Nuus Archives - Page 1066 of 1583

Slag vir wol- en vleisuitvoere weens slenkdalkoors

Die Burger berig dat verskeie lande ’n verbod op die invoer van diereprodukte uit Suid-Afrika geplaas het weens die voorkoms van slenkdalkoors.

Botswana, besluit nog of hy dieselfde maatreëls gaan instel.

Peter Thabethe, waarnemende direkteur-generaal van die departement van landbou, bosbou en visserye, het Woensdag aan die parlement gesê dat China en Turkye ’n verbod op alle wol- en leerinvoer uit Suid-Afrika geplaas het. Saoedi-Arabië en die Verenigde Arabiese Emirate het eweneens handelsbeperkinge op die invoer van beesvleis geplaas.

Dit volg op die verbod op die invoer van diereprodukte uit Namibië, Lesotho en Zimbabwe.

Meer as 6300 stuks vee het reeds gevrek in veral die Vrystaat, Noord- en Oos-Kaap, asook die Wes-Kaap.

Altesaam 329 uitbrekings van die siekte het tussen Februarie en 6 Mei vanjaar reeds voorgekom.

Grootste hospitaal sonder krag

Dele van die Chris Hani Baragwanath hospitaal is sedert Maandag sonder elektrisiteit weens onbetaalde rekeninge.

Qedani Mahlangu, Gautengse LUR vir gesondheid, het verduidelik dat ‘n “kontantvloei-probleem” tussen haar departement en die Tesourie, die oorsaak van die probleem is.

“Diesel sal voor die einde van die dag by die hospitaal afgelewer word sodat die kragopwekkers in werking kan tree,” het sy bygevoeg.

Mahlangu het met die media gepraat na aanleiding van die dood van ses babas by die Charlotte Maxeke-hospitaal in Johannesburg.

Hof wys ET-verdagte se aansoek van die hand

Die landdroshof in Ventersdorp het ‘n aansoek van Chris Mahlangu se prokureur van die hand gewys nadat dié versoek het dat die aanklagte teen sy kliënt gewysig word.

Mahlangu word daarvan verdink dat hy en ‘n 15-jarige medepligtige glo die voormalige AWB-leier, Eugene Terre’Blanche, op sy plaas buite Ventersdorp vermoor het.

Die verdagte se prokureur, Puna Moroko, het gevra dat die aanklag teen sy kliënt vanaf ‘n skedule 6-oortreding na ‘n skedule 5-oortreding verander word.

‘n Skedule 6-oortreding is beplan, terwyl ‘n skedule 5-oortreding onbepland is.

Moroka het vroeër gesê dat hy sal argumenteer dat Mahlangu homself verdedig het en dat hy nie die moord op Terre’Blanche beplan het nie.

Tydens ‘n vorige verskyning in die hof het dit aan die lig gekom dat Mahlangu en sy vermeende medepligtige glo die moord in Terre’Blanche se perdestalle beplan het.

Die saak het Woensdag kort voor middagete weer voortgegaan nadat ‘n Tsonga-tolk eers nie dadelik beskikbaar was nie.

Moroko wil ook die ondersoekbeampte kapt. Tsietsi Mano ondervra oor sy bewerings dat Terre’Blanche geslaap het toe die voorval plaasgevind het.

“Ons sal Mano uitvra oor waar hy die inligting vandaan gekry het. Hy het baie om te verduidelik.” het Moroko gesê.

депутат лобановский

Mev Zuma glo in duisternis

Die presidensie en die eThekwini-munisipaliteit wou nie Woensdag kommentaar lewer oor gerugte dat pres. Jacob Zuma se een vrou, Nompumelelo Ntuli-Zuma, se kragtoevoer na haar woning afgesny is nie.

Na bewering het Ntuli-Zuma nie haar elektrisiteitrekening betaal nie.

Volgens Zizi Kodwa, presidensiële mediaraadgewer, kan niemand dié bewerings op hierdie stadium bevestig nie.

“Ek is glad nie bewus van so iets nie,” het Kodwa gesê.

Die hoof van die elektrisiteitsdepartement by die eThekwini-munisipaliteit, Sandile Maphumulo, het gesê dat hulle nie oplet wie se elektrisiteit afgesny word nie.

“Ons sit heelwat wonings se elektrisiteit af sonder dat ons weet aan wie die eiendom behoort. Ek kan dus nie die voorval bevestig of ontken nie,” het Maphumulo gesê.

The Mercury het Woensdag berig dat Ntuli-Zuma in ‘n huis sonder water of elektrisiteit woon.

