Nuus Archives - Page 1497 of 1583

Pahad kla oor media se Zim-versinsels

Die adjunkminister van buitelandse sake, Aziz Pahad, het gister sy kommer uitgespreek oor die soort inligting aangaande Zimbabwe

Aziz Pahad

wat deur die Suid-Afrikaanse en internasionale media versprei word.

Volgens hiom is daar heelwat versinde berigte oor wat oor Zimbabwe sirkuleer en wat nooit met die Suid-Afrikaanse regering gekontroleer word nie.

Hy het die inligting oor die Sjinese wapenskip wat na bewering wapens na Zimbabwe vervoer het, as nog 'n versinsel beskryf. Berigte oor die skip het geen feitelike grondslag gehad nie.

Die Suid-Afrikaanse regering het ook nie enige inligting ontvang oor moontlike bedreigings vir die Zimbabwiese presidentskandidaat Morgan Tsvangirai se lewe nie. Nogtans is sulke berigte deur die media gepubliseer, met die gevolg dat Tsvangirai nie op 17 Mei na Zimbabwe teruggekeer het soos hy moes nie.

Pahad is van mening dat wesenlike vooruitgang in Zimbabwe voor die verkiesing van 29 Maart gemaak is.

Alec Erwin gaan as minister uittree

Alec Erwin gaan ná volgende jaar se verkiesing uittree. Sy woordvoerder het hierdie besluit bevestig maar daarop gewys dat dit niks te

Erwin

make het met die veranderings in ANC-leierskap nie.

Erwin, minister van openbare ondernemings, word allerweë as een van president Mbeki se vertrouelinge beskou. Hierdie besluit volg op berigte dié naweek dat hy en die minister van finansies, Trevor Manuel, onlangs woorde gehad het oor Erwin se ambisieuse planne vir staatsbeheerde ondernemings.

'n Woordvoerder van die president se kantoor wou hom nie oor Erwin se besluit uitlaat nie. Hy het dit as onbelangrik bestempel.

оборудование бани Фільчаков прокурор

Sakeman vermoor weens buitelandse werkers

Volgens die Johannesburgse koerant The Sowetan, is 'n sakeman van Actonville vermoor omdat hy buitelandse werkers in diens gehad het.

Hy was 'n boukontrakteur wie se huis aan die brand gesteek is deur 'n woedende skare wat hom daarvan beskuldig het dat hy nie plaaslike mense in diens neem nie.

Konstabel Godin Nyathi van die polisie sê dat die man binne sy huis doodgebrand het. Die skare was afkomstig van die Emlotheni- en Emandleni-plakkerskampe.

live online casinos

Sjina is besig met nasionale rou n? aardbewing

Die derde nasionale roudag breek vandag in Sjina aan ter nagedagtenis aan die slagoffers van verlede week se aardbewing. Tot 50 000 mense het na raming die lewe gelaat en 245 000 persone is beseer.

Vlae hang tans halfmas, geen advertensies mag in koerante verskyn nie, filmsale is gesluit en beperkings is op internetwebwerwe geplaas. Gister het tienduisende mense in die suidwestelike stad Sjengdoe histeries in die strate rondgehardloop ná berigte van nog 'n moontlike aardbewing. Intussen belemmer swaar reënval en talle naskokke reddingswerkers se reeds moeilike taak.

под потолок Фильчаков прокурор

Weermag wil Boeremag-aangeklaagdes afdank

Die Suid-Afrikaanse Nasionale Weermag wil drie van sy werknemers wat van hoogverraad in die Boeremagsaak beskuldig word, afdank.

Kol. Giel Burger, majoor Jacques Olivier en majoor Pieter van Deventer moes voor die bevoegdheidsraad verskyn weens sogenaamde terreurdade wat hulle gepleeg het.

Al drie mans ontken skuld op die aanklagte van hoogverraad teen hulle. Volgens mnr. Paul Kruger, die aangeklaagdes se regsverteenwoordiger, gaan sy kliënte hul komende ontslag uit die weermag teenstaan en 'n hofbevel daarteen probeer kry.

Een van die redes waarom hulle onstlaan word, is omdat hulle nie veiligheidsklarings het nie. Omdat hulle egter reeds vyf jaar lank met die hofsaak besig is en nie aktief in die weermag aangewend word nie, kon hulle nie veiligheidsklarings verkry nie.

Etniese geweld aan Witwatersrand duur voort

Die etniese konflik tussen Afrika-immigrante en plaaslike inwoners in die Gautengprovinsie het teen gister steeds aangehou, in weerwil van polisie-optrede en oproepe om kalmte. Daar is reeds 22 mense dood en 10 000 is dakloos gelaat.

Aartsbiskop Desmond Tutu het 'n beroep op die amokmakers gedoen om die geweld te staak. Hy het na immigrante as ons broers en susters verwys.

'n 25-jarige man wat deur die polisie op die Oosrand in hegtenis geneem is, het aan verslaggewers gesê dat die Sjangaans verbrand sal word as hulle nie padgee nie. Volgens hom sal hulle vir die land veg. Hulle sal aanhou en die owerhede kan hulle nie keer nie.

