Die Suid-Afrikaanse Menseregtekommissie (SAMRK) gaan die Suid-Afrikaanse Lugdiens (SAA) se kadetprogram ondersoek, het die vakbond Solidariteit Dinsdag gesê.
“Solidariteit het die ondersoek versoek omdat die lugdiens geen wit manlike kandidate by sy kadetprogram aanvaar het nie,” het Dirk Groenewald, hoof van die arbeidshof-afdeling van die vakbond, gesê.
Groenewald het gesê Solidariteit het namens tien wit mans, wat aansoek gedoen het vir die program, gevra dat ‘n ondersoek gedoen word. Dié mans se aansoeke was onsuksesvol omdat hulle wit is.
Hy het gesê die kadetprogram se toelatingsvereistes diskrimineer onregverdig teen wit mans en kom neer op ‘n kwotastelsel.
Groenewald het gesê Solidariteit het gevra dat die lugdiens beveel word om sy diskriminerende praktyke te stop en die program oop te stel vir mense van alle rasse en geslagte.
“Indien daar bevind word dat die tien kandidate as gevolg van hul ras nie aanvaar is nie, moet die SAA die nodige stappe doen om die saak reg te stel en die kandidate by die program insluit.”
Die SAA en die SAMRK was nie onmiddellik beskikbaar vir kommentaar nie. – Sapa
Baie mooi Mnr Groenewald en sterkte. Daar is baie werk wat voorlê wanneer Solidariteit klaar is met die SAL want daar word omtrent by alle departemente onregverdig gediskrimineer teen ons blankes.
Ongesonde differensiasie?
Van hierdie stryd gaan daar dadels van kom. SAL se bestuur is so wanhopig dat daar in elk geval nie blankes aangestel sal word nie. Ek hoop egter hulle wen net om ‘n punt te bewys.
Dit is ongesonde differensiasie en nie diskriminasie nie.
Daar gaan dadels van kom glo ek ook. Die toelatings vereistes kom op ‘n kwotastelsel neer.
Daar is ‘n kwotastelsel in Rugby en baie ander sportsoorte. Nou wat is die verskil ?
Miskien moet Soliforum begin om dit te sien as Minderheids onderdrukking wat op sy beurt ‘n oortreding van die VN handves oor minderhede is.
.
Intussen wen hulle elke dan en wan ‘n veldslag maar verloor die oorlog loshande.
kry een ding in julle koppe—-Regstellende aksie (in enige morele kleed) is deur die De Klerk regering SONDER ‘N MANDAAT VAN SY KIESERS in die Interim Grondwet geplaas. Wet 200 VAN 1993.
Kan enigiemand dalk onthou dat die blankes in BEWIND was tot en met 27 April 1994 ?
Dink julle nog vir een oomblik dat ‘n ANC skepping soos die Menseregte Komissie gaan in julle guns beslis ?
‘n Stelsel waar die meerderheid bevoordeel word ten koste van die minderheid, sonder enige veiligheids waarborge vir die minderheid is inherent ONDERDRUKKEND.
Presies en uitstekend gestel – jy verdien daarmee n groot lepel fynbos heuning. Dit is hoe ek ons leiers onbevrees wil hoor praat!
Blanke mans word steeds indiens geneem as vlieeniers. Dit is ‘n feit. Maar die wat indiens geneem word is op kontrak van ander lande af. SAL het besluit hulle sal nie Blanke Suid Afrikaners, hetsy mans of vroue indiens neem as vlieeniers nie. Ongeag of hul bekwaam is al dan nie.
As daar iemand is wat hier lees, miskien kan julle ons oningeligtes so ‘n bietjie inlig. Wat in hierdie land gebeur met die BBBEE stelsel, is dit nie ongrondwetlik nie? Druis dit nie in teen die wonderlike sin van die DEMOKRASTIESE STELSEL nie. Of is demokrasie net vir die kaf hurs.