Nuus oor die wêreld buite Suider-Afrika
Die Franse regering het pas Franse burgerskap geweier aan ‘n Marokkaanse immigrant wat sy vrou versluier hou.
Eric Besson, Franse minister van binnelandse sake, het in ’n dekreet verklaar dat die Marokkaan se onversetlike houding sekularisme, wat godsdiens en staat skei, en vroueregte misken.
‘n Aanbeveling is reeds deur ’n parlementskomitee gedoen om die volle Moslemmondering vir vroue waar net die oë sigbaar is, uit staatsgeboue en openbare vervoer in Frankryk te verbied.
Om enige Amerikaner se aandag vas te vang, noem net Al Kaïda of Osama bin Laden, al is dit eintlik iets anders waaroor ‘n mens ‘n stelling wil maak.
Dit is ook nou die indruk wat geskep word uit die voordrag oor terreurbedreigings wat die CIA se direkteur, Leon Panetta en ander intelligensiehoës voor die Amerikaanse Kongres.
Niemand sal betwyfel dat Al Kaïda ‘n bedreiging inhou nie, en dat die waarskuwing dat so ‘n aanval in die volgende drie tot ses maande verwag kan word, nie, maar die tipe aanval wat verwag word is skynbaar nie meer die groot probleem nie.
Die skade wat kuberterroriste kan aanrig, is skynbaar veel erger.
Maar om op hierdie gevaar te wys en skadebeheer toe te pas op pres. Barack Obama se voorgestelde besnoeiings in die Homeland Security se Kuber-afdeling, moet ‘n bedreiging voorgehou word wat die taal van die politici praat.
En dit is Al Kaïda en Osama, veral aangevuur nadat die Nigeriër, Umar Farouk Abdulmutullab op Kersdag ‘n vliegtuig in vlug van Amsterdam na Detroit met gesofistikeerde plofstof probeer opblaas het.
Dit help ook dat Abdulmuullab volgens die intelligensievoorlegging soos ‘n kanarie sing. Dit gee geloofwaardigheid aan enige aansprake. Die skietorgie van die militêre sielkundige by Fort Hood, maj. Nidal Hassan, help ook om die Kongres en publiek se aandag vasgevang te hou van ‘n bedreiging uit radikale Islam-oorde.
Weens die intensiewe intelligensieveldtog om Al Kaïda te neutraliseer, is dit nou bykans onmoontlik vir ‘n goed-opgeleide terroiris om met enige beduidende soort plofstof op ‘n plek te beland waar hy kan skade aanrig.
Daarom, waarsku Panetta, sal dit ‘n “skoon” terroris wees wat baie kort aan opleiding blootgestel was sodat die intelligensieagentskappe hom nog nie kon “optel” nie, en sy wapens sal nuut-geïmproviseerd wees. Die uiteindelike terreurdaad sal ook gouer uitgevoer word, ook om te keer dat die intelligensie-agentskappe tyd het om die spoor te vat.
Om veilig te wees, meen die CIA egter ook ‘n terroris sal baie goed opgelei moet wees om met meer gesofistikeerde plofstof te kan werk as dit wat Abdulmutllab aan boord gesmokkel het. Hierdie soort plofstof, meen die CIA, behoort nou deur nuwe intelligensie-inligting en verbeterde sekuriteit nie weer ‘n bedreiging in te hou nie.
Maar die minder goed opgeleide wat nou wesenlike gevaar inhou, is ‘n tipiese “alleenlopende wolf.” Baie van hulle sal “tuisvervaardigde ekstremiste” wees wat deur Al Kaïda bearbei word om terreur te pleeg.
Dit is egter die potensiaal van kuberaanvalle wat nou die grootste bedreiging inhou. Dit kan massiewe infratrukturele skade tot gevolg hê, en dit kan die wêreldekonomie in ‘n warboel laat ontaard – alles veilig agter ‘n rekenaarskerm baie ver van die teikengebiede. Dit kan, in kort, die gerekenariseerde del van die wêreld tot stilstand bring.
Obama het beloof om hierdie bedreiging ernstiger op te neem, maar toe in die prakyk begrotingsbesnoeiings by die bekampers aanbeveel.
Nou word Al Kaïda benewens sy werklike bedreiging, ook as paaiboelie gebruik om die kuberbedreiging te kan hoklslaan.
