Kategorie: Internasionale nuus

Die Siriese president, Bashar al-Assad, het Sondag gesê hy gaan nie bedank voordat ‘n verkiesing gehou word nie.

Die president se uitlatings verwerp die opposisie se eis dat samesprekings om die burgeroorlog in die land te beëindig, tot sy bedanking sal lei.

Assad het se kommentaar aan die Argentynse koerant Clarin, was die eerste oor sy moontlike rol in enige politieke oorgang sedert die VSA en Rusland vroeër vandeesmaand ingestem het om die twee partye op ‘n internasionale konferensie bymekaar te bring. Dié vergadering sal na verwagting volgende maand gehou word, maar geen datum is nog vasgestel nie.

Nie Assad of die Siriese nasionale koalisie het aangedui dat hulle die vergadering sal bywoon nie.

Meer as 70 000 mense het reeds gesterf en miljoene ander is ontwortel sedert die opstand teen Assad in Maart 2011.

Assad het diegene wat hom wil ontsetel as “terroriste met buitelandse steun” bestempel.

In die onderhoud met die koerant het Assad homself vergelyk met die kaptein wat oor Sirië se onstuimige see vaar en sê “die land is in ‘n krisis en wanneer daar ‘n storm is, vlug die kaptein nie”.

“Die eerste ding wat hy gaan doen is om deur die storm te beweeg en die skip na veiligheid bring,” het Assad gesê.

“Ek is nie iemand wat van my verantwoordelikhede vlug nie.”

Die Siriese weermag het met ‘n offensief begin om beheer van die dorp Kuser in die weste van die land terug te wen. ‘n Lugaanval is geloods, en die regering sê hulle het reeds 70 rebelle-vegters gedood.

Die rebellemagte in die dorp is al vir ‘n paar weke omsingel en van die buitewêreld afgesny. Aktivisite het beeldmateriaal op die internet vrygestel wat wys dat die rebelle se veldklinieke oorval word met ongevalle, wat rebelle vegters en burgerlikes insluit.

Kuser is ‘n strategiese dorp omdat voorrade na en van Libanon, sowel as die Siriese kus daardeur gaan.

Tot en met die val van die muur, het Westerse farmaseutiese maatskappye menslike proefkonyne in Oos-Duitse hospitale aangehou. Meer as 50 000 pasiënte was betrokke, dikwels sonder hul medewete, en baie is dood daarvan.

Die eksperimente op mense is nog nie ten volle ondersoek nie. ten spyte van vars bewyse van oortredings.

Nicole Preiss was nege toe haar ma in 1986 oorlede is. Die vrou het velkanker gehad, wat nie kwaadaardig was nie. Hoekom op aarde het die dokters “medisyne uit die Berlynse Westapotheke [apteek]” vir haar voorgeskryf? En waarom het haar toestand aansienlik versleg daarna?

Preiss, nou 37, is steeds op soek na antwoorde om te verstaan ​​wat die Oos-Duitse dokters vir haar ma by ‘n hospitaal in die stad van Erfurt ingegee het.

Sy vermoed die dokters het ‘n nuwe middel van die Weste op hul pasiënt getoets. “My ma se geval was selfs aangebied in die lesingsaal,” sê Preiss. “Daar is te veel geheime wat verband hou met haar dood, op die ouderdom van slegs 30,” sê haar dogter, wat glo dat farmaseutiese maatskappye ‘n rol gespeel in haar ma se dood.

Preiss is nie die enigste een nie. Blykbaar het ten minste 50.000 mense in die Duitse Demokratiese Republiek (DDR), of Oos-Duitsland, gedien as proefkonyne vir die Weste se farmaseutiese bedryf, dikwels onwetend. Vervaardigers, veral van Wes-Duitsland, Switserland en die Verenigde State van Amerika, het die DDR se hospitale vir meer as 600 kliniese toetse gebruik, sommiges met noodlottige gevolge.

Die Oos-Duitse instellings wat deelgeneem het daaraan het ingesluit internasionaal bekende universiteitshospitale, soos die Charité-hospitaal in Oos-Berlyn, sowel as meer as 50 hospitale in die land, in stede soos Dresden, Erfurt, Halle, Jena en Rostock.

Feitlik elke groot naam in die farmaseutiese bedryf was betrokke, insluitend Bayer, Schering, Hoechst, Boehringer, Pfizer, Sandoz en Roche. Die maatskappye het alles wat in hul navorsingslaboratoriums was, getoets vir chemoterapie, antidepressante en hartmedikasie, sowel as ander stowwe vars uit die laboratorium, waarvan die gevolge nog grootliks onbekend was aan wetenskaplikes.

Dit is skokkend dat die VSA steun verleen het aan sulke eksperimente op mense, gegewe die feit dat die Weste na afloop van die Tweede Wêreldoorlog oënskynlik gekant was teen “Nazi-bedywighede”.