Sy het na bewering sowat R9 500 aan die munisipaliteit geskuld. Die geld moet eers ten volle betaal word voordat die munisipaliteit weer die kragtoevoer sal aanskakel.

Ntuli-Zuma woon reeds die afgelope vyf jaar in ‘n luukse woning in Morningside, Durban saam met haar twee kinders en ander familielede.

Na bewering is sy reeds sedert verlede week sonder enige elektrisiteit. Daar was vroeër vanjaar ook gerugte dat Ntuli byna uit die huis geskop is omdat daar ontevredenheid was rakende die huur.

Ntuli-Zuma se selfoon was afgeskakel en sy kon nie vir kommentaar bereik word nie.

Brandstof ‘n kopseer, krag nie, hoor parlement

Maurice Radebe, voorsitter van Sapia, die Petroleumbedryfsvereniging, het in die parlement aan die staande komitee oor die aangeleentheid gesê die Transnet-staking kan op die lange duur brandstofvoorsiening tydens WB 2010 ontwrig.

Alwie Lester, ‘n hoofbestuurder by Eskom, het parlementslede egter gerusgestel dat kragvoorsiening aan die gasheerstede gewaarborg is. Hy het gesê die kans dat kragonderbrekings sal voorkom, is “uiters skraal”.

Eskom sal tussen 10% en 15% reserwekrag hê vir die WB omdat hulle krag sal invoer van Mosambiek om voorsiening met 500 MW te verhoog. Steenkoolvoorraad is ook aangevul.

Die vervoer staking bly ‘n kopseer. Tans staak tussen 40% en 60% van Transnet se werknemers.

In ‘n voorval verlede week is ’n trein wat brandstof van Durban na Gauteng vervoer, weens beweerde sabotasie ontspoor.

Vliegtuigbrandstof kan ook deur die staking geraak word.

Bongani Maseko, die lughawensmaatskappy Acsa se bedryfsbestuurder, sê vliegtuigbrandstof moet deurlopend voorsien word en ’n staking hou ‘n risiko in.

Omdat lugverkeer dramaties gaan toeneem, sal Acsa onder druk wees as sy voorraad nie daagliks aangevul word nie.

topcargo отзыв

Terre’Blanche-moordsaak hervat

Die man wat verdink word van die moord op die ontslape AWB-leier, Eugene Terre’Blanche, sal Woensdag weer in die hof verskyn.

“Puna Moroko, prokureur vir Chris Mahlangu, is in Klerksdorp vir sake. Ons sal dus eers ander sake moet afhandel en behoort teen 10:00 klaar wees,” het ‘n beampte by die hof gesê.

Die saak moes oorspronklik 09:00 voorgekom het.

Intussen is sowat 60 polisielede buite die hof om die situasie te monitor. Die groot skares wat egter tydens die vorige verskynings teenwoordig was, het nie weer opgedaag nie.

Tydens die vorige verskyning was daar vrese oor Mahlangu se burgerskap omdat hy geen identiteitsdokument (ID) het nie. Daar was ook geen inligting oor hom by die departement van binnelandse sake beskikbaar nie.

Moroko het geargumenteer dat Mahlangu borgtog moet ontvang omdat hy twee kinders het waarna hy moet omsien. Hy het ook gesê dat sy kliënt nie op die vlug sal slaan nie, omdat hy nie oor die nodige reisdokumente beskik nie.

Die hof het op 10 Mei gehoor dat Mahlangu en sy vermeende 15-jarige medepligtige in Terre’Blanche se plaashuis buite Ventersdorp ingebreek het. Hulle het die voormalige AWB-leier glo 28 keer met ‘n panga en ‘n stuk staal geslaan terwyl hy geslaap het.

Hulle het daarna sy broek afgetrek en sy selfoon gesteel

Terre’Blanche se lyk was “byna onherkenbaar” geskend deur die aanval.

free 10 no

Skok oor strikke in Bewarea

“Toe het ek só gehuil,” vertel ‘n inwoner van Langenhovenpark, Bloemfontein na sy in ‘n nabygeleë koppie na haar vermiste kat gaan soek het, en sy op ‘n goedversorgde dooie kat in ‘n valstrik afgekom het. Die kat kon nog nie lank dood wees nie. Haar eie kat word nog vermis.

