Afrikaanse nuus Archives - Page 156 of 166

Kovsie-rektor vlug na Australi

Die rektor van die Vrystaatse universiteit, prof. Frederick Fourie, bevind hom tans in Australië en het uit sy pos bedank. Tot sy amptelike uittrede in die vierde kwartaal vanjaar sal hy met verlof bly.

Fourie het 'n program van gedwonge integrasie in die koshuise van die UV afgekondig, wat tot spanning op die kampus gelei het. Vroeër vanjaar het die herrie rondom die sogenaamde Reitz-video plaasgevind wat rassespanning op die kampus verder verhoog het.

Altesame R3 miljoen se skade is aan die kampus aangerig deur swart studente wat onluste gepleeg het en die video het tot in die buiteland opslae gemaak.

In sy afskeidsboodskap het Fourie gesê dat hy geweldig stres tydens die Reitz-gebeure ervaar het en dat hy daarom nie langer in staat voel om die universiteit te lei nie.

Fourie is die tweede Afrikaanse rektor wat, nadat hulle 'n versnelde transformasieplan by 'n Afrikaanse universiteit deurgevoer het, groener weivelde oorsee gaan soek. Prof. Chris Brink wou die Universiteit van Stellenbosch verengels ten einde meer swart studente te lok en het ná omstredenheid rondom die taalkwessie aan dié universiteit na Engeland geëmigreer.

ф.086-у Данильченео

Pretoria-PEN bring hulde aan George Weideman

George Weideman

George Weideman is vanoggend om 03:30 in die ouderdom van 61 jaar in die Louis Leipoldt-hospitaal in Bellville oorlede. Weideman was die skrywer van sewe digbundels, twee romans, vier bundels kortverhale, sewe jeugboeke, asook verhoogdramas waarvan net een gepubliseer is en drie ongepubliseerde radiodramas.

Die skrywersorganisasie Pretoria-PEN het in sy reaksie op die afsterwe van George Weideman sy spyt en intense hartseer uitgespreek. "Sowel die Afrikanervolk as die Afrikaanse skrywersgemeenskap verloor in George 'n talentvolle mens en sprankelende skrywer. Nie net was Weideman met sy digbundels en toneelstukke 'n unieke stem in die Afrikaanse letterkunde nie, maar hy het veral met sy grootse pikareske roman Draaijakkals 'n taamlik onlangse hoogtepunt in ons prosa gelewer," het die president van Pretoria-PEN, dr. Dan Roodt, gesê.

Weideman was 'n innemende en geesdriftige mens wat by almal geliefd was. Hy was boonop iemand wat hom in die Afrikaanse taal verkneukel het en tot vindingryke woordspel en gevatte uitdrukkings in staat was.

Onderliggend aan die meeste van sy werk is 'n toon van ironie en spot. Draaijakkals kan met die klassieke werke van Cervantes of Laurence Sterne vergelyk word en sal iewers in die toekoms nog hoër deur ons kritici aangeslaan word as wat dit reeds is.

"George Weideman was 'n stigterslid van Pretoria-PEN net enkele jare gelede. As skrywersgroepering wil ons ons medelye met George Weideman se naasbestaandes uitspreek en hulle verseker dat hulle verlies ook ons verlies is. Weideman verdien ons almal se hulde vir die groot mens en groot kunstenaar wat hy was," het Roodt voortgegaan.

top 10 online free games

Polisiesuperintendent weier Afrikaanse dekbriewe

09:55:29 'n Senior superintendent van die Sunnyside-polisiekantoor het reeds forensiese bewysstukke in 52 sake geweier omdat die dekbriewe daarvoor in Afrikaans was.

Die sake is meesal uit die Vrystaat afkomstig. Ondersoekbeamptes in belangrike moord- verkragting- en gewapende roofsake het spesiaal Pretoria toe gery om die bewysstukke vir ontleding in te dien, maar senior superintendent Mokone het geweier om dit te ontvang omdat hy teen Afrikaans gekant is.

Die voorval is nou deur die kantoor van die polisie se Vrystaatse provinsiale kommissaris onder die hoof van die laboratorium se aandag gebring. 'n Klag van regsverydeling is ook teen Mokone aanhangig gemaak.

баня сауна

Praag op jou selfoon!

