Kategorie: Nuus

Haai-aanval eis branderplankryer

‘n Vyf-en-twintig-jarige man is Sondag by Port St. Johns se Tweede Strand deur ‘n haai doodgebyt, het die Oos-Kaapse gesondheidsdepartement gesê.

“Vanmiddag [Sondagmiddag] is ‘n swemmer van Port St. Johns deur ‘n haai aangeval. Hy het ongeveer vyf minute lank met die haai gestoei deur sy branderplank te gebruik,” het Sizwe Kupelo, woordvoerder, gesê.

“‘n Branderplankryer wat langs hom was tydens die gebeure het gesê die man was baie dapper om teen die haai te veg. Ongelukkig het hy ernstige beserings aan sy arms en bors opgedoen,” het hy gesê.

‘n Tweede ooggetuie het ander swemmers gewaarsku om die water te verlaat.

“‘n Dokter wat ook in die water was, het probeer om die branderplankryer se lewe te red, saam met paramedici wat by die strand aangekom het. Die man is op pad na ‘n plaaslike gesondheidsentrum oorlede.”

“Tweede Strand is berug vir haai-aanvalle en sover ek weet is daar geen nette daar nie,” het Kupelo gesê.

прокурор харьковской области

Vier vas oor plofstof, wapens

Vier mans is in Linden, Johannesburg, in hegtenis geneem vir die besit van plofstof en onwettige vuurwapens, het die polisie Sondag gesê.

Volgens kapt. Pinky Tsinyane is die mans, tussen die ouderdomme van 27 en 53, Vrydag naby ‘n winkelsentrum in hegtenis geneem.

Twee van die mans het volgens Tsinyane by ‘n winkel ingegaan, terwyl die ander twee in die motor gewag het.

Die polisie het gesien daar was geen nommerplaat op die motor nie en het die voertuig deursoek. Hulle het die plofstof gevind en later twee ongelisensieerde vuurwapens by die ander twee mans gevind.

Die mans sal na verwagting Maandag in die Randburg-landdroshof verskyn.

топкарго

‘Slegs Wit’

‘n Inwoner van Cincinnati in die VSA het glo anti-diskriminasie wette oortree het nadat sy ‘n “Slegs Wit” bordjie buite haar swembad aangebring het.

Sy het Donderdag ‘n appèl by die Ohio se Burgerregtebewegingkommissie verloor.

Die beslissing baan die die weg vir moontlike staatsiviele aanklagte en kompenserende en bestraffende skadevergoedingseise.

Die kommissie het beslis dat die teken, wat lees “Openbare Swembad, Slegs Wit,” diskriminasie wette skend, en die verhuurder Jamie Hein se eis dat dit net ‘n dekoratiewe en verouderde bordjie is, verwerp.

Die kommissie se uitspraak het gevolg op ‘n klagte deur Michael Gunn, ‘n voormalige huurder wat sy 10-jaar-oue bruin dogter na die swempartytjie op Hein se eiendom wou bring wat deur sowat 20 ander gaste bygewoon is.

Gunn het gesê Hein het hom later gevra oor die “chemikalieë” wat sy dogter vir haar hare gebruik en die meisie, die enigste nie-Kaukasiër by die partytjie, beskuldig daarvan dat sy die swembadwater “vertroebel”.

Gunn het aan die kommissie gesê ongeveer ‘n week later het hy die “Slegs Wit” teken by die swembad opgemerk. Hy het gesê hy en sy verloofde het besluit om onmiddellik iets te doen sodat “my dogter nie blootgestel word aan die teken en vernedering nie”.

As deel van die kommissie se ondersoek, het Gunn kopieë van die tekste wat hy beweer Hein gestuur het na sy verloofde, voorgelê. Daarin blameer Hein die “vet” in sy dogter se hare vir die troebel toestand van die swembad.

Na ‘n ondersoek na die bewerings en “informele pogings om die saak op te los,” het die Kommissie in September bevind dat Hein die wet oortree het.

Hein het weer appèl aangeteken, maar nóg sy nóg haar prokureur het die verhoor Donderdag bygewoon.

Фильчаков прокурор харьков

VSA ontken betrokkenheid by moord op kernwetenskaplike

Die VSA het Donderdag ontken dat hy betrokke was by die moord op ‘n Iranse kernwetenskaplike in Teheran.

Volgens berigte in Iran is Moestafa Ahmadi Roshan en sy bestuurder Woensdag in ‘n ontploffing gedood nadat twee verdagtes op ‘n motorfiets ‘n kleefmyn aan Roshan se motor geheg het.

Roshan was ‘n chemikus en direkteur van die Natanz­uraanverrykingsaanleg, die grootste in sy soort in dié land.

Sy moord word beskou as ‘n aanduiding dat daar toenemende geheime pogings is om Iran se kernprogram te stuit.

