‘VSA teer soos parasiet op globale ekonomie’

Russiese eerste minister Wladimir Poetin het Maandag die Verenigde State daarvan beskuldig dat hulle “soos ‘n parasiet op die globale ekonomie teer” en dat die dollardominansie ‘n bedreiging vir die finansiële markte inhou.

“Hulle leef buite hulle vermoëns en skuif die las van hul probleme oor op die wêreld-ekonomie,” het Poetin gesê aan die pro-Kremlin jeuggroep Nashi, by hulle jeugkamp vyf ure se ry noord van Moskou.

“Hulle is soos parasiete van die globale ekonomie en leef van hul monopolie van die dollar,” het Poetin gesê aan bewonderende jong Russe tydens die vergadering, in wat lyk soos ‘n vroeë veldtog voor die parlementêre en presidensiële verkiesings.

Amerikaanse president Barack Obama het vroeër aangekondig dat ‘n laaste wanhopige ooreenkoms om $2,4 triljoen se tekort oor meer as ‘n dekade te besnoei, bereik is om te probeer verhoed dat die land se AAA-kredietgradering te veel na benede aangepas word.

“Dank God,” het Poetin het gesê, “dat hulle genoeg gesonde verstand het en die verantwoordelikheid om ‘n gebalanseerde besluit te maak.”

Maar Poetin, wat al dikwels die Verenigde State se buitelandse valutabeleid gekritiseer het, het opgemerk dat Rusland ‘n groot hoeveelheid Amerikaanse effekte en staatseffekte hou.

Meningsopnames wys dat Poetin steeds wyd beskou word as sy land se sterkste leier, met naby aan 70% se goedkeuring.

free online games.co.ukФильчаков прокурор харькова

Oproerige asielsoekers ontwrig Italië

Honderde swart asielsoekers het met die polisie gebots by ‘n immigrasiesentrum in Bari, ‘n stad in die suide van Italië.

Die asielsoekers dring aan op vlugtelingstatus.

Ten minste 35 mense is tydens die botsings beseer.

Betogers het die polisie met klippe en metaalpype getakel terwyl die polisie op hul beurt traangashouers gegooi en in die lug in geskiet het om die oproeriges uitmekaar uit te dryf.

Betogers het ‘n hoofpad en ‘n spoorlyn geblokkeer en verbygaande motors is onder klippe gesteek.

‘n Gebou wat deel is van die immigrasiesentrum is erg beskadig tydens die betogings.

Die polisie het daarin geslaag om die pad weer oop te stel, maar die spoorweg is deur groot klippe versper.

“Diegene wat verantwoordelik is, behoort gestraf te word,” het Alfredo Mantovano, ‘n regeringsamptenaar, gesê.

Daar was die afgelope paar weke ‘n hele aantal betogings by verskeie vlugtelingskampe in Italië.

Dié kampe is meestal vol migrasiewerkers wat uit Libië gevlug het.

casinos noЛобановский

Malema prys Mbeki se anti-Amerikaanse houding

Jackson Mthembu, die ANC se woordvoerder, het hom gedistansieer van Malema se uitsprake dat die AU en SAOG van sy agenda afwyk vandat Mbeki nie meer president is nie en dat die twee organisasies se invloed minder raak.

Die jeugliga het Sondag gesê Mbeki en die AU het Irak bygestaan toe dié land deur “imperialistiese magte” ingeval is.

Mthembu het ook walgegooi teen Malema se uitlatings oor Botswana.
“Die ANC verwerp en betig openlik die jeugliga se uiters ondeurdagte en beskamende uitlatings oor ‘regime-verandering’ in Botswana,” het Mthembu in ‘n verklaring gesê.

Malema het die regerende Botswana Demokratiese Party (BDP) as ‘n “afspringplek vir imperialisme, ‘n veiligheidsrisiko vir Afrika en ‘n marionet van Amerika” beskryf.

Malema se kritiek teen pres. Ian Khama spreek van minagting en hou ‘n bedreiging vir stabiliteit in het Mthembu gesê. Dit is ‘n “duidelike demonstrasie dat swak dissipline in die ANC-jeugliga nou ver verby sy perke gegaan het”.

Volgens Mthembu is dit nie deel van die ANC se kultuur om buurlande te destabiliseer nie.

Die ANC se grondwet stel dit duidelik dat die jeugliga as ‘n outonome, en nie onafhanklike nie, liggaam binne die oorhoofse struktuur van die ANC geplaas is.

