Nuus Archives - Page 959 of 1583

City Press se redakteur ‘agent vir wit kapitaliste’

Ferial Haffajee, redakteur van City Press, gaan Eric Miyeni dagvaar oor opmerkings wat hy Maandag in ‘n rubriek in die Sowetan gemaak het.

Die rubriek, ‘Haffajee does it for white masters’, is intussen van die Sowetan se webwerf afgehaal. In die rubriek beskuldig Miyeni vir Haffajee dat sy ‘n agent vir wit kapitaliste is. Haffajee ontmoet glo verteenwoordigers van die Amerikaanse ambassade op ‘n gereelde grondslag.

“Ek glo wat ek geskryf het in die rubriek,” sê die Sowetan se rubriekskrywer ná sy omstrede stuk.

“Ek het dit nie geskryf om myself afgedank te kry nie. Ek het geglo wat ek geskryf het,” het Miyeni aan eNews gesê, en bygevoeg: “Ek dink sy [Haffajee] is ‘n fantastiese mens as persoon.”

Miyeni sê die redakteurs by die Sowetan lees alles voor publikasie en dat hulle dae gehad het om seker te maak oor die stuk.

Die Sowetan het Miyeni se rubriek beëindig omdat hy “oor die lyn tussen robuuste debat en die kondonering van die geweld” getree het.

Haffajee het aan Beeld gesê die stuk het haar laat snik omdat dit haatspraak teen haar as persoon was. Max du Preez het Haffajee verdedig en Miyeni ook van haatspraak beskuldig.

Miyeni het in sy rubriek die metafoor gebruik dat Haffajee in die tagtigs “waarskynlik ‘n brandende band om haar nek sou gehad het”.

Hieronder is die gewraakte stuk wat intussen verwyder is:

JULIUS Malema must never answer a Ferial Haffajee. Who the devil is she anyway if not a black snake in the grass, deployed by white capital to sow discord among blacks?

In the 80s she’d probably have had a burning tyre around her neck. We know where she comes from. She was groomed by The Mail & Guardian, the same newspaper that produces the Jacob Dlaminis of this world, black people who say it was nice to live in the townships under apartheid.

And today we must believe that Haffajee’s utter hatred of ANC politicians is based on journalistic integrity. Quadruple crap. I am more inclined to think that people like Haffajjee, who edits City Press, are most likely to be the kind that wakes up in the morning, sees their black faces in the mirror only to feel a wave of self-hatred rising up to nauseate them.

Who’s this mystery businessman that apparently paid R200 000 into Malema’s family trust? Which government tender did Malema grant him and how?

Can we be sure that City Press did not manufacture these facts? If it didn’t, how do we know it did not break the law to obtain them and then twisted these “facts” to ruin Malema? We know that News Of The World was closed down in England because its journalists illegally hacked into people’s private phones for news. Who’s to say that Haffajee’s City Press isn’t doing the same?

And let’s say Malema does have a family trust, that the trust is funded by black businesspeople and that these businesspeople made their fortune through government tenders. What the hell is wrong with all that?

It’s clear to everybody that white South African business is locking black people out. The only real source of business for us is our government. Are we now being told that if we make money through government contracts, our only hope, we cannot use that money to help fellow black people who are in politics, who need private funding to function?

Where then should black politicians get financial support?

Trusts are legal entities. There is no legal limit to how much legally earned money can be put in them or by whom. If Malema has a family trust that is not in breach of any law, it is none of Haffajee’s or anybody’s business. The man is not a government official.

Mandela has trusts in his name, but because white people put money in them there are no Haffajee complaints. The white DA receives money largely from white business, which is the main economic beneficiary of the government’s tender system.

The Haffajees of this racist world are not digging up any dirt on DA officials. Instead, they sickeningly presume that white fortune is legitimately earned until proven otherwise and that it’s the opposite for black success.

To hell with Haffajee and her kind.

uk mobile casino

Selfbeskikking ‘enigste opsie’ – VF+ Pretoria

Die Vryheidsfront Plus in Pretoria het tydens ‘n sitting van die Pretoria-streeksraad in Centurion, ’n drastiese besluit geneem wat selfbeskikking as die enigste opsie op die tafel plaas.

