Viserektor van Kovsies vaar uit teen ‘kolonialisme en apartheid’

Die ideologiese transformasie van die Universiteit van die Vrystaat het so vinnig plaasgevind dat die viserektor, prof. Teuns Verschoor, hom tot “‘n stryd teen die gevolge van kolonialisme en apartheid” verbind het. Verschoor het die pas aangestelde kleurlingrektor, Jonathan Jansen, as ‘n “gerespekteerde en geliefde rektor” verwelkom.

Hier volg die volledige teks wat Verschoor aan die media uitgereik het:

“Ek is gevra om iets by die inhuldiging van prof. Jonathan D Jansen omtrent die Universiteit se onlangse verlede te kom sê. Ek het dit ook goedgedink om iets te sê oor die Universiteit se verre verlede om daardeur aan te dui dat die geskiedenis dikwels homself herhaal. Wat volg, is dus iets uit die eerste 20 jaar van die geskiedenis van die UV, en iets van die laaste 20 jaar.

Volgens die eeufeesbundel Van Sink tot Sandsteen tot Graniet het hierdie universiteit se nederige begin as die Grey Universiteitskollege op die warm someroggend van 28 Januarie 1904 plaasgevind, toe die eerste ses studente hulle aangemeld het en geregistreer is vir die enigste kursus wat aangebied is, naamlik die BA-graad. Die ses studente was almal wit mans wat, tot ? mindere of meerdere mate, die hartseer, twyfel en die vernederings van die Anglo-Boereoorlog ervaar het. Hulle was nog nooit vantevore aan enige tersiêre onderrig blootgestel nie. Hulle was meestal plaasseuns wat enkele maande tevore nog in die Anglo-Boereoorlog betrokke was.

In 1909 moes die Grey Universiteitskollege tydelik – vir ‘n tydperk van 18 maande – na ‘n ander terrein, die sogenaamde Blikkiesdorp toe skuif , waar die Tegniese Hoërskool Louis Botha tans geleë is. Die ongeveer 50 studente en hulle dosente is in hout- en sinkgeboue gehuisves.

Die volgende 11 jaar was uitdagende en moeilike tye vir almal wat by die Grey Universiteitskollege betrokke was. Die jong universiteit was sonder ‘n rektor (van 1908 tot 1920 was daar slegs waarnemende rektore), ‘n jong universiteit sonder identiteit of tradisies en met geen verlede nie. Aangesien die klasse in Engels aangebied is, het die meeste studente met ‘n Nederlands/Afrikaanse agtergrond ook gesukkel om die nuwe lewenswyse en radikale veranderings te bemeester.

Die aanstelling van die tweede rektor van hierdie universiteit op 1 Oktober 1920, ds. J.D. Kestell, moet beskou word in die lig van die posisie waarin die Grey Universiteitskollege homself in daardie stadium bevind het: arm, sukkelend, en sonder ‘n rektor om orde, gladde bestuur en, in die besonder, groei te bewerkstellig. Sedert sy totstandkoming in 1903 het die studentegetalle laag gebly, en in 1920 was daar maar nog net ongeveer 130 studente. Met so ‘n klein studentekontingent het selfs die lojaalste Vrystaters gehuiwer om hulle kinders na die Grey Universiteitskollege te stuur vir hulle tersiêre opleiding.

In die oë van die besluitnemers, die Kollegeraad, was die tyd ryp vir ‘n gerespekteerde, geliefde, maar bowenal, bekwame rektor. Hy sou die beeld van die GUK moes weerspieël sodat die instelling ‘n volwaardige universiteit kom word, met studentegetalle wat vinnig toeneem en finansies wat ‘n gesonde groei toon.

Sowat 85-90 jaar na sy stigting is die eerste swart voorgraadse studente toegelaat om by die Universiteit van die Vrystaat te registreer. Hulle was ook nog nooit vantevore blootgestel aan enige tersiêre onderrig nie. Hulle was hoofsaaklik jongmense uit die townships wat getuies was van die lelike kant van die struggle, tonele van polisiebrutaliteit en die halssnoermoorde van impimpi’s.