Bron: Verwerk en bygewerk uit ‘n Montana Standard-artikel
’n Gespanne en by tye bewende Tony Blair, gewese Britse eerste minister, moes dié week ses ure lank die vrae van ’n kommissie van ondersoek onder leiding van sir John Chilcott trotseer wat volledig op televisie gebeeldsend is.
Hy het indringende vrae vermy deur lang futlose beskrywings van allerlei onbenullighede.
Blair hou vol dat hy die regte besluit geneem het om Irak saam met Amerika binne te val.
Brittanje se vorige minister van internasionale ontwikkeling, Clare Short, het die oud-premier van oneerlikheid beskuldig en gesê sy glo die regering se destydse hoofregsverteenwoordiger het ook die Britse kabinet oor die wettigheid van die aanval in Irak in 2003 mislei.
Short het uit die kabinet bedank omdat Blair haar glo onder ‘n valse indruk gebring het, deur voor te gee dat die VN wat ’n hoofrolspeler was. Sy het aan die kommissie gesê daar was geheimsinnigheid en misleiding omdat normale kommunikasie oor die aangeleentheid gestaak is.
Sy beskuldig Blair daarvan dat hy die VSA “koorsagtig” wou bystaan en allerlei leuens bedink het om dit te kan doen.
Blair het gesê die terreurdade van 9/11 het hom oortuig om Saddam Hoesein uit die samelewing te verwyder. Dat Saddam hoegenaamd nie met 9/11 verbind word nie, is nie geopper nie. Hy het nietemin toegegee dat hy aan George W. Bush Brittanje se bystand teen Saddam belowe het, reeds ‘n jaar vóór die inval.
Blair het egter erken dat Saddam nie oor enige wapens van massavernietiging beskik het nie.
Mediabesteding in Nederland het verlede jaar met 3,1 persent afgeneem, aldus Nielsen Media.
Dagblaaie se besteding het ongeveer onveranderd gebly, maar tydskrifte wat op die algemene publiek gerig is, se besteding het met 16 % afgeneem, en vaktydskrifte met 20 %.
Dié bevinding, gebaseer op advertensie-inkomstes, is effens verrassend aangesien die indruk oor die algemeen geskep word dat dit dagblaaie is wat teen die inligtingsvloei op die internet noustrop trek. Die internet se advertensie-inkomste het juis met 9 % afgeneem.
Sportsterre wat nie positief vir verbode middels toets nie, maar wie se besonderhede op hul “bloedpaspoorte” te groot afwykings toon, kan deelname aan die volgende Olimpiese Spele ontsê word.
So altans, meen Jaques Rogge, voorsitter van die IOK.
“Ek kan die moontlikheid nie uitsluit nie,” is hy in die media aangehaal.
Die byhou van die bloedpaspoorte, meer algemeen as “biologiese paspoorte bekend, behels dat sportlui se bloed minstens ses keer per jaar geneem en ontleed word, en dat vier keer per jaar urinemonsters geneem word. Die gevolgtrekkings word dan in hierdie “paspoort” aangeteken, en as daar uitskieters op voorkom, is dit klaar met kees.
Die Duitse skaatser, Claudia Pechstein, is reeds op grond van uitskieters op haar biologiese paspoort geskors en deelname in Vancouver ontsê. Met die vorige twee winterspele het sewe deelnemers elk hul bloedtoetse gedruip.
Volgens dokters en noodlenigingswerkers is die behandeling van duisende oorlewendes in Haïti ‘n onbegonne taak.
Basiese mediese voorraad, soos antibiotika en pynstillers, raak gevaarlik min by hospitale in Port-au-Prince sowel as op die platteland.
Dokters kan nie bybly met die oorweldigende aanvraag na medisyne nie.
Dr. Nancy Fleurancois wat in ‘n hospitaal in Jacmel werk, het aan ‘n VN-amptenaar gesê sy behandel ten minste 500 pasiënte per dag.
Party van hulle kry vir die heel eerste keer sedert die aardbewing twee weke gelede, enigsins mediese aandag.
Dokters en noodlenigingswerkers is desperaat vir antibiotika en chirurgiese toerusting.
“Ons het nóg hulp nodig,” het sy gesê.
Omtrent 20 000 in Jacmel is dakloos na die verwoestende aardbewing die land geruk het.
Intussen is tien Amerikaners Saterdag deur polisie in Haïti vasgekeer terwyl hulle ‘n bus met 33 kinders aanboord na Dominica probeer neem het. ‘n Kerkgroep wat die kinders vergesel het, het glo nie die nodige dokumentasie gehad nie.
