Nuus Archives - Page 956 of 1583

AU wil meer soldate in Somalië ontplooi

Die Afrika-Unie het Dinsdag ‘n beroep gedoen vir die ontplooiing van nog 3 000 soldate om Mogadisjoe te beveilig nadat die meerderheid van die Islamitiese-rebelle uit die stad onttrek het.

“Ons magte moet nou ‘n groter deel van die stad dek en ons loop die risiko dat ons onsself dun gaan saai,” het mj.genl. Fred Mugisha, die bevelvoerder van Uganda se 9 000 soldate wat deel van die AU-sending in Somalië is, gesê.

“Ek doen ‘n beroep op ons internasionale vennote, waarop ons staatmaak, om so vinnig as moontlik 3 000 ekstra troepe te ontplooi.”

Hy het gesê dit is van uiterse noodsaak dat die troepe ontplooi moet word.

Die Shebab-rebelle wat met Al-Kaïda verbind word, het meer as die helfte van Mogadisjoe beheer. Hulle het egter Saterdag belangrike posisies in dié stad verlaat in wat die rebelle ‘n “verandering van militêre taktieke” noem.

Intussen het die Moslemorganisasie Gift of the Givers in Suid-Afrika ‘n reuseveldtog mbv radio en TV geloods om geld in te samel om behoeftiges in Somalië te help. Die SAUK het ‘n beroep gedoen op Juluis Malema en Kenny Kunene om ook by te dra tot die fonds.

Tonne hulpvoedsel deur Tiger Brands geskenk is ook oppad na Dubai vanuit Suid-Afrika vanwaar dit per skip na Somalië vervoer sal word.

Skamele borg vir bruin babamoordenaar

‘n Vrou wat na bewering haar twee weke oue baba in ‘n mangat gegooi het, het Woensdag borgtog van R500 ontvang in die Wesselsbron-landdroshof in die Vrystaat, het die polisie gesê.

Volgens kapt. Steven Thakeng is die borgtog van R500 aan Anna Jaantjies toegestaan en is die saak tot 12 September uitgestel vir verdere ondersoek.

Jaantjies (22) is verlede Dinsdag in Monyakeng in die Vrystaat in hegtenis geneem.

Die polisie het ‘n oproep van ‘n inwoner ontvang wat gesê het ‘n vrou het haar kind op 28 Julie omstreeks 13:00 in ‘n mangat gegooi. Die baba is dood.

free bonus slot Данильченко Харьков

Britse onluste eis drie na motor hulle doodry

Drie Moslemmans in Birmingham wat Woensdag hul woonbuurt teen plunderaars probeer beskerm het, is dood toe ‘n motor met swart plunderaars hulle omgery het.

Die polisie het gesê een man is in hegtenis geneem en ‘n moordsaak is geopen ná die voorval wat omstreeks 01:00 plaasgevind het. Birmingham is die tweede grootste stad in Brittanje wat onder die onluste gebuk moes gaan.

Die voorval het etniese spanning in Brittanje verhoog nadat Moslems wraak gesweer het teen die swartes en belowe het dat ‘n “oog vir ‘n oog” sal geld, volgens die Wall Street Journal.

Volgens noodlenigingswerkers het sowat 80 mense reeds om die toneel saamgedrom toe hulle daar aangekom het. Twee mans is op die toneel dood verklaar en die derde is later in die hospitaal oorlede.

Die BBC het berig die mans was oppad van ‘n moskee en het hul buurt teen kwaadstokers probeer beskerm.

Die polisie kon nie hierdie besonderhede bevestig nie.

Die onluste in Brittanje duur reeds vir die afgelope vier nagte. Londen was Dinsdagnag stiller met sowat 16 000 polisiebeamptes wat die strate patroleer het. Die onluste het na ander stede insluitende Manchester en Birmingham versprei.

Die onluste is ook nie net beperk tot armlastige immigrante woonbuurte nie, en in die vooruitstrewende Gloucester is winkels en sakepersele ook geplunder. In Nottingham is ten minste vyf polisiestasies met petrolbomme aangeval.

“Ons beplan weer vir die ergste vanaaand, want dit is wat Londen verdien,” het Stephen Kavanagh, adjunk-assistent-kommissaris van die Londense metropolisie, gesê.