Aangesien die klasse in Afrikaans aangebied is, het die meeste studente met Engelsmedium as taal van skoolonderrig gesukkel om die nuwe lewenstyl en radikale veranderinge te bemeester. Die instel van parallelmediumonderrig het tot ‘n mate verligting vir hierdie probleme gebring, maar op talle ander wyses, veral wat betref die integrasie van die koshuise, was die Universiteit naïef en het hy baie foute begaan. Hierdie was ‘n uitdagende en moeilike tyd vir almal wat by die Universiteit van die Vrystaat betrokke was, waarvan die Reitz-kwessie deeglike bewys is dat ons nie suksesvol die moeilikhede en uitdagings gehanteer het om die verdeeldheid en onregte van die verlede te herstel nie – dat ons in ‘n sekere sin ons studente gefaal het deur hulle nie toereikend te onderrig ten opsigte van menslike empatie en respek vir die waardigheid van hulle medemens nie.

Die aanstelling van prof. Jonathan Jansen as die dertiende Rektor en Vise-Kanselier van die Universiteit dui ‘n nuwe begin aan. Vir die grootste deel van sy geskiedenis het hierdie universiteit krities die oorheersende politieke agendas van die dag nagevolg. Met sy onstaan onder Britse koloniale bewind het die universiteit slegs in Engels gefunksioneer en is baie persone op grond van hulle ras sowel as hulle taal uitgesluit. Vervolgens het die universiteit ‘n proses van verandering van Engels en Nederlands na Afrikaans ondergaan. Gedurende hierdie era het die Universiteit van die Vrystaat nie alleen die beleid van apartheid nagevolg nie, maar ook aktief bevorder. Dit is betreurenswaardig dat die universiteit, selfs tot vandag toe, nog nooit ‘n kritiese en onafhanklike identiteit kon verwerf nie.

Ons transformasieproses is gevolglik ‘n stryd om die gevolge van kolonialisme en apartheid, spesifiek die uitsluiting en die skeiding van ons mense van mekaar aan te spreek. In die onlangse verlede was alle lede van die universiteit betrokke by ‘n kampuswye dialoog genaamd die Sosiale Kontrakproses. Lede van die universiteitsgemeenskap het saamgestem dat ons almal ons verlede moet begrawe en ‘n nuwe toekoms vir al ons mense te bou.

Tydens die laaste vergadering van ons Universiteitsraad het alle lede van die Universiteitsraad egter eenparig saamgestem dat ons verlede agter ons lê en dat die toekoms aan ons almal behoort. Vandag doen ons ‘n beroep op alle sektore van ons gemeenskap om by ons aan te sluit wanneer ons hierdie toekoms vir al ons mense in hulle diversiteit skep.

Die aanstelling van die dertiende Rektor en Visekanselier van die Universiteit moet gesien word in die lig van die posisie waarin die Universiteit van die Vrystaat homself op hierdie stadium bevind: ‘n universiteit met meer as 27 000 studente, met eilande van uitnemendheid, maar ook ‘n Universiteit sonder ‘n rektor, wat sukkel met integrasie, met ‘n onaanvaarbare lae deurvloeisyfer en met ‘n openbare beeld wat tot so ‘n mate geskaad is dat selfs die lojaalste Vrystaters huiwer om hulle kinders na die Universiteit van die Vrystaat vir hulle verdere opleiding te stuur.

In die oë van die besluitnemers, die Universiteitsraad, is die tyd ryp vir ‘n gerespekteerde en geliefde Rektor, maar bowenal ‘n Rektor wat bekwaam genoeg is om die uitdagings waarvoor die Universiteit te staan gekom het te hanteer. Soos in die geval van ds. J.D. Kestell, sal prof. J.D. Jansen tot so ‘n mate die beeld van die UV in ons tyd moet weerspieël dat hierdie instelling internasionaal erken kan raak, met ‘n bewese vermoë om diversiteit suksesvol aan te spreek, en om by sy studente ‘n menslikheid en respek vir die waardigheid van ander te kweek, asook ‘n instelling met ‘n stygende deurvloeikoers en met navorsingsuitsette wat uitnemendheid op internasionale vlak vertoon.