Die sluipmoord op Roshan volg op ‘n jaar van hernude spanning in betrekkinge tussen Iran en die VSA. Dit sluit in nuwe Amerikaanse sanksies teen Iran, dreigemente om Amerikaanse skepe uit die Persiese Golf te verbied, die doodstraf wat Iran vroeër vandeesweek aan ‘n Amerikaanse burger opgelê het en die uitbreiding van Iran se uraanverry­­­kingsprogram.

Amerikaanse amptenare het Donderdag gesê hulle het niks met Roshan se dood te make gehad nie.

“Ek ontken ten sterkste dat Amerika enigsins betrokke is by enige voorval van geweld in Iran,” het die Amerikaanse minister van buitelandse sake, Hillary Clinton, hier gesê.

“Ons glo daar moet ‘n verstandhouding wees tussen Iran, sy buurlande en die internasionale gemeenskap vir die beëindiging van sy uitdagende gedrag, om sy soeke na kernwapens te staak en weer ‘n produktiewe lid van die internasionale gemeenskap te word.”

Die moord op Roshan was ‘n dag nadat Israel se militêre hoof, lt.genl. Benny Gantz, luidens berigte aan ‘n parlementêre komitee gesê het 2012 gaan deurslaggewend vir Iran wees, deels as gevolg van “onnatuurlike dinge wat met hom gaan gebeur”.

Ander Israelse amptenare het gesinspeel op geheime operasies teen Iran sonder om dit regstreeks te erken.

“Baie slegte dinge het onlangs met Iran gebeur,” het Mickey Segal, ouddirekteur van die Israelse weermag se Iranse intelligensiedepartement, gesê.

Iranse amptenare het Israel die skuld gegee.

Die moord op Roshan is soortgelyk aan vroeëre moorde op wetenskaplikes wat aan Iran se uraanverrykingsprogram gewerk het.

Iran blameer die Mossad van Is­rael, die CIA van Amerika en die Britse MI6. Dié drie ontken dit.

Фильчаков прокурор

Zuma pleit vir VN-AU verhouding

President Jacob Zuma het ‘n pleidooi by die VN-Veiligheidsraad in New York gelewer dat ‘n vaste verhouding tussen die VN en die Afrika Unie ingestel moet word.

Hy sê daar móét na die standpunte van die Afrika Unie geluister word as die verhouding met die VN verbeter en konflik vermy wil word.

Hy het Libië as voorbeeld gebruik en sê belangrike lesse kan uit die geweld in dié land geleer word. Zuma was voorsitter by ‘n vergadering van die Veiligheidsraad waar die werksverhouding tussen die VN en streeksorganisasies soos die Afrika Unie bespreek is.

Hy het ook voorgestel dat die twee liggaame samewerkingsmodelle moet ontwikkel wat eenvormige besluitneming sal vergemaklik wanneer dieselfde doel nagestreef word.

Die president sê in die afgelope dekade het die vasteland die politieke wil getoon om konflik en oorloë uit te roei.

Олександр Васильович Фільчаков

Gratis hoër onderwys ondersoek

Die ANC wil hoër onderwys gratis aan armes wat akademies daarvoor kwalifiseer, oopstel.

Die doelwit is om tersiêre onderwys uit te brei sodat ‘n groot aantal studente opgelei word. Dr. Blade Nzimande, minister van hoër onderwys, het egter gesê almal sal nie aan universiteite kan studeer nie, en sal ambagte ook oorweeg moet word.

Nzimande het Donderdag by die bekendstelling van die groenskrif oor hoër onderwys verklaar dat die regering na gratis tersiêre onderrig kyk.

Volgens Nzimande beskik die nasionale studentehulpfonds nie oor genoeg geld om studente te help nie. Daar is egter R10 miljard in die sektorale onderwys-en-opleidingsowerhede (setas) beskikbaar wat vir beurse aan arm studente aangewend kan word.

Die ANC het die departement van hoër onderwys glo reeds versoek om ondersoek in te stel doen na die koste van beurse aan verdienstelike arm studente.

Die kostebevindings sal nog hierdie jaar voor die ANC se vyfjaarlikse nasionale beleidskonferensie dien.

Фильчаков Харьков

Swart seun glo weggewys by vakansieoord

‘n Oord in die Oos-Kaap word ondersoek nadat ‘n swart kind glo na bewering nie welkom daar was nie, het die Oos-Kaapse Parke- en Toerisme Agentskap (OKPTA) Donderdag gesê.

Die 11-jarige seun sou op 7 Januarie saam met ‘n 12-jarige wit vriend en sy gesin na die Lepel Le-oord in Cintsa gaan.

“Die wit seun se ma… het gesê dat, ten spyte daarvan dat sy betaal het vir ‘n ses-dag vakansie vir twee volwassenes, haar seun en sy vriend, is sy vooraf telefonies ingelig dat haar seun se vriend nie op die eiendom toegelaat sal word nie,” het OKPTA -woordvoerder, Veliswa Mhlapo, gesê.

“Daar is glo aan die ma gesê slegs swart mense wat op die gronde werk sal toegelaat word en dat die swart kind nie saam met die familie daar kan vakansie hou nie,” het sy gesê.

