Nuus Archives - Page 930 of 1583

ET-getuie erken hy lieg

‘n Getuie in die verhoor van twee mense wat daarvan beskuldig word dat hulle Eugene Terre’Blanche vermoor het, het Woensdag erken dat hy gelieg en sy verklaring verander het.

Hy het dit gedoen onder dwang van die ondersoekbeampte, kapt. Tsietsi Mano, het die getuie, sers. Jack Ramonyane, in die rondgaande Hooggeregshof op Ventersdorp gesê.

Die hof het gehoor dat Ramonyane twee verklarings aan die polisie gemaak het – een op die dag van die moord en een ‘n paar weke later.

Hy het verskeie besonderhede verander in die tweede verklaring.

In sy eerste verklaring het die beampte gesê Terre’Blanche se broek was halfpad afgetrek toe sy lyk gevind is, maar die tweede verklaring het dit ontken.

Hy het ook gesê die plaaswerker Chris Mahlangu het die polisie eerste gebel, maar het later gesê dit was die minderjarige.

Die twee word daarvan aangekla dat hulle die voormalige AWB-leier verlede jaar in sy plaashuis vermoor het.

Verskeie ander teenstrydighede is ook in Ramonyane se verklarings gevind.

“Jy is besig om ‘n spul leuens aan hierdie hof te vertel… jy het die ander aspekte opgemaak,” het Mahlangu se regsverteenwoordiger, Kgomotso Tlouane, gesê.

Toe die tiener se regsverteenwoordiger, Norman Arendse, oorgeneem en hom nog verder onder druk geplaas het, het Ramonyane erken hy het gelieg.

“U getuienis vandag is baie anders as u eerste verklaring,” het Arendse gesê.

Ramonyane het geantwoord: “Ja, hulle verskil hier en daar.”

“Hy [Mano] het jou aangesê om dinge te sê wat jy nie wou sê nie en hy het jou aangesê om dinge te sê wat jy nie gesien of gehoor het nie,” het Arendse gesê.

Ramonyane het geantwoord: “Dit is so”.

Die verdediging het ook Ramonyane se bewering dat Mahlangu aan hom gesê het hy wou Terre’Blanche se selfoon verkoop om die geld van uitstaande lone te kry, verwerp.

Mahlangu het gesê hy het die selfoon op die grond gevind en het dit gevat in ‘n “desperate poging” om die moord aan die polisie te rapporteer.

Mahlangu het gesê hy het die selfoon veilig in sy broeksak gehou om aan die polisie te gee. Hy het ook ontken dat hy met Terre’Blanche oor onbetaalde lone baklei het.

In ‘n verklaring wat vroeër ingedien is, het die 28-jarige Mahlangu egter gesê hy het in selfverdediging opgetree ná ‘n argument met Terre’Blanche oor lone.

прокурор Фильчаков

Nog ‘n boer koelbloedig vermoor

Beeld berig dat ‘n boer van Limpopo minstens agt ure lank dood en bebloed op die grasperk voor sy huis gelê het. Hy is Dinsdag in die agterkop geskiet.

Douw Brummer (50) was van die plaas Goedgedacht in die Dwaalboom-gebied.

Lt.kol. Ronel Otto, provinsiale polisiewoordvoerder, het gesê werkers van Brummer het eers Woensdag op sy lyk afgekom.

Brummer het alleen op die plaas gebly.

Die veiligheidsverteenwoordiger van TLU SA Noord, Pieter Roets, sê: “Dit was ‘n koelbloedige moord,” omdat die moordenaars Brummer glo ingewag het.

Brummer het voorheen onraad vermoed nadat daar by hom ingebreek is. Hy het aan sy bure ‘n foto van die man gewys wat hom glo leed wil aandoen. Die foto is ook aan die polisie gewys. Volgens Roets was dit nie ‘n werker van Brummer nie.

Otto het gesê die moordenaars het Brummer se sleutels gevat, die kluis in die huis oopgesluit en wapens gevat. Brummer se selfoon is ook gesteel.

Niemand is nog in verband met die moord in hegtenis geneem nie. Spoorsnyers fynkam tans die gebied.

Mnr Padveiligheid roekelose dronkbestuurder

Die man wat getaak is met die land se padveiligheidsveldtogte het na bewering ‘n regeringsvoertuig bestuur terwyl hy dronk was.

Thabo Tsholetsane, uitvoerende bestuurder van die Road Traffic Management Corporation, veg die afgelope paar maande in die hof dat sy dissiplinêre verhoor van die beweerde dronkbestuurvoorval, wat meer as twee jaar gelede gebeur het, afgestel word.