Tydens die algemene vergadering het die streekleier, rdsl Philip van Staden, in ‘n voorlegging aan die streeksraad dit baie duidelik gemaak dat die VF Plus in Pretoria daadwerklik uiting moet gee aan artikel 185 en 235 van die Suid-Afrikaanse grondwet, Wet nr 108 van 1996. Volgens Van Staden is hierdie twee artikels nie om dowe neute in die grondwet ingeskryf nie en dat selfbeskikking hoog op die agenda geplaas moet word en dat daar drasties uiting gegee moet word om gemeenskaplike selfbeskikking toe te pas en te laat slaag. Dit is die enigste uitweg vir die Afrikaner om in die huidige politieke bestel in Suid-Afrika te oorleef. Hy het ook genoem dat gemeenskaplike selfbeskikking, of selfbeskikking in geheel, nie teen die grondwet van die land is nie en dat die twee artikels in die Suid-Afrikaanse grondwet nou in gebruik geneem moet word.

“Sestien jaar gelede is artikel 185 en 235 in die Suid-Afrikaanse grondwet ingeskryf. Vandag moet ons daarvan gebruik maak. Nie almal van ons kan in Orania gaan bly of selfs immigreer nie, daarom dat ons moet uiting gee aan selfbeskikking binne ons eie plaaslike gemeenskappe waar ons elke dag woon en werk,” het Van Staden gesê.

Die Streeksraad van die Vryheidsfront Plus in Pretoria het hierdie voorstelle aanvaar en daar sal nou daadwerklik begin word om gemeenskaplike selfbeskikking of selfbeskikking in die geheel ‘n werklikheid in Suid-Afrika te maak. Die kiesers wat die afgelope munisipale verkiesing vir die VF Plus in Pretoria gestem het, het vir die party ‘n mandaat gegee om die weg na selfbeskikking te baan. Tydens die vergadering is ook nuwe aksieplanne op die tafel geplaas wat die party gaan gebruik om sy ondersteuningsbasis onder die Afrikaner drasties uit te brei. Die streeksraad van die Vryheidsfront Plus bestaan uit drie afgevaardigdes van elke tak en die party beskik tans oor veertig takke in die Pretoria-streek.

пескоструйный рукав

Jeugliga gaan Afrika binnevaar teen imperialiste

Die ANC-jeugliga se nasionale uitvoerende komitee gaan ‘n afvaardiging na Botswana stuur om dié land se plaaslike opposisiepartye te help “konsolideer”.

Julius Malema, leier van die jeugliga, het dié naweek aan die Oos-Rand gesê Botswana is “in volle samewerking met die imperialiste … en die (Botswana-)regering ondermyn die Afrika-agenda”.

Hy het by dié afsluiting van dié komitee se vergadering in Boksburg gesê die liga gaan nie stilsit “terwyl bure hulle so gedra nie”.

Hy meen Botswana het ‘n progressiewe regering nodig en die opposisie is nie “behoorlik” gekonsolideer om die regering omver te kan werp nie.

Hy het gesê die afvaardiging sal mense oplei wat politieke veldtogte in ‘n moontlike gesamentlike opposisieparty voer.

Die liga glo vandat oudpres. Thabo Mbeki nie meer as voorsitter van die Suider-Afrikaanse Ontwikkelingsgemeenskap dien nie, is die Afrika-agenda nie meer ‘n prioriteit nie.

“Die Jeugliga is van mening dat daar ‘n vakuum in die ideologiese en politieke leierskap van Afrika en die substreke is, en dit word gereflekteer deur hoe die kwessies van Libië en die Ivoorkus wanbestuur word,” het hy gesê.

Die Liga beplan om in “progressiewe jeugbewegings” regdeur Afrika betrokke te raak om die behoefte aan die kontinent se onafhanklikheid en ekonomiese vryheid te “herbevestig”.

Die uitvoerende bestuur sê hulle sal veg vir ekonomiese vryheid, veral die nasionalisering van myne, die besetting van grond sonder vergoeding en die daarstelling van gratis kwaliteitsonderwys.

Wêreld wag in spanning op VSA se skuldoplossing

Regerings en beleidmakers regoor die wêreld het gewaarsku dat die risiko van ‘n finansiële ramp gaan realiseer indien Washington nie die Amerikaanse skuldplafon verhoog nie.

