Vyf mense onder wie ‘n senior intelligensie-beampte wat moontlike bande met die Tsjeggiese voortvlugtende Radovan Krejcir het, verskyn vandag in die Alexandra-landdroshof, noord van Johannesburg.
Hulle staan tereg op verskeie aanklagte wat poging tot moord en regsverydeling insluit, het RSG berig.
Die intelligensie-beampte sersant Nandi Nkosi is Donderdag in hegtenis geneem omdat sy na bewering GPS-koördinate verskaf het om die spesiale ondersoekbeampte, Paul O’Sullivan en nog ‘n polisieman, kolonel Nkosinathi Ximba op te spoor.
Volgens O’Sullivan het Krejcir hom sedert 2010 minstens vyf keer met die dood gedreig.
O’Sullivan is sedert Krejcir se onwettige aankoms in die land in 2007 op sy spoor.
Die polisie sê nog inhegtenisnemings word verwag.
Hierdie Krejcir trek korruptes nader soos ‘n kers ‘n mot aantrek. Hou hom nog so ‘n rukkie hier, kanse is goed dat daar nog korruptes uit hulle skuilplekke sal kom
Hulle spartel nou soos kakkerlakke wat sien die miesies het ‘n blik doom in die hand!
Ek sien in my geestesoog hoe skarrel daardie klomp kakkerlakke. Dis soos ‘n gefladder in die duiwehok.
Ek hoop onse NSA bewys my verkeerd en sit vir eens die kriminele waar hulle hoort! Kan nie wag vir die volgende episode nie, wil graag sien hoe hoog dit gaan.
blikskottel, bodem 13 speel weer af in die OOSRAND, lyk of daar meer polisie betrokke is as mafia, of is dit nou dieselfde ding?
Trap die hele spul vas en sluit hulle toe sonder kos dat hulle mekaar kan opvreet en vrek aan Jakob Creutzveldt siekte.
Lyk my dit is nou half n ongemaklike situasie vir die ANC regering – gaan hulle nou hulle eie mense uitlewer? Afrika en FW de Klerk standaard.
Hoekom is Krecjir nog nie teruggestuur na sy land nie. Hoeveel mense moet nog hulle lewens verloor.Suid Afrika het n veilige hawe geword vir mafia base, diktators en allerhande vuilgoed. Zuma keur dit seker goed want die spreukwoord se soort soek soort.