Praag het nog 'n nuutjie: die webblad op jou selfoon! Tot dusver het webblaaie baie stadig op selfone afgelaai weens foto's en allerlei elemente wat internetbladsye groot en lomp maak.

Danksy nuwe tegnologie wat ons so pas toegepas het, "weet" die Praagwebwerf nou as mens dit vanaf 'n selfoon besoek en haal dit outomaties alle foto's en onnodige element wat die aflaai en lees stadiger maak af. Die resultaat is 'n leesbare nuus- en kommentaarblad. Sien Praag se nuus te eniger tyd op enige plek direk op jou selfoon! In 'n vergadering of lesingsaal, in die dokterswagkamer, net waar jy wil.

Dit werk natuurlik die beste op fone met groter skerms soos PDA's, maar selfs op 'n normale of klein selfoonskerm kan mens dit gemaklik lees en laai die bladsye feitlik ewe vinnig as op 'n rekenaar af.

Die Praagnuusblad bevat kort en bondige nuusberigte en langer rubriekartikels omdat die blad hom posisioneer vir die samevloeiing van tegnologie met nuus, vermaak, epos en kommunikasie wat toenemend op selfone plaasvind en nie meer op rekenaars nie.

играшки

Reitz-studente maak tweede video

Die studente van die geslote Reitz-koshuis in Bloemfontein het 'n tweede video gemaak waarin hul kant van die saak in die hele debakel gestel word.

In die dokumentêre DVD van ongeveer dertig minute lank, wat ook hier te koop aangebied word, word die universiteitsowerheid daarvan beskuldig dat hy die studente in die steek gelaat het.

'n Anonieme dosent in staatsleer verduidelik ook hoe die buitengewone media-aandag wat aan die Reitz-voorval gewy is, toegeskryf kan word aan die revolusionêre breinspoelingsproses wat daar tans in Suid-Afrika plaasvind. Opponente van die huidige bewind of wat met sy beginsels die spot dryf, moet genadeloos aan openbare verguising uitgelewer word.

Van die uitsprake op die video kan as naïef beskou word. Die studente maak die indruk van redelik onskuldige jong Afrikanerseuns wat aan 'n intense propagandaveldtog deur die plaaslike en internasionale media blootgestel is.

Slegs 'n geringe aantal eksemplare van hierdie belangwekkende tydsdokument is aan PRAAG vir verspreiding via die internet beskikbaar gestel.

Dit kan op twee maniere bestel word, per internetbetaling of direkte deposito deur R100 in die volgende rekening in te betaal met u van as verwysing:

ABSA Fourways

Takkode: 63290

Rekeningnommer: 4052326604

Begunstigde: PRAAG

Stuur asb. u posadres aan na: inlig@praag.org.

U kan ook per kredietkaart betaal deur op die volgende knoppie te klik:

VF+ jeug bekommerd oor Afrikanermonumente

Die VF Plus-jeug het met kommer kennis geneem van die toestand van verskeie Boere-oorlogforte rondom Pretoria. Die Daspoortrandfort en Fort Klapperkop is in `n haglike toestand. Dit is verniel deur vandaliste en van die oorspronklike staaldeure word afgesny deur diewe.

Volgens Cornelius Jansen van Rensburg, VF Plus-jeugleier, moet die probleme dringend aangespreek word. "Die VF Plus-jeug gee hiermee amptelik kennis aan die Tshwane Metroraad, die provinsiale regering en die departement van Kuns en Kultuur om die kultuurgoedere binne 30 dae te herstel. Indien daar nie opgetree word nie sal ons self ingryp en ons kultuurgoedere beskerm”, het Jansen van Rensburg gesê.

Hy het ook daarop gewys dat die Tshwane Metroraad vroeër uitgevaar het teen die VF Plus-jeug omdat hulle self die Paul Kruger-standbeeld op Kerkplein skoongemaak het, nadat dit deur vandaliste bygekom is. "Hierdie forte is reeds is 1897 gebou. Ons sal nie staan en toekyk hoe dit vergaan weens die ANC se onvermoë nie.”

Vrystaatse Universiteit bestee R4 miljoen aan integrasie

Die universiteit van die Vrystaat gaan R4 miljoen aan 'n privaatmaatskappy betaal om dit te help om koshuise te integreer.

Die iGubu-leierskapsagentskap het 'n driejaarkontrak verkry om aanbevelings aan die universiteitsraad te maak.