Terwyl die Amerikaanse Kongres aan die stry is om ‘n ooreenkoms te bereik oor die skuldkwessie, het Britse en Japannese amptenare Sondag gesê ‘n Amerikaanse mislukking gaan huishoudings regoor die wêreld seermaak.

“Die wêreld kyk na die Verenigde State kyk met huiwering, met angs, met kommer, maar ook met hoop,” het die IMF se nuwe direkteur Christine Lagarde aan CNN gesê.

“Onstabiliteit is nooit ‘n goeie idee nie, nooit ‘n goeie idee nie, en hierdie vlak van onsekerheid, die onsekerheid wat oor Augustus 2 heers, het baie onstabiliteit gebring.,” het sy bygevoeg.

Demokrate en Republikeine staar ‘n Dinsdag-sperdatumooreenkoms in die gesig. Die Amerikaanse tesourie het gesê hulle gaan nie meer verder kan leen teen Dinsdag nie, hoewel ontleders sê daar is genoeg kontant om skuld te diens en rekeninge te betaal tot die middel van hierdie maand.

Die Duitse Sentrale Bank het die vertroue uitgespreek dat die Verenigde State van Amerika ‘n krisis sal kan voorkom.

Die belangrike globale rol van die Amerikaanse dollar in banke en beurse beteken dat die finansiële markte die risiko van groot onstabiliteit in die gesig staar sonder ‘n ooreenkoms.

In Tokio, het bronne wat vertroud is met Japan se internasionale en monetêre sake, Sondag gesê hulle is toenemend bekommerd dat die markte te optimisties kan wees oor die vooruitsigte vir ‘n blywende oplossing vir die skuldkrisis.

Japannese amptenare hoop Washington kan ‘n ooreenkoms bereik en indien dit onmoontlik is, voorkeur sal gee aan die internasionale rolspelers om die onmiddellike impak op markte te beperk, het die bronne gesê.

Maar Tokyo se kommer is dat as die krisis kan voortsleep sonder ‘n duidelike langtermyn-oplossing, en markte op dieselfde manier kan ly as toe die Amerikaanse beleggingsbank Lehman Brothers in September 2008 ineengestort het.

Nog ‘n Japannese bron het gesê, “Niemand het gedink Washington sal die Lehman-ineenstorting toelaat nie, maar kyk wat het gebeur.”

“Indien daar nie regtig ‘n oplossing is nie, ontstaan die vraag: Wat gebeur dan?,” het ‘n Duitse Sentrale Bank-woordvoerder gesê. “Maar ek verwag … daar sal ‘n oplossing in die Verenigde State wees, vandag of in die komende dae.”

China, wat ver oor die $1 triljoen se Amerikaanse staatseffekte hou, is erg onthuts. Saterdag het die amptelike People’s Daily-koerant, die mondstuk van die Chinese Kommunistiese Party, die VSA se hantering van die skuldkrisis as “onverantwoordelik” en “immoreel” beskryf.

Daar word gesê die Amerikaanse demokratiese stelsel is te blameer vir die “klug,” en dat “nie ‘n enkele verteenwoordiger kennis geneem het van die wêreld daar buite, of selfs Amerikaanse nasionale belang nie”.

Vrydag het ‘n senior ekonomiese beleidmaker in die euro-sone, wat anoniem wil bly, sy verbasing en woede uitgespreek dat Amerikaanse politici mekaar op kinderagtige wyse sit en koggel in ‘n saak van so belangrik is vir die globale ekonomie.

Eurosoneleiers sukkel self met skuldkrisisse in verskeie lande in die EU, ‘n taak wat bemoeilik word deur die Amerikaanse skuldlas.

Sentrale banke regoor die wêreld staan gereed om noodvoorrade van geld te voorsien aan die kommersiële banke in die geval van banke wat te senuweeagtig raak onder die huidige omstandighede om aan mekaar te leen.

‘n Woordvoerder vir die Switserse Sentrale Bank het gesê: “Die Switserse Nasionale Bank is gereed om te reageer op enige markontwrigting.”

‘Landbou die laaste vesting van apartheid’

Swartes wil nie boer nie, het ‘n 2008-peiling van Agri SA bevind en bruin boere glo landbou is die “laaste vesting van apartheid”.

