Die VF Plus het enkele weke gelede met ‘n geskrewe vraag die onderverteenwoordiging van Afrikaans in die staatsdiens belig en veral in sekere afdelings van die department van handel en nywerheid waar nie ‘n enkele Afrikaanssprekende personeellid is nie.
Die nuwe Talewet laat die gevaarligte nou rooi flikker vir die oorlewing van Afrikaans by staatsinstellings, sê adv. Anton Alberts, die Vryheidsfront Plus se parlementêre woordvoerder oor kuns en kultuur.
Volgens adv. Alberts het regstellende aksie daartoe gelei dat Afrikaanssprekende personeel al hoe meer onderverteenwoordig raak in die staatsdiens. Die realiteit is dus dat daar bloot nie meer personeel beskikbaar is om Afrikaanssprekendes te help nie, ongeag die welklinkende beloftes van die ANC in dié verband.
Ingevolge die Talewet moet elke nasionale department, -openbare entiteit en -openbare onderneming ‘n taaleenheid stig en ‘n taalbeleid hê wat bepaal in watter tale diens gelewer en gekommunikeer moet word en die instellings kan besluit watter drie van die elf amptelike tale gebruik sal word.
Dr. Joyce Sukumane, direkteur van taalbeplanning en- ontwikkeling by die department van kuns en kultuur, het die week gesê daar sal nie teen een van die elf amptelike tale ‘gediskrimineer’ word nie, en Afrikaanssprekendes sal ‘steeds daarop kan aandring’ om in hul taal gehelp te word.
Volgens adv. Alberts is dié beloftes van dr. Sukumane betekenisloos en sonder enige waarborg.
“Hier word beloftes gemaak dat Afrikaans gehandhaaf sal word en dat mense daarop sal kan aandring om in Afrikaans gehelp te word.
“Die tragiese ironie is dat Afrikaans by staatsinstellings reeds ‘n worstelstryd om oorlewing voer en in sommige departemente reeds glad nie meer gebruik word nie omdat dat daar bloot geen Afrikaanssprekende personeel is nie. Die ANC se beloftes moet teen hierdie agtergrond gesien word.
“Dit is reeds algemeen bekend dat Afrikaans ‘n rare kommoditeit by alle staatsinstellings geword het.
“Ondervinding het duur lesse geleer dat dit maklik is om beloftes te maak, maar dat dit weinig indien ooit uitgevoer word. Ons sal die situasie fyn dophou en sal nooit die handdoek ingooi waar dit kom by die stryd om Afrikaans nie,” sê adv. Alberts.
“….ongeag die welklinkende beloftes van die ANC in dié verband.”
Wanner sal die klomp eendag besef wat die waarde van ANC beloftes is?
“Die nuwe Talewet laat die gevaarligte nou rooi flikker vir die oorlewing van Afrikaans by staatsinstellings.”
Ek is bevrees die rooi ligte flikker lankal nie meer nie. Dit brand verblindend!!
Maar die VF wil met samewerking die ANC stuit.
Wie se samewerking Matt??
Samewerking met ander minderheidsgroepe volgens die VF+ verklaring so paar dae terug.
“Ons sal die situasie fyn dophou…” sê adv. Alberts. Jammer adv Alberts, daar is GEEN Afrikaans meer oor in die staatsdiens nie. Niks om meer “dop te hou” nie. Selfs in die Wes-Kaap raak dit n al hoe groter probleem.
Adv Alberts, wat gaan hulle nou doen? Niks! Môre oormôre is dit nog presies dieselfde. Dit word net erger. Soveel so dat ek as ‘n kliënt nie eers meer in my eie taal gehelp word nie. Omtrent alle kliëntedienste is mens gelukkig as daar ‘n Afrikaanssprekende is. En ons betaal vir daardie Engelse diens.
“Die VF+ gaan saam werk om die ANC te stuit” is met luide applous begroet!
Saam met wie werk Matt???
Arnie hy werk met BOB – dit is nou nie Bob van
Zimbawe (hoop ek) maar blykbaar die Beter Opsie Boere groep wat nog net hy van weet – ons arme plebs wag nog vir die persverklaring.
Let op na die lees tekens. Dis wat dr P funny ANC beweer het!
Die ANC se beloftes is net soveel werd as die traktaat met Dingaan – Niks, nada, geen, ens ens ens.
FW de Klerk
se onwil, om die proses van oorgawe te vertolk as ‘n posisionering van mag tussen
meerderheid en minderheid, is klaar blyklik die verklaring vir die een sydige
strekking van kodesa se deklarasie van voorneme. Tegelyk is dit ook ongetwyfeld
een van die belangrike oor sake van die algehele gebrek aan verskantse regte
vir minderheidsgroepe in die finale grondwet. Bepalings oor taal regte het te
make met regte van individue. Kyk Art 31. Die bepalings oor kulturele
minderhede, godsdienstige minderhede, taal minderhede en selfbeskikking vir
minderhede het geen verskanste regte aan minderhede gegee nie. Kyk Arts 185 en
186.Die toekomstige magsverhoudinge tussen die onderskeie botsende partye maak
glad nie die kêrn uit van hierdie oorgawe nie. Selfs teenstand uit eie Afrikaner
geledere is so by so ge-ignoreer.
Is dênke taal gebonde en bied elke taal ’n unieke perspéktief op
die wêreld. Is die Afrikaner dênke taal gebonde deurdat die betekenis-moontlikhede
van ’n taal die gedagtes bepaal wat deur daardie taal moontlik is. Bied elke
taal ’n unieke perspéktief op die wêreld deur die totaliteit van betekenis-moontlikhede
wat van taal tot taal verskil. Gee elke taal aan die wêreld ’n unieke betekenis
en verstaan elke taal gemeenskap die wêreld op ’n unieke wyse?
