Oscar Pistorius, die paralimpiese atleet wat van moord aangekla word, se prokureurs onderhandel met Reeva Steenkamp se ouers in ’n poging om ’n skikking buite die hof te bereik.
Pistorius se prokureurs het Steenkamp se ouers genader, berig The Times. Die prokureurs vir albei partye wou nie kommentaar lewer oor die bedrag wat onderhandel word nie.
Die Steenkamps het R3 miljoen siviele eis vir die verlies van inkomste teen Pistorius gebring.
Steenkamp en haar halfbroer, Adam, het hul ouers finansiël ondersteun en ook die huur betaal vir hul huis in Port Elizabeth.
Adv. Dup de Bruyn SC, die Steenkamps se regsverteenwoordiger, en Kenny Oldwage, Pistorius se prokureur, het bevestig dat hulle in gesprek is
Reeva is op Valentynsdag vanjaar in Pistorius se huis in die ooste van Pretoria doodgeskiet. Die atleet staan tereg op aanklag van moord met voorbedagte rade en die oortreding van die Wet op Vuurwapenbeheer.
Die saak is Maandag uitgestel tot die verhoor op 3 Maart 2014 begin.
Baie simpatie met die ouers, maar ek het regtig gemengde gevoelens hieroor.
Geen skikking sal die tyd terug draai nie. As die omstandighede so is dat die kinders vir die ouers moet sorg dan is dit daardie familie se saak.
Laat Oscar betaal. Waarom nie? Sy het vir haar ouers gesorg en Oscar het hulle nie net van ‘n inkomste beroof nie, maar van iets baie meer kosbaar en dit is hulle dogter. Geen ouer se verstand is so geprogrammeer of ingestel om jou kind te begrawe nie en dit nog onder sulke omstandighede.
Nee, dit is nie Oscar se probleem nie. Haar ouers moes voorsiening gemaak het vir hul oudag, sonder om te verwag dat hul dogter vir hulle moet sorg. As ek Oscar is, doen ek niks om hulle te “help” nie, want hulle wil die situasie uitbuit en hulself verryk uit die situasie.
Vir een Pastoor is jy darem baie besig om te oordeel – ek sal jou aanraai om Praag te verlaat en jou te konsentreer in jou roeping wat jy ontvang het.
Boerewitman Nee my vriend, nie ek of jy ken die omstandighede rondom hulle nie. Die realiteit is dat Oscar hulle dogter, wat hulle ook geldelik bygestaan het, ontneem het. Hy moet hulle sommer betaal vir emosionele pyn en lyding ook. Geen geld in die wêreld kan hulle dogter terugbring, wat van hulle weggeneem is deur hom. Hy het hulle nie uitgebuit nie maar iets wat vir hulle kosbaar is weggeneem. Nogal ‘n helse verskil sou ek seg.
Ek hoor wat jy sê Seg Net, maar onthou die man is nog nie skuldig bevind nie. Ons het ons menings en is seker geregtig daarop. Soos wat ek en jy moet voorsiening maak vir ons lewe so sou dit ook seker maar in hule geval moes wees. Toegegee om ‘n kind te verloor is erg, vra my, ek weet. Dit vreet jou op, maar onthou ook een ding, niemand kan of moet op ander staatmaak om ons te versorg nie. Ons het almal verstand gekry, ons weet almal daar gaan ‘n dag kom waar ek sal moet aftree of uit die werksterrein moet padgee. En dit is waar ek sê moes hulle voorsiening gemaak het. Kyk, moet my nie verkkerd verstaan nie, dit is baie mooi en baie edel as ‘n kind in ‘n posisie is om vir pa en ma te sê hier is ‘n R10000 of ‘n R5 , maar ek dink nie ‘n ouer moet daarop aanspraak maak nie. ek sien ek is deesdae ‘n Pastoor, ai Johan, word groot en volwasse. Dit lyk my jou breinselletjies is maar min en ver uit mekaar en yl gesaai
Ek sien dit ook soos jy Boerewitman1 – dit ons plig
eerstens om voorsiening te maak vir ons aftrede en gelyk daarmee ons kinders op alle terreine toe te rus vir die lewe sodat wanneer hulle volwasse is hulle, hulle plek kan volstaan soos ons dit voor hulle gedoen het.
Mens bly maar nogtans in die gewoonte om te wil bymekaar maak vir die kinders – iets wat my kinders hewig teenstaan is as ek vir hulle se dit of dat gaan ek doen tot hulle
voordeel. Hulle mening is mammie geniet waaroor julle gewerk het – ons het voorsiening vir ons en ons kinders gemaak – en as daar nog iets oor is eendag sal ons dit verder geniet – dan se ek goed ek sal wat oorby aan die
dierebeskerming nalaat terwyl julle dit nie nodig het nie 😉
Mens moet natuurlik onderskei tussen leefstyl hulp
en basiese onderhoudingshulp. Voor mens regtig n oordeel kan vel moet hierdie evaluasie eers gemaak word.
Dit wat jy doen is baie edel en reg, dit is soos dit staan in Spreuke, dit is wyse ouers wat sy kind laat erf. Dit is nie andersom nie. ‘n Laaste aanmerking oor die Pistorius sage, ek gaan ‘n bewering maak. Hy gaan wegkom met ‘n boete en ‘n vermaning, miskien met ‘n opgeskorte vonnis.
Boere dit is juis my punt. mens maak voorsiening vir jou oudag. Met die inflasie soos die afgelope tyd en die verhogings is daardie geld wat jy die dag kry as jy aftree nie meer genoeg nie. Jy weet toe ek ekstra voorsiening gemaak het, behalwe my pension, het ek gedink ek gaan baie maklik daarmee uitkom. Daardie tyd het ‘n miljoen na net een lang droom gevoel. Wat is dit vandag? Jy kan nie daarmee aftree nie.
Indien ek nie ‘n meevaller of twee gekry het nie, weet ek ook nie so mooi nie.
Woorde het ek nie vir julle verlies nie.
Trippie Trip. Ek stem sam met jou. Esther
Yup, nou sal die Steenkamps prakties raak.
Sal maar die tere herinneringe met rande probeer raam.