Die gebruik van menslike proefkonyne is onder die donkerder hoofstukke van die farmaseutiese bedryf se geskiedenis. Mediese vooruitgang het altyd beweerde slagoffers. Maar mediese navorsing word veral gevaarlik vir pasiënte wanneer vinnige winste die bedryf oorheers. Wanneer dit gebeur, het navorsers nog altyd begin om perke te oorskry.

Die swak toestand waarin die gesondheidsorg in Oos-Duitsland verkeer het, het die dokters daar ook gretig gemaak om saam te werk met die bedryf. Die omkopery met geskenke en lekkernye uit die Weste het hulle samewerking om van hulle eie pasiënte te vergiftig, net verder vererger.

Die Duitse regering is bekommerd oor die ooreenkomste tussen die oorlog in Irak 10 jaar gelede en die Siriese konflik. 

Die Ministerie van Buitelandse Sake is van mening dat kommer oor die moontlike gebruik van chemiese wapens die Amerikaanse regering tot ‘n militêre ingryping kan oorreed. Die Duitse minister van buitelandse sake Guido Westerwelle is op pad na Israel waar hy gesprekke met die Eerste Minister Benjamin Netanyahu sal voer.

‘n Belangrike kwessie sal Sirië wees, waar Westerwelle die beplande konferensie tussen die VSA en Rusland as ‘n moontlike grondslag vir ‘n politieke oplossing vir die burgeroorlog sien.

Westerwelle het aan sy Vrye Demokratiese Party (FDP) Dinsdag  ‘n donker scenario geskets van wat sal gebeur as die Siriese staat verbrokkel, en gewaarsku dat die burgeroorlog kan oorspoel na naburige Jordanië en die internasionale gemeenskap in die konflik betrek.

“Daar is kommer in die ministerie van buitelandse sake en van die FDP se parlementêre groep dat daar ‘n militêre oplossing in Sirië se geval sal wees,” sê ‘n wetgewer.

Die FDP-leierskap is bekommerd dat die Amerikaanse regering onder druk kan kom, plaaslik en internasionaal, en dans sal soek na redes om militêre ingryping te regverdig.

Ooreenkomste met die aanloop tot die oorlog in Irak is ooglopend. Onlangse berigte dat chemiese wapens in Sirië gebruik is, het vir groot kommer in Berlyn gesorg.

Daar is geen duidelike bewys van hul gebruik so ver deur die regering in Sirië nie. Die Amerikaanse president Barack Obama wil klaarblyklik nie in die oorlog gewikkel raak nie, maar het nietemin van ‘n “rooi lyn” gepraat as die Assad-regering sulke wapens aanwend.

Praatjies van chemiese wapens herinner aan die aanloop tot die 2003-oorlog in Irak en die valse intelligensieverslae dat die regime van Saddam Hussein oor wapens van massa vernietiging beskik.

Dit is soortgelyk onduidelik in Sirië wat werklik aan die gang is. Britse en Amerikaanse agentskappe verskaf aan Duitsland intelligensie oor Sirië, maar altyd in die vorm van intelligensieverslae eerder as konkrete inligting.

Die presiese laboratoriumdata oor grondmonsters wat die gebruik van chemiese wapens sou bevestig ontbreek egter. As gevolg hiervan, is dit feitlik onmoontlik om tot ‘n onafhanklike slotsom te kom, sê die Duitse buitelandse intelligensie-agentskap, BND.

Westerwelle en die minister van verdediging, Thomas de Maizière is dus versigtig in hul verklarings oor Sirië.

Die BND twyfel of Assad ‘n chemiese oorlog beplan. Lug-verkenning toon geen ballistiese missiele wat nodig sou wees vir ‘n groot chemiese aanval nie, sê kenners.

Soos kanselier Angela Merkel, is Westerwelle uiters skepties oor of die rebelle moet bewapen moet word. Hy bly herhaal dat sy buitelandse beleid op ‘n “kultuur van militêre aarseling” gegrond is.

Die VN se Algemene Vergadering het ‘n Arabiesgesteunde voorstel aanvaar wat die toename van geweld in Sirië veroordeel, maar wat ook die totstandkoming van die Nasionale Koalisie vir Siriese Rewolusionêre en Opposisiemagte verwelkom.

Die stap word gesien as ‘n aanvaarding van die opposisie as ‘n party in die oorgang in dié land.

Die voorstel is met 107 stemme aanvaar. Suid-Afrika is een van 57 lande wat buite stemming gebly het weens kommer oor balans in die voorstel.

Rusland en Sirië en nog 10 ander lande het teen die voorstel gestem en dit as eensydig bestempel.

