gesê.
Dit wil voorkom asof beide onderhandelingspartye nie besonder gretig is om die geskil by te lê nie.
Die buitelandse NRO, Alternative Information and Development Centre (AIDC), het homself tesame met die EFF in die onderhandelinge namens Amcu ingewurm.
“Platinumprodusente neem kennis dat die gesprekke wat deur die minister van minerale bronne gefasiliteer is ongelukkig ontbind is sonder ‘n uitkoms,” het hulle in ‘n gesamentlike verklaring gesê. “Terwyl die produsente verbind bly tot ‘n onderhandelde skikking, sal hulle nou verdere opsies tot hulle beskikking oorweeg.”
Mynmaatskappye sal ook na verwagting Dinsdagoggend aankondigings maak oor die moontlike sluiting van skagte.
Lede van Amcu staak sedert 23 Januarie en dring aan op ‘n basiese maandelikse salaris van R12 500.
Mynmaatskappye het reeds meer as R21,7 miljard in inkomste verloor terwyl werknemers meer as R9,6 miljard in inkomste verloor het weens die staking.
Minister Ngoako Ramatlhodi het kort na sy inhuldiging die taakspan op die been gebring in ‘n poging om die vier maande lange staking tot ‘n einde te bring.
Ramatlhodi sal Dinsdagoggend ‘n mediakonferensie hou oor die regering-taakspan se onttrekking uit die platinumdispuut.
Ek wag net vir die regering om te sê dat hulle die myne gaan nasionaliseer of onder kuratorskap plaas.
Hierdie is die toneelspel van ‘n veel dieper ding wat hier aan die gang is.
Rooikop, Ek dink nie jy gaan te lank wag nie…..
Soos ek geskryf het sal die myne sluit, vir ‘n ruk staan terwyl die chinese dit goedkoop koop, meganiseer en dan met baaaiie minder werkers nodig volstoom begin myn in die nuwe myne. Die myne sal hoë produksie hê, baie minder lone en versorging en met ‘n derde wat aan die regering behoort. Die ANC en hulle maatjies maak dan baie geld en kry baie meer belasting maar het baie minder kostes.
So sny die stakers dan hul neuse af om hul gesig te “spite”.. Wonder wie gaan die langste trane tjank !
Nee, Leana, hulle is net dom arm mense en pionne van die bose. Soos in geskiedenis gese word; hulle is kanon vodde.