Duisende van die plakkate is nog steeds te sien aan lamppale oral in die land, twee weke nadat Suid-Afrika in die algemene verkiesing gestem het.
Die Onafhanklike Verkiesingskommissie sê die verwydering van verkiesingsplakkate is nie hulle verantwoordelikheid nie en word deur munisipale ordonnansies beheer.
Die stad Kaapstad het politieke partye tien dae tyd gegee om hulle verkiesingsplakkate te verwyder.
‘n Woordvoerder vir Kaapstad, Priya Reddy, sê kontrakteurs sal van môre af begin om verkiesingsplakkate af te haal.
Partye wat nie gehoor gee nie, sal deur met R126 per plakkaat beboet word, het Reddy gesê.
Die stad Johannesburg moet nog sy spertyd aankondig vir die verwydering van plakkate terwyl die eThekwini-raad in Durban partye drie maande tyd gegee het om hulle plakkate te verwyder.
Party van hierdie plakkate hang so biekie-biekie aan die pale en ontsier regtig die uitsig. Meeste daarvan is die van die anc en da.
Foeitog, wie gaan verseker dat boetes betaal word. veral as jy nog 3 maande tyd het soos in Durban. Hulle dink seker ons glo al die twak na soveel bedrog en korupsie . Grap van die jaar.
In my woongebied is daar nog FN plakkate op. Ek kan ‘n spannetjie bymekaar kry om te help om die plakkate te verwyder en aan FN terug te besorg voordat boetes uitgeskryf word.
More Willy en Andy ! Verbeel ek my of is die forum baie stil vanoggend ?
Kon ook van gisteroggend af gladnie op Praag inkom nie. Wonder aan wat dit toegeskryf kan word, dalk internet konneksie probleme ?
Môresê Leana. Hou jou posbus dop.
Leana, ek gaan die idioom ‘n bietjie wysig. Een (twee of drie) forum swaeltjie(s) maak ‘n somer. ;~)}
Ek lees so deur die kommentare, Leana en is dit nie lekker om insiggewende, interessante en van ‘n hoë gehalte kommentare te lees? Sal dit nie wonderlik wees as dit so mag bly.
So rustig, kalm en harmonieus.
Heerlik rustig, kalm en harmonius inderdaad Willy. Almal besondere goeie kommentare sonder die soetsappige snert wat ons van tyd tot tyd hier moes aanskou.
O ja en die alewige gevloek Leana. Rustigheid is darem maar ‘n seëning so reg uit die Hemel.
Dis al asof die vrede oor ons neergedaal het Willy. Wat meer wil ons he ?
Ek is so innerlik ryk, Leana, ek noem die koningin nie eers my suster nie.
“Vertical littering” wat een van my eks kollegas hierdie goed wat aan die pale hang noem.
Baie beskrywend, Rooikop. Goed gese.