Human Rights Watch sê die man in ‘n video wat ‘n Siriese soldaat se hart uitsny en eet, is ‘n lid van ‘n rebellegroep in die sentrale Homs-provinsie.

“Dit is nie genoeg vir Sirië se opposisie om sulke gedrag te veroordeel of dit op geweld deur die regering te blameer nie,” het Nadim Houry, adjunk-direkteur van Human Rights Watch in die Midde-Ooste, gesê.

“Die opposisiemagte moet streng optree om sulke gedrag te beëindig.”

Die man, wat geïdentifiseer is as Abu Sakkar, glo ‘n bevelvoerder van die Omar al-Farouq al-Mustakila-rebellegroep, staan in die video by ‘n soldaat in uniform se lyk.

“Ons sweer ons sal julle harte en lewers eet, julle soldate van Bashar die hond,” sê hy dan, terwyl hy die man se hart uitsny.

“Ons is die helde van Baba Amr,” voeg hy dan by. Dit is ‘n verwysing na ‘n rebelle-vesting in Homs wat deur pres. Bashar al-Assad se magte verwoes is.

Die man staan gevolglik op, lig sy mes in sy een hand en die hart in die ander en sit ‘n deel van die orgaan in sy mond voordat die video skielik eindig.

“Die Siriese Koalisie wil weer beklemtoon dat hy so ‘n daad veroordeel en wil beklemtoon dat dit ‘n misdaad is, ongeag van die oortreder,” het die groep gesê.

“Die skuldige sal uiteindelik verhoor word in ‘n hof vol eerlike en regverdige regslui.”

‘n Britse man is Dinsdag tot lewenslange tronkstraf gevonnis nadat hy ‘n 12-jarige meisie seksueel aangerand en vermoor het. Hy het haar lyk daarna in die solder van die huis wat hy met haar ouma gedeel het weggesteek.

Stuart Hazell (37) is in Londen se Old Bailey-hof tot ‘n minimum van 38 jaar tronkstraf gevonnis vir die moord op Tia Sharp in Augustus verlede jaar.

Hazell, die gewese kêrel van Sharp se ouma, het Maandag op die vyfde dag van sy verhoor erken dat hy die skoolmeisie vermoor het. Hy het voorheen gesê sy is dood nadat sy by die trappe afgeval het.

Tia se familie moes dae lank die afskuwelike bewyse in die hof trotseer, insluitend ‘n naak foto van die skoolmeisie wat glo geneem is nadat sy dood is.

“Sy was ‘n vrolike meisie wat vol lewe was, maar jy het dit van haar geneem,” het regter Andrew Nicol aan Hazell gesê.

“Alles wat vir haar voorgelê het – ‘n loopbaan, liefde en haar eie familie – sal nou nooit ‘n werklikheid word nie. En die verlies is verskriklik vir haar ma, pa en al haar familie en vriende.”

Sharp het waarskynlik weens versmoring gesterf, het die regter gesê, maar haar oorskot het reeds ontbind teen die tyd wat dit gevind is.

Londen se Metropolitaanse Polisie is gedwing om verskoning te vra ná twee onsuksesvolle soektogte van Hazell se huis in Croydon, ‘n woonbuurt in die suide van Londen.

Sy is uiteindelik agt dae ná die moord gevind. Scotland Yard het 80 beamptes beveel om kringtelevisie-beeldmateriaal na te gaan om enige teken van Sharp te vind.

Die hof het gehoor dat Hazell, ‘n vensterskoonmaker en veroordeelde dwelmhandelaar, ‘n seksuele aantrekking tot Sharp ontwikkel het in die vyf jaar wat hy saam met haar ouma gewoon het.

Hy het voorheen glo ook ‘n verhouding met Sharp se ma gehad.

Hazell het Sharp vermoor terwyl haar ouma ‘n aandskof gewerk het.

Haar bloed was op ‘n seksuele speelding in die huis en op Hazell se gordel gevind. Sy semen was ook op haar lakens, het die hof gehoor. Hy het haar lyk glo in ‘n laken en plastiek toegedraai, waarna hy dit in die solder versteek het.

Nadat haar lyk gevind is, het die polisie Hazell se foon deursoek en hulle het gevind dat hy ‘n belangstelling in kinderpornografie gehad het. Hy het Sharp ook in die geheim afgeneem waar sy sonskerm op haar bene gesmeer het en terwyl sy geslaap het.

Die VN is besig om maniere te ondersoek honger in die wêreld te beëindig, maar hul nuutste idee behels nie ekonomie, politiek, of selfs kos nie: Die organisasie adviseer mense om meer insekte te eet.