Veral winkels wat sportklere aanhou en elektroniese ware is geteiken.

David Cameron, die Britse premier, het ook ‘n gesinsvakansie in Italië kortgeknip om die krisis te bestuur en sal Woensdag ‘n tweede vergadering met die regering se krisiskomitee, Cobra, hou.

‘n Spesiale parlementêre sitting sal Donderdag in Londen gehou word om die onluste te bespreek.

и сауны

Buitelanders ontgeld dit in Limpopo

‘n Bangladesjiese winkeleienaar is Woensdag beroof en aan die brand gesteek in Dennilton, Polokwane, het die polisie gesê.

Volgens lt. kol. Mohale Ramatseba is die 35-jarige man van sy geld, kruideniersware en selfoon beroof voordat hy met paraffien deurdrenk is en aan die brand gesteek is.

Die man het in sy winkel geslaap toe drie mans die winkel deur die dak binnegekom het. Hy het ernstige brandwonde opgedoen en is in die hospitaal opgeneem.

Niemand is nog in hegtenis geneem nie.

In ‘n afsonderlike voorval is ‘n Zimbabwiese paar Woensdag beroof en die vrou verkrag by hul huis in Musina, Limpopo, het die polisie gesê.

Volgens Ramatseba het twee gewapende mans en ‘n helper die paar se kamer met ‘n byl omstreeks 02:00 binnegedring.

Hulle het die man se regterhand afgekap en twee van die mans het die vrou verkrag.

Hulle het die twee slagoffers se paspoorte en geld gesteel, het Ramatseba gesê.

прокурор Фильчаков

Weermag se regskoste verdubbel

Die minister van Verdediging en Militêre Veterane, Lindiwe Sisulu, het in die parlement bekend gemaak dat die Weermag se totale regskoste verlede jaar (2010/11) R21,311 miljoen beloop het.

Sy het geantwoord op ‘n vraag van Pieter Groenewald, hoofwoordvoerder van Verdediging van die Vryheidsfront Plus. Die bedrag aan regskoste het verdubbel teenoor die vorige finansiële jaar (2009/10) van R10,588 miljoen na R21,311 miljoen.

Die minister kon nie sê watter deel van die bedrag was as gevolg van sake wat die Weermag verloor het en hulle ‘n kostebevel teen hulle gekry het nie. Die weermag moes wel R4,5 miljoen (R4 512 201) opdok in sake met die vakverbond die Suid-Afrikaanse Weermagunie (SANWU/SANDY).

“Dit is kommerwekkend dat die regskoste verdubbel het en die minister nie weet wat die regskoste is van sake wat die weermag verloor het nie. Daar word gereeld in die media berig dat die Weermag ‘n hofsaak verloor het en dan moet die belastingbetaler opdok. Na my mening is verskeie sake onnodig en getuig soms van laksheid en arrogansie aan die kant van die Weermag omdat hulle nie opdaag by sake of reageer op bevele van ‘n hof nie.

Verskeie voorbeelde hiervan was sake waar SANWU gewen het. Die minister sal ernstig moet kyk na haar regsadviseurs en die Vryheidsfront Plus gaan daarop aandring dat die koste van verlore sake bepaal word,” sê mnr. Pieter Groenewald (LP), hoofwoordvoerder van Verdediging vir die Vryheidsfront Plus.

play online

Zim ontken bestaan van martelkampe

Die Zimbabwiese minister van mynwese, Obert Mpofu het bewerings deur die BBC ontken dat daar martelkampe in die omgewing van die ryk Marange-diamantveld bestaan.

Die BBC het met mense wat beweer hulle is gemartel in die kampe wat deur die weermag bestuur word, onderhoude gevoer.

Een getuie beweer dat gevangenes tot drie keer per dag 40 keer met ‘n sweep geslaan word.

Die minister sê daar is geen strafkampe nie en dat dit “goedkoop propaganda” deur die BBC en die Britse regering is.

Die nuus is vrygestel nadat die Europese Unie oorweging geskenk het daaraan om van sy beperkings op diamante uit Zimbabwe op te hef.