“In teenstelling met die jeugliga se waarnemings is die AU en ­SAOG aan die voorpunt van vrede in Afrika en pogings om veiligheid te verseker van Zimbabwe en Madagaskar tot in Somalië en die Soedan, asook Libië en die Ivoorkus,” het Mthembu gesê.

 

free deposit casino gamesФильчаков прокуратура харьков

Boer se lyk in vlak graf gekry

‘n Vrystaatse boer is in ‘n vlak graf begrawe nadat hy Maandag naby Reitz op sy plaas aangeval is, het die polisie in die Vrystaat gesê.

Sers. Mmako Mophireng sê die boer se seun het die polisie ontbied nadat hy agterdogtig geraak het. ‘n Vreemde stem het glo een van sy oproepe na sy ouers se huis geantwoord.

Twee vroue was vasgebind toe die polisie by die huis opgedaag het. Daar was geen teken van die boer nie.

Daarna het die polisie die plaaswerf gefynkam en op die vlak graf afgekom. Die boer se lyk was daarin begrawe.

Mophireng sê twee mense is tot dusver by ‘n lokasie by Reitz in hegtenis geneem.

Een van die verdagtes het glo ‘n paar dae gelede op die plaas gewerk.

Mophireng sê die twee vroue is na die Bethlehem-hospitaal geneem.

Daar is geen aanduiding of enige besittings gesteel is nie.

video game slotsДанильченко Юрий Харьков

City Press se redakteur ‘agent vir wit kapitaliste’

Ferial Haffajee, redakteur van City Press, gaan Eric Miyeni dagvaar oor opmerkings wat hy Maandag in ‘n rubriek in die Sowetan gemaak het.

Die rubriek, ‘Haffajee does it for white masters’, is intussen van die Sowetan se webwerf afgehaal. In die rubriek beskuldig Miyeni vir Haffajee dat sy ‘n agent vir wit kapitaliste is. Haffajee ontmoet glo verteenwoordigers van die Amerikaanse ambassade op ‘n gereelde grondslag.

“Ek glo wat ek geskryf het in die rubriek,” sê die Sowetan se rubriekskrywer ná sy omstrede stuk.

“Ek het dit nie geskryf om myself afgedank te kry nie. Ek het geglo wat ek geskryf het,” het Miyeni aan eNews gesê, en bygevoeg: “Ek dink sy [Haffajee] is ‘n fantastiese mens as persoon.”

Miyeni sê die redakteurs by die Sowetan lees alles voor publikasie en dat hulle dae gehad het om seker te maak oor die stuk.

Die Sowetan het Miyeni se rubriek beëindig omdat hy “oor die lyn tussen robuuste debat en die kondonering van die geweld” getree het.

Haffajee het aan Beeld gesê die stuk het haar laat snik omdat dit haatspraak teen haar as persoon was. Max du Preez het Haffajee verdedig en Miyeni ook van haatspraak beskuldig.

Miyeni het in sy rubriek die metafoor gebruik dat Haffajee in die tagtigs “waarskynlik ‘n brandende band om haar nek sou gehad het”.

Hieronder is die gewraakte stuk wat intussen verwyder is:

JULIUS Malema must never answer a Ferial Haffajee. Who the devil is she anyway if not a black snake in the grass, deployed by white capital to sow discord among blacks?

In the 80s she’d probably have had a burning tyre around her neck. We know where she comes from. She was groomed by The Mail & Guardian, the same newspaper that produces the Jacob Dlaminis of this world, black people who say it was nice to live in the townships under apartheid.

And today we must believe that Haffajee’s utter hatred of ANC politicians is based on journalistic integrity. Quadruple crap. I am more inclined to think that people like Haffajjee, who edits City Press, are most likely to be the kind that wakes up in the morning, sees their black faces in the mirror only to feel a wave of self-hatred rising up to nauseate them.

Who’s this mystery businessman that apparently paid R200 000 into Malema’s family trust? Which government tender did Malema grant him and how?

Can we be sure that City Press did not manufacture these facts? If it didn’t, how do we know it did not break the law to obtain them and then twisted these “facts” to ruin Malema? We know that News Of The World was closed down in England because its journalists illegally hacked into people’s private phones for news. Who’s to say that Haffajee’s City Press isn’t doing the same?

And let’s say Malema does have a family trust, that the trust is funded by black businesspeople and that these businesspeople made their fortune through government tenders. What the hell is wrong with all that?