Theo de Jager, die adjunk-president van Agri SA, sê navorsing wat hulle in Limpopo in 2008 onderneem het, het getoon dat swart jeugdiges boerdery as ‘n “minderwaardige beroep beskou en dit nie aantreklik genoeg ag om akademies daarvoor te kwalifiseer nie”.

Swartes glo daar is nie groot geld uit te maak nie, volgens de Jager. Achmat Brinkhuis, bruin president van die Verenigde Suid-Afrikaanse Landbouvereniging (USAA), meen egter transformasie in die landbou het misluk omdat dit die laaste vesting van apartheid is.

Volgens Agri SA het Suid-Afrika sowat 1,2 miljoen kleinboere, van wie die meeste in KwaZulu-Natal, die Oos-Kaap, Limpopo, Mpumalanga en Noordwes is.

Lees verder.

липецк техно

Mosambiek waarsku SAners oor eiendomsreg

Suid-Afrikaners wat vakansie-oorde en -huise in Mosambiek sogenaamd besit, moet onverwyld die toerismevereniging in Gaza kontak. Hulle kan, volgens Mosambiekse wetgewing geen aanspraak maak op volle eiendomsreg nie.

Rogério Gomes, president van die Gaza-toerismevereniging in Gaza, het aan die Volksblad gesê: “Suid-Afrikaners wat dink hulle besit iets, is deur gewetenlose ontwikkelaars mislei.”

Rogério Gomes kan per epos by: rgomes.moz@gmail.com gekontak word.

Duisende vakansiehuise in besit van Suid-Afrikaners word hierdeur geraak. “Buitelanders kan nie grond [in Mosambiek] besit of verkoop nie, hulle kan slegs gebruiksreg verkry,” het Gomes gesê.

Slegs tyddeel-eienaarskap word toegelaat, waar huise of wooneenhede nie eksklusief benut of heeltyds bewoon word nie.

Die Mosambiekse owerhede het sedert hulle op die La Perla-oord van Braam Bruwer aan die Bilene-strandmeer beslag gelê het, skielik wetstoepassing verskerp.

‘n Belegger wat naamloos wil bly het aan Praag gesê dat omkopery dikwels by eiendomstransaksies plaasvind en dat Mosambiekse owerhede graag teen vergoeding allerlei lisensies toestaan en wetsvereistes oorsien. Volgens hom kon die geskil oor eiendomsreg ontstaan het vanweë ‘n rusie oor omkoopgeld.

Mosambiek spog ook deesdae met ‘n florerende en onwettige diamanthandelbedryf wat oorspoel vanaf Zimbabwe.

In een onlangse geval het die plaaslike polisie glo teen betaling twee diewe by ‘n luukse oord in koele bloede doodgeskiet om die eienaar tevrede te stel.

Kwessies soos die onderverdeling en verkoop van grond en huise, kontrakskending, bouregulasie-oortredings, en uitsluiting op grond van ras en etnisiteit, word tans deur owerhede ondersoek.

Tydens die voorval op 15 Julie by Bruwer se oord, het polisiemanne gewapen met AK47-gewere, op vakansiegangers toegesak.

Die Mosambiekse regering het egter gesê hulle verwelkom Suid-Afrikaanse beleggers in Mosambiek en sal alles wat hulle kan doen om te help as wette eerbiedig word.

how to build instagram followers Фільчаков прокурор

Malema sweer wraak oor ‘kaffers’

Julius Malema, die ANC-jeugleier, oorheers steeds die afgelope paar dae se opskrifte in die media. Times Live berig dat Malema op Queenstown voor die hof gesê het: “Hulle (wittes) moet betaal omdat hulle ons slawe gemaak het, ons moet hulle straf. En nou moet hulle boet. As ons dit nie doen nie, betaal ons hulle omdat hulle ons kaffers noem.

“Hulle moet die feit besef dat ons hulle vergewe het, maar moet weet dat ons nooit sal vergeet nie.”