Ons dink ons het die persoon gevind.

Ek dank u.”

светильник на шинопроводе tlv proданильченко юрій броніславович

Swart atlete sukkel na uittrede

Sports Illustrated, ‘n tydskrif gewild by swartes in die VSA net soos wat Popular Mechanics ‘n tydskrif gemik op die wit leser is, het onlangs ‘n interessante artikel die lig laat sien waarin hulle spekuleer waarom atlete bankrot raak.

How Athletes Go Broke, wat hoofsaaklik op swartes fokus, toon aan hoe swart atlete binne ‘n halwe dekade nadat hulle uitgetree het, nie meer ‘n sent oor het nie.

Drie uit vyf voormalige basketbalspelers van die NBA val in daardie kategorie. Hulle maak letterlik miljoene dollar maar beskik meesal oor ‘n dubbelsyfer-IK.

Die drie grootste en rykste sportligas in die VSA, die NBA, NFL en Grootliga Bofbal, se swart atlete loop byna almal min of meer dieselfde paadjie as dit by finansiële probleme kom.

Ná slegs twee jaar se uittrede, is 78% van voormalige NFL-spelers bankrot, onder finansiële druk of geskei.

Binne vyf jaar van aftrede is ongeveer 60% van voormalige NBA-spelers in die rooi.

Blykbaar het loterye vir swart Amerikaners dieselfde aantrekkingskrag as wat spandabelheid vir swart atlete het.

‘n Onlangse studie wat deur die Universiteit van Georgia onderneem is, toon aan dat swartes in buitengewoon groot getalle aangetrokke tot die lotery is.

In die National Gambling Impact Study Commission 1999, p. 3-4, van Clotfelter (1979), Clotfelter en Cook (1987),Borg en Mason (1988), Hansen (1995) en Price en Novak (2000), het navorsers bevind dat swartes twee keer soveel kaartjies koop as blankes.

Alhoewel Stranahan and Borg (1998) bevind het dat swartes nie meer dobbel as wittes nie, koop hulle nogtans baie meer loterykaartjies as wittes.

Swart huishoudings wat minder as $40,000 verdien, beslaan die helfte van alle gereelde kaartjiekopers.

In Suid-Carolina was meer as 50% van alle loterykaartjies aan swartes verkoop in 2008.

Dale Charles, president van die Arkansastak van die National Association for the Advancement of Colored People, die NAACP, sê die rede daarvoor is dat swartes hulle gesinne se lot wil verbeter.

Selfs in Obama se Chicago is die lotery onder swartes gewild. Die lae-inkomste gemeenskappe in Chicago genereer die hoogste lotery-inkomste vir die deelstaat sedert 1997 en ten spyte van die onlangse ekonomiese inkrimping het kaartjieverkope gestyg.

 

play casino games for free no downloadsДанильченко Юрий Харьков

Tutu kry seksvoorligting

Emeritus aartsbiskop Desmond Tutu het ‘n les gekry in seksvoorligting by die eerste verjaarsdag van die Tutu Tester, ‘n mobiele MIV- en TB-kliniek.

Die Tester, wat ook berading voorsien, is ‘n projek van die MIV-stigting waaraan Tutu se naam gekoppel is.

Alhoewel die kliniek reeds ‘n jaar gelede op die pad gesit is en reeds 10 000 mense getoets het, het Tutu dit nog nie te vore te siene gekry nie.

Daarom het hy Donderdag besoek afgelê aan die kliniek en ‘n stuk sjokoladekoek geniet. Hy is ook vir MIV getoets en hy het ‘n les in seksvoorligting by ‘n verpleegster gekry waartydens hy ‘n kondoom oor ‘n houtpenis moes afrol.

“Ek moes vreemde goed doen, baie vreemde goed. Ek moes selfs leer hoe om ‘n kondoom aan te sit,” het Tutu na afloop van die verrigtinge gesê.

“Maar dit kan die verskil tussen lewe en dood beteken. Dit is eintlik baie ernstig,” het hy bygevoeg.