Tsholetsane is haaks met die korporasie na ‘n voorval in April 2009 toe hy na bewering dronk was terwyl hy op ‘n veldtog was om padveiligheid te bevorder.

Die gesig van Suid-Afrika se padveiligheid het in die Johannesburgse Arbeidshof gepleit om die verhoor teen hom teruggetrek te kry.

Tsholetsane beweer dat hy 29 maande ná die voorval erg benadeel is en persoonlike en finansiële skade gely het en het die Arbeidshof genader net voordat sy dissiplinêre verhoor verlede week sou begin.

Hy beweer ook dat hy nie dronk was op daardie dag in April 2009 nie, maar erg aangerand is deur drie mans by ‘n kroeg, wat hom in die hospitaal laat beland het, en hy was afgeboek vir drie maande. Die bakleiery, sê hy, het gebeur op pad terug van ‘n padveiligheidsveldtog.

In Augustus 2009, is hy in kennis gestel van sy skorsing en dissiplinêre verhoor vir Desember.

Die verhoor is toe laat vaar en Tsholetsane se skorsing is opgehef. Maar drie maande later, is Tsholetsane vertel dat die korporasie ‘n regsmening oor die vooruitsigte van die dissiplinêre verhoor ingewin het. Die advies is in September verlede jaar gefinaliseer.

Sy aansoek is deur die Arbeidshof van die rol geskrap en Tsholetsane is beveel om die koste van twee senior advokate te betaal. Sy prokureur, Willem Scholtz, het gesê dat hulle nou aansoek sal doen om die saak op die rol geplaas te kry.

Лобановский

‘Baie bloed, beserings’ en gesteelde kabels

Die AWB-leier Eugene Terre’Blanche het “baie beserings”, bloed op sy gesig en ‘n panga op sy bors gehad toe hy dood aangetref is, het ‘n polisiebeampte Woensdag getuig.

Sers. Jack Ramonyane het in die rondgaande hof op Ventersdorp gesê Terre’Blanche se lyk het in sy plaashuis op ‘n bed gelê. Hy is die vyfde getuie wat die twee moordbeskuldigdes uitgewys het.

Hy het gesê die mure en ‘n staalpyp was met bloed bevlek.

Die plaashuis was gesluit toe Ramonyane by die moordtoneel opgedaag het. ‘n Nooddienswerker van EMS het die deur oopgemaak.

Ramonyane sê hy het nie dadelik ingegaan nie.

“Van Heerden [van EMS] het gevra dat ons wag voor ons ingaan aangesien dit binne die huis donker was. Daar was honde binne en hy het aangedui dat die honde ons kan byt…”

Hy sê Van Heerden het ‘n toe flitslig gebruik.

In daardie stadium was die twee beskuldigdes – Chris Mahlangu (28) en ‘n minderjarige – in die polisievoertuig wat buite die huis gestaan het.

Ramonyane sê hy het hulle na die huis geneem nadat hulle erken het dat hulle Terre’Blanche doodgemaak het.

Die polisiebeampte was op 3 April 2010 besig om die gebied te patrolleer toe hy op die beskuldigdes naby die plaaslike treinspoor afgekom het.

“… Mahlangu het aan my verduidelik dat hulle met hul werkgewer baklei het; oor twee maande se lone wat nie betaal is nie,” het Ramonyane in die hof gesê.

“Ek het hom toe gevra hoe ernstig sy werkgewer beseer is… Mahlangu het gereageer deur te sê: ‘Ons het hom doodgemaak’.”

“Hy [Mahlangu] het nie soos iemand gelyk wat so iets kon doen nie aangesien hy vry, kalm en nie bang was nie.”

Die beskuldigdes het aan Ramonyane gesê dat hulle genoeg gehad het.

Ramonyane sê Mahlangu het aan hom gesê hy het Terre’Blanche se selfoon gehad en wou dit verkoop om te vergoed vir sy agterstallige loon.

Vier ander getuies het reeds getuig dat Mahlangu en die tiener erken het dat hulle die misdaad gepleeg het.

Beide het skuld ontken op aanklag van moord, huisbraak en poging tot roof met verswarende omstandighede.

Mahlangu beweer hy het uit selfverdediging opgetree, terwyl die tiener enige betrokkenheid ontken het.

Ramonyane se getuienis duur voort.

Die verhoor van Eugene Terre’Blanche se vermeende moordenaars is Woensdagoggend weens ‘n kragonderbreking vertraag voor Ramonyane se getuienis.