Mev. Annalene van Staden het die Bewarea genader na sy na haar kat gaan soek het, en haar hond saamgeneem het. Sy is versoek om haar verhaal aan die Polisiëringsorum-vergadering, wat dieselfde aand plaasgevind het, te kom vertel. Eers is haar hond in een van die strikke bestaande uit ‘n houtpen wat in die grond ingeslaan is en “weed eater”-lyn bestaan, gevang. Dié groot hond kon nie self loskom nie.

Sy het hierna op nog verskeie strikke afgekom, sommiges bestaande uit staalstawe en soortgelyke lyn, voor sy die doodgewurgde kat ontdek het. Die kat is in een van die wippe met ‘n staalstaaf gevang.

Ontstelde lede van die Polisiëringsforum het versoek dat die polisie gesprek voer met bouers by ‘n bouterrein naby die toegangstrook na die koppie. Die polisie sal hul deurlopende aksies om bosslapers op te ruim, verskerp. Die vrou het die DBV ook reeds in kennis gestel, en ‘n klag by die polisie gelê.

Die Bewarea stel ondersoek in na moontlikhede om toegang tot die koppies te beheer. Die Bewarea wil graag die ou skanskraal op dieselfde koppie waarop die strikke nou gekry is, restoureer. Dié skanskraal is juis, aldus ‘n bewaringskundige, afgebreek toe bouers met die eerste bouwerk in Langenhovenpark dassies gejag het. Die gemeenskap wil graag die koppies as bate “terugwen.”

топкарго отзыв

Dene en Nederlanders deur Al Kaida geteiken by WB

‘n Vermeende Al Kaida-ondersteuner wat in Irak aangehou word, het Dinsdag gesê dat hy met familie en vriende gepraat het om Deense en Nederlandse spanne wat volgende maand aan die Wêreldbeker-sokkertoernooi in Suid-Afrika deelneem aan te val om beledigings teen die Profeet Mohammed te wreek.

Irakse veiligheidsmagte wat die Saoedi-burger aanhou, bekend as Azam Abdullah al-Qahtani Saleh, het gereël dat The Associated Press met hom ‘n onderhoud by ‘n ongeïdentifiseerde regeringsgebou in Bagdad voer.

Hy het gesê hy het aanvanklik in 2004 na Irak gegaan om te veg teen Amerikaners en is gewerf deur Al Kaida.

‘n Irakse veiligheidsamptenaar met kennis van die ondersoek sê al-Qahtani is in hegtenis geneem na ‘n gesamentlike VSA-Irak-operasie in April waar twee ander Al Kaida-hoofverdagtes gedood is. Die amptenaar wou nie sy naam bekendmaak nie aangesien hy nie toegelaat word om besonderhede van die saak te bespreek nie.

Dokumente is in die huis gevind waar die twee gedood is. Dit is onder meer geskryf deur al-Qahtani en bevat detail van ‘n plan van aanvalle wat geloods sal word op die Wêreldbeker-sokkertoernooi. Dit het gelei tot sy arrestasie op 3 Mei, het die amptenaar gesê. Irakse owerhede het Maandag dié besonderhede openbaar.

“Ons het gepraat oor die moontlikheid van wraak vir die beledigings teen die profeet deur Denemarke en Holland aan te val,” het al-Qahtani aan AP gesê. “Die doel was om die Deense en die Nederlandse spanne en aan te val asook hulle ondersteuners,” het hy bygevoeg.

“As ons nie die spanne kon bereik nie, dan sou ons die ondersteuners teiken,” het hy gesê, en bygevoeg dat hulle gehoop het om gewere en motorbomme te gebruik.

Dit is nie duidelik of die militantes die vermoë het om wat nogal ‘n gesofistikeerde plan was, in werking te stel nie – ‘n ingewikkelde aanval ver van hulle tuisbasis. Die Irakse veiligheidsamptenaar het gesê geen stappe is geneem om die plan in beweging te stel nie, soos byvoorbeeld deur die verkryging bommateriaal.

Al-Qahtani sê die plan benodig steeds goedkeuring van die Al Kaida-bevelsketting, spesifiek die groep se no 2, Ayman al-Zawahri.

Die vermeende militant, wat ongeveer 30 jaar oud is met ‘n snor, geklee in ‘n oranje gevangenisuitrusting, het geen uiterlike tekens van besering of misbruik getoon nie. Hy het nie senuweeagtig of bang voorgekom nie.

Al-Qahtani het gesê hy is deur die Amerikaanse magte in 2007 gevang en by Camp Bucca aangehou totdat hy in 2009 vrygelaat is. ‘n Amerikaanse militêre amptenaar, Keli Chevalier, het bevestig dat die Amerikaanse magte ‘n man met die naam van Abdullah al-Azam Saleh Qahtani gevange gehou het en dat hy by Camp Bucca aangehou is.