“Ons het so ‘n mooi land. Kom ons kyk na onsself. Weet wat jou status is, gebruik ‘n kondoom en wees asseblief getrou aan jou maat.”

Die Tutu Tester het glo reeds heelwat sukses bereik en vele persone is bereid om hulle te laat toets.

 

пупсы купитьалександр лобановский харьков класс

GDK gaan Kriegler teenstaan

Die Geregterlike Dienskommissie, GDK, sal die oudregter Johann Kriegler se nuutste aansoek teen die uitslag van die saak teen regterpresident John Hlophe teenstaan.

“Ons is teen Kriegler se aansoek,” het Marumo Moerane, GDK-woordvoerder, Donderdag aan die media gesê.

Volgens Moerane het die GDK vir Vincent Maleka en drie ander regsgeleerdes aangestel om hulle in die saak te verteenwoordig.

Die organisasie Freedom under the Law, FUL, waarvan Kriegler voorsitter is, het vroeër aangekondig dat hulle appèl sal aanteken teen die GDK se besluit om nie ‘n formele ondersoek te loods na die klagtes teen Hlophe nie.

Dit kom nadat Hlophe daarvan beskuldig is dat hy verskeie ander regters glo probeer beïnvloed het in die verkragtingsaak teen Jacob Zuma.

Kriegler is van mening dat Hlophe onder kruisverhoor geplaas moes word en dat die GRDK misluk het toe hulle dit nie gedoen het nie.

 

ingo maurer купитьДанильченко Харьков

ANC oorsaak van chaos op plaaslike vlak

Die minister van koöperatiewe regering, Sicelo Shiceka, se bekendmaking van ‘n verslag oor plaaslike regering is Donderdag deur die Vryheidsfront Plus verwelkom.

“Die erkenning dat die chaos in plaaslike regering die gevolg is van die ANC se jare lange beleid om kaders, eerder as professionele kundigheid, te ontplooi, is ‘n dapper erkenning”, het die party in ‘n verklaring gesê.

Volgens Pieter Groenewald, parlementêre woordvoerder van Plaaslike Regering vir die Vryheidsfront Plus pluk die ANC pluk nou die vrugte van ‘n Mbeki-erfenis wat alles waarteen die opposisie gewaarsku het, as rassisties gesien het.

Groenewald sê dit is egter te min, te laat.

“Die ANC is besig met krisisbestuur en wil nou poog om met ‘n nasionale poging die dienslewering en prestasies van munisipaliteite te verbeter. Dit is egter slegs in reaksie op die toenemende ontevredenheid in bepaalde munisipaliteite wat die regering tot optrede dwing”, lees die verklaring.

Groenewald sê dat indien die vergadering tussen president Zuma, burgemeesters en stadsbestuurders ten doel gehad het om te verseker dat alle munisipaliteite optimaal funksioneer en dienslewering verbeter, die Vryheidsfront Plus dit ondersteun.

“Die regering sal egter moet wys dat hy daadwerklik optree, anders is dit bloot gerig om die krisis met die oog op die komende munisipale verkiesing te ontlont en gemeenskappe te paai,” sê hy.

 

барби лялькиФильчаков

12 vas na oproer

Twaalf mense is in hegtenis geneem tydens geweldadige betogings in Riverlea, het polisie Donderdag gesê.

Insp. Gordon Billing sê die betogers het teen 04:00 begin betoog en polisie moes rubberkoeëls gebruik om die skare uitmekaar te jaag.

“Dit was onverwags, ons was nie bewus van enige betogings nie,” het Billing gesê.

Dié betogings het glo oor swak dienslewering asook behuising gegaan en een inwoner is ook daartydens beseer.

“Ons moes rubberkoeëls gebruik toe die betogers motors met klippe begin gooi het en die optog geweldadig geraak het,” het hy gesê.

Billing kon nie bevestig presies hoeveel mense betoog het nie.

Die skare het in Nasrecstraat betoog en die pad is met brandende motorbande afgesper. Dit is sedertdien weer heropen.

Volgens Billing is die situasie meer kalm maar word dit steeds gemonitor en sal polisie steeds oornag op hul hoede wees. Hy sê hy is nie seker of die betogings Vrydag voortgesit sal word nie.

