Buitelandse forensiese spanne help in Kenia met die uitkenning van die liggame van slagoffers van die naweek se aanval deur Al-Shabaab militante in die Westgate winkelsentrum in Nairobi.
Die dodetal kan vermoedelik verder styg met sowat 51 mense van wie daar nog nie rekenskap gegee kan word nie. Dit volg nadat drie vloere van die winkelsentrum ingetuimel het.
Die dodetal staan tans op 61 burgerlikes en ses soldate. Dit is Woensdag deur president Uhuru Kenyatta bevestig.
Volgens Kenyatta is 62 mense ook steeds in die hospitaal. Hy het vroeër drie dae van rou afgekondig.
Intussen beweer al-Shabaab dat van sy aanvallers steeds in die winkelsentrum is. Dit kon egter nog nie bevestig word nie en dit is ook onduidelik of hulle moontlik van die slagoffers in die puin is. – RSG
die wereld is in oproer…. In twee maande is meer mense in NSA vermoor.
Sjoe maar die buitelandse forensiese spanne is slim!
Ek kon nooit weet hoekom die Keniane so goed is in wedlope nie. Nou weet ek. Dis van al die weghardloop van die militante af.
Kenyatta moet ook besef dat drie dae van rou nie die probleem in daardie land gaan oplos nie.