Suider-Afrika Archives - Page 845 of 888

Gautengse vervoer steier onder skuld

Die Gautengse busindustrie mag dalk gedwing word om 'n geraamde 2 500 busse van diens te onttrek, wat ongeveer 400 000 passasiers elke dag sonder vervoer sal laat Die diens is onder druk vanweë die jongste dieselprysverhogings.

Die Gautengse Vervoerdepartement, Gautrans, skuld meer as R150 miljoen aan North West Star- en Atteridge Busdienste

Vervoermaatskappye eis meer as R100 miljoen in uitstaande subsidies van die regering om die knellende verhogings te kan trotseer.

Gautrans het belowe om die uitstaande subsidies teen verlede naweek oor te betaal, maar slegs R3,5 miljoen is sover ontvang.

'n Protesoptog is gekanselleer te midde van stygende vrese dat honderde pendelaars gestrand sal wees en duisende werksgeleenthede daarmee verlore sal gaan.how to promote Данильченео

Regering moet onwettiges beskerm

Minister van Binnelandse Sake, Nosiviwe Mapisa-Nqakula, het gister gesê dat onwettige immigrante wat by die Alexandra polisiestasie skuil, nie gedeporteer behoort te word nie.

'n Vergadering is by die polisiestasie gehou om oplossings te probeer vind vir die vreemdelinghaat teen buitelanders. Vyf mense is reeds dood in die geweld wat Sondag uitgebreek het.

Mapisa-Nqakula voel dat die regering 'n morele plig teenoor onwettiges het om hulle te beskerm eerder as te deporteer omdat hulle kwesbaar is.

Mense wil vlugtelingstatus hê en 'n spesiale stelsel vir mense in die SAOG-gebied moet in plek wees, volgens die minister. Die geweld word uitgebuit deur kriminele elemente met rassistiese agendas, het sy bygevoeg.

online slots Фильчаков

Groot noot

Die Zimbabwiese reserwebank het Donderdag ’n Z$500 miljoen banknoot, wat ongeveer vyftien rand werd is, bekendgestel. Dit volg slegs ’n week nadat die Z$250 miljoen noot in gebruik geneem is. Met die nuutste banknoot kan mens ongeveer twee brode koop.

Die reserwebank het verder spesiale landboutjeks in note van Z$5 miljard, Z$25 miljard en Z$50 miljard bekendgestel. Die doel hiervan is om betalings aan boere te vergemaklik. Hierdie tjeks sal tot aan die einde van 2008 in gebruik wees. Boere moet gewoonlik enorme bondels banknote ronddra nadat hulle hul produkte aan staatsagentskappe verkoop het, terwyl verbruikers ook stapels note benodig om basiese alledaagse transaksies uit te voer.

Zimbabwe het tans die hoogste inflasiekoers in die wêreld, geraam op 165 000%. Daar is konstant lang rye mense wat by banke wag om hope note te kry sodat hulle basiese goedere kan koop. Tans word die Zimbabwiese dollar teen sowat 250 miljoen teen een Amerikaanse dollar verruil.

In die lig van die betwiste parlementêre verkiesingsuitslae en die tweede ronde van die presidensiële verkiesing wat nou eers aan die einde van Julie gaan plaasvind, is die einde van Zimbabwe se ekonomiese probleme nog lank nie in sig nie.

Zuma se verhoor dalk uitgestel

Jacob Zuma

Jacob Zuma se korrupsieverhoor gaan, volgens sy regsverteenwoordiger, waarskynlik uitgestel word en sal nie op 4 Augustus kan begin nie.

Dié verklaring is uitgereik ná 'n ontmoeting tussen aanklaers en 'n senior regter om 'n hofdatum te bepaal. Zuma se regsman, Michael Hulley, meen daar is ander kwessies wat opgelos moet word alvorens Zuma op klagtes van bedrog, omkopery en geldwassery rodom die wapentransaksie tereg kan staan.

Zuma gaan ook aanstaande maand 'n aansoek bring om die staat se besluit om hom te vervolg tersyde te stel.

Die nasionale vervolgingsgesag, wat die saak se staat hanteer, was nie onmiddellik vir kommentaar beskikbaar nie.

Mbeki veroordeel aanvalle op vreemdelinge

Thabo Mbeki

President Thabo Mbeki het die aanhoudende aanvalle op buitelanders in Suid-Afrika veroordeel. Hy het die polisie ook aangespoor om sterk op te tree teen diegene wat hulself aan sulke aanvalle skuldig maak.