Malema het ook herhaal dat die vrywillige-koper-vrywillige-verkoper-beginsel uitgegooi moet word. Intussen word elders berig dat die eerste 1000 jong rekrute van die ANC môre by die Vlootbasis op Saldanha vir militêre opleiding sal aanmeld. Hulle sal as “landelike jeugwerkers” opgelei word. Volgens die departement van landelike ontwikkeling behels dit “opleiding in grond- en landbouhervorming, landelike ontwikkeling, asook karakterontwikkeling, bestuurs- en tegniese vaardighede”.

Malema het voorheen Zimbabwe besoek om daar inligting in te win oor hoe grondhervorming toegepas word. Vanaf 1 Oktober sal ‘n verdere 1000 rekrute opgelei word. Volgens die woordvoerder van die departement van landelike ontwikkeling, mnr. Eddie Mohoebi, sal elke rekruut ‘n salaris van R1 320 per maand ontvang, tesame met vervoer, voedsel en verblyf. Die ouderdomme van die rekrute wissel tussen 18 en 35 jaar en hulle sal ongeveer twee maande lank by ‘n weermagbasis basiese opleiding ontvang.

Sowel die DA as Afriforum het intusen op die nuus gereageer. Mnr. David Maynier, die DA se woordvoerder oor militêre kwessies, het die program bestempel as “’n reuse-risiko vir die weermag omdat dit te maklik as agterdeur vir militêre opleiding vir die ANC-jeugliga gebruik kan word”.

“Die staande komitee is nog nooit hieroor ingelig nie,” het Maynier voortgegaan en sy voorneme uitgespreek om mnr. Jerome Maake, voorsitter van die komitee, te vra om ’n vergadering te belê oor die opleiding van rekrute van die departement landelike ontwikkeling en grondhervorming.

“Die weermag is nie verantwoordelik vir die werwing van dié rekrute nie. Hoe weet die weermag dus hulle kom nie inderdaad uit die geledere van die ANC-jeugliga nie?

“Suid-Afrika kan nie bekostig dat die onpartydigheid van die weermag in die gedrang kom nie.”

Afriforum beplan om môre ‘n hofaansoek te bring om meer inligting oor die jeugopleidingsprogram te bekom. Volgens mnr. Willie Spies, prokureur van Afriforum, het hulle vrae oor die volgende:

hoe lede gewerf is om aan die opleidingsprogramme deel te neem;
of die individue wat opgelei word by enige politieke party of ’n spesifieke organisasie geaffilieer is;
hoe Narysec (die afkorting vir die landelike jeugmag) saamgestel is en wat die doel van die liggaam is;
wat die grondwetlike dokumente of bemagtigende wetgewing ten opsigte van dié organisasie is;
wat die presiese programinhoud en leermateriaal is wat vir opleiding gebruik word;
watter vakke by die opleiding ingesluit word.

Blykbaar is 8000 rekrute reeds vir dié tipe opleiding geëien en gaan hulle twee jaar lank daarmee besig wees.

Mnr. Floyd Shivambu, woordvoerder van die ANC-jeugliga, beantwoord nie tans oproepe van die media oor die saak nie.

Die liga se leier, Julius Malema, het enkele dae gelede besoek aan die landdroshof op Queenstown gebring waar mnr. Gerdus Greyvenstein teregstaan weens drie skote wat hy op Siyambonga Ndabeni gevuur het, blykbaar tydens ‘n woordewisseling oor Malema. Ndabeni is in die bors gewond.

Benewens sy uitspraak dat blankes “moet boet”, het Malema teen die media uitgevaar en joernaliste as ongeletterd en opgevoed beskryf. Hulle is ook nie in staat om die hoë standaarde van die ANC-jeugliga te handhaaf nie.

Volgens Malema word hy deur die media geteister. “Vandat ek president van die jeugliga geword het, laat hulle my nie met rus nie. As ek toilet toe gaan, volg hulle my. Hulle sê: ‘Hy het toilet toe gegaan, maar nie gek** nie.’ Klein breine wat mense bespreek en nie kwessies nie ly aan die verstand van ‘n rot. Ongeletterde, onopgevoede joernaliste is nie in staat om die jeugliga se standaarde te haal nie.”

Oor sy trustfondse van miljoene rande, het Malema gevra: “Hoeveel leiers beskik oor trustfondse? Kyk na Tokyo (Sexwale) en sy miljoene. Hierdie rekening help die armes.