 

стенд развалАлександр Фильчаков прокурор

Polisie brand op skare los

Vier mense is in hegtenis geneem en een persoon is beseer toe die polisie met rubberkoeëls op ‘n woedende skare betogers in Riverlea losgebrand het.

Volgens insp. Gordon Billing, polisiewoordvoerder, het die betogers omstreeks 04:00 Donderdagoggend naby Soccer City saamgekom en die pad afgesper.

Die betogers is glo ongelukkig oor swak dienslewering, asook ‘n tekort aan behuising.

“Ons moes rubberkoeëls gebruik om die skare op te breek. Die betogers het aggressief begin raak en verbygaande motors met klippe bestook,” het Billing gesê.

Dit is nog nie bekend hoeveel betogers betrokke was nie.

Die polisie monitor die situasie.

big bad woldАлександр Фильчаков прокурор

Israel val Gasa aan

Die Israeliese weermag het lugaanvalle teen ‘n wapenfabriek en twee tonnels in die Gasastrook geloods na vuurpyle vanuit dié Hamasbeheerde area op Israel gevuur is.

“Ons lugmag het gisteraand ‘n wapenfabriek en twee ondergrondse tonnels naby Gasa se grens met Egipte, wat vir wapensmokkelary gebruik word, aangeval,” het ‘n militêre woordvoerder aan AFP gesê.

Die militêre woordvoerder het bygevoeg dat geen ongevalle of skade deur die Palestynse vuurpyle, wat in die Negev-woestyn geland het, aangemeld is nie.

Sedert die beëindiging van Israel se verwoestende aanvalle teen Gasa op 18 Januarie vanjaar, het Palestynse militante vegters sowat 125 vuurpyle en 76 mortierbomme op Israel afgevuur, volgens Israeliese syfers.

Ongeveer 1 400 Palestyne en 13 Israeliete is dood tydens verlede jaar se 22-dae lange aanval deur Israel in ‘n poging om vuurpylaanvalle vanuit die Gasa-strook te keer.

 

освещение магазина фотоФильчаков прокурор харькова

Burgemeester van Pretoria uit haar amp geskors

Die Vryheidsfront Plus het betroubaar verneem dat die Burgemeester van die Tshwane-metroraad, dr. Gwen Ramokgopa, tydelik uit haar amp geskors is. Verder is die stadsbestuurder, Kiba Kekana asook lede van die Burgemeesterskomitee, nl. Absolom Ditshoke en Zodwa Masondo uit hulle ampte geskors.

Die Vryheidsfront Plus het gister in ‘n verklaring geëis dat die Burgemeester en haar komitee verwyder moet word vanweë swak dienslewering en die ernstige finansiële krisis waarin hulle die stad gedompel het.

Volgens dr. Conrad Beyers, VF Plus-raadslid, was die VF Plus hierdie stap te wagte omdat daar lank reeds in ANC-geledere groot ontevredenheid is met Ramokgopa (‘n Mbeki-aanstelling’) en die burgemeesterskomitee.

“Die VF Plus verwelkom die gerugte, maar is bekommerd oor die feit dat die Burgemeester maar net deur ‘n ander ANC-lid vervang sal word. Hoewel enige verandering tans ‘n verbetering sal wees, sal die VF Plus slegs tevrede wees wanneer ‘n koalisie van partye na die komende munisipale verkiesings hul eie Burgemeester kan aanwys,” het Beyers gesê.

Vroeër is ‘n verslag deur die onafhanklike graderingsmaatskappy, Empowerdex bekendgemaak, wat bevind het dat die Tshwane-metroraad geen basiese dienste aan byna ‘n kwart (23.8%) van sy inwoners verskaf nie. Dit sluit in basiese dienste soos toegang tot behuising, kraanwater, sanitasie, vullisverwydering en elektrisiteit.

Pretoria word ook in die verslag aangedui as die slegste stad om in te woon in die hele land vanweë swak dienslewering. “‘n Voortsetting van die huidige swak bestuur sal tot ‘n ineenstorting van die munisipaliteit lei. Dit sal tot verdere onrus en geweld lei wat selfs die 2010 FIFA Wêreldbeker kan ontspoor.”