Mhlapo het gesê dat die uitvoerende hoof van OKPTA, Sybert Liebenberg, ‘n span saamgestel het om die oord te ondersoek.

‘n Aparte voorval is vroeër in Januarie by ‘n oord in Port Elizabeth aangemeld.

“Ons het op die oomblik nie besonderhede rakende daardie voorval nie, maar ons sal volgende week meer weet,” het Mhlapo gesê.

‘n Verslag oor die voorvalle sal op 25 Januarie bekendgemaak word.

“Deur hierdie ondersoek sal ons kan vasstel of hierdie wel toerisme-fasiliteite is wat by die OKPTA geregistreer is as toerisme-produkte. Dan sal ons die grondwet en ons mandaat gebruik om die voorvalle te hanteer,” het sy gesê.

Liebenberg het gesê die OKPTA sal seker maak dat soortgelyke voorvalle nie weer plaasvind nie.

“Ons sal nie rassisme in enige vorm verdra nie. Ons kan nie hierdie negatiewe effek op die Oos-Kaap se toerisme toelaat nie,” het hy gesê.

Фильчаков прокурор харькова

Nigerië stuur af op ‘n burgeroorlog, sê Nobelpryswenner

Etniese en godsdienstige geweld teister Nigerië en het meer as 16 slagoffers geëis nadat ‘n brandstofstaking die dodelike spanning laat toeneem het.

Te midde van die sektariese en sosiale onrus, het die wenner van die Nobelprys vir literatuur Wole Soyinka, een van die land se mees gerespekteerde stemme, gewaarsku dat die vasteland se mees bevolkte land op ‘n burgeroorlog afstuur.

‘n Twee dae oue algemene staking het die land verlam en dreig om president Goodluck Jonathan se regering – wat reeds sukkel om ‘n vlaag bloedige aanvalle deur die Islamitiese sekte Boko Haram af te weer – tot ‘n val te bring.

President Jonathan het ‘n groot terugslag beleef nadat die land se Nasionale Vergadering ook teen hom gedraai het. Van sy kritici het gevra of hy nie eerder “Badluck” moet heet nie.

Tot Jonathan se ellende is daar talle ondersteuners van Boko Haram in die regering, weermag en polisiediens.

In ‘n verklaring laat Dinsdag het die regering beveel dat al die stakende werkers teruggaan werk toe, en gewaarsku dat hulle werkgewers ‘n beleid van “geen werk, geen betaling sal afdwing”.

“Lede van die publiek wat onder kontraktuele verpligtinge as werknemers in die openbare en private sektore dien, word aangeraai om die bepalings van die dienskontrak en hul pligte te respekteer,” het minister Mohammed Adoke, van justisie, in die verklaring gesê.

Ontleders het gesê die spanning in Afrika se top-olieprodusent het bygedra tot stygende wêreldoliepryse.

Die onrus het Maandag uitgebreek te midde van protes teen die regering se afskaffing van brandstofsubsidies op 1 Januarie, wat veroorsaak het dat petrolpryse meer as verdubbel het.

Die meeste van Nigerië se 160 miljoen mense leef op minder as $2 per dag.

Soyinka, Afrika se eerste Nobelpryswenner vir letterkunde in 1986, het in ‘n BBC-onderhoud gewaarsku dat die land ‘n nuwe konflik soos die 1960-oorlog, wat meer as een miljoen mense se lewens geëis het, in die gesig staar.

“Dit is nie ‘n onrealistiese vergelyking nie – dit is beslis gebaseer op baie ooreenkomste … Ons sien die land in die rigting van ‘n burgeroorlog gly,” het hy gesê.

Die VN-leier, Ban Ki-moon, het Nigerië se minister van buitelandse sake Olugbenga Ashiru in New York ontmoet en die VN het vrese oor die militante groepe in Wes-Afrika geopper.

Die twee het ontmoet ná die vrystelling van ‘n VN-verslag wat gesuggereer het daar bestaan bande tussen die Boko Haram en Al-Qaeda se bondgenote in Noord-Afrika.

депутат лобановский

Gauteng gaan nog e-tol eis

Die Minister van Vervoer, Sbu Ndebele sê verdere aankondigings oor die hef van tolgeld op Gautengse hoofweë sal binnekort gemaak word.

Die Suid-Afrikaanse Nasionale Padagentskap het vroeër bekendgemaak dat 212-duisend e-tolrekeninge reeds by die Suid-Afrikaanse Padagentskap geregistreer is.

SANRAL sê tolgelde sal van aanstaande maand af gehef word, maar geen spesifieke datum is bekendgemaak nie.

Die elektroniese skyfies sal aanvanklik net by die Bakwena tolhek in bedryf wees.

Die Vryheidsfront Plus het ‘n griefskrif met 105-duisend handtekeninge aan die minister oorhandig, terwyl COSATU, die DA en talle ander vakbonde en burgerlike organisasies ook skerp teenkanting bied.

Фильчаков прокурор харьков