“As iemand aan my omkoopgeld betaal het, waar is die kwitansie? Daar moet ‘n papierspoor wees. Jy kan daardie geld opspoor,” het hy gesê.

Malema het uitgevaar teen die anonieme persoon wat beweer het dat hy geld in sy familietrust inbetaal het: “As daar ‘n bobbejaan is, kom verduidelik aan my, jou lafaard.

“Jy het nie ‘n gesig nie, jou verdomde aap. Ek sal aan jou verduidelik waar jy jou geld kan opdruk en dit sal ‘n stink plek wees.

“Watter tipe onverantwoordelike persoon sou ek wees om my seun en ouma se naam by onwettige bedrywighede te betrek?”

Malema het Helen Zille, die leier van die DA, as ‘n “gek” beskryf wat nie oor politiek kan praat nie.

Verder het hy verklaar: “Ons soek ekonomiese vryheid en ‘n einde aan armoede. Deur die myne te nasionaliseer, gaan ons dit bereik.”

free games no прокурор Фильчаков

DRK: Cholera en bootongeluk eis honderde

Minstens 279 mense is in die Demokratiese Republiek van die Kongo dood aan cholera en sowat 4 000 ander het reeds die siekte onder lede, het Unicef gesê.

Dr. Ibrahim Cisse van Unicef, ‘n hulpagentskap van die Verenigde Nasies, het gesê die noord-oostelike provinsie Orientale word die ergste geraak, met 1 400 gevalle en 102 sterftes.

In Kinshasa, die hoofstad, is daar 124 gevalle en 14 sterftes.

Die regering het verklaar dat die siekte in vier provinsies versprei het.

Cholera word deur besmette water versprei.

In ‘n ander voorval, sê regeringsamptenare, in die noordweste van die Kongo, is meer as 100 mense moontlik dood nadat twee bote op ‘n rivier gebots het.

Volgens ‘n woordvoerder van die Equateur-provinsie, Rebecca Ebale Nguma, was minstens 220 mense aan boord die boot op die Tshuapa-rivier toe dit ‘n ander boot getref het.

Ongeveer 105 mense het dit tot by die land gemaak, maar teen laat Donderdag was die ander nog vermis.

Данильченко Харьков

Tshwanehoof verdien meer as Zuma

Tshwane se nuwe munisipale bestuurder gaan ‘n beter salaris as enige minister in sy sak steek en dit sluit president Jacob Zuma in.

Tshwane het Donderdag op ‘n raadsvergadering ‘n jaarlikse vergoedingspakket van “tussen R2,1 miljoen en R2,7 miljoen” vir Jason Ngobeni, sy nuwe stadsbestuurder, goedgekeur.

Lees verder.

Malema: ‘Media is behep met my’

Die president van die ANC-jeugliga, Julius Malema het Donderdag gesê die media is obsessief en die werklike weergawe van gebeure word nooit bekend gemaak nie.

Die Jeugligaleier is ontstoke oor berigte dat hy homself verryk het dmv die tenderproses en die aanklag wat teen hom gelê is in dié verband.

City Press het Malema onlangs daarvan beskuldig dat hy minstens R200 000 van die geld in ‘n trust deur korrupte tenderprosesse bekom het.

Hy het gesê hy is van plan om dit nie daar te laat nie en het buite die Queenstown-landdroshof gesê hy is van plan om die koerant te dagvaar vir naamskending.

“Sedert ek die leier van die jeugliga geword het, word ek nie met rus gelaat nie. Die media is behep met my. Hulle volg my selfs tot in die toilet om seker te maak ek doen wat ek veronderstel is om te doen,” het hy gister aan ‘n skare by ‘n hofverskyning in Queenstown gesê.

“Hoeveel mense in die land het trusts? Waarom word hulle nie vir ongerymdhede ondersoek nie? Die media mislei die land,” het hy gesê.

“Die trust waaroor hulle praat, is ‘n fonds om die armstes van die armes te help. Die geld is al gebruik om rolstoele aan mense in die O.R. Tambo-distrik (Oos-Kaap) te skenk, en die media het dit nie gedek nie.”

Dié geld in die trust, is volgens Malema, deur ondernemings geskenk as deel van hul verantwoordelikheid om maatskaplike bydraes te maak.

липецк жгуты Лобановский Харьков