Tito Mboweni onttrek as LP

Tito Mboweni
Tito Mboweni

Pravin Gordhan se heraanstelling in sy pos as minister van finansies, sal onstuimigheid en onsekerheid in markte kalmeer, sê sy ondersteuners.

Terwyl die voormalige voorsitter van die Suid-Afrikaanse Reserwebank, Tito Mboweni, volgens gerugte die voorloper vir die pos skyn te wees, sal dié aanstelling moeilik wees omdat markte en die vakbonde glo nie te vinde is daarvoor nie.

Die aanduiding was “baie sterk” vroeër in die jaar dat Gordhan sy pos sou verlaat aan die einde van sy termyn, sê een ontleder.

Mboweni, het hom intussen onttrek aan die ANC se lys vir die Parlement, en sal nie meer beskikbaar om as LP te dien nie.

Die ANC se sekretaris-generaal, Gwede Mantashe, wou nie reageer op die redes vir Mboweni se onttrekking nie.

Mboweni se redes vir sy besluit is vervat is in ‘n brief aan die ANC en volg na gerugte dat hy die Minister van Finansies, Gordhan sal vervang indien hy nie beskikbaar is vir aanstelling nie.

Mantashe het gesê die brief is aan die ANC gerig en daarom is dit nie gepas om dit openbaar te maak nie.

Ingevolge die wet kan die President twee ministers en twee adjunkministers in sy kabinet aanstel wat nie Parlementslede is nie.

Mboweni kan egter steeds as die minister van finansies in die nuwe kabinet aangewys word al het hy hom onttrek aan die ANC se lys vir die Parlement.

 

 

 

18 thoughts on “Tito Mboweni onttrek as LP”

        1. more ou maat. Jong as ek opgewerk raak dan praat ek soms in tale, en dan moet my ou vrou my “toom” sterk intrek. Ag kan die gemors nie meer glo nie. kan ons nie maar n nuwe Republiek of iets stig en weer opbou tot iets waarop ons en ons nageslag trots op is nie.
          Willy gaan lees die gedig onder die hoofie FEUILLETON heel bo, “BOEREPLAAS”. Hoe praat daardie gedig met jou!

          1. Ag Andy, dis ‘n versugting. Sal dit dan nie hemel op aarde wees nie! Ek raak al meer pessimisties dat dit in my lewe sal gebeur want ek is al nader aan honderd as my ID nommer.
            Wat ‘n kordaatstuk van ‘n gedig!

          3. Dit ruk my hart stukkend as ek tot die besef kom dat dit ons nie meer beskore is nie, Andy.

    2. Ai Betzi, daardie Sonti van die plakkerskamp wat nou in die parlement sit is vir my ongelooflik en is die toonbeeld van die klugspel wat ons demokrasie noem. Die absuriditeit wat in hierdie land is laat my sprakeloos. Hoe kan ons wat meer as twee breinselle het hierdie sirkus toelaat? Meer nog dat ons belasting geld gee sodat hierdie imbesiel in die hoogste regerings sit om oor my en jou se alledaagse dinge besluit? Dit voel of ek regtig in die ‘Matrix’ leef.

      2. Leonor , jy vra ” hoe kan ons wat meer as twee breinselle het hierdie sirkus toelaat ?” Dis n bitter pil om te sluk , nl. dat mens midde in die gevolge is van n meerderheidsbesluit , en jy as individu met afgekapte hande as’t ware toekyk . Op hierdie forum lees ons elke dag van mekaar se frustrasies . Dikwels ook kru uitgebeeld juis omdat mense tot barstens toe keelvol is . Wanneer n katarsis moment sal daag , weet ek nie . Opgehoopte woede en frustrasie maak mens krank .

        1. Betzie, ek hoor. Maar gaan onder die tent in, sit rustig terug en aanskou die inploffing met genot. Want dit gaan kom. Ps 91 is vir ons geskryf vir vandag, nie om diewe van jou kar af weg te hou nie. Wou elke keer braak as ek dit op ‘n kar gesien het.

          Ps 91:7 Al val daar duisend aan jou sy en 10 duisend aan jou regterhand – na jou sal dit nie aankom nie.
          8: Net met jou oe sal jy die aanskou en die VERGELDING van die goddelose sien.

  2. Die Parlementsopening is ‘n voorbeeld hoe daar met geld gemors word. Waar dit vandaan kom weet nugter. Dit is seker hoekom die res van die land uitmekaar val want daar is nooit geld vir noodsaklike dienste wat gelewer moet word.

Maak 'n opvolg-bydrae