Volgens hofbeamptes is kabels by ‘n Eskom-aanleg sowat 20 km buite die dorp, gesteel.

Beamptes het gesê ‘n kragopwekker is opgestel om verrigtinge voort te sit.

Siek polisielede kos staat meer as R771 miljoen

Polisielede wat verlede jaar afwesig was by die werk weens siekte, het die belastingbetaler meer as R771 miljoen (R 771 429 000) gekos. Dit is ‘n toename van 40% (39,9) teenoor die vorige jaar (2009). ‘n Totaal van 1,5 miljoen (1 536 688) werksdae het hierdeur verlore gegaan. Dit is volgens die jaarverslag van die Polisie in die tydperk vanaf 1 Januarie 2010 tot 31 Desember 2010. Siekverlof alleen het R663,391 miljoen en permanente en tydelike onbevoegdheidsverlof het R108,038 miljoen beloop. Die kategorie waar afwesigheid weens siekte die meeste voorgekom het was by geskoolde lede (vlakke 3-5) en die tweede meeste by hoogs geskoolde lede (vlakke 6-8). Geskoolde lede was 646 074 dae en hoogs geskoolde lede 570 345 dae afwesig.

“Wat werklik kommerwekkend is, is die 40% toename van siek lede en dat hoogs geskoolde en geskoolde lede die meeste siek is. Hierdie kategorie van lede vorm die kern van die Polisiediens wat misdaad moet ondersoek. Die syfers toon dat daar ‘n ernstige probleem is wat aandui dat Polisielede in hierdie kategorieë of oorwerk is of onder te veel druk en spanning geplaas word. Deel van die druk en spanning is ook dat sommige lede nie behoorlik opgelei is vir die taak wat hulle moet verrig nie,” sê mnr. Pieter Groenewald, hoofwoordvoerder vir Polisie van die Vryheidsfront Plus.

“Hierdie probleem neem jaarliks toe en volgens die jaarverslag het 138 839 lede verlede jaar siekverlof of permanente of tydelike onbevoegdheidsverlof geneem. Dit is meer as 50% van die totale polisiemag. Cele moet sê wat hy gaan doen om die probleem op te los,” het Groenewald gesê.

Данильченео

Polisie arresteer Afrikanervrou ‘per abuis’

‘n Onderwyseres van Ermelo en haar seun is Saterdagmiddag weens ‘n polisiefout met ‘n registrasienommer in hegtenis geneem en ure lank aangehou. Indien ‘n familielid nie tussenbeide getree het en haar vrylating geëis het nie, sou sy verder aangehou gewees het en dalk haar motor kwyt gewees het.

Me. Elna Middel, wat haar motor reeds tien jaar besit, is tussen die tolhek en Middelburg deur twee polisiemotors agtervolg. By die Hendrina-afrit is sy deur die polisie van die pad gedwing en beveel om uit haar motor te klim.

Haar vraag oor waarom sy van die pad gedwing is, is met die teenvraag beantwoord: “Wie se motor is dit dié?” Blykbaar het die polisie aggressief en dreigend teenoor haar opgetree. Op haar versekering dat die motor reeds tien jaar in haar besit is, het die lede van die SAPD geantwoord dat die motor as gesteel in Witbank aangemeld is.

Hierna is sy beveel om in die polisiemotor te klim, met die bykomende dreigement dat haar seun geboei en agter in ‘n ander motor gegooi sou word indien hy sou teenstribbel. Hierdie dreigement is in Zoeloe tussen die twee polisiemanne gemaak, maar omdat haar seun Zoeloe magtig is, kon hy dit verstaan en het beswaar aangeteken. Nadat ma en seun in aparte motors na die Middelburgse polisiestasie vervoer is, blyk dit dat die polisie ‘n fout met die registrasienommer van die gesteelde voertuig gemaak het. Desnieteende het die polisie verseg om haar vry te laat totdat haar motor van “die stelsel” verwyder kon word, iets wat slegs op ‘n werksdag moontlik is.

“Die hele ervaring was vir my erg ontstellend en vernederend. As wetsgehoorsame burger is ek soos ‘n misdadiger behandel,” het me. Middel aan praag.co.za gesê.

Van 15.30 tot 19.00 is sy wederregtelik deur die polisie aangehou totdat sy deur die tussenkoms van ‘n familielid bevry is.

Dog hierna het die polisie steeds volstrek geweier om haar motor terug te gee wat kwansuis op “die stelsel” gelys was. Uiteindelik het die polisie ingestem dat sy haar motor kon terugkry mits sy Maandagoggend die polisie-offisier kontak om dit van “die stelsel” verwyder te kry.

