Briewe – Bladsy 65 – praag.co.za

Nuwe kredietwet kan mediumgrootte ondernemings skaad

Ek wil net graag ‘n paar punte aanraak rakende die nuwe kredietwet wat in werking getree het op 1 Junie 2007. Vrydag 29 Junie het ek ‘n kursus bygewoon van ‘n advokaat wat spesialiseer in die nuwe wet. Dis ‘n baie omvattende wet en raak alle besighede. Ek het nie die omvang daarvan besef tot na die kursus nie.

Een van die noemenswaardige veranderinge in die wet is dat individue wat hulle vergryp aan krediet kwytskelding van skuld kan verkry op gronde van oorfinansiering. Volgens hierdie wet kan die persoon hom dan beroep op gronde van te veel krediet. In so ‘n geval kan die hof dan beslis dat die individu se skuld afgeskryf moet word omdat hy hom vergryp het aan krediet wat heeltemal roekeloos aan hom toevertrou is. Dit plaas ondernemings in ‘n situasie waar hulle goedere verkoop en moontlik nie ‘n sent betaling gaan kry nie.

Die advokaat het egter uitgewys dat die wet slegs van toepassing is op krediettransaksies. ‘n Krediettransaksie word omskryf as enige transaksie waar die persoon duurder vir die produk of diens betaal as in 'n kontant-, oor-die-toonbanktransaksie. Dit sluit in enige addisionele kostes wat jy hef, byvoorbeeld rente, administrasiekoste ens. Dit is ook gestel dat elke besigheid dus sy beleid sal moet bepaal of hy binne, of buite die kredietwet wil val. Besighede waarvan rente en ander kosteheffings ‘n nominale deel uitmaak van sy inkomste sal outomaties moet voldoen aan die nuwe kredietwet. Besighede waarvan die hoofdoel is om produkte te verkoop en rente nie ‘n noemenswaardige bron van inkomste is nie, kan egter hul transaksies so formuleer dat die kredietwet nie van toepassing is nie. ‘n Manier om buite die kredietwet te handel word soos volg aangedui:

As besigheid, kan jy kan nog steeds rekeninge aan kliënte toestaan, bv. 30 dae-na-staatrekeninge, ensovoorts, maar moet net nie as die persoon agterstallig raak met sy rekening rente, administrasiekostes of enige ander heffing maak nie, want dan word die transaksie as ‘n krediet transaksie beskou. (Dit wil sê, dit werk die kliënt duurder uit as wat hy slegs oor die toonbank die produk so koop.)
As kredietgewer moet jou kredietaansoekvorm, wat jy kliënte laat invul, glad nie melding maak van rente of kostes wat gehef sal word op laat betaling nie.
Indien ‘n kliënt nie kan betaal nie, kan jy as skuldeiser ‘n nuwe betaling skedule her beding maar weereens mag daar nie rente of enige ander koste by gehef word nie.
As ‘n kliënt nie kan betaal nie, oorhandig dan die rekening aan ‘n prokureur. Die prokureur mag dan kostes en rente hef. Prokureurskostes word as apart beskou en verander nie die transaksie na ‘n krediettransaksie nie. Indien jy as besigheid wel krediettransaksies beklink, is daar ‘n magdom moets en moenies soos volg uiteengesit:
Sou jy as besigheid ‘n rekening aan ‘n kliënt wou toestaan, moet jy oor ‘n bepaalde metode of formule beskik, waarmee jy kan bereken of die persoon sy skuld sal kan betaal al dan nie.
Jy as besigheid mag nie meer net na willekeur ‘n kliënt se kredietperk verhoog nie (tensy jy in sy aansoekvorm vir hom die keuse gegee het of hyself wil aansoek doen vir ‘n hoër limiet en of jy dit een maal ‘n jaar mag doen). As die kliënt toestemming verleen dat jy sy limiet een maal ‘n jaar mag verhoog, moet die kliënt daarby teken as bewys dat hy jou toestemming verleen het. Dan moet jy nog steeds eers met ‘n metode of formule bepaal of hy die addisionele verhoogde limiet sal kan hanteer met inagneming van al sy ander skuld en maandelikse uitgawes.
Indien jy as besigheid ‘n kliënt ‘n rekening weier, mag die potensiële kliënt jou versoek om ‘n rede te verskaf. Jy moet hom dan skriftelik jou redes meedeel waarom jy as besigheid voel die kliënt voldoen nie aan die vereistes om ‘n rekening te kry nie. In geen omstandighede mag jy diskrimineer teen ‘n persoon om welke rede ook al nie. Indien hy sou voel dat jy diskrimineer teen hom op grond van sy ras , voorkoms ens. mag hy jou gaan aangee by die verbruikersraad. Indien die hof sou beslis dat jy wel gediskrimineer het, is daar ‘n moontlikheid dat jy jou kredietlisensie kan verloor. Dit maak dan al jou voorafgaande transaksies ongeldig.
Volgens die nuwe wet is ‘n afkoelperiode van 5 dae van toepassing op enige krediettransaksie wat nie by die normale geregistreerde kantoor geteken word nie. M.a.w. as 'n kliënt jou bel en vra jy moet gou uitry na sy perseel en vir hom ‘n produk bring, dan word die transaksie nie by jou sakeperseel beklink nie. In so ‘n geval kan hy die produk terugbring na 5 werksdae. (sou hy nie tevrede wees nie).

My opinie van hierdie nuwe wet is dat dit daarop gemik is om die massas te bevoordeel ten koste van mediumgrootte ondernemings wat die ruggraat van die ekonomie vorm. Die skuldmaker se basiese persoonlike verantwoordelikhede word nou bloot verskuif na die potensiële goedere- en diensverskaffer en hul word verder belas deur nuwe kostes aan te gaan om hierdie verpligte fasiliteit te bied.

Dan laastens, net so vir die interessantheid, die volgende twee wette wat hersien gaan word, is die volgende:

• Wet rakende kosprys van huise;

• Wet rakende kommissie op die verkoop van eiendom.

in live Фильчаков прокурор

NG Kerk kan soos NP verdwyn

Doktor Nico Smith se aanklag teen sy Moeder, die NG Kerk, skree om reaksie juis vanwee sy gebrek aan ŉ praktiese uitkyk oor kerkwees vanaf lidmaatsvlak.

Op verskeie plekke in sy brief kla hy die kerk daarvan aan dat hy posisies ingeneem het soos wat sy lidmate dit wou hê. Nou hoe dan anders, doktor? Die kerk se hele bestaan hang van sy lidmate af. As daar nie lidmate is nie, is daar nie ŉ kerk nie. As die lidmate nie die ampsdraers se salarisse wil betaal nie, is daar nie ampsdraers nie en is daar nie ŉ sinodesitting nie. Die blote plaasvind van die sinodesitting word gefinansier deur die geld wat uit die lidmate se sakke kom.

