Die nege polisiebeamptes wat van die moord op die Mosambiekse taxibestuurder Mido Macia beskuldig word, het Dinsdag in die Benoni-landdroshof borgtog gekry.
Die nege beamptes het weer om borg aansoek gedoen nadat hul regsverteenwoordigers aan die hof gesê hulle beskik oor nuwe bewyse. Die hof het vroeër borgtog aan die beamptes geweier.
Macia is op 26 Februarie aan ’n polisievoertuig vasgebind en in ’n straat in Daveyton aan die Oos-Rand gesleep. Hy het ure later in polisie-aanhouding gesterf.
‘n Selfoon-video-opname is van die insident gemaak.
Die beskuldigdes is Meshack Malele (45), Thamsanqa Ncema (35), Percy Mnisi (26), Bongumusa Mdluli (25), Sipho Ngobeni (30), Lungisa Ewababa (31), Bongani Kolisi (27), Linda Sololo (56) en Motome Walter Ramatlou (37). – Sapa
Polisie se taxi dienste is tog nie so vrot nie. Gee vir elkeen van hulle ‘n polisie voertuig om ‘n soortgelyke taxi bedryf te begin.
Waar was daardie polisiebeamptes wanneer hulle benodig word by Zambezi rylaan in Pretoria vanoggend?
KFC Willy, Was mos baie lank sonder hulle gunsteling dis.