It’s clear to everybody that white South African business is locking black people out. The only real source of business for us is our government. Are we now being told that if we make money through government contracts, our only hope, we cannot use that money to help fellow black people who are in politics, who need private funding to function?

Where then should black politicians get financial support?

Trusts are legal entities. There is no legal limit to how much legally earned money can be put in them or by whom. If Malema has a family trust that is not in breach of any law, it is none of Haffajee’s or anybody’s business. The man is not a government official.

Mandela has trusts in his name, but because white people put money in them there are no Haffajee complaints. The white DA receives money largely from white business, which is the main economic beneficiary of the government’s tender system.

The Haffajees of this racist world are not digging up any dirt on DA officials. Instead, they sickeningly presume that white fortune is legitimately earned until proven otherwise and that it’s the opposite for black success.

To hell with Haffajee and her kind.

uk mobile casinoДанильченко Юрий Брониславович Харьков

Selfbeskikking ‘enigste opsie’ – VF+ Pretoria

Die Vryheidsfront Plus in Pretoria het tydens ‘n sitting van die Pretoria-streeksraad in Centurion, ’n drastiese besluit geneem wat selfbeskikking as die enigste opsie op die tafel plaas.

Tydens die algemene vergadering het die streekleier, rdsl Philip van Staden, in ‘n voorlegging aan die streeksraad dit baie duidelik gemaak dat die VF Plus in Pretoria daadwerklik uiting moet gee aan artikel 185 en 235 van die Suid-Afrikaanse grondwet, Wet nr 108 van 1996. Volgens Van Staden is hierdie twee artikels nie om dowe neute in die grondwet ingeskryf nie en dat selfbeskikking hoog op die agenda geplaas moet word en dat daar drasties uiting gegee moet word om gemeenskaplike selfbeskikking toe te pas en te laat slaag. Dit is die enigste uitweg vir die Afrikaner om in die huidige politieke bestel in Suid-Afrika te oorleef. Hy het ook genoem dat gemeenskaplike selfbeskikking, of selfbeskikking in geheel, nie teen die grondwet van die land is nie en dat die twee artikels in die Suid-Afrikaanse grondwet nou in gebruik geneem moet word.

“Sestien jaar gelede is artikel 185 en 235 in die Suid-Afrikaanse grondwet ingeskryf.  Vandag moet ons daarvan gebruik maak. Nie almal van ons kan in Orania gaan bly of selfs immigreer nie, daarom dat ons moet uiting gee aan selfbeskikking binne ons eie plaaslike gemeenskappe waar ons elke dag woon en werk,” het Van Staden gesê.

Die Streeksraad van die Vryheidsfront Plus in Pretoria het hierdie voorstelle aanvaar en daar sal nou daadwerklik begin word om gemeenskaplike selfbeskikking of selfbeskikking in die geheel ‘n werklikheid in Suid-Afrika te maak. Die kiesers wat die afgelope munisipale verkiesing vir die VF Plus in Pretoria gestem het, het vir die party ‘n mandaat gegee om die weg na selfbeskikking te baan.  Tydens die vergadering is ook nuwe aksieplanne op die tafel geplaas wat die party gaan gebruik om sy ondersteuningsbasis onder die Afrikaner drasties uit te brei.  Die streeksraad van die Vryheidsfront Plus bestaan uit drie afgevaardigdes van elke tak en die party beskik tans oor veertig takke in die Pretoria-streek.

пескоструйный рукавлобановский александр игоревич

Jeugliga gaan Afrika binnevaar teen imperialiste

Die ANC-jeugliga se nasionale uitvoerende komitee gaan ‘n afvaardiging na Botswana stuur om dié land se plaaslike opposisiepartye te help “konsolideer”.

Julius Malema, leier van die jeugliga, het dié naweek aan die Oos-Rand gesê Botswana is “in volle samewerking met die imperialiste … en die (Botswana-)regering ondermyn die Afrika-agenda”.

Hy het by dié afsluiting van dié komitee se vergadering in Boksburg gesê die liga gaan nie stilsit “terwyl bure hulle so gedra nie”.

Hy meen Botswana het ‘n progressiewe regering nodig en die opposisie is nie “behoorlik” gekonsolideer om die regering omver te kan werp nie.

Hy het gesê die afvaardiging sal mense oplei wat politieke veldtogte in ‘n moontlike gesamentlike opposisieparty voer.