Lidmate het in die algemeen volwasse geraak. Meer so met prosesse wat ampsdraers aan hulle wil voorskryf, wat vanuit die politiek eerder as die skrif gemotiveer is. Een hiervan is die eis om kerkvereniging met die swart kerke. Oor hierdie saak redeneer ek en baie van my kennisse soos volg: Hoekom is daar nie ŉ oproep tot vereniging met die Gereformeerde en die Hervormde kerke nie? As dit dan ŉ eis vanuit die Skrif is om met die swart kerke een te word, sal dit dan tog ŉ eis wees om ook met wit die kerke een te word. Daaroor sal die skrif beslis konsekwent wees . Daar is verder tog ook ŉ baie praktiese aspek aan verbonde, naamlik die volgende: Dit is tog baie eenvoudiger om met kerke een te word waar mense dieselde taal, kultuur, etnisiteit en agtergrond het as om dit te probeer afforseer met kerke waar een of meer verskille t.o.v taal, kultuur, etnisiteit en voorvadergeeste-aanbidding bestaan. Eers as ŉ mens dit dan reggekry het om eenderse kerk verenig te kry, dan eers sal die kanse verbeter om kerkvereniging oor taal-, kultuur- en rasgrense te laat plaasvind. In die lig van die feit dat die gesprek oor kerkvereniging tussen die 3 Afrikaanse susterskerke al oor die 100 jaar aan die gang is, voel ons fit moet ons regmaak vir ŉ gesprek oor kerkvereniging met die swart kerke wat nog maklik 500 jaar gaan duur omdat die faktore soveel meer kompleks is.

U sien doktor, die gewone lidmaat voel met ŉ stok aan dat die eis om kerkvereniging ŉ politieke eis is. Lidmate weet dat kerkleiers, wat dit as ŉ opdrag uit die skrif wil voorhou, vir praktiese redes soos hierbo genoem, vir ons lieg. Nou is dit ook maar so dat die lidmaat wat vir homself dink toenemend onwillig raak om te help met finansiële bydrae’s wat gebruik word om salarisse te betaal van kerkleiers wat vir ons lieg.

Verder betreur u die feit dat die NG kerk op ekumeniese vlak nie ŉ verskil kon maak nie, vanweë sy keuse om hom te posisioneer soos wat sy lidmate dit wil hê. U sien doktor, die gewone geldbydraende lidmaat deel hierdie gemis van u nie in die minste nie en voel ŉ totale veer daarvoor. Ek gee u weer die praktiese rede hoekom dit so is. Vir die lidmaat sien die hiërargie van praktiese kerkwees soos volg daar uit, met afnemende orde van belangrikheid:

Huisgoddiens in my gesin
Bediening van mense uit my onmiddellike gemeenskap, bv my straat, my vriende en familiekring, vanuit die opdrag “Dra mekaar se laste en vervul so die wet.."
Bediening van lidmate van my plaaslike gemeente
Bediening van mense uit my kultuur- / etniese gemeenskap.
Bediening van mense in die breë in my woonbuurt, stad of dorp
(as iemand dan nog enige verdere tyd het miskien in aangrensende woonbuurte of in die townships)
ŉ Vae belangstelling maar hoofsaaklik onbetrokkenheid oor dit wat op sinodale vlak gebeur
ŉ Totale gebrek aan belangstelling oor wat op ekumeniese vlak gebeur.

Om dus nou die lidmaat se oortuigings te probeer verander oor die gebrek aan invloed op ekumeniese vlak is ŉ totale mors van tyd en gaan geen invloed hê nie omdat veral die denkende lidmaat die vooroodeel handhaaf dat die verskille wat daar gemaak moet word bloot polities gemotiveerd is.

U betreur die feit dat die kerk sedert 1994 niks verander het nie. Ten opsigte van praktiese kerkwees gaan ek dit nou ook aan u verduidelik hoekom nie:

Soos ek aan u hierbo aangetoon het, is kerkwees anders as wat u glo, nie ŉ proses wat van bo af bestuur en gemanipuleer kan word nie. Ek noem 3 praktiese voorbeelde:

My sinodale voorsitter of selfs my gemeenteleraar gaan my nooit oortuig om elke keer wanneer ek huisgodsdiens hou, eers gekleurde persone te moet gaan soek om die meerderheid van my huisgodsdiensbeoefening uit te maak nie.
Hulle gaan my ook nooit oortuig om wanneer ek ‘n Afrikanerbroodwinner wat sy werk weens rassediskriminasie verloor het, help om weer werk te kry, dat dit my plig is om eers 5 swart broodwinners met werk te help nie.
Predikante en kerkleiers weet dat as hulle die lidmate in poltiek gemotiveerde kerkvereniging gaan indwing, gaan die lidmate nie meer wil geld gee om hulle salarisse mee te betaal nie en dan is hulle hul werk kwyt.

Doktor Smith, die Rubicon wat u moet oorsteek, is die besef dat die kerk of sy vergaderings nie die Skrif kan misbruik om my of ander lidmate se aanbiddingsruimtes te transformeer tot die een van korrektheid teenoor die politieke eise van die dag nie. As dit veel langer gaan aanhou, gaan ontrekking van lidmate se geld veroorsaak dat die NG Kerk as instelling net soos die Nasionale Party gaan verdwyn.

прокурор Фильчаков

Moet ons kom groet?

In 2002 klim ek en my vrou op vlug LX289 op pad na Zurich en uiteindelik na Londen. Ons gaan vir 'n jaar in die buiteland werk en dan keer ons terug huis toe en hervat ons lewe. Maklik soos dit.

Na 5 jaar is ons nog hier en ons het teen alle raad besluit om terug te keer na Suid-Afrika. Meer en meer wil dit vir my lyk ons het 'n verkeerde besluit geneem.

Ons het nooit ons koebaais gesê nie en ons voel ons moet eers vir onsself gaan kyk of dinge werklik so sleg is soos almal dit uitmaak.

Vir enige persoon wat sy land verlaat dink ek, daar is maar altyd 'n hunkering na waar hy hoort. As jy afgesien het van jou land en jy het finaal besluit jy gaan nooit weer terug nie, dan moet jy maar vrede maak met daai hol kol.

As jy nooit daardie finale besluit gemaak het nie vreet dáárdie verlange jou, dag na dag.

Ons hoort nie waar ons tans is nie, ons sal altyd "foreigners" wees. Maar dan vra ek myself af, hoort ons dan enigsins nog in SA of is ons ook nie maar net die "settlers" nie?

