Die departement van vroue, kinders en mense met gestremdhede se geldsake en bestuur is haglik en die tyd het nou aangebreek dat dié departement na jare van wanbestuur afgeskaf word, sê adv. Anton Alberts, die Vryheidsfront Plus se parlementêre woordvoerder oor ekonomiese sake.
Dit blyk uit ‘n verslag wat uitgereik is deur mnr. Collins Chabane, minister in die presidensie, oor die swak prestasie en bestuur van feitlik al Suid-Afrika se staatsdepartemente.
Een van die swakstes is weer me. Lulu Xingwana se departement van vroue, kinders en mense met gestremdhede.
Adv. Alberts sê na jare se kritiek oor geldmorsery en doelwitte wat nie bereik word nie, is dit nou duidelik dat die minister en haar departement nie net in hul basiese bestuursfunksies faal nie, maar ook in die lewering van dienste wat die omgewing veiliger vir vroue, kinders en persone met gestremdhede moet maak.
Nasionale tesourie het reeds in April verlede jaar in die parlement gewaarsku oor ‘finansiële wanbestuur’ in Xingwana se department.
Dit het geblyk dat verreweg die grootste deel van haar begroting (hierdie jaar beloop dit R214 miljoen) aan salarisse en reis en verblyfkoste bestee word.
Volgens adv. Alberts is die departement nou ‘n blote mors van geld en sy funksies kan oorgeneem word deur die departemente van maatskaplike ontwikkeling en justisie.
“Die minister en die departement het sedert sy ontstaan nie daarin geslaag om tasbare resultate te lewer waar die regte van vroue, kinders en persone met gestremdhede konkreet bevorder is nie.
“Die minister is ook nie in staat om te skakel met haar mede-ministers in ander departemente om sekere belangrike kwessies te behandel nie. So gaan die epidemie van kinderverkragtings en moorde ongestoord voort.
“Vroue word steeds onderdruk, veral onder tradisionele leierskap, terwyl die minister eerder rassistiese aanvalle op wit Calvinistiese mans doen. Persone met gestremdhede word ook nie genoegsaam aangestel in werksplekke ingevolge die Wet op Gelyke Indiensneming nie.
“Die departement se geld kan eerder aangewend word om belangrike gate in die staat se sak te vul, soos die finansiering van ‘n nuwe SAPD kinder- en vrouebeskermingseenheid, die broodnodige inspuiting in die Transnet-pensioenfondse ten einde die pensioenarisse ‘n beter inkomste te verseker en om die e-tolskuld te betaal,” sê adv. Alberts.
More seg almal. Nee wat dit help nie hoeveel geld aan watter department beskikbaar gestel word nie, dit word wanbestuur. Hoeveel, prestasie gewys, van die rand wat jy aan belasting betaal word aangewend vir die regte doel?
Sylvia Lucas, premier van die Noord-Kaap, het in die eerste tien weke in
haar amp glo meer as R50 000 se kitskos op haar amptelike kredietkaart
gekoop.
Hoe stop mens ‘n bus wat op sonder remme weghardloop van ‘n bergpas af?
Laat ek u inlig oor nog ‘n tragedie van die ou NP administrasie:
Huisartse GP’s Alg Praktisyns het tradisioneel ‘n sluitielrol gespeel in die behandeling van gesinspatologie. Die ou kinderwet van die NP was uitstekend en van wêreldgehalte.
Toe vervolg die ou Wit Mediese Raad ‘n GP wat getuig het [tov toesig oor die kinders,] teen ‘n wit ma wat haar dogter ‘bomenslik’ mishandel het en vind hom skuldig terwyl hy deur die wet verplig word om hierdie gevalle van mishandeling aan te meld. Die pa in die geval het selfmoord gepleeg en die ma is twee jaar later dood aan kanker van die keel [+ breinaantasting].
Die Mediese Raad het hulle nie gesteur aan die wet nie.
Dit was so ‘n krisis dat die hele Kinderwet en Wet oor Gesinsgeweld deur Mbeki herskryf ,moes word sodat Huisartskunde effektief uit die prentjie gelaat is.
Geen wonder dat hierdie departement nie meer kan funksoneer nie omrede ‘n sluitel rolspeler, die spesialiste op die gebied , Huisartse, effekrief vervolg is deur die vorige beroepsraad.
Maar die dokters is egter verlig dat hulle geen verdere aanspreeklikheid oor die saak het nie.
Dit is nie net daardie departement nie. Die hele staatsdiens val uitmekaar. Nie eers te praat van om ‘n bestuurslisensie te hernu nie. Dis nag.
Wanbestuur en wanbesteding. Hoe dan nou anders. Hierdie mense het nog nooit geleer van van geldbestuur nie. Die goed groei mos aan bossies. Die never ending put!