Anti-Moslemadvertensies sal in New York City se metro-stelsel vanaf volgende week verskyn, na ‘n federale regter beslis het dat die stad se Metropolitaanse Vervoerowerheid nie op juridiese gronde kan weier op die basis van “vernederende” taal nie.So vroeg as volgende Maandag, sal tien NYC metro’s die advertensies vertoon waarop staan: “In ‘n oorlog tussen die beskaafde mens en die onbeskaafde een, ondersteun die beskaafde mens. Ondersteun Israel. Verslaan Jihad.”
Die veldtog is deur die Amerikaanse Freedom Defence Initiative (AFDI) van stapel gestuur, ‘n organisasie wat as ‘n haat-groep beskou word deur swart groepe.
Pamela Geller, die uitvoerende direkteur van die AFDI, staan by haar advertensieborde ten spyte van ‘n oorvloed klagtes oor die veldtog.
Geller is al lank gekant teen “Islamitiese propaganda” in Amerika en het in die verlede dat ‘n tentoonstelling in Washington, DC museum wat Moslembydraes tot die wetenskap uitbeeld, toegemaak word.
“Ek woon in Amerika en in Amerika het ons die eerste amendement,” het Geller aan Sky News gesê.
Ibrahim Hooper, woordvoerder van die Raad van Amerikaanse Islamitiese Aangeleenthede, het gereageer op Geller se optrede deur die federale regter se besluit te ondersteun.
“Ons uitgangspunt is dat die eerste amendement beteken dat almal vry is om ‘n fundamentalis te wees of selfs ‘n idioot soos Pamela Geller. Ons wens sy wil nie haat aanwakker en geweld aanhits nie, maar in Amerika is dit haar reg.”