Soveel Afrikaners maak elke dag 'n lewe in SA, wonder bo wonder. Etlikes offer hul lewens op daarvoor.

Wat as ons slagoffers word van die geweld, sal ek ooit myself kan vergewe?

Intussen het ons Boeremeisietjie drie geword en was sy skaars 6 weke van haar lewe in ons vaderland. Geoordeel aan alles wat hier tot haar beskikking is en opgeweeg aan dit wat in SA bestaan, lyk dit maar nie so lekker om alles hier op te gee vir die onsekere nie.

Wat van skole, gaan sy die skoolopleiding ontvang wat sy hier kan verwag?

Gaan daar 'n Universiteit wees wat nog enigsins die moeite werd sal wees?

Kan ons rustig gaan slaap snags?

Kan ons ons geliefkooste tydverdryf, stap, nog beoefen?

Ek het nie antwoorde op dié vrae nie en ek reken dit is seker waarom ons die tog moet maak.

Ons kan net hoop dat die Afrikaners se oë oopgaan en sien wat hul werklik verloor.

Een troos, as dinge nie uitwerk nie, kan ons totsiens sê.

{loadmoduleposition banner}

отзывы о хорватии

Daar woed reeds oorlog teen ons

Vir al julle besluitlose Boere/Afrikaners daar buite:

Almal hou daarvan om te praat. Daar is ’n paar feite wat ek geleer het in die weermag in Angola in die vroeë tagtigs.

Die eerste stap van oorlog is: Jy moet jou vyand se moreel afbreek. Hoe doen jy dit?

Deur sy familie uit te moor, om sy wapens te vat, verkragtings ens.

Om daardie persoon sover te kry om niks te hê waarvoor hy lewe nie.

As jy dit gedoen het is dit die maklikste manier om ’n oorlog te wen want daardie persoon is reeds op sy knieë.

Ek en julle is reeds op ons knieë want dit is presies wat elke dag in ons lewens gebeur.

So ek wil net vir julle mede-Boere daar buite sê, as ons nie baie vinnig wakker skrik nie, gaan ons ’n oorlog verloor, nog voor ons begin het. So ek vra vir al julle Afrikaners en Boere daar buite om iets te begin doen en minder te praat. Alleen kan ek niks doen nie, maar as ons saam staan, kan niemand ons stop nie. As ons nie baie vinnig ’n plan van aksie bewerkstellig nie, moet ons dit maar aanvaar om op ’n hopie te sit en vrot!!!!!

лобановский депутат

Mbeki se kffr-brief: voorspel tot bloedige revolusie?

Ek kan my nie met Mbeki se gedrag, motivering en denkwyse vereenselwig nie. Daar is ook niks daarmee fout as julle dit ook nie doen nie; verkondig hulle nie elke dag aan ons dit is ’n demokrasie nie?

Wat duidelik blyk uit Mbeki se brief van 16 Maart 2007 is die volgende.

Mbeki en daarmee saam die ANC het rassehaat tot ’n nuwe dimensie gevoer. Hy versuim om in sy verduidelikings te verwys na die rassisme wat in die werksomgewing, woonomgewing en godsdiensomgewing waana hy in sy aanhaling verwys, deur ’n klein verwerpte deel van die blanke gemeenskap gepleeg word. Alle blankes word oor dieselfde rassistiese kam geskeer. Ja, ook dié wat die prys betaal vir sy transformasiebeleid wat gelei het tot omgekeerde rassisme, asook diegene wat elke dag met hulle harde onbaatsugtige liefdadigheidswerk teenoor die sogenaamde agtergeblewenes voortgaan, ja alle blankes.

Mbeki verwerp die klagtes wat blankes oor misdaad het, as ’n oeroue vrees vir swartmense en dat dit niks anders as ’n “massiewe propoganda-oorlog” is, sonder enige agting of respek vir die waarheid nie. Die besluit is dit “julle kan gaan hang”, om Mugabe se woorde te gebruik, ek sal niks aan julle klagtes doen nie.

Almal wat dus kruiwaens vol briewe na hom toe bring is misleides. Hy het selfs bewyse. In Johannesburg beweer hy is ernstige misdaad selfs laer as in 1994. Natuurlik nadat hulle die boeke en statistieke “gekook” het. Niemand verduidelik egter hoe dit dan moontlik is dat die begrafnisondernemersbesigheid, in die sogenaamde misdaadlose stad, so toegeneem het nie. Niemand verklaar hoekom die doodskisbesigheid sedert 1994 vertienvoudig het nie.

Daar is geen woord binne die grense van Suid Afrika wat meer haat veroorsaak as die gebruik van die woord “k*ff*r” teenoor swartmense nie.

Mbeki gebruik hierdie woord 11 keer en elke keer skryf hy hom volledig uit, sonder enige vrees vir die gevolge. Die gebruik van die woord dra die krag van weerwraak wat kan lei tot moord, verkragting en mishandeling van blankes.

Ons het baie vryhede in die lewe, ons kan selfs kies tussen lewe en dood. Daar is egter een ding waaroor jy geen keuse het nie, jy kon nie die kleur van jou vel nie kies nie. As jy dus ’n wit vel het, dan maak dit nie saak hoe ’n mooi mens jy is nie, dit maak nie saak hoe ’n goeie mens jy is nie, volgens Mbeki noem jy swartmense “k-ff-rs” en koggel jy hulle as hulle jou nie kan sien nie deur jou neus plat te druk.

Bogenoemde stelling mag vir jou klink na die verdraaing van die feite; ek het egter hierdie brief oor en oor gelees. Ek het my bes probeer om dit anders te vertolk, maar gesien teen die agtergrond van wat tans in Suid Afrika aan die gang is, is ’n ander gevolgtrekking naïef en ondeurdag.

Desmond Tutu het in die onlangse verlede gewaarsku dat Suid Afrika sy morele kompas kwyt geraak het. Hy waarsku verder dat ons op ’n kruitvat sit wat enige oomblik kan afgaan en ontaard in etniese geweld en hy is nie ’n misleide blanke nie. Ons sien elke dag getuienis van ongekende, selfs ondenkbare, wreedheid wat misdaadslagoffers tref. Absolute sinlose mishandeling van diegene wat hulle nie kan verdedig nie.

Teen hierdie agtergrond is dit om soos vir ’n wrede hond saggies te sê “sa!” waar niemand naby genoeg is om dit te hoor nie. As die hond iemand verskeur het, kan jy jouself persoonlik verontskuldig van enige meedoening.