Mbeki woon tans 'n vergadering van die Afrika-ontwikkelingsbank in Maputo, Mosambiek, by. Ten minste twee mense is vermoor en 60 beseer in Alexandra waar die plaaslike bevolking vanaf Sondag begin het om buitelanders aan te val.

Dieselfde tonele het hulle in Diepsloot afgespeel waar insgelyks twee mense in etniese gevegte tussen plaaslike en buitelandse swartes omgekom het.

Volgens die Rooikruis woon daar nou 1000 immigrante by die Alexandra- en Bramley-polisiestasies nadat hulle uit hul huise verjaag is.

Onderwysminister bekommerd oor uitvalsyfer

Die minister van onderwys, Naledi Pandor, kwel haar oor die hoë uitvalsyfer in Suid-Afrikaanse skole, veral na grade 9 en 10. Volgens

Naledi Pandor

haar is die oplossing om tegniese hoërskole te vernuwe en te moderniseer.

Daar bestaan 100 sulke skole in Suid-Afrika en gefokusde belegging in dié skole kan 'n bydrae lewer om in die land se behoefte aan ambagsmanne en tegnici te voorsien.

Pandor het gesê dat dit belangrik is om 'n breër siening van onderwys te ontwikkel. So 'n siening behoort verby academiese skole te streef na meer gefokusde, goed toegeruste skole vir tegniese onderwys.

big bad woolf

Vlakvark val toeris aan

'n Kanadese toeris, Brunhilde Galka, 69, is deur 'n vlakvark aangeval op 'n wildsplaas in die Oos-Kaap. Galka is steeds besig om aan te sterk na die grusame aanval in die St. Dominic-hospitaal in Oos-Londen.

'n Kelner by Huntershill, waar sy tuis was, het die dier kort tevore geskop nadat hy 'n asblik by die kroeg omgestamp het. Nie lank daarna nie, het die vlakvark Brunhilde aangeval en haar bene en bors wreed verskeur.

Haar man sê sy het hulpeloos in 'n groot plas van haar eie bloed bly lê na die aanval.

Die bestuurder sê die vlakvark is intussen vankant gemaak.подоконник дуб

Anti-vreemdelinggeweld kring uit na Diepsloot

Anti-vreemdelinggeweld het gisteraand uitgekring na Diepsloot, tussen Pretoria en Johannesburg. Twee mense is glo gedood in geweld wat tussen inwoners uitgebreek het.

Intussen is die polisie in Diepsloot ontplooi om die vrede tussen die plaaslike bevolking en vreemdelinge van elders in Afrika te handhaaf. 'n Pad verby Diepsloot is met klippe en rommel versper, maar die versperrings is intussen verwyder.

Oor die afgelope paar dae reeds woed gevegte tussen Suid-Afrikaans-gebore swartes en immigrante uit die res van Afrika in Alexandra, langs Sandton.

Plaaslike inwoners glo dat vreemdelinge hulle van werkgeleenthede ontneem en ook vir die buitensporige graad van misdaad verantwoordelik is.

Тепловой Данильченко Харьков

Malawiese amptenare vas vir hoogverraad

Malawi het twee senior weermagoffisiere in hegtenis geneem omdat hulle na bewering planne gesmee het om die regering omver te werp. Dit kom 'n dag na die arres van twee opposisieleiers op gelyksoortige aanklagte.

Krisissamesprekinge tussen die regering en die opposisie is nou op breekpunt as gevolg van die aanhoudings. Noodsaaklike internasionale skenkersprogramme is ook tans in die weegskaal.

Die hoof van die weermag se intelligensie, Brigadier-generaal Cosgrave Mituka, en Majoor-general Mathews Chirwa word albei aangehou op 'n klag van hoogverraad.

Die owerhede het ook die inhegtenisname van voormalige president Bakili Muluzi beveel. Muluzi, kandidaat vir volgende jaar se presidentsverkiesing, is nie in die land nie.

uslugi-poligraf.com

‘Eise om Eskomuitvoere te staak belaglik’

Eise dat Eskom ophou om elektrisiteit uit te voer na naburige lande kom neer op ekonomiese vreemdelinghaat, het die minister van Openbare Werke, Alec Erwin gister gesê.

Hy het by 'n mediakonferensie by die parlement gesê dat Suid-Afrika hulle klante in buurlande soos klante moet behandel. Dit is 'n onnosele benadering om dit nie te doen nie, het hy voortgegaan.

Absolute ongeoorloofde, rampspoedige en barbaarse aktiwiteite vind in Alexandra plaas en leiers behoort nie op die koop toe nog 'n soort ekonomiese vreemdelinghaat aan te wakker nie, het Erwin gesê.

Hy het gesê dit is nonsens en moet ophou.

джинсы для девочки