Honderd-drie-en-tagtig politieke partye het tot dusver by die Onafhanklike Verkiesingskommissie geregistreer met die oog op die komende algemene verkiesing.
Die OVK sê 133 van die partye sal aan die verkiesing deelneem. Die Wes-Kaap het met 25 die meeste partye, terwyl 7 partye uit Gauteng afkomstig is.
Verskeie nuwe politieke partye het die afgelope jaar na vore getree, waaronder die Ekonomiese Vryheidsvegters en Agang.
Die hoofverkiesingsbeampte van die OVK, Mosotho Moepya sê die registrasieproses duur voort.
President Jacob Zuma het nog nie die verkiesingsdatum afgekondig nie. – RSG
Dié wat wil, en gaan stem met die volgende verkiesing, is hier nou ‘n wye keuse om te kies en te keur. Ek het my keuse lank gelede gemaak. My politieke party het ongelukkig nie die lys van honderd-drie-en-tagtig gemaak nie.
Dus gaan jy jou stem vir die anc gee !
Ek moet sê dis moeilik om te besluit – baie moeiliker as die katolieke se “piek ‘n poup” proses verlede jaar. En waar hulle ‘n rokie by ‘n skoorsteen uitgelaat het sal ons hele land in rook opgaan as verkeerd gekies word.
Nee nooit! Vir wie gaan jy stem? Mmmmm??? Ek het gedog toe daai rokie swart was, was dit iemand uit Afrika…
Willy, ek gaan later vir jou verduidelik wie en wat ek is – ek het nie gedink dis belangrik nie ! Vir wie ek gaan stem ? Dis soos daai hooligan in die fliek “Oliver” gesing het ” I’m reviewing the situation …..” Miskien besluit ek eers die oggend voor ek gaan stem. Maar stem gaan ek stem want ek wil nie dat julle president ‘n twee derde meerderheid kry nie ! Ek het kleinkinders in SA en my geslag – MY GESLAG – het hulle toekoms opgedonner !
Okei phm ek wag in spanning! Moet sê ek hou van jou kommentare en dat jy my die meeste uit “pick” maak my nogal nuuskierig!
Kom uit met die waarheid. Niemand sal jou hier kwalik neem nie…
Ek ken daardie as-jy-nie-vir-‘n-ander-party-stem-nie-stem-jy-vir-die-anc deuntjie vir kleuters. Die NP het dit gebruik en toe land hulle pens en pootjies in die anc en die DA gebruik dit en hulle is die anc lite (werk vir die Freedom Charter, SEB en al daai).
ek wil ook stem, is Wouter al op die lys?