Ek merk op dat ons taalgebruik oor die algemeen baie kru geraak het die afgelope 13 jaar. Julle sal dus meer begrip hê vir my volgende analogie.

As ’n man blind van woede is en ’n omstander skree dat die slagoffer van die (“bedonnerde” volgens Pik Botha ) man se woede hom agteraf gekoggel of ’n skelwoord genoem het, dan verwonder niemand hulle as die man se reaksie buite beheer raak nie. Enige normaal denkende persoon sal dan verwag dat die reaksie gewelddadiger sal wees.

Dit is juis my mening dat Mbeki deeglik bewus is van die waarkuwing wat Desmond Tutu aan die einde van die jaar uitgereik het en dat hy roekeloos en nalatig opgetree het deur die skryf van die gewraakte brief.

Artikel 3 van die “1948 Convention on the Prevention and Punishment of the Crime of Genocide maak dit ’n misdaad om deur woorde ’n volksmoord te bevorder.

Ek glo ook dat Mbeki deur hierdie brief die hele wêreldbekersokkertoernooi in die weegskaal geplaas het. Die woede en die haat wat die brief gaan veroorsaak onder die boosdoeners sal geen onderskeid tref tussen blanke toeriste en blanke Suid-Afrikaanse “rassiste” nie.

Die tragiese gevolge van die brief sal in onskuldige bloed geskryf word. Sy skokkende rassisme en sy ontkenning van die misdaadkrisis – soos dié van vigs – word egter nie misgekyk teen die agtergrond dat hy as die magtigste man in Afrika tans besig is om ’n R90 miljoen muur om ons presidensie te bou nie. Miskien het een of ander strategiese ontleder hom ook gewaarsku dat die “k*ff*rs”op pad is. (Ek is jammer, maar ek vind dit ongelooflik moeilik om my woede en teleurstelling te onderdruk.)

As die pleidooie van die blanke kant afkom dat die misdaad en die korrupsie onverdraagsaam hoog is, sal enige regdenkende persoon tog ag daarop slaan en die versekering gee dat nog meer gedoen sal word om aandag aan hierdie pleidooie te gee. As jy egter duistere motiewe het, sal hierdie versoeke jou walg. Die vraag is: beplan die leier van die vryheidsbeweging weer ’n revolusie? Die keer net ’n bloedige revolusie? Miskien is die “stille diplomasie” teenoor Zimbabwe wat gebruik word om te kyk hoe reageer die wêreld op Zimbabwe, dan sal hy weet hoe ver hy kan gaan in Suid-Afrika want dan weet hy vir seker die res van die wêreld sal net kerm en kla en niks doen nie.

Skokkende gevolgtrekking, tog begin dit al meer na ’n moontlikheid lyk.

no deposit casino free

Suid-Afrika het ‘n mal plek geword

Sedert ons eerste sogenaamde demokratiese verkiesing in 1994 het baie dinge in ons land radikaal verander. Alhoewel alles heel moontlik nie net negatief en teen-produktief was nie is daar tog heelwat goed wat verander het en in ons leeftyd nooit weer dieselfde sal wees nie. Hoe dit ook al sy, die “nuwe Suid Afrika” is ’n realiteit. Ewe skielik voel ek soos ’n vreemdeling in hierdie land, die een waarin ek bykans ’n halwe eeu bly. Die een waarvan gesê word my voorheen so bevoordeel het. Die een wat die broodblik van Afrika was. Die vlag is weg, die lied wat ons gesing het is nou, soos die brasse van die flêtse sou sê, ’n “mix” van twee liedere. Weg is die gevoel van Suid-Afrikanertrots, daardie gevoel dat jou bors wil oopbars met die sing van die “Lied van jong Suid-Afrika” tydens die destydse Republiekwordingsfeesvieringe. Ek, soos baie van my mede-blanke Suid-Afrikaners, het ons immigrante in ons land van herkoms geword. Ja, ek is nie ’n Afrikaner nie. Die African is nie in hierdie land gebore nie maar het van iewers uit donker Afrika oor ons landsgrens gesluip en nou beroep hy hom op Mbeki se renaissance. Word wakker in Suid-Afrika en dan is jy onmiddelik ’n landsburger – want jy’s ’n Afrikaner. Met alle dank aan die African Renaissance.

Die mees prominente ding wat egter in ons land gebeur het, is natuurlik die brander van misdaad wat soos ’n tsoenami oor ons koppe gebars het en ons soos vrotte velle oor die strande van ons samelewing gestrooi het. Gekneus, gebroke en soms dood, lê ons oor hierdie land gesaai. Oorgelewer aan die elemente; dié wat na ons moet omsien is doof. Hulle hoor en tog hoor hulle ook nie. Suid Afrika het ’n mal plek geword. Die burgers van hierdie land het geen ontsag vir die wetstoepassers en landswette nie. Suid-Afrika het ’n paradys vir internasionale misdaadsindikate en ook enkelinge geword. Kriminele tuis het ook nie laat slap lê nie en roof en diefstal is aan die orde van die dag. As daar wêreldwye misdaadrekords op te stel is, het ons dit al reeds gedoen of is ons goed oppad. Polisiemanne word afgemaai en dié wat nie dood is nie is grotendeels korrup in hulle daaglikse handelinge. Talle persone in topposisies, hoofde, bestuurders en ministers loop met ’n wolk wat oor hulle koppe hang. Eerlikheid het geen betekenis in hulle daaglikse aktiwiteit nie en elkeen sorg net vir himself; dit wat baie moet doen – soos om die gemeenskap te dien – is vergete.

Die howe het die speelplek van politici geword en duur ondersoeke na een of ander kwessie; wat eintlik maar net ’n gewone kriminele saak moes wees, word vir die belastingbetaler se sak aangevoer. Soos ’n wafferse Day of our lives word dit vir die people gebeeldsend. Ten koste van wie? – die belastingbetaler natuurlik. Kriminele word voor howe geneem om net 24 uur daarna iemand anders te verkrag of vermoor.

