Die Nasionale Redakteursforum, SANEF, sê die media sal voortgaan foto’s van Nkandla te publiseer.
SANEF sê foto’s van veiligheidskenmerke van die opgraderings aan President Jacob Zuma se privaatwoning op Nkandla in KwaZulu-Natal wek aansienlike openbare belangstelling, en daarom sal hulle voortgaan om dit af te neem en te plaas.
Suid-Afrika se veiligheidsgroepering het vroeër aangedui dat sulke foto’s nie wenslik is nie.
SANEF het na die groepering se versoek aan die media en lede van die publiek om nie sulke foto’s te publiseer nie, gesê hulle sal nie gehoor gee daaraan nie.
Die Ministers het vroeër in Pretoria ‘n sterk waarskuwing gerig dat diegene wat sulke foto’s publiseer, vervolg sal word aangesien die woning ‘n nasionale sleutelpunt is.
Die Grondwetkenner, Pierre de Vos, sê daar is geen wetgewing wat die publikasie van foto’s van nasionale sleutelpunte verbied nie.
De Vos sê indien dit wel ‘n oortreding van de wet sou wees om sulke foto’s te publiseer, sal dit ook onwettig wees om die opening van die Parlement uit te saai aangesien dit ook ‘n Nasionale Sleutelpunt is.
Aitsa ! en daar betree De Vos nou sommer ook die heilige hoe grond teen sy maters.
Ten minste is hy hierdie keer reg in wat hy kwyt raak.
Jip n ou se lyf kan net soveel slae verduur –
daarna het jy geleer hoe om jou te gedra – Dink jy nie? ;-)))
Die Minister van Polisie, Nathi Mthethwa sê dit is ‘n veiligheidsrisiko om die land se nasionale sleutelpunte bekend te maak.
Nou hoe weet mens wat jy mag en nie mag afneem nie?
Is die nie maar nog ‘n truuk om nie die ondersoek na president Jacob Zuma se Nkandla-woning bekend te maak nie?
Solank die dik ennies nie afgeneem word nie.
Jy sal ‘n breë lens kamera vir dit moet gebruik!!!
n groeinde diktator….. kan die polise asb ophou om fotos van my motoir in die pos te stuur, ek voel uiters onveilig oor die situasie, my vrou kan dit dalk in die hande kry.
Stadig broer, solank daar net nie ‘n lid van die vroulike geslag saam in jou motor gekiek word nie.
isch sal die teef op die agterste sitplek moet sit (my Herders hond)
Ek het so ‘n tyd gelede ‘n duplikaat bewys benodig, van betaling by die Du Toits kloof tonnel. Was ek verras, daar is kameras links en regs van , van voor en van agter, praat nie eens van die detail. Baie maklik om te bepaal wie is ontrou, gaan net na ‘n tolhek en vra vir ‘n duplikaat van jou strokie.
Eric rerig n gevaarlike storie hierdie – spoed foto storie – my man het my “shop tot ek drop” sessie ontdek wat ek gedink het hy nooit sal uitvind nie omdat hy weg was vir twee dae. 😉
wha ha ha ha big brother (big daddy is watching) he he he.
Dis soos daai rok in jou kas…wat jy al laaaaaankal het…
Eric dinge gaan net vererger met die e-tol, Sal maar die ompaaie moet gebruik in skelm noodgevalle.
Dit is my grootste probleem met e-tol. Jy word gemonitor waar jy gaan. Siende dat jy nou ‘n sender in jou voertuig het is dit ook maklik om jou in ander gevalle op te spoor.
Dit is ook net ‘n kwessie van tyd voordat hulle die stelsel sal gebruik om jou te beboet vir oortreding van die gemiddelde spoedgrens.