Maandag het ‘n ontstelde me. Elna Middel die offisier van hul fout in kennis gestel, maar van ‘n beloofde besoek van hom om die vergissing reg te stel, het intussen dadels gekom.

Dinsdag is sy na die polisie se eenheid vir gesteelde motors om haar motor van die stelsel te probeer afkry, maar is deur die polisie na die lisensiekantoor toe gestuur om vir hulle die nodige klaringsvorms te gaan haal sodat dit aan die klaringsoffisier teruggestuur kan word.

Teen vandag, Woensdag, is haar motor steeds amptelik “gesteel” en die klaringsoffisier het nog nie sy opwagting gemaak nie.

Volgens me. Middel is sy “‘n onderwyseres met min geld of tyd om aan hierdie burokratiese rompslomp te bestee. Ek moes al hoeveel selfoonoproepe op my eie onkoste maak om die probleem reggestel te kry en voel dis erg onregverdig.”

Mercedes-orgie by die SAUK

Die SAUK het R20 miljoen aan Mercedesse bestee terwyl die openbare uitsaaier begrotingshulp van die regering ontvang en joernaliste dikwels nie vervoer het om hul verslaggewingspligte na te kom nie.

Die maatskappy wat die 86 Duitse luuksemotors aan die SAUK op bruikhuur verskaf het se naam is Debis Fleet Management. Die kontrak is blykbaar nooit deur die SAUK-raad goedgekeur nie en ‘n lid van die raad “vind dit moeilik om te glo” aangesien die raad dit nooit goedgekeur het of daarvan in kennis gestel is nie.

Die raad gaan glo binne die volgende twee tot drie weke vergader om die SAUK se vervoerprobleem te bespreek. Die anonieme raadslid beweer dat die SAUK weens die algemene vermorsing oor so min geld vir vervoer beskik dat personeel se petrolkaarte gekanselleer is om kostes te besnoei.

By die SAUK-radio moet verslaggewers met 2 voertuie vir 11 junior personeellede klaarkom. Volgens een van hulle word nuusdekking daardeur geraak. Sekere berigte kan bloot telefonies gedoen word en soms moet radio- en televisiespanne motors deel.

Intussen sit die SAUK met ‘n groot klomp “waarnemende” personeel. Volgens nog ‘n anonieme personeellid “is selfs die nuushoof, die radiohoof en dié van menslike hulpbronne waarnemend. Dit is waarom geen besluit oor motors geneem kan word nie.

‘n Tender is in 2009 geadverteer, maar is eers 17 maande later aan die bodbeoordelingskomitee voorgelê. Dit is weer in 2011 geopper, maar later gekanselleer.

Die amptelike woordvoerder van die SAUK, Kaiser Kganyago, sê die SAUK het ‘n ondersoek na die bewerings gelas, maar kon nie kommentaar oor die R20 miljoen lewer totdat hul ondersoek voltooi is nie.

VSA beskuldig Iran van ou komplot

Die Verenigde State het Iran Dinsdag daarvan beskuldig dat hulle die Saoedi-ambassadeur in Washington wou vermoor. Dié aantyging het die stygende spanning verder laat klim en ‘n perdebynes in die Midde-Ooste oopgekrap, waar Saoedi-Arabië en Iran vir baasskap wedywer.

Ontleders is egter skepties oor die tydsberekening van die onthulling, aangesien Obama reeds in Junie ingelig is oor die beweerde komplot.

Amerikaanse owerhede het gesê hulle het die sameswering deur twee mans wat gekoppel word aan Iran se sekuriteitsagentskappe om die Saoedi-ambassadeur Adel al-Jubeir te vermoor, oopgevlek. Een is verlede maand in hegtenis geneem terwyl die ander een glo in Iran skuil.

Iran ontken die aanklagte. Maar President Barack Obama het die komplot ‘n “flagrante skending van die VSA en die internasionale reg” genoem en Saoedi-Arabië, het gesê dit is “veragtelik.”

Die onthulling van die beweerde komplot, en die oënskynlike direkte bande met die Teheran-bewind, het die potensiaal om die spanning in die Midde-Ooste tot breekpunt te dryf.

Hillary Clinton, het in ‘n onderhoud met Reuters die hoop uitgespreek dat die lande wat voorheen geskroom het om die bestaande sanksies af te dwing teen Iran, nou “die ekstra myl” sal loop.