Deur na al die bogenoemde te kyk en net in die algemeen na die wetteloosheid kom die ANC se mees bekende slagspreuk (altans vir my) telkens na vore: “The people shall govern”. Nou as dit nie die mees gevaarlike ding is om te sê nie, wat is dan? Dit is presies wat besig is om te gebeur. Miskien nie tans in ’n hoë graad nie, maar dit is baie vinnig besig om toe te neem. Taxibestuurders besluit hoe, wat en waar dienste verskaf gaan word. Word hulle aangevat oor onpadwaardige voertuie, blokkeer hulle paaie om hulle misnoeë te lug. Cosatu, vorige vennoot van die regering, wil voorskryf wanneer die staatspresident moet tuig neerlê en wie die vrou in sy plek moet wees. Tot doodgewone landsburgers beset grond onwettig, besluit waar hulle wil woon en beskadig infrastruktuur soos die onlangse N7-brug sonder enige nagevolge. Die people regeer voorwaar en neem mens ander aspekte in ag, gaan hulle al hoe meer govern. Hulle maak ook voor die voet dood en onteien hulle slagoffers van hulle eiendom. In meeste gevalle word niks daaraan gedoen nie en kom hulle skotvry daarvan af. Blykbaar is die feit dat meeste moordenaars en verkragters nie wit is nie bloot toevallig. So kyk mens na al die kleure in die prentjie, lyk alles nogals donker. Is daar sterk tekens van ’n oorlog – ’n burgeroorlog. Want waar burgers van ’n land deur mede-burgers doodgemaak word, en vernaamlik teen die huidige tempo, word dit ’n burgeroorlog genoem. Alhoewel ons met bykans 6 miljoen, baie konserwatief geskat, onwettige mense in die land sit, word meeste Suid-Afrikaners steeds deur hulle mede-burgers vermink en vermoor. Baie interessant dan om te sien dat ons regering wat ons miljoene kos hulle verwerdig en geld uitgee om Florence Nightingale in die Kongo en God weet waar oral te speel. Dít, terwyl ons land brand. Maar aan die ander kant, dis mos die people wat govern. Dus het ons net onsself te blameer. Miskien moet ons die regering finaal privatiseer ten gunste van die people – dit gaan heel moontlik goedkoper wees.

Die oorlog het dus klaar begin. Die intensiteit gaan heel moontlik verhoog en nog meer van ons mense gaan in die slag bly. Dit gaan egter nie net die blanke wees nie, maar alle rasse se toekoms is op die spel. Of ons en ons geliefde land gaan oorleef, gaan afhang van die mate waartoe ons kan saamstaan – die regverdiges teen die people.

Afrikaners en die buiteland

Met belangstelling het ek van die menings op u webblad kennis geneem. Dit is duidelik dat Afrikanereenheid steeds 'n byna onmoontlike doelstelling is, dat misdaad en die stryd daarteen die denke oorheers en dat Afrikaners in hul geboorteland om regmatige erkenning moet stry.

Nie 'n enkele van hierdie sake interesseer buitelanders ook maar vir een oomblik nie. Ja, die media gee hier en daar aandag aan die agteruitgang van Afrika maar altyd teen die agtergrond van "die resultaat van apartheid, verdrukking van swartes, die gevolge van slawerny en diskriminasie in die verlede." Baie Afrikaners praat uiteindelik maar mee in die koor.

Dit is opvallend dat ook diegene wat Afrika ken (dit behoort tog veral Afrikaners te wees nie waar nie ?) geen duidelik gemotiveerde en omlynde verklaring vir die geweldskultuur en misdaadeskalasie in Suid-Afrika maar ook die hele swart Afrika, gee nie. Die lied van die bogenoemde koor kry geen teëgeluid nie. Bly die "apartheid, diskriminasie, uitbuiting, kolonialisme, slawerny" koor die botoon sing, dan het die Afrikaner by name verloor, heeltemal verloor en sal hy altyd met die gevolge van sy politieke verlede gekonfronteer bly. Vanuit propaganda oogpunt gesien wen die ANC en Mbeki steeds.

Dat die res van die wêreld Afrika afgeskryf het is bekend. Weinig stel belang om die toestand te vebeter. Afrika moet homself met sy eie skoenveters oplig.

Vanuit die buiteland gesien (waar ek woon) is Afrika 'n enigma en die Afrikaners 'n onbeduidende tragiese oorblyfsel van 'n tydperk. Die oomblik as hierdie besef tot 'n mens deurdring dan emigreer jy – soos baie Afrikaners dan ook doen. Dit is 'n geldige en waardevolle antwoord op 'n oorlewingsprobleem wat in werklikheid soos 'n swart afgrond lyk.

Praag hou hom besig met Afrikaners wat in Afrika wil bly. Dit is ook 'n regverdige opsie. Soos sake nou staan is dit jammer genoeg, 'n doodlooppad. Die swart meerderheidsregering gee nie om nie en die buiteland kyk anderkant toe (die blankes kry hulle verdiende loon.)

Daar is egter 'n benadering wat wel ruimteskeppend is. As die Afrikaners en hulle organisasies binne die RSA hulle samewerking of samesprekings met 'n falende regering stop en hulle oë rig op daar waar hulle belange werklik lê, kan dit anders. Bemark uself as die mense wat weet hoe om Afrika te verstaan en te hanteer. Stel uself op as Westerlinge – wat die Afrikaners in werklikheid is. Moenie steun vir die "onderdrukte volkie" soek nie, u gaan dit nie kry nie. Neem die standpunt in: "Saam met ons, julle blanke buitepos van Europa en die VSA in Afrika, kan julle Europeane en Amerikaners, hier in Afrika julle ding tot julle eie voordeel doen want ons weet hoe en ons hoort by julle." Maak u onmisbaar in 'n kontinent wat die wêreld nie regtig mis nie.

Baie gaan sê dat hierdie benadering 'n soort neo-koloniale standpunt is. Die wat so dink is reg.

Daar is een voorwaarde: Die Afrikaners moet die swart kontinent en sy mense verstaan, kan verklaar waarom die toestand in swart Afrika so ellendig is teen die agtergrond van die swart Afrikakulture en leefwyse self en 'n deurdagte strategie baseer op duidelike insig ontwikkel. Tot op datum het ek nog geen Afrikanerleier ontmoet of gehoor of van gelees wat dit kan doen nie.

стенд развал

Is Mbeki soos Nixon?

Dit blyk dat Dan Smith 'n konsultant is by die departement van behuising. Dit blyk dus dat hy iets moet weet van behuising wat meeste mense sou ervaar as kennis aangaande bouwerk, strukture, materiale en grondstowwe en nie van rasse en klasse nie.

Volgens die artikel in Rapport op 11 Februarie getiteld “Woonburt-skok” kom mnr. Dan Smith na vore as 'n boodskapper van vreemde tyding.

Hierdie tyding soos geredigeer bevat die volgende:

1.Ontwikkelaars moet gedwing word, dus speel markaanvraag nie meer 'n rol nie. Die staat besluit wat die mark moet vra. Het die inwoners van SA nie die reg op aanvraag tesame met die vereiste dat daarvoor betaal moet kan word nie? (2) “Alle burgers is in gelyke mate –

(a) geregtig op die regte, voorregte en voordele van burgerskap; en

(b) onderworpe aan die pligte en verantwoordelikhede van burgerskap.”