Die liga glo vandat oudpres. Thabo Mbeki nie meer as voorsitter van die Suider-Afrikaanse Ontwikkelingsgemeenskap dien nie, is die Afrika-agenda nie meer ‘n prioriteit nie.

“Die Jeugliga is van mening dat daar ‘n vakuum in die ideologiese en politieke leierskap van Afrika en die substreke is, en dit word gereflekteer deur hoe die kwessies van Libië en die Ivoorkus wanbestuur word,” het hy gesê.

Die Liga beplan om in “progressiewe jeugbewegings” regdeur Afrika betrokke te raak om die behoefte aan die kontinent se onafhanklikheid en ekonomiese vryheid te “herbevestig”.

Die uitvoerende bestuur sê hulle sal veg vir ekonomiese vryheid, veral die nasionalisering van myne, die besetting van grond sonder vergoeding en die daarstelling van gratis kwaliteitsonderwys.

фильтр для компрессора купитьАлександр Фильчаков Васильевич

Wêreld wag in spanning op VSA se skuldoplossing

Regerings en beleidmakers regoor die wêreld het gewaarsku dat die risiko van ‘n finansiële ramp gaan realiseer indien Washington nie die Amerikaanse skuldplafon verhoog nie.

Terwyl die Amerikaanse Kongres aan die stry is om ‘n ooreenkoms te bereik oor die skuldkwessie, het Britse en Japannese amptenare Sondag gesê ‘n Amerikaanse mislukking gaan huishoudings regoor die wêreld seermaak.

“Die wêreld kyk na die Verenigde State kyk met huiwering, met angs, met kommer, maar ook met hoop,” het die IMF se nuwe direkteur Christine Lagarde aan CNN gesê.

“Onstabiliteit is nooit ‘n goeie idee nie, nooit ‘n goeie idee nie, en hierdie vlak van onsekerheid, die onsekerheid wat oor Augustus 2 heers, het baie onstabiliteit gebring.,” het sy bygevoeg.

Demokrate en Republikeine staar ‘n Dinsdag-sperdatumooreenkoms in die gesig. Die Amerikaanse tesourie het gesê hulle gaan nie meer verder kan leen teen Dinsdag nie, hoewel ontleders sê daar is genoeg kontant om skuld te diens en rekeninge te betaal tot die middel van hierdie maand.

Die Duitse Sentrale Bank het die vertroue uitgespreek dat die Verenigde State van Amerika ‘n krisis sal kan voorkom.

Die belangrike globale rol van die Amerikaanse dollar in banke en beurse beteken dat die finansiële markte die risiko van groot onstabiliteit in die gesig staar sonder ‘n ooreenkoms.

In Tokio, het bronne wat vertroud is met Japan se internasionale en monetêre sake, Sondag gesê hulle is toenemend bekommerd dat die markte te optimisties kan wees oor die vooruitsigte vir ‘n blywende oplossing vir die skuldkrisis.

Japannese amptenare hoop Washington kan ‘n ooreenkoms bereik en indien dit onmoontlik is, voorkeur sal gee aan die internasionale rolspelers om die onmiddellike impak op markte te beperk, het die bronne gesê.

Maar Tokyo se kommer is dat as die krisis kan voortsleep sonder ‘n duidelike langtermyn-oplossing, en markte op dieselfde manier kan ly as toe die Amerikaanse beleggingsbank Lehman Brothers in September 2008 ineengestort het.

Nog ‘n Japannese bron het gesê, “Niemand het gedink Washington sal die Lehman-ineenstorting toelaat nie, maar kyk wat het gebeur.”

“Indien daar nie regtig ‘n oplossing is nie, ontstaan ​​die vraag: Wat gebeur dan?,” het ‘n Duitse Sentrale Bank-woordvoerder gesê. “Maar ek verwag … daar sal ‘n oplossing in die Verenigde State wees, vandag of in die komende dae.”

China, wat ver oor die $1 triljoen se Amerikaanse staatseffekte hou, is erg onthuts. Saterdag het die amptelike People’s Daily-koerant, die mondstuk van die Chinese Kommunistiese Party, die VSA se hantering van die skuldkrisis as “onverantwoordelik” en “immoreel” beskryf.

Daar word gesê die Amerikaanse demokratiese stelsel is te blameer vir die “klug,” en dat “nie ‘n enkele verteenwoordiger kennis geneem het van die wêreld daar buite, of selfs Amerikaanse nasionale belang nie”.