Die beperkings is ingestel ná vroeëre berigte van moorde en mishandeling deur Zimbabwiese veiligheidsmagte op die Marange-diamantvelde.

pearl hair comb

Bib-dienste in Pretoria stort ineen

Verskeie biblioteektakke in Pretoria is reeds die afgelope twee weke vir alle praktiese doeleindes onbruikbaar want hulle rekenaars is nie aanlyn nie.

Gebruikers kan slegs boeke wat uitgeneem is terugbring, maar nie weer boeke uitneem nie. Die teruggeneemde boeke word op velle papier aangeteken en sal glo deur die rekenaarstelsel verwerk word wanneer hulle weer aanlyn (of lynreg) is – maar hulle weet nie wanneer dit gaan gebeur nie.

Volgens iemand by die Overkruin-tak noord van die Magaliesberg is al die takke aan daadie kant van die berg nog lynlos, maar enkele takke in die Moot is nou glo weer aanlyn. Gebruikers word aangeraai om boeke by daardie takke uit te neem en hulle net te verwittig dat hulle hul boeke reeds by Overkruin en aner takke teruggegee het.

Daar kon nie Saterdag met iemand by die biblioteekdienste se hoofkantoor kontak gemaak word om te hoor hoe wyd die probleem is en wanneer dit reggestel kan word nie. Die telefoon (0123588841) lui net aanmekaar.

Berei voor op nasionalisering

Die Vryheidsfront Plus het weereens benadruk dat daar beduidende steun vir nasionalisering binne die ANC-alliansie bestaan en het ‘n beroep gedoen op gemeenskappe en instansies wat moontlik daardeur geraak kan word, om gesamentlik voorbereidings te tref oor hoe hierdie bedreiging hanteer gaan word. Instansies wat leiding in die verband kan neem sluit in die mynboubedryf, bankwese, landbousektor, vakbonde, burgerlike samelewing asook politieke partye.

Die waarskuwing van die VF Plus volg na die nuutste uitsprake deur COSATU se ekonomiese raadgewer, prof. Christopher Malikane, wat nasionalisering as ‘n feit beskryf waarvan slegs die besonderhede uitgewerk moet word.

Die VF Plus het gesê dat Cosatu se ondersteuning van nasionalisering van myne en banke nie in belang van Suid-Afrikaanse werkers is nie, maar suiwer ideologies-gedrewe is. Volgens die VF Plus bestaan daar sterk aanduidings dat nasionalisering van kernbedrywe werkloosheid sal vererger eerder as verbeter en daarom is dit verbasend dat Cosatu ‘n potensieel selfvernietigende standpunt inneem.

Volgens dr. Conrad Beyers, VF Plus-woordvoerder oor finansies, is al drie die alliansievennote (ANC, COSATU en SAKP) verenig in die najaag van die Nasionale Demokratiese Rewolusie – waarvan nasionalisering ‘n deel uitmaak. Enige openbare verdeeldheid in die alliansie oor nasionalisering is bloot oëverblindery.

Die ANC-alliansie gaan elke sektor een vir een aanpak, byvoorbeeld eers die mynwese, dan die landbousektor en dan die bankwese en pensioenfondse. Indien daar nie vanuit die staanspoor gekoördineerde weerstand bestaan nie, kan nasionaliseringsinisiatiewe sonder beduidende weerstand oor ‘n tydperk van ‘n paar jaar deurgevoer word.

“Gemeenskappe en instansies in Suid-Afrika moet die moontlikheid van nasionalisering ernstig begin opneem en beplan vir moontlike toekomstige scenarios. Moontlike strategieë kan insluit:

· Diversifisering te einde blootstelling te verminder;

· Weerstand op ‘n gekoördineerde wyse;

· Die sluit van vennootskappe oor rasse- en ander grense heen, omdat nasionalisering die ekonomie in sy geheel sal raak

конструкторы wader

Rand daal bykans 10% teen dollar

{jathumbnail off}

Die Suid-Afrikaanse rand het die afgelope paar dae feitlik tien persent teen die Amerikaanse dollar gedaal; dít terwyl die dollar self onder druk teen ander geldeenhede verkeer. Teen die euro en veral die Switserse frank, wat tans as ‘n toevlugseenheid gesien word, is die rand se daling nog meer dramaties.