(Dis nou toevallig gekwoteer uit die grondwet)

2.Laekoste-eenhede moet gebou word in gegoede buurtes dus is vryheid van assosiasie nie meer van toepassing nie. “Elkeen het die reg op vryheid van assosiasie.” (Dis nou toevallig gekwoteer uit die grondwet.)

3.Ontwikkelaars moet rasverskille afbreek dus moet rasse eerstens geïdentifiseer word waarna die ontwikkelaar sal besluit watter huis hy aan een ras sal verskaf sodat die ras kan verander na 'n ander ras. Die ras self mag nie besluit oor die ras se eie huis nie. Respekteer die president ons dan nie meer nie? “Elkeen het ingebore waardigheid en die reg dat daardie waardigheid gerespekteer en beskerm word.” (Dis nou toevallig gekwoteer uit die grondwet.)

4.Die President erken dat die meeste moorde deur swartes gepleeg word, maar dat sodanige swartes tussen “normale” huise moet bly. Is daar nie 'n wet wat duidelik is aangaande die president se verantwoordelikheid ten opsigte van ons reg om “vry te wees van alle vorme van geweld van hetsy openbare hetsy private oorsprong” nie? (Dis nou toevallig gekwoteer uit die grondwet).

Die opsomming van hierdie artikel is dat president Mbeki, noudat hy die “State of the Nation” gelewer het, en hierdie berig goedgekeur het, wat ek twyfel, miskien nou vervolg moet word soos die destydse Amerikaanse President Nixon omdat hy sy eie mense benadeel het.

Dan moet die president nuwe mense in die department van behuising aanstel wat iets weet van behuising en minder weet van rasse en klasse.

online video slots

Gehoorsaamheid sal misdaad verminder

Gesien in die lig van wat reeds in briewe aangedui is soos ons moet buiteland toe, weg met regstellende aksie, moenie met die regering praat nie maar lui die saak aan die "groot klok" ens., wil ek 'n alternatiewe voorstel maak waar ons ons algehele samewerking met die ANC moet oorweeg.

Ons moet in briewe aan die regering soos wat nou gebeur het met die misdaadsituasie voor die "State of the Nation"-toespraak, nie net vir Mbeki vertel hoe vrot dit gaan nie, maar ons moet hom vertel hoe ons agter hom sal staan – dat ons hom sal ondersteun en dat ons wag vir sy opdragte wat ons sonder verwyl sal uitvoer.

Ons moet hierdie mening dan ook landswyd in al die koerante en blaaie uitsaai en uitdruk. Mbeki sal natuurlik verwonderd wees oor hierdie ommeswaai, maar ons kan dit maklik verduidelik deur te verwys na nie net die IK(intelligensiekwosiënt) of na die EI (Emosionele kwosiënt) nie maar meer spesifiek na die SK (spirituele kwosiënt).

Die spirituele benadering is nie net 'n geloofsbenadering nie, maar dit is terselfdertyd 'n effektiewe benadering tot probleem oplossing sonder om die persoon aan te val.

Dit sal die deurbraak wees waarvoor die wêreld wag, en dit sal deur die Afrikaner bewerk word. Net soos wat PW die demokratisering begin het en die ANC saamgewerk het, nou word daar weereens uiterste kreatiwiteit verwag van die Afrikaner en ek glo hy sal daarna in ere herstel word.

what are casino games

Kommunikasie maak weerbaar

Die eerste en belangrikste stap tot weerbaarheid is kommunikasie.

1) Spoed. Om vinnig en doeltreffend te kan kommunikeer is van kardinale belang. Kommunikasie moet uiters vinnig kan geskied want in situasies van nood is tyd krities en ons praat van sekondes nie minute nie.
2) Effektiwiteit. Om met die regte mense te praat is net so krities. Dit help nie jy kontak die polisie nie want hulle is die beskermengele van die bende in die buurt. Dit help nie jy kontak jou familie nie want hulle bly te ver. Jy moet al jou buurmanne kontak.

Die beste oplossing vir altwee hierdie kriteria bly maar die tweerigtingradio. Nie selfoonoproepe of SMS'e kan kompeteer met die spoed en doeltreffendheid van 'n radio nie. Met die druk van een knoppie kan jy tegelykertyd met al jou bure praat.
Stap dus vanaand oor na jou Afrikanerbuurman en oortuig hom om ook 'n tweerigtingradio te kry.

Misdaad is nie ‘n natuurverskynsel nie

Misdaad is een van die woorde wat gebruik word om menslike aksie te beskryf. Dus is misdaad nie ŉ natuurverskynsel nie.

Om oor misdaad te dink in terme van metafore dien geen doel en misdaad moet gesien word as die gevolg van menslike aksie. Die enigste oplossing is dus om of daardie mens wat jy glo ŉ misdadiger is tydelik of permanent uit jou gemeenskap te verwyder.

Buiteland toe!

Die Afrikaner het geen bedingingsmag in hierdie land nie!

Ek is van mening dat ons Afrikaners geen inspraak by die huidige regering het nie. Ons gaan ook vorentoe geen inspraak hê nie. Om as Afrikaners of wat ook al met hulle te gesels, is 'n mors van tyd.

Die ANC-hiërargie se ideologiese denke is destyds deur hul Marxistiese leermeesters in veral Rusland en Oos-Duitsland gevorm. Hulle het nog nooit afgesien van die uitgediende denke en metodes wat hulle in Moskou en Leipzig aangeleer het nie.

Die revolusie wat die diktatuur van die proletariaat vooraf moes gaan, is gefrustreer met die oorgawe van De Klerk, Wessels, Meyer en die ander patete.

Daardie rewolusie is egter tans besig om te ontwikkel met die moorde op boere en al die ander besittersklasse ("have's"). Die verwoesting wat tans aan die gang is, sal voortgesit word en sal vererger – met die stilswyende goedkeuring van die regering. Die uitsprake en optredes van siele soos Mbeki, Selebi, sy minister en die ander klomp bevestig die feit dat daar niks van hul kant sal kom om die verwoesting te stop nie, inteendeel.

Wat kan ons doen? Ek dink ons kan baie doen om die proses te vertraag en hopelik om dit uiteindelik tot stilstand te dwing. Ons kan egter dit nie doen deur ons na die regering te wend nie. Ons redding is slegs by diegene te vinde wat die politieke, maar veral die ekonomiese spiere het wat hierdie regime dermate kan bedreig dat hulle geen ander keuse het as om gehoor te gee nie.

As voorbeeld. Indien die Duitse regering en/of BMW, VW en Siemens sou sê dat hulle verdere beleggings en betrokkenheid hier gaan beëindig, tensy die volksmoord en verwante misdrywe gestaak word, is ek oortuig dat die klokke hier sal begin lui.