Die Amerikaanse militêre amptenaar het al die ander vrae oor al-Qahtani na die Irakse regering verwys.

In 2006 het 12 spotprente van die profeet wat in ‘n Deense koerant verskyn het, gelei tot woedende betogings in Moslemlande.

In Nederland, is ‘n anti-Islam party die land se vinnigste groeiende politieke beweging. Die leier, Geert Wilders, noem die Koran ‘n “fascistiese boek” en wil dit verbied sien in Nederland. Sy 2008-kortfilm het baie Moslems aanstoot gegee deur die afwisseling van Koraanse verse met beelde van terrorisme deur Moslem radikale.

Hy meen ook dat die klere wat Moslems oor die algemeen dra, soos kopdoeke, verbied behoort word omdat hulle die Nederlandse landskap “besoedel”.

Wilders se gewildheid is deels ‘n reaksie op ‘n vlaag van Islamitiese radikale geweld. In 2004, het ‘n jong Moslem die Nederlandse filmmaker Theo van Gogh vermoor. Hy het ‘n kort film geproduseer oor die beweerde onderdrukking van Moslemvroue.

Al-Qahtani het gesê dat die Wêreldbeker-sokkertoernooi beskou word as ‘n hoë-profiel internasionale gebeurtenis en Suid-Afrika is waarskynlik makliker om na te ‘n reis as een van die twee Europese lande wat hulle wou teiken.

Vish Naidoo, ‘n woordvoerder vir Suid-Afrikaanse polisie, het Dinsdag gesê dat Suid-Afrikaanse beamptes nog steeds wag op woord van hul Irakse kollegas oor die arrestasie. Hy sê die enigste inligting wat Suid-Afrikaanse amptenare het is mediaverslae.

FIFA het in ‘n verklaring Dinsdag gesê hulle wil nie kommentaar oor enige spesifieke potensiële bedreigings lewer nie.

для бани Фильчаков прокурор

Marzanne se oppasser gaan Krugergesin hof toe neem

Die oppasser van baba Marzanne Kruger gaan die Kommissie vir Konsiliasie, Mediasie en Arbitrasie (KVBA) nader, nadat sy deur haar werkgewer afgedank is, het The Star Woensdag berig.

Franscina Sekhu is deur die Kruger-gesin afgedank. Daar word verwag dat dokumentasie van ‘n klag wat by die die KVBA aanhangig gemaak is, Woensdag op hulle bestel sal word.

Sekhu en baba Marzanne is tydens ‘n rooftog in huis Randburg ‘n paar weke gelede aangerand. Sekhu het die deur oopgemaak vir die aanvallers wat voorheen konstruksiewerk aan die huis gedoen het.

Nadat sy uit die hospitaal ontslaan is, sê Sekhu se ma, Martha, het haar dogter gesê sy is afgedank.

“Ek het gedink ons sou gaan sit toe ons daar aankom en praat oor wat gebeur het sodat ek kon jammer sê oor wat gebeur het met die baba, omdat ons ook die pyn [van die moeder] voel. Maar hulle het met ons baklei en ons uitgeskop soos honde,” het haar ma aan die koerant gesê.

Arbeidskonsultant Aaron Mokhondo sê Sekhu het hom genader om haar saak na die KVBA te neem omdat haar ontslag ongeldig is.

детские игры для де

Staking by Transnet dalk verby

Die vakbond, United Transport and Allied Trade Union (Utatu) en Transnet het ’n loonooreenkoms bereik.

Indien die aanbod deur vakbondlede goedgekeur word, sal die staking wat spoorweë- en haweverkeer vir die afgelope week lam gelaat het, beëindig word het ’n amptenaar Woensdagoggend gesê.

“Ons het reg deur die nag gesit en onderhandel. Daar is ‘n ooreenkoms bereik wat ons na ons lede sal neem. Die besonderhede betreffende die ooreenkoms kan nie op die stadium bekendgemaak word nie,” het George Strauss, president van Utatu aan Reuters gesê.

Hy het egter bygevoeg dat die staking sal voortgaan totdat die werkers die aanbod goedkeur.

Sowat 85% van Transnet-werkers is sedert verlede Maandag besig om te staak.

’n Aparte skikking is bereik om die staking teen die Suid-Afrikaanse Passasierspooragentskap (Prasa), wat miljoene penedelaars die afgelope week gestrand gelaat het, tot ‘n einde te bring.

барби ляльки