Tans verhandel die rand teen R7,30 per dollar terwyl dit al ‘n laagtepunt van R7,49 in na-uurse verhandeling gehaal het. Enkele dae gelede is die rand nog teen R6,67 per dollar gekwoteer.

Die daling in die rand kan aan die Malema-faktor, asook onstuimigheid in die internasionale markte toegeskryf word. Die voortslepende Amerikaanse skuldkrisis het ‘n vermindering in die risiko-aptyt van beleggers tot gevolg gehad sodat minder likiede geldeenhede soos die rand tans onder druk verkeer. Hoewel veel groter en meer likied as die rand, het die Australiese dollar insgelyks skerp gedaal omdat dié geldeenheid tradisioneel aan die koerse van grondstowwe gekoppel word.

Rasseoorlog in Brittanje?

{jathumbnail off}

Die onluste wat in die Londense voorstad Tottenham uitgebreek het nadat polisie ‘n kleurlingman, mnr. Mark Duggan, 29, doodgeskiet het, is besig om al hoe meer die aard van ‘n rasseoorlog aan te neem.

Volgens die linkse koerant, The Guardian, stuur onlusmakers en plunderaars vir mekaar boodskappe via Facebook, Twitter en Blackberry BBM waarin gekleurdes aangemoedig word om saam te staan, winkels te plunder en op die Britse polisie te skiet. Een so ‘n boodskap lui:

Everyone from all sides of London meet up at the heart of London (central) OXFORD CIRCUS!!, Bare SHOPS are gonna get smashed up so come get some (free stuff!!!) fuck the feds we will send them back with OUR riot! >:O

Dead the ends and colour war for now so

if you see a brother… SALUT!

if you see a fed… SHOOT!

We need more MAN then feds so Everyone run wild, all of london and others are invited! Pure terror and havoc & Free stuff….just smash shop windows and cart out da stuff u want! Oxford Circus!!!!! 9pm, we don’t need pussyhole feds to run the streets and put our brothers in jail so tool up,

its a free world so have fun running wild shopping;)

Oxford Circus 9pm if u see a fed stopping a brother JUMP IN!!! EVERYONE JUMP IN niggers will be lurking about, all blacked out we strike at 9:15pm-9:30pm, make sure ur there see you there. REMEMBA DA LOCATION!!! OXFORD CIRCUS!!!

MUST REBROADCAST TO ALL CONTACTS!!!”

Onluste het intussen vanaf Tottenham na Brixton, Enfield en Islington versprei. Tot dusver is 35 polisiemanne reeds beseer.

In ‘n verklaring vanoggend het die metropolisie van Londen gesê dat hulle “geskok is” deur die “skandelike geweld” wat soveel van hul makkers beseer het.“

“Polisiebeamptes wat op die sporadiese onrus in ‘n aantal distrikte gereageer het , het 100 inhegtenisnames laasnag en vroeg vanoggend uitgevoer.

“Dit is afgesien van die 61 arrestasies wat Saterdagnag en Sondagoggend uitgevoer is… Beamptes is geskok deur die verregaande geweldsvlakke wat teen hulle gerig word. Ten misnte nege beamptes is oornag beseer, afgesien van die 26 wat Saterdagnag beseer is.

“Ons sal nie hierdie skandelike geweld verdra nie. Die ondersoek bring steeds meer van die misdadigers na vore.”

Winkels in Enfield en die A10-kleinhandelsentrum is gevandaliseer en geplunder, met berigte van twee voertuie wat aan die brand gesteek is.

Berede polisie het groepe gemaskerde jeugdiges, waarvan sommige met stokke bewapen was, by winkels weggejaag, terwyl onluspolisie in toue gereedgestaan het.

Die onluste in immigrantebuurte wat hoofsaaklik deur gekleurdes bewoon word, kom kort op die hakke van ‘n internasionale meningspeiling wat bevind het dat 71% van Britte glo dat daar “te veel immigrante in hul land is”. Die enigste lande wat ‘n hoër vlak van ontevredenheid oor immigrasie in die meningspeiling getoon het, was Rusland (77%) en België (72%).

topcargo