Die VF Plus is skepties oor die ANC se vermoë om die stad reg te ruk, want onder ANC-beheer het talle problem ontstaan, insluitende

· Ineenstoring van die stad se finansies vanweë swak bestuur en spandabelrigheid;

· Talle klagtes van swak diens waar daar eenvoudig geen reaksie uit die metroraad verkry kan word nie, selfs in gevalle van dringende navrae en aanmeld van probleme.

· Swak wetstoepassing op paaie, met onder andere taxi’s wat toegelaat word om die wet na willekeur te verbreek;

· Uitbrei van plakkerskampe in gevestigde gebiede;

· Polarisasie van die stad se bevolking deur onverantwoordelike naamsveranderings, terwyl die meerderheid van die stad se inwoners in strate sonder name woon;

· Politieke inmenging in stadsadministrasie deur die aanstel van ANC-lojaliste in sleutelposisies, met die daaropvolgende uitvloei van kundigheid.

справка в бассейнданильченко юрій броніславович компромат

Vonke spat by minderheidskonferensie

‘n Groepie Afrikaneraktiviste wat die regering en die swart meerderheid kaalvuis gepak het oor diskriminasie en geweld teen minderhede, het gister ‘n warm onderonsie by die SA Menseregtekommissie se hoofkantoor in Parktown, Johannesburg veroorsaak.

21 Oktober is Afrikanmenseregtedag en die doel van gister se konferensie oor “Minderheidsregte in Suid-Afrika” was om ‘n konsepverslag oor dié saak vir die Verenigde Nasies se Menseregtekomitee in Genève te bekragtig

Drs. Pieter Duvenage en Dan Roodt, asook mnre. Louis Smuts en André Alkema, kon hulle nie met die konsepverslag vereenselwig nie en het die vervreemding en ontnugtering van die Afrikanervolk teenoor die huidige bestel ondubbelsinnig verwoord. Terwyl dr. Dan Roodt van PRAAG ‘n onderhoud buite die gebou aan die SAUK-radio en -TV toegestaan het, het Duvenage gesê dat die staat nie meer oor enige legitimiteit beskik nie omdat hy nie meer die veiligheid van sy burgers kan waarborg nie. Duvenage het ook beweer dat die teenwoordigheid van die Afrikaner in die land nie eens deur die staat erken word nie.

Hierna het een swart spreker, Colett Letlojane, Duvenage ingevlieg en hom van ondankbaarheid jeens die swart meerderheid beskuldig wat hom vir apartheid vergewe het.

Die hoof van die SA Menseregtekommissie, adv. Tseliso Thipanyane, het aan die einde van die oggendsessie spottend na die Afrikaanse afgevaardigdes verwys deur herhaaldelik as ‘n grap die frase te herhaal: “I want my Afrikaans, I want my Afrikaans”, tot groot vermaak van die omstanders.

In die loop van die besprekingsessie waar Duvenage op emosionele wyse aangeval is, het dr. Dan Roodt gesê dat hy “dit gaaf vind dat Duvenage vir apartheid vergewe is. Maar as ‘n mens dink dat slegs 900 mense in politieke geweld tydens apartheid dood is en 750 000 reeds sedert 1994 vermoor is, waaronder tienduisende Afrikaners, dan moet Duenhage sy toehoorders veel meer vergewe as andersom, want lede van die meerderheid is steeds besig om dié gruweldade te pleeg.”

Hierna was die vet in die vuur en swart deelnemers aan die konferensie het begin om die begrip “minderheid” te bevraagteken. Volgens ‘n amptenaar van die departement van justisie en staatkundige ontwikkeling is “minderheid ‘n dinamiese begrip en dis nie te sê dat daar wel in SA minderhede bestaan nie”.

Vele swart sprekers het beaam dat die begrip “minderheidsregte” die land “terug na apartheid” kan neem. ‘n Regeringsamptenaar het gemeen dat “lede van minderheidsgroepe by die regerende party kan aansluit en sodoende aan die politiek kan deelneem”, waarop dr. Roodt gevra het of dit ‘n pleidooi vir ‘n eenpartystaat is. Die regeringsamptenaar het egter gevoel dat minderhede onder geen omstandighede enige vorm van politieke mag of invloed behoort te hê nie.