Die lede van die kerk in Idaho sê hulle wil help om wesies van die aardbewing na die naburige Dominica neem waar ‘n tehuis vir hulle opgerig sal word.
Owerhede vrees ‘n toename in kinderhandel vanweë die groot aantal weeskinders wat op straat sit sonder sorg.
Die Amerikaanse skrywer JD Salinger, outeur van The Catcher in The Rye, is op die ouderdom van 91 in sy huis in New Hampshire oorlede.
Hy het weens natuurlike oorsake dood.
The Catcher in The Rye het in 1951 die lig gesien en vertel die verhaal van ‘n rebelse tiener se omswerwinge.
Die hoofkarakter is die 17-jarige Holden Caulfield wat teen die establishment in opstand kom en die pad vat na New York.
Salinger het daardeur ikoonstatus verwerf.
Sy se boek word allerweë beskryf as een van die mees invloedryke Amerikaanse novelles van ons tyd.
Time Magazine het die boek aangewys as een van die 100 beste Engelse boeke wat tussen 1923 en 2005 gepubliseer is.
Die voormalige Amerikaanse president, Bill Clinton, het korporatiewe sakeleiers by die Wêreldekonomiese Forum aangemoedig om die ramp in Haïti te gebruik as ‘n geleentheid om die rampgeteisterde Karibiese eilandbevolking van geslagtelange armoede te red.
“Hulle moet gehelp word deur hierdie vreeslike ramp,” het Clinton in sy toespraak gesê.
Die VSA vrees ‘n toestroming van swart vlugtelinge ná die aardbewing die eiland in puin gelê het.
Dit volg nadat reddingswerkers Woensdag ‘n 16-jarige meisie, Darlene Etienne, na 15 dae onder die puin uitgehaal het.
Volgens dokters is sy stabiel, maar ongelooflik gedehidreer, aan boord ‘n Franse hospitaalskip.
“Ek kan dit nie medies verduidelik nie, maar sy het vanoggend vir my gesê dat sy niks geëet of gedrink het nie,” het Evelyne Lambert, die hoof-dokter aan boord die Siroco, gesê.
Bure het Woensdag haar noodroep gehoor en reddingswerkers na die toneel ontbied.
Dokters was bekommerd dat haar hart sal gaan staan omdat sy so swak was. Sy is sover die persoon wat die langste vasgekeer was na die aardbewing en dit oorleef het.
Internasionale fondse wat vir Haïti ingesamel is het Donderdag die $2 miljoen-perk bereik, het die Verenigde Nasies verklaar, maar ‘n groot taak lê egter voor om die land weer op die pad van herstel te plaas.
Rampokkers in Haïti het begin toesak op die kwesbare slagoffers van die aardbewing en selfs vroue begin verkrag, het die land se polisiehoof Donderdag gesê.
“Misdadigers het begin om vroue en meisies aan te rand en onder die tente te verkrag,” het die nasionale polisiehoof Mario Andresol gesê,
“Ons het meer as 7 000 gevangenes in die strate wat die aand van die aardbewing uit die tronk ontsnap het. Dit het ons vyf jaar geneem om hulle vas te trek, nou hardloop hulle vry rond.”
Misdaadsyfers was nog nie bekend nie, maar vroue-organisasies was klaar bewus van talle voorvalle en die Verenigde Nasies is reeds ingelig, het Andresol gesê.
Volgens hom het die polisiediens uit sowat 8 000 lede bestaan, maar talle is nou dood of nog vermis. Baie van die oorlewende amptenare is getraumatiseer.
“Ons het 70 polisie amptenare verloor, bykans 500 is steeds vermis en 400 is beseer,” het hy gesê.
Verkiesingsbeamptes het amptelik verklaar dat President Mahinda Rajapaksa vir ‘n tweede termyn as president van Sri Lanka aangewys is.
Meer as helfte van Dinsdag se stemme is reeds getel en Rajapaksa het 6,015,934 (57.88%) teenoor sy teenstander, Generaal Fonseka, se 4,173,185 stemme verwerf.
President Rajapaksa het die verkiesingsdatum twee jaar vroeër gemaak om munt te slaan uit die regering se oorwinning in die 26dae oorlog teen die Tamiltiere, die eiland se rebellegroep.