Vrydag het ‘n senior ekonomiese beleidmaker in die euro-sone, wat anoniem wil bly, sy verbasing en woede uitgespreek dat Amerikaanse politici mekaar op kinderagtige wyse sit en koggel in ‘n saak van so belangrik is vir die globale ekonomie.

Eurosoneleiers sukkel self met skuldkrisisse in verskeie lande in die EU, ‘n taak wat bemoeilik word deur die Amerikaanse skuldlas.

Sentrale banke regoor die wêreld staan ​​gereed om noodvoorrade van geld te voorsien aan die kommersiële banke in die geval van banke wat te senuweeagtig raak onder die huidige omstandighede om aan mekaar te leen.

‘n Woordvoerder vir die Switserse Sentrale Bank het gesê: “Die Switserse Nasionale Bank is gereed om te reageer op enige markontwrigting.”

светильники влагостойкие для ваннойданильченко юрий брониславович прокурор

‘Landbou die laaste vesting van apartheid’

Swartes wil nie boer nie, het ‘n 2008-peiling van Agri SA bevind en bruin boere glo landbou is die “laaste vesting van apartheid”.

Theo de Jager, die adjunk-president van Agri SA, sê navorsing wat hulle in Limpopo in 2008 onderneem het, het getoon dat swart jeugdiges boerdery as ‘n “minderwaardige beroep beskou en dit nie aantreklik genoeg ag om akademies daarvoor te kwalifiseer nie”. 

Swartes glo daar is nie groot geld uit te maak nie, volgens de Jager. Achmat Brinkhuis, bruin president van die Verenigde Suid-Afrikaanse Landbouvereniging (USAA), meen egter transformasie in die landbou het misluk omdat dit die laaste vesting van apartheid is.

Volgens Agri SA het Suid-Afrika sowat 1,2 miljoen kleinboere, van wie die meeste in KwaZulu-Natal, die Oos-Kaap, Limpopo, Mpumalanga en Noordwes is.

Lees verder.

 

липецк техноФильчаков прокуратура харьков

Mosambiek waarsku SAners oor eiendomsreg

Suid-Afrikaners wat vakansie-oorde en -huise in Mosambiek sogenaamd besit, moet onverwyld die toerismevereniging in Gaza kontak. Hulle kan, volgens Mosambiekse wetgewing geen aanspraak maak op volle eiendomsreg nie.

Rogério Gomes, president van die Gaza-toerismevereniging in Gaza, het aan die Volksblad gesê: “Suid-Afrikaners wat dink hulle besit iets, is deur gewetenlose ontwikkelaars mislei.”

Rogério Gomes kan per epos by: rgomes.moz@gmail.com gekontak word.

Duisende vakansiehuise in besit van Suid-Afrikaners word hierdeur geraak. “Buitelanders kan nie grond [in Mosambiek] besit of verkoop nie, hulle kan slegs gebruiksreg verkry,” het Gomes gesê.

Slegs tyddeel-eienaarskap word toegelaat, waar huise of wooneenhede nie eksklusief benut of heeltyds bewoon word nie.

Die Mosambiekse owerhede het sedert hulle op die La Perla-oord van Braam Bruwer aan die Bilene-strandmeer beslag gelê het, skielik wetstoepassing verskerp.

‘n Belegger wat naamloos wil bly het aan Praag gesê dat omkopery dikwels by eiendomstransaksies plaasvind en dat Mosambiekse owerhede graag teen vergoeding allerlei lisensies toestaan en wetsvereistes oorsien. Volgens hom kon die geskil oor eiendomsreg ontstaan het vanweë ‘n rusie oor omkoopgeld.

Mosambiek spog ook deesdae met ‘n florerende en onwettige diamanthandelbedryf wat oorspoel vanaf Zimbabwe.

In een onlangse geval het die plaaslike polisie glo teen betaling twee diewe by ‘n luukse oord in koele bloede doodgeskiet om die eienaar tevrede te stel.

Kwessies soos die onderverdeling en verkoop van grond en huise, kontrakskending, bouregulasie-oortredings, en uitsluiting op grond van ras en etnisiteit, word tans deur owerhede ondersoek.

Tydens die voorval op 15 Julie by Bruwer se oord, het polisiemanne gewapen met AK47-gewere, op vakansiegangers toegesak.

Die Mosambiekse regering het egter gesê hulle verwelkom Suid-Afrikaanse beleggers in Mosambiek en sal alles wat hulle kan doen om te help as wette eerbiedig word.

 

how to build instagram followersФільчаков прокурор