Suid-Afrikaanse nuus, d.w.s. sowel nuus uit Suid-Afrika én Suider-Afrika.
Die regter het die moed van die vroue wat oor hul ervarings in die hof getuig het, geloof.
Robert Mugabe is na die SAOG-spitsberaad vir staatshoofde uitgenooi.
Die uitvoerende sekretaris van SAOG, Tomaz Salomao, het bevestig dat die Zambiese president Levy Mwanawasa 'n uitnodiging aan president Mugabe gestuur het.
Salomao wou nie sê in watter hoedanigheid Mugabe dit gaan bywoon nie en het gesê die media moet die kantoor van SAOG-voorsitter Mwanawasa raadpleeg.
Mwanawasa verkeer tans onder swaar verdowing in 'n Franse kliniek na 'n beroerte-aanval.
Intussen het Botswana gesê dat dié land nie die beraad gaan bywoon indien Mugabe ook uitgenooi word nie.
Die nuwe stadions wat Suid-Afrika vir die 2010-wêreldsokkerbeker bou, gaan R2 miljard meer kos as waarvoor beplan is.
Die oorbesteding is die gevolg van stygings in igevoerde toerusting, staal, oliepryse, die wisselkoers en ontwerpkompleksiteite.
Die regering praat met die Ontwikkelingsbank van Suid-Afrika en gasheerstede oor 'n pakket wat dié nuwe finansiële las sal aanspreek
Beeld berig dat 'n skoolseun van die Oos-Rand vasgetrek is nadat hy 'n Uzi-masjiengeweer in sy skooltas weggesteek het.
Die seun is deur die polisie in 'n straat opgemerk waar hy dié geweer in sy skooltas probeer indruk het.
Die polisie soek na nog twee gewapende tieners wat van die toneel gevlug het.
Die seun is intussen borgtog geweier.
Dieselfde masjiengeweer is glo Vrydagnag in 'n rooftog in Daveyton gebruik, volgens die polisie.
Beskermende panele wat tot outomatiese geweervuur van 'n Uzzi-submasjiengeweer kan weerstaan, word van 'n gepatenteerde kombinasie van nylon en poliëster gemaak. Vir diegene wat mesaanvalle vrees, kan mesbeskerming ook ingesluit word.
'n Baadjie is gisteraand opgeveil en die opbrengs aan die 8-jarige Courtney Ellerbeck geskenk wat as verlamde gebore is omdat 'n rower haar in haar ma se baarmoeder geskiet het.
Die Gautengse regerings wil al die skuilings wat meer as 5 000 ontwortelde buitelanders huisves teen die naweek gesluit hê.
Hoewel die plaaslike regering daarop aandring dat die herintegrasie van buitelanders goed op dreef is, sê amptenare aan die Oosrand dat vlugtelinge volstrek weier om na hul ou gemeenskappe terug te keer.
Vreemdeling is drie keuses gegee: Om na hul lande van herkoms terug te keer, om alternatiewe gesubisideerde behuising te vind of om na die gemeenskappe terug te keer van waar hulle weens geweld gevlug het.
Hulle was deel van honderde pendelaars wat gister in Pretoria amok gemaak het.
Die skare het die busse aan die brand gesteek toe die maatskappy weens swak bestuur geweier het om kaartjies aan hulle te verkoop.
Pendelaars het gesê hulle is kwaad oor die slegte behandeling wat hulle van die maatskappy ontvang.
The crowd set the busses alight when the company refused to sell them tickets due to poor management.
Hulle sê die kaartjiepryse pla hulle nie, maar Putco het nie genoeg busse aan al die pendelaars voorsien nie, veral vanaf 5-uur namiddag.
'n Woordvoerder van Putco, Matlakala Manota, het verklaar dat die situasie na verwagting binne twee weke na normaal gaan terugkeer.
Mbeki het gesê dat hy vol vertroue is dat al drie partye by die samesprekings 'n oplossing gaan vind.
President Mugabe en Mutambara stem oor al die elemente saam, het Mbeki gesê, maar daar was verskil oor een saak waarvoor Morgan Tsvangirai tyd gevra het om oor te besin.
Dit was nie onmiddellik duidelik wanneer die partye weer gaan onmoet om die samesprekings voort te sit nie.
Tsvangirai het die besprekings gister sonder kommentaar verlaat.
Sam Kikine, die hoof van die Internasionale Tradisionele en Medisynenavorsingsraad, het die Britse MI5 en die Amerikaanse CIA daarvan beskuldig dat hulle die Skerpioene oorheers.
Hy het gesê die Britse en Amerikaanse inligtingsorganisasies beheer die Direktoraat van Spesiale Operasies tydens die openbare verhoor oor die ontbinding van die direktoraat wat gister in Durban gehou is.
Hy wou weet waarom die Skerpioene nie vir Wouter Basson en die CIA wat Vigs geskep het, ondersoek het nie.
Kikine het gesê die Skerpioene is gelaai met staatsveiligheidsagente uit die apartheidtyd.
Volgens hom ondersteun die navorsingsraad die voorgenome wetgewing om die Skerpioene met 'n nuwe afdeling genaam die Direktoraat vir Prioriteitsmisdaadondersoek te vervang.
Lede van die publiek het tot 20 Augustus om hul geskrewe voorleggings teen die ontbinding van die eenheid in te handig.
Die Vryheidsfront Plus het inwoners van veiligheidsbuurte in Pretoria gewaarsku om onder geen omstandighede hulle versperrings af te breek nie. Dit kom nadat die Tshwane metroraad briewe aan bestaande veiligheidsbuurte gestuur het wat beveel dat toegangsbeheerstrukture binne 30 dae verwyder moet word.
Die VF Plus het dit verwelkom dat sewe van hierdie buurte die metroraad hof toe neem hieroor en het gesê dat hulle kans op sukses uitstekend is omdat veiligheid 'n grondwetlike reg is.
Die VF Plus het sy oproep herhaal dat woonbuurte dwarsdeur die stad 'de facto' toegangsbeheer moet begin toepas, en om teistering deur die ANC met mening te weerstaan.
Volgens mnr. Conrad Beyers, VF Plus raadslid, bewys die ANC weereens hiermee dat hulle die wetsgehoorsame inwoners van die stad met meer energie beveg as wat hulle die misdadigers se skrikbewind in die stad beveg.
"Die ANC se geveg teen inwoners was tot op hede beperk tot buurte wat nuwe aansoeke vir veiligheidsbuurte indien. Nou wil die ANC die bestaande veiligheidsbuurte se heinings en versperrings ook afbreek. Die ANC bevestig hiermee dat hy die fasiliteerder van misdaad in die stad is", het Beyers gesê.
Buiten die impak op veiligheid, sal die afbreek van veiligheidsbuurte katastrofiese gevolge vir inwoners se eiendomswaardes hê. Talle veiligheidsbuurte is naby hoë misdaad risikogebiede geleë en die afbreek van hul toegangsbeheer gaan die buurte vernietig.
Volgens Beyers tree die plaaslike ANC selfs teen die wense van die ANC-leier, mnr. Jacob Zuma, op. Zuma bepleit lank reeds dat gemeenskappe meer betrokke moet wees in die geveg teen misdaad.
"Die plaaslike ANC tree ongrondwetlik op. Inwoners moet die metroraad se aggressie op elke vlak beveg en die VF Plus sal daarin help – in die howe en op die strate.”