Rudi Buys van iGubu het gesê dat sy organisasie samesprekings met studente gaan voer om uit te vind wat die konflik veroorsaak het.

Buys het gesê dat hulle gevind het dat studente wat gedurende vakansies huis toe gaan blootgestel word aan die ou taal van apartheid en rassisme.

Verlede week het die universiteit aangekondig dat Reitz op 20 Junie vanjaar gesluit sal word om die Diversiteitsinstituut te word.

Фильчаков

Bogaards-egpaar skuldig aan hulp aan die Boeremag

15:34:31 'n Egpaar uit die Limpopoprovinsie, Jaco en Bess Bogaards, is in Louis Trichardt daaraan skuldig bevind dat hulle vir Boeremaglede Herman van Rooyen en Rudi Gouws toegelaat het om op hul plaas Waterbessiefontein te skuil, omtrent 17 kilometer buite Nylstroom, vanaf Mei 2006 tot Januarie 2007.

Bogaards is tot drie jaar tronstraf gevonnis, terwyl sy vrou 'n vonnis van twee jaar wat vir vyf jaar opgeskort is, ontvang het.

Die egpaar is egter van plan om teen die vonnisse te appeleer.

Matiestudente sterf aan breinvliesonsteking

'n 19-jarige studente in die Heemstede-koshuis van Stellenbosch, Abigail Le Riche, is eergisteraand dood weens breinvleisonsteking.

Haar ouers was ten tyde van haar siekte oorsee, maar is op pad terug vir die begrafnis. Volgens 'n universiteitswoordvoerder, Mohamed Shaikh, het die helfte van die koshuis se 230 inwoners voorkomende medisyne ontvang.

Abigail is om sesuur Woensdagaand tot die Stellenbosse Medi-Clinic toegelaat en het vier ure later gesterf.

'n Gedenkdiens is gister by Heemstede vir haar gehou en die hele dameskoshuis het saam gerou.

topcargo развод

Reitz-sluiting die maklike uitweg, s? studenteleier

Deur Reitz-kamerwonings te sluit, kies die UV-bestuur nou die maklikste uitweg en doen weereens 'n onreg aan die Uninversiteit van die Vrystaat se naam. So sê Wouter Wessels, leier van die VF Plus Kovsies.

Volgens Wessels is die tydsberekening van hierdie besluit totaal en al verregaande. Dit is onaanvaarbaar dat studente in die middel van ‘n eksamen ontwrig word met die spanning van onder andere alternatiewe akkommodasie soek. Ander studenteliggame word ook weereens ontwrig weens die feit dat hulle nou tydens ‘n eksamen moet vergader rondom hierdie aangeleentheid. Die UB het dus geen agting vir die akademiese atmosfeer aan die UV nie. Wessels meen dat dit strategies van die UB is om hierdie besluit tydens die eksamen te maak.

Jan van Niekerk, Provinsiale jeugleier in die Vrystaat, het die UB se besluit om Reitz-kamerwonings te sluit, ten sterkste veroordeel. “Die VF Plus Kovsies het in die verlede gepleit dat ‘n hele koshuis nie gestraf moet word vir enkele individue se foute nie. Studente, wat hulle aan geen moontlike oortreding skuldig gemaak het nie en deur geen liggaam aan die UV verhoor en skuldig bevind is nie, word nou gestraf.”

Deur hierdie koshuis te sluit, het die UB weereens bewys dat hulle niks anders as ‘n speelbal in die ANC se hande is nie.

Die besluit om Reitz-kamerwonings te sluit, is nie ‘n effektiewe oplossing vir die probleem nie. Dit is uiters kommerwekkend dat hierdie maklike uitweg gekies word. Die regte van die inwoners van Reitz word deur hierdie besluit ondermyn. Die UV-bestuur fouteer weereens deur nie ‘n regverdige konsultasieproses te volg nie.

Die VF Plus Kovsies beskou dit as onaanvaarbaar dat daar nou so drasties teen die onskuldige inwoners opgetree word, maar dat daar steeds geen optrede teen die SASCO-leierskap was nie. SASCO-ondersteuners het klasse ontwrig ten spyte van ‘n hofinterdik wat sulke optrede verbied het.

‘n Hoëvlakafvaardiging van die VF Plus-jeug sal Vrydag die kampus besoek en ook met die studenteraad hieroor vergader.

mobile casino real money no deposit Данильченко Харьков