Dieselfde tipe druk kan positiewe gevolge inhou op die internasionale politieke terrein. Dit is 'n baie sensitiewe gebied vir enige swart leier, soos ons duidelik kan sien met Mbeki se beheptheid oor sy buitelandse beeld en om altoos sy neus oral in te druk. Indien die lede van die internasionale politieke gemeenskap begin om vir die vent die deur te wys, omdat hy o.a. die misdadigheid, vigs, ens., in sy eie land nie kan beheer nie, sal daar myns insiens deeglik van kennis geneem word.

Hoe bereik mens die punt waar sulke druk op die regime geplaas word? Die enigste manier is deur toegang te bewerkstellig tot die teikenstate en die groot maatskappye, die internasionale media, politieke groeperinge en partye in die state wat politieke en ekonomiese invloed in die NSA het.

Dit sal ook noodsaaklik wees om die steun, finansieel en ,te verkry van rolspelers in die NSA, soos Johan Rupert en soortgelyke invloedrykes. Sulke mense se insette, veral wat toegang en finansiële spiere betref, is bykans onontbeerlik.Die strategieë, taktieke en metodes is omvangryk en moet haarfyn beplan en geesdriftig ten uitvoer gebring word. Terugslae moet omskep word in welslae en toegewydheid is 'n ononbeerlike vereiste.

Makliker gesê as gedaan?

Nee, vir seker nie! Die huidige regering het met groot vrug van hierdie metodes gebruik gemaak. Ek weier om te aanvaar dat ons nie opgewasse is vir so 'n taak is nie. Ons land en die buiteland is vol wonderlike Afrikaners wat hierdie taak op verskillende wyses en met kundigheid kan verrig. Ons het reeds duisende vrywillige werkers in al die state wat saak maak! Wat ook kundiges is en van groot hulp kan wees om benaderingswyses te bepaal en selfs om toegang tot teikens te bewerkstellig.

Kan Praag nie asb die voortou neem en so 'n inisiatief aan die gang kry nie? Dit is myns insiens ons enigste hoop.

Bismarck

Александр Фильчаков

Nasiebou: die verlies van ‘n volk

Die verlies van ’n volk toe ons ’n nasie wou bou!

Ek skryf die brief as 'n nuweling by die Afrikanerselfbeskikingsveldtog. Rapport verlede Sondag (28012007) was 'n baie goeie weerspieëling van die Afrikaanssprekende blanke Suid-Afrikaner se frustrasie met ons huidige situasie. Ek is geen politikus, leier, regse militant of doemprofeet nie, maar net 'n doodgewone Afrikaner.

Lees asseblief die brief tot op die einde en as jy saamstem met wat ek te sê het, stuur dit aan sodat ons as ’n volk kan aanbeweeg!

In Rapport lees ek vir die eerste keer Lets Pretorius se naam raak. Onmiddellik is ek op die net om te sien of die man nie dalk die leier is waarna ons op soek is nie. Jammerlik vind ek, wat ek glo sy webtuiste is met ‘n argument tussen hom en ene Frikkie. In een gesprek word uit die Bybel aangehaal en later sommer gevloek. Nee regtig, die mense gee ons ’n swak naam – word wakker manne! Haal daai snert asseblief van die net af, ons het baie mense in die land leer lees!!!!!

Ek kry ook ander webtuistes wat handel oor die Boerebevryding en vra myself die vraag af – wie het ons volk in aanhouding? (Dit is nou hier wat dit belangrik raak om tot die einde van die brief te lees.) Sover ek weet is ek vry om my huis te verlaat, oorsee te gaan, kos te koop en die internet te besoek. Nou vir wat skryf ons ’n hele koerant vol stories en
doen 'n beroep op mense om saam te staan?

Ek glo ons volk het sy probleme by die vorige regering geërf. Ander groepe in die land het destyds nie die regering van die dag as hulle leiers beskou nie. Die Indiërs, Zoeloes en Jode byvoorbeeld, het hulle kulturele leierskap behou. Gewoonlik was die leiers van die kerk sommer ook die leiers van die volk. Met ons was dit anders. Dit was ons wat die land regeer het, en al was ons ’n paar partye wat van mekaar verskil het, was hulle tog ons leiers. Hulle het vir ons op alle vlakke gesorg: kultuur, geloof, opvoeding ens. Nie noodwendig so goed vir die ander groepe nie. Ons sou seker dan nie die probleme gehad het wat ons vandag het nie. Ek moet byvoeg dat nie almal in die Afrikanervolk het die regering 100% ondersteun nie. Ek glo ook nie dit kan so wees nie. Moet asseblief nie dink dat dit beter gaan by die ander volke nie. Ons Afrikaners is baie gou om ons eie volk af te takel oor die feit dat ons nie kan saam staan nie. Ek glo dit bring balans as ons ’n leierstruktuur in plek het (chaos as ons dit nie het nie). Dit is ook afgesaag as almal altyd ja en amen.

Met die vervanging van ons vorige regering is ons volksleiers toe ook daarmee heen. Hier kry ons toe ’n groep volksvreemdes om oor ons volksake te besluit. Mense wat vandag nog sukkel om oor die wel en wee van hulle eie volke te besluit! Nie te min het ons nie ons probleem besef nie en het aangehou kla oor die verandering van alles wat eie aan ons volk was. Die grond wat ons besit, die taal wat ons praat, ons geloof, ons skole, ons kerke, ons kultuur en ons besighede. Die bitter pil het al hoe erger geword om te sluk, tot vandag toe.

Vandag wil ek vra, watter volk, man, ouer, besigheidsman sal toelaat dat iemand anders oor die welslae van sy besgiheid, kinders en alles eie aan hom te besluit. Hoe het ons onself in so ’n gemors laat beland? My voorstel is: neem beheer terug oor ons eie sake, nie stop transformasie nie. Ek glo nog steeds dat daar vir elkeen ’n plekkie in die son is. As daar 25% van ons grond weggegee moet word, waarom besluit ons nie self oor watter, hoe en vir hoeveel nie. Ek glo ons is volwasse genoeg om regverdig te wees, slim genoeg om toe te sien dat die persone wat dit ontvang weet hoe om dit te bewerk en dan het ons ook nog genoeg dryfkrag om toe te sien dat dit alles voor die sperdatum sal gebeur. Die arme dame wat nou in beheer is daarvan sal nooit die pyp kan rook nie en dit klink vir my of sy daarby ook verskuilde agendas het.

