Intussen is die polisie in Diepsloot ontplooi om die vrede tussen die plaaslike bevolking en vreemdelinge van elders in Afrika te handhaaf. 'n Pad verby Diepsloot is met klippe en rommel versper, maar die versperrings is intussen verwyder.
Oor die afgelope paar dae reeds woed gevegte tussen Suid-Afrikaans-gebore swartes en immigrante uit die res van Afrika in Alexandra, langs Sandton.
Plaaslike inwoners glo dat vreemdelinge hulle van werkgeleenthede ontneem en ook vir die buitensporige graad van misdaad verantwoordelik is.