Die meeste Afrikaners ervaar n bedreiging vir hulle
taal en is van mening die regering respekteer
nie Afrikaans nie. Aansprake Afrikaans sal sy posisie handhaaf solank mense dit
maar net praat geniet feitlik geen steun onder die breë massa Afrikaners nie. Veral
die agter uitgang van Afrikaans in die parlement, plaaslike besture, die media
en die onderwys is opmerklik. Sommige mense glo Afrikaans hou nie ‘n toekoms in
nie. Afrikaans beleef inderdaad ‘n moeilike tyd. Hoë funksies word in geboet en
sy aansien neem af. Daar is selfs persepsies Afrikaans het geen
nuttigheidswaarde nie en slegs in n beperkte kring waardevol is. Daar is n amptelike
ongeduld met Afrikaans. Oënskynlik is daar n begeerte om die taal werklikhede
te ignoreer en Engels tot die lingua franca te verhef en ander tale tot
huistale te reduseer.
Soveel meer rede omselfbeskikking in plek te plaas.
Die dêm VF mors tyd, en vis vir stemme met hierdie nuttelose gekerm van hulle.
Dit gaan al vir twintig jaar teen hierdie trant, en dinge gaan net eenvoudig agteruit vir die Afrikaner.
Die Afrikaner se grootse probleem is die Afrikaners tussen hulle – die wat die geld volg en nie die volk se belange nie.
Hello !!!!!
Jaco !!!
Kom verduidelik asseblief !!
Nou hoekom sou die owerhede Afrikaans praat as slaprug Afrikaners so gretig is om Engels te praat? Daar in Langebaan kom die tannie met haar Merc en twee opgeskote dogters, praat Afrikaans totdat die bruin kelnerin wat met haar kollega op Afrikaans geklets het, haar kom bedien. Toe is dit net Engels. Walglik!
In Nelspruit se wereld bring die swart vrou haar 3 kinders na die laerskool en dring daarop aan dat hulle in Afrikaans opgevoed word. Die wit ma bring haar Afrikaanse kind en dring op Engels aan. Hoe dikwels beweer die halfgeletterde Afrikaners nie dat Engels hulle kinders kwansuis ‘n voorsprong gee? Met wit gemors soos die is ons gedoem.
Die VF het pas hierdie week op Praag groot bohaai opgeskop dat hulle Pretoria se naam onveranderd laat behou het.
Ek het sopas op Die Vryburger gelees dat Pretoria se naam toe wel na Tswane verander is.
Soveel vir die VF se tyd en geld verkwisting.
En hoeveel tyd en geld gaan weer met die taal kwessie in die bodemlose put verdwyn??
Goeie wetter!
Die VF+ mense kan wragtag nooit wen nie!!!
Die afbrekende kommentare waarmee hul pogings begroet word wanneer hulle Afrikaner belange probeer beskerm, is vlokken pateties. Om dit baie sagkens te stel.
Afgesien van die feit dat hulle die stryd, soos die res van ons, teen ‘n oormag van 45 miljoen voer, moet hulle so waar as blixem nog hulself en hul pogings teen die aanvalle van MEDE AFRIKANERS verdedig.
By herhaling…Ek is nie ‘n VF Plusser nie en ek neem nie deel aan die stemproses in hierdie land nie, omdat dit mynsinsiens ‘n nuttelose oefening is.
MAAR ek het agting vir die pogings wat groepe en individue soos VF+ en sy mense aanwend om die goeie stryd, al is dit hoe klein, te stry. Hulle is Afrikaners en ek het daarom heelwat in gemeen met hulle.
Voordat jy mense veroordeel omdat hulle volgens jou nie aan jou subjektiewe verwagtinge voldoen nie, wees bly en dankbaar dat ‘n organisasie en/of individue met beperkte vermoëns bereid is om iets meer te doen, as om grootbek te kritiseer en te veroordeel.
Adv. Anton Alberts – gun my graag die geleentheid om u terug te antwoord.
Ek sal by die Renosters in Suid Afrika begin aangesien jy niks behae het, of getoon het teenoor die Afrikaner nie.
Sodra daar so paar Renosters oor is, wil almal begin veg vir die voortbestaan van die diere. So het dit gegaan met die Khoi-San, Boesmans, Korranas en ander bevolkingsgroepe wat amper heeltemal uitgesterf het. Ter wille van oorlewing begin daar een of ander nie regerings organisasie wat skielik wil geld insamel om die voortbestaan van hierdie groepe te regverdig.
Maar jy sien Adv. Anton Albert – hulle moes die voortbestaan regverdig het in die begin. Vir die Vryheids Front om nou skielik ten toon te stel dat hulle belangstel in die voortbestaan van die Afrikaner is een groot tyd mors storie.
Let asb daarop dat die VF+ nie een gesprekforum is nie – julle is een politieke party wat die Afrikaner se belange oor selfbeskikking moes opeis by een suid afrikaanse parlement.
Julle het dit nie een keer gedoen in die twintig jaar nie – moet nou nie een gesprekforum gebruik om uitlatings te doen oor die ANC nie. Julle kan howe, Parlement en die UNPO gebruik daarvoor – hou op om mense te sis wat nie meer gesis wil word nie!
Julle leiers is pateties van binne af- betekende dat die liggaam al klaar stink en een kop moet nog afval – joune inkluis.