Die ANC-Jeugliga in die Wes-Kaap het oproepe om die insluiting van bruinmense in die provinsiale leierskorps verwerp.
Die Liga sê hy kies nie mense op grond van kleur nie. Dit volg na berigte dat sommige lede gevra het vir die insluiting van bruinmense om die provinsie se demografie te weerspieël en meer bruinmense na die Liga te lok.
Die Jeugliga se provinsiale administrateur Senzeni Mphila sê dié denkwyse hoort nie in die ANC-Jeuliga nie.
Hy sê hulle beplan ‘n vergadering met die mense wat die dokument opgestel het.