Op ‘n nuuskonferensie het die FBI se direkteur Robert Mueller gesê die intrige wat Meksikaanse dwelmgeld wou gebruik om die ambassadeur in ‘n restaurant van Washington op te blaas, kon uit ‘n Hollywood-film gewees het.

Die Amerikaanse prokureur-generaal Eric Holder beweer die komplot was die werk van die Islamitiese Revolusionêre Wag, die voog van Iran se rewolusie, en die Quds-magte, sy koverte operasionele arm.

Amerikaanse amptenare het die twee vermeende moordenaars geïdentifiseer as Gholam Shakuri, ‘n lid van die Quds-magte, en Manssor Arbabsiar, wat op 29 September in hegtenis geneem is toe hy by die John F. Kennedy Internasionale Lughawe aangekom het uit Mexiko.

Arbabsiar, 56, is ‘n genaturaliseerde VSA-burger en besit ‘n Iranse paspoort.

Amerikaanse amptenare het egter gesê dat die Saoedi-ambassadeur, Al-Jubeir, wat naby aan koning Abdullah bin Abdul-Aziz is en sedert 2007 in sy pos, was nooit in gevaar nie. President Barack Obama is in Junie ingelig oor die beweerde komplot en deur ‘n woordvoerder bedank dat die Amerikaners die poging gefnuik het.

Die sluipmoordkomplot is reeds in Mei 2011 oopgevlek toe Arbabsiar ‘n individu in Mexiko genader het wat ‘n informant vir die Amerikaanse Drug Enforcement Administration was.

Iran lag Amerikaanse aantyging af

Teheran het aantygings deur Amerika dat hulle betrokke is by die beplande sluipmoord op die Saoediese ambassadeur in die VSA ontken.

Hulle het die aantygings as ‘n “nuwe anti-Iran scenario” beskryf.

Volgens dié aantygings het die regering in Teheran die bevel vir die sluipmoord gegee, het ‘n amptenaar van die regering volgens die amptelike nuusagentskap in Iran (IRNA) gesê.

‘n Tweede Iranse nuusagentskap het die aantygings as “belaglik” uitgemaak.

“Amerika het met ‘n nuwe rondte sielkunde oorlogvoering begin omdat Iran afwyk van wêreld-opinie, maar die aantygings is werklik belaglik,” het die nuusagentskap Mehr berig.

Mehr het bygevoeg dat die aantyging dat ‘n Iranse individu wat in hegtenis geneem is bande met die regering in Teheran het, verregaande is.

Фільчаков прокурор

‘Ek’s nou baas…’

Die plaaswerker Chris Mahlangu en sy minderjarige medebeskuldigde het glo oor die moord op Eugene Terre’Blanche, AWB-leier, “gespog”, het die hof Dinsdag gehoor.

Albei getuies wat op ‘n buurplaas woon, het in die rondgaande hof op Ventersdorp gesê die twee het kort ná die moord erken dat hulle Terre’Blanche op 3 April verlede jaar vermoor het.

“Die twee mans het by my woonplek aangekom en Mahlangu het gesê ‘ek is vandag jou baas… Ek het Terre’Blanche vermoor’,” het Enie Matshediso getuig.

Mahlangu wou haar na die moordtoneel neem, maar Matshediso het geweier.

“Hy het toe my kêrel gevra om sy foon te leen om die Potchefstroom-polisie te bel,” het sy gesê.

“Ons het geweier en gesê hy moet weggaan. My pa het toe uitgekom en hom weggejaag.”

Nóg ‘n plaaswerker, Richard Silane, het gesê Mahlangu het dieselfde met hom gedoen.

Silane, wat op ‘n buurplaas werk, het die minderjarige in die hof uitgewys as die persoon wat die telefoonoproep gemaak het.

Die hof het gehoor dat Silane nie gesien het watter klere die minderjarige aangehad het nie, maar onthou dat hy bloed op Mahlangu se oorpak gesien het.

Hy het nie alkohol by die twee geruik nie, en het nie die gesprek met die polisie gehoor nie.

Silane het gesê die minderjarige “was in ‘n goeie toestand” en het nie bang gelyk nie.

“Toe hulle klaar is, het hulle gesê hulle gaan loop en dat die polisie hulle langs die pad sou kry. Hulle het toe in die rigting van Terre’Blanche se plaas gestap… Ek het hulle nooit weer gesien nie.”

Die twee word daarvan beskuldig dat hulle Terre’Blanche op sy plaas verlede jaar in ‘n loongeskil vermoor het.

Albei het onskuldig gepleit op aanklagte van moord, huisbraak en poging tot roof met verswarende omstandighede.

Die verhoor duur voort.

Лобановский Харьков