Terwyl regerginswoordvoerders by die konferensie die bestaan van ‘n Afrikanerminderheid in Suid-Afrika ontken het, is daar gevoel dat nie-heteroseksuele mense wel as ‘n minderheid met spesifieke regte in die land geag moet word. Omdat die fokus vanuit ontwikkelde lande by die VN-vergaderings in Gernève op dié kwessie val, wil die ANC insgelyks gay-regte in die land gebruik om enige aansprake deur etniese minderhede soos Afrikaners te ontlont.

Nadat Roodt die herafbakening van die Pretoriase munisipaliteit deur dr. Michael Sutcliffe as ‘n voorbeeld van diskriminasie en verdrukking van minderheidsgroepe genoem het, het me. Nkaro Mateta, ‘n senior bestuurder van die Onafhanklike Verkiesingskommissie, gesê dat sy ‘n lid van die afbakeningskomitee was en dat Afrikaners ondergeploeg is met die doel om hulle te “integreer”. Hierteenoor het Roodt teruggekap deur “integrasie ‘n eufemisme vir assimilasie” te noem. Volgens hom bestaan daar drie maniere om volksmoord te pleeg: deur etniese suiwering soos om Afrikaners deur wetgewing uit die land te verdryf, deur assimilasie en deur geweld, elemente waarvan reeds in Suid-Afrika bestaan.

Hierop het die voorsitter van die Menseregtekommissie beweer dat hy ‘n Sotho is wie se voorvaderlike grond in die Vrystaat voor 1930 afgevat is en dat hy as lid van die meerderheid nie bereid is om enige toegewings aan die Afrikanerminderheid te maak nie.

Tydens die middag se verslag oor die oggend se besprekings het Pitso Montwedi, die hoofdirekteur vir menseregte en humanitêre aangeleenthede van die departement van buitelandse sake dit goedgedink om na die syfer van 900 mense wat in politieke geweld tydens apartheid gesterf het te verwys. Hy het dit as “onwaar” bestempel.

Tydens die vraesessie het dr. Dan Roodt versoek dat die ware syfer oor ongevalle in politieke geweld tydens apartheid bekendgemaak word, indien dit dan nie nie 900 is nie, ‘n syfer wat in die verslag van die Waarheids- en versoeningskommissie voorkom.

Hierop het prof. Ayesha Kajee, ‘n Indiërakademikus aan die universiteit van die Witwatersrand en hoof van die Internasionale Menseregteuitruilprogram uitgebars en geskree dat daar “honderde duisende swartes deur Afrikaners tydens apartheid doodgemaak is” en dat Roodt nie “tussen feit en fiksie kan onderskei nie”.

“Moenie u eie propaganda glo nie,” het Roodt op Kajee se bewerings van volksmoord wat deur Afrikaners gepleeg is, geantwoord.

Die konsepverslag oor minderheidsregte wat aan die konferensie voorgelê is, is grondig deur die Afrikanerafgevaardigdes gekritiseer. Dié verslag gaan op 11 November aan die Verenigde Nasies se Menseregtekomitee in Genève voorgelê word. Sowel Roodt as Duvenage het voorgestel dat ‘n “minderheidsverslag oor minderhede” in Genève ter tafel gelê word en het ‘n beroep op alle Afrikaanse organisasies gedoen om saam te werk om so ‘n verslag vir die internasionale vergadering voor te berei.

Uit die vergadering, asook die vurige debat en beskuldigings wat tussen lede van die meerderheid en die Afrikanerminderheid rondgeslinger is, het dit geblyk dat minderheidsregte in Suid-Afrika ‘n plofbare kwessie is.

Tot dusver is geen van die radio- en TV-onderhoude wat dr. Dan Roodt in Afrikaans en Engels aan die SAUK toegestaan het nog uitgesaai nie.

медицинская справка 086уДанильченко Юрий Харьков