Afrika-leiers oorweeg ‘n groot vredesending na die Demokratiese Republiek van die Kongo om rebelle op die agtervoet te dwing.
Afrikaleiers het die moontlikheid om die VN-mag in die DRK te versterk bespreek te midde van rebelle wat terugveg om beheer oor hul vestings te behou.
President Jacob Zuma het tydens die opening van die SAOG-beraad in Pretoria ‘n beroep op Afrikaleiers gedoen om alles moontlik te doen om vrede en stabiliteit in die DRK te herstel.
‘n VN-mag van 3.000 soldate van Malawi, Suid-Afrika en Tanzanië het vroeër aangesluit by 17.000 vredesmagsoldate wat reeds in die land ontplooi is.
Die brigade was Maandag vir die eerste keer in ‘n kontak met die M23 in ‘n poging om die rebelle uit hul vestings te verdryf.
President Zuma het tydens sy openingstoespraak beklemtoon dat hoewel die DRK en Grootmere-gebied ryk is aan minerale, kan die mense van die streek nie voordeel trek uit die minerale hulpbronne nie.
Ander streekleiers wat die beraad bywoon sluit in president Robert Mugabe van Zimbabwe, Yoweri Museveni van Oeganda en die Malawiese president, Joyce Banda wat ook tans voorsitter van die SAOG is.
President Jacob Zuma tree as gasheer vir die leiers van die 15 lande in die Suider-Afrikaanse Ontwikkelingsgemeenskap in Pretoria op.
Verskeie lande, insluitend Suid-Afrika, het bygedra tot die troepe vir ‘n spesiale VN-ingrypingsbrigade wat ‘n offensiewe mandaat het om saam met die Kongolese weermag die M23 -rebelle na die gesprekstafel te dwing.
“Die vergadering is ‘n finale koördineringsvergadering tussen die SAOG en die Groot Mere-lande,” sê Martin Rupiya, uitvoerende direkteur van die Afrika se Openbare Beleids- en Navorsingsinstituut .
“Hulle dink M23 is op die rotse,” sê Rupiya. “Die belangrikste agenda is om die ondersteuning vir M23 uit te roei.”
Maar, sê Trevor Maisiri, ‘n senior ontleder by die International Crisis Group, die M23-rebelle is net een van vele gewapende rebellegroepe in die streek.
“Ons gaan ander uitbarstings sien ‘n paar weke van nou af,” het Maisiri gesê.
sjoe hulle gaan uit hulle pad uit om de Beers se klippies op te pas, weereens blood diamonds…. daar gaan my belasting geld
Die RSA moet die DRK se reuse potensiaal tot wedersydse voordeel benut en seker maak hierdie land word nie deur M23 onstabiel gemaak nie.
Oorlog word nou “Vredesendings” genoem.
Dit is mos die Islam se tower woord ook.
Sal dit nie ‘n heuglike dag wees as Zuma sy neus uit ander lande se sake hou en aandag aan hierdie land sal skenk deur te konsentreer om misdaad, moorde en verkragtings hok te slaan. Ag dis darem maar lekker om te droom.
Willy: Jy is nie op hoogte van sake nie. Lees gerus ‘n bietjie wyer oor internasionale belange en sake. Terloops, hy het ‘n kontrak gaan teken om krag te kry van die DRK. Ander lande in Afrika het presies dieselfde gedoen. Die geo-politieke ontwikkeling sal die RSA nie verby kan gaan nie. Die RSA is ‘n sleutel speler en sal as lid van BRICS sy kant moet bring.
Ek verstaan Jan. Maar intussen val ons eie land meer en meer uitmekaar.