Hoe het dit gebeur dat ek vandag in ’n stad met meer as 1 miljoen Afrikaanse gesinne met die naam van Tshwane bly, terwyl daar miljoene swartes in ’n plek met die naam Vosloorus bly? Plus ons bure van Diepsloot is nog vreeslik gelukkig met hulle dorpie. Wie gee hulle die reg? Die antwoord is ONS. Ons het hulle die reg gegee om oor ons te besluit, daar was niemand anders om dit tedoen nie.

Vandag moet dinge maar verander. Ons moet beheer terugneem oor ons leierskap. Ons moet self besluit oor ons skole. Hoe kan hulle ’n skool waarin daar net Afrikaanssprekende kinders is, in ’n woonbuurt waar daar slegs Afrikaanssprekende mense bly na ’n Engelsmedium verander? Net omdat daar dalk ’n swarte in die gemeenskap bly wat dalk Engels verkies. Basta met dit. As die Duitsers in die land hul kinders in ’n Duitse skool wil sit, dan sorg hulle dat hulle in Pretoria bly naby die Duitse skool. As jy vandag ’n huis soek, is die feit dat daar ’n goeie skool vir jou kinders is die eerste oorweging!. Ons probleem is wel weer dat ons verwag van die regering om die skole aan ons te verskaf wat ons kultuur ondersteun en dit gaan nie gebeur nie. As ons wil he ons kinder moet in Afrikaans skoolgaan, in Afrikaans aan ’n universiteit studeer is dit mos ons plig om dit te verskaf. Die regering kan sorg vir die res. Koop die verdomde skole en universiteite. As Afrikaner sal ek nie skroom om soos die Jode 10% van my salaris aan ons leiersbeweging te gee om toe te sien dat dit wel gebeur nie. Moet net nie van daardie Indiër verwag om dit vir ons te doen nie, hulle moes al die jare dit vir hulle eie nasie doen. Sou daar nou een Zoeloetjie in Afrikaans wil leer, is hy welkom. Betaal die skoolfonds en daar gaan ons.

Besluit wat ons vir ons kinders wil leer. Ek stel geensins belang in wat die Zoeloe- of Vendamoeder vir haar kinders wil leer van hulle leiers, geskiedenis of toekoms nie. So behoort hulle ook geen insae te hê in wat ons ons kinders leer nie. Dit behoort in ons hande te wees.

Almal gaan nou sê, maar ons betaal belasting, wel hulle ook. Stig ’n Afrikanerbelastingbetalersvereniging. Kontroleer die besteding van belasting, nie noodwendig op ons nie, maar op die Reënboognasie. Maak die struktuur ons tradisionele leiers en dan kan hulle ook uit belastinggeld betaal word! As die staat die belasting mors of wanbestee betaal ons nie meer todat hulle die kriminele toegsluit het nie. Ek glo ons betaal nog die meerderheid van belasting so ons behoort tog nog ’n sê te hê!

Ons radio en TV. Jy weet, maak die hele SAUK 1 tot 20 swart dis reg met my. Ek is seker daar is ’n Boer daar buite wat ’n satelliet in die ruimte kan sit. Die arme radio. Van Springbok Radio, Radio Jakaranda tot RADIO JACARANDA. Meeste omroepers is Afrikaans, meeste luiteraars is
Afrikaans, maar arme Maartin en Reeva moet spook met die Engels, dag in en dag uit. Daar is nou wel RSG maar daar kan jy net na Afrikaans luister as ’n swarte of ’n kleurling dit aan jou oordra. O ja en daardie ongeskikte man van "Sê wie". Regtig, ek sweer hulle hou hom aan as marteling om ons te laat betaal vir die apartheidsondes. Dis definitief ’n komplot! Wel, bring
Springbok Radio terug en bied daardie oulikke mense van Jacaranda poste aan. (Gaan maak ook ‘n peiling van hoeveelkeer Bok Van Blerk se treffer oor die stasies gespeel is, gemeet aan die verkope daarvan).

Swart ekonomiese bemagting en PDI-aanstellings is rassisties, geen tese meer daaroor nie. Die regering moet die geld gebruik wat hulle sou spaar op ons skole om die mense op te lei. Dis nie ons taak nie. Ons het nie soveel tyd nie. Selfs ’n wel opgevoede man soos Mbeki steier onstabiel sonder rede met een uitspraak!

Beskerm onsself. Ontwerp 'n stelsel waaraan ons almal behoort wat blitsvinnig hulp by ons kan uitbring. Ons weet waar die probleme lê, ons grense en binnelandse sake. Irriteer hulle todat hulle gehoor gee of maak ’n sperdatum. Sou hulle nie luister nie, dan neem ons beheer oor dit ook totdat die situasie stabiel is, soos ’n EU mag!

Wel om op te som, Afrikaners, leer om vir julleself te sorg en julleself te lei en hou op teem omdat die regering dit nie doen nie. Dis nie hulle plig nie, hulle is nie Afrikaners nie. Hulle motief is anders. Dit het Mbeki nou die dag met sy stellings bewys. Staan op julle eie regte en neem beheer terug en besluit self oor julle toekoms. Hou op inmeng in die toekoms van die ander volke. As ons onself eers op die been het, kan ons hulle help. Dis in elk geval ’n taak wat ons in 400 jaar nie kon baasraak nie.

Al wat oorbly, is die 22 manne in die tronk. Ek glo nie aan geweld nie en sal dit nooit goed praat nie. Ek sê, laat die ouens in die tronk sit vir dieselfde tyd persentasiegewys vir hul oortredings, gemeet aan die oortredings wat ons huidige parlement aangerig het. Lewe vir lewe, bom vir bom en ontwrigting vir ontwrigting. Ek is seker almal het dan al baie jare te lank in die tronk gesit. Regtig, kan ’n mense tronk toe gaan oor 'n uitspraak wat jy maak? Wat is die waarde van ’n grondwet?!!

how to play slots at a casino топкарго кидалы

Mense moet hulleself weerbaar maak

Mense moet hulleself weerbaar maak. Mans moet self uitgaan en woongebiede patrolleer, verdagtes aftrek, deursoek, agtervolg, ens. As ons nie die verassingselement van hierdie ouens af wegvat nie, gaan ons slagoffers bly.

Dit is 'n gewapende stryd, al het ons dit nie gekies nie; dit help nie ons beveg vuur met swart strikkies nie.

Terloops, het julle gesien dat die DA oopgelvlek het dat 'n klomp vuurwapens wat die wetsgehoorsame inwoners van die land goedsmoeds by polisiestasies gaan inhandig het (a.g.v. 'n vyandige wapenwet), op geheimsinnige wyse in die hande van kriminele beland het?

Seef le Roux