Intussen word uit Kaapstad berig dat die polisie reeds moontlike gevaarpunte geïdentifiseer waar etniese geweld soos in Gauteng mag uitbrei.

Die burgermeesterslid vir veiligheid, Dumisani Ximbi, het verklaar dat die uitbreiding van aanvalle op vlugtelinge en buitelandse burgers van Alexandra deur Gauteng het die stad genoop om te verseker dat soortgelyke gevalle nie in Kaapstad plaasvind nie.

Volgens hom het sowel die Suid-Afrikaanse Polisiediens as die metropolisie 'n risikobestuursplan opgestel.

Kaapstad het tot dusver die geweld vrygespring hoewel 'n Somali-winkelier verlede Vrydag in die Durbanville-omgewing doodgeskiet is. Die moord kon egter tot dusver nie aan die etniese konflik verbind word nie.

справку для

Nog ‘n immigrant dood

Nog 'n immigrant is dood in die jongste golf geweld teen immigrante waaronder Johannesburg tans gebuk gaan. Die dodetal staan nou op 13, het die polisie vandag gesê.

Hillbrow, Jeppe, Cleveland en sentraal-Johannesburg is steeds onrustig met gewapende bendes in die strate. Polisie het motoriste gewaarsku om die sakegebied te vermy.

Daar het gevegte by die sentrale Metodistekerk uitgebreek waar talle Zimbabwiërs skuil. Gewere en kapmesse word deur woedende Suid-Afrikaners gebruik wat Umshini wam sing om aanvalle op buitelanders van Zimbabwe en Mosambiek te loods.

'n Immigrant is gister dood nadat hy in sy eie komberse toegedraai is en aan die brand gesteek is.

Die Franse hulporganisasie, Dokters-sonder-grense, sê die situasie kom neer op 'n volwaardige humanitêre krisis.

Swart steek wit verby in Brasili

Swartes sal hierdie jaar wittes verbysteek in getalle in Brasilië vir die eerste maal sedert slawerny afgeskaf is, maar die inkomstegaping tussen die twee groepe mag nog 50 neem om te oorbrug volgens 'n studie wat die Brasiliaanse regering onderneem het.

Swartes verdien oor die algemeen 50 tot 70 persent minder as wittes en hou 3,5% van bestuursposisies in Brasilië se 500 grootste maatskappye volgens vakbond syfers.

'n Studie wat in 2004 deur die Federale Universiteit van Rio de Janeiro onderneem is, het bevind dat die gaping tussen wit en swart in Brasilië groter is as in Suid-Afrika onder apartheid.

Brasilië het onlangs 'n stelsel geskep van kwotas by openbare universiteite om die gapeing te oorbrug. Maar kwotas is ingewikkeld want baie mense ondertrou met verskillende rasse en sekere kritici meen dat ligte bruinmense plekke opneem wat vir swartes gereserveer word.

Die regeringstudie is vrygestel om saam te val met die 120ste herdenking van die afskaffing van slawerny in Brasilië. Die land was in 1888 die laaste in die westelike halfrond om slawerny te beëindig.

flower bridal headband Фильчаков прокурор

Metodistebiskop vra vir ‘n noodtoestand

'n Metodistebiskop, Paul Verryn, wat buitelandse swartes in die Johannesburgse middestad onderdak gee, het die huidige gevegte tussen buitelanders en plaaslikes 'n oorlog genoem en gevra dat 'n noodtoestand ingestel word.

Bendes jeugdiges het gister die kerk aangeval. Tot nou is 13 mense dood in die etniese konflik tussen buitelanders en plaaslikes, met nog 60 wat beseer is. Die konflikgebied strek vanaf Diepsloot ten noorde naby Pretoria tot die Johannesburgse middestad en dwarsoor die Oos- en Wesrand.

Die polisie het Saterdag die Sentrale Metodistekerk gewaarsku dat aanvalle verwag kon word terwyl immigrante hulself met bakstene bewapen het.

Afrika dink baie van Australi? se leier

Afrikaleiers het die federale regering van Australië geprys vir sy apologie aan inheemse Australiërs. Parlementêre sekretaris vir handelsbetrekkinge, John Murphy, het onlangs gedurende 'n besoek aan Ghana vir 'n VN-ontwikkelingskongres, 14 bilaterale gesprekke met Afrikaleiers gehou.

Murphy sê Afrikaleiers was gretig om die regering geluk te wens met sy apologie.

Hulle het almal geweet van die nuwe linksgesinde regering in Australië en van die apologie wat in die nasionale parlement gedoen is en dit het 'n baie goeie boodskap aan Afrika gestuur, volgens Murphy.

Australië is besorg oor menseregte, gelykheid van die mensheid, versoening en oor die hele wêreld in geheel, het hy voortgegaan. Murphy het gesê dat Afrikaleiers ooglopend 'n hoë dunk het van Australië se nuwe leier, Kevin Rudd.

купить трансформер