Insekboerdery is “een van die talle maniere om voedsel en voersekuriteit aan te spreek,” het die agentskap gesê in ‘n 200-bladsy verslag wat vrygestel is op ‘n nuuskonferensie by die VN se hoofkwartier Rome. Die verslag sê insekte is “uiters doeltreffend” in die omskakeling van voer in eetbare vleis vir die mens. Dit het bygevoeg dat insekte “veral belangrik is as ‘n voedselaanvulling vir kinders wat ondervoed is.”

Bioloë stem saam dat sekere soorte kewers, miere, krieke en sprinkane so baie proteïen per gram as maer rooi vleis of gebraaide vis bied. Krieke moet 12 keer minder voer kry as beeste om dieselfde hoeveelheid proteïen te produseer.

Insekte kan ook ryk aan koper, yster, magnesium, mangaan, fosfor, selenium en sink wees. Hulle is ook ‘n bron van vesel.

Die verslag beweer dat die eet van insekte ook beter vir die omgewing is – volgens die agentskap, is die meeste insekte geneig om minder omgewingskadelike kweekhuisgasse as ander diere te produseer.

Die verslag het ook die idee van insekboerdery ondersoek:

“Insekte is oral en hulle kan vinnig voortplant.” Tans word die meeste eetbare insekte versamel in die bosse, en die klein aantal insekboerderye dien as nismarkte soos vir die visaasbedryf.

Die VN stel ook voor dat die restaurantbedryf help.

“Die verhoging van die status van insekte” op hul spyskaarte, sal help.

Hoewel die idee van die eet van insekte vreemd mag lyk, word hulle beskou as lekkernye in baie lande. Byvoorbeeld, mopaniwurms in Suider-Afrika word gesien as luukshede en is baie duur om te koop.

Menseregte-advokaat Barbara Hewson het ‘n opskudding veroorsaak in die VK deur te suggereer dat die ouderdom vir wettige seks verlaag word na 13.

Hewson sê dit is tyd om “die einde aan die vervolging van ou mans te maak” soos die uitsaaier Stuart Hall, wat van die onsedelike aanranding van 13 meisies aangekla is, wat hy erken, as “lae vlak oortredings “.

Sy het vir die einde van anonimiteit vir klaers en ‘n verlaging van die ouderdom vir konsensuele seks gepleit.

Haar kommentaar kom te midde van Scotland Yard se Operasie Yewtree, ‘n ondersoek na bewerings oor oorlede Jimmy Savile sowel as sanger Gary Glitter en Max Clifford se kindermolestering. Almal ontken enige oortredings.

Die prominente figure was adviseurs van die Britse troon.

‘n Verslag van Unicef ​​het gesê die Verenigde Koninkryk is ver voor “met ‘n aansienlike afstand” in die aantal jong mense wat betrokke is in riskante seks en swanger geword het op ‘n te vroeë ouderdom.

Uit 16 van 17 van die rykste lande met die data, het tussen 15 persent en 28 persent van jong mense seks gehad teen die ouderdom van 15. Vir die Verenigde Koninkryk, was die syfer 40 persent.

Aartsbiskop Desmond Tutu en ANC-swaargewig Ahmed Kathrada het ‘n beroep op die swart akteur Morgan Freeman gedoen om sy besluit om ‘n Israeli-toekenning te aanvaar, te verduidelik. Freeman is genomineer vir die toekenning deur die Kanadese Vriende van die Hebreeuse Universiteit van Jerusalem Maandag. Die toekenning is na bewering vir sy “filantropiese werk”.

Tutu het vir Freeman geskryf om hom te vra om sy besluit om die toekenning te aanvaar, te verduidelik. Kathrada, het intussen, teenoor Freeman sy “verbasing” uitgespreek dat hy die toekenning aanvaar het.

Beide Tutu en Kathrada is openlik gekant teen Israel se onderdrukking van Palestina.

Wêreldbekende fisikus Stephen Hawking het hierdie week aangesluit by ‘n akademiese boikot teen Israel. Hawking het aanvanklik ‘n uitnodiging aanvaar om te praat op ‘n konferensie wat deur Israel se president Shimon Peres gehou sal word.

Suid-Afrika het voorheen Israeliese aanvalle op Palestina veroordeel sonder ‘n ondersteunende boikot teen Israel.

Die Departement van internasionale betrekkinge se woordvoerder Clayson Monyela het egter gesê die tweede en derde lugbomaanvalle wat Israel onlangs op Sirië gedoen het, verteenwoordig ‘n “ernstige” oortreding van internasionale reg.

Israel steun Al-Kaida terroriste in Sirië wat teen die huidige regering veg. “Hierdie aanvalle is ‘n baie gevaarlike eskalasie van die krisis in Sirië, wat ernstige implikasies vir die stabiliteit van die hele Midde-Ooste inhou. Suid-Afrika vra vir kalmte en versoek lande van die streek om verdere militêre optrede te staak,” het Monyela gesê.