Seksistiese T-hemde onttrek

‘n Mode-groep (TFG) het drie T-hemde met die woorde “stud”, “single” en “how to get laid” van die rakke onttrek omdat dit seksisties is, het die Cape Times Woensdag berig.

Die T-hemde was bedoel om tong in die kies te wees, maar het aanstoot gegee aan sekere klante, het Kathryn Sakalis, kommunikasiebestuurder, aan die koerant gesê.

“Ons het honderde T-hemde met verskillende slagspreuke. Dié wat onttrek is, is drie wat ons voel die lyn tussen humor en aanstootlik oorskry.”

Die T-hemde word by modewinkels verkoop.

Sakalis weet nie hoeveel van die T-hemde gemaak is nie, maar sê die ontrekking is onmiddellik van krag.

Dít volg nadat klante wat gedink het die woorde is aanstootlik teenoor vroue, gekla het oor die T-hemde. Sakalis het gesê daar was verskeie twiets en blogs oor dié T-hemde.

“Ons het gehoor wat die gemeenskap sê en sal nie huiwer om daadwerklik op te tree en vinnige aksie te neem nie.”

topcargo

Rusie breek uit onder Statebondlidlande

Volgens die Australiese media is Suid-Afrika en Indië gekant teen die aanstelling van ‘n menseregtekommissaris vir die Statebond, berig RSG. Die gasheerland, Australië, steun die plan.

Daar is egter groter onmin aan die broei onder lede van dié organisasie oor vorige menseregteskendings wat die Statebond geïgnoreer het en homoseksualiteit. President Jacob Zuma sal die beraad bywoon.

Statebondsleiers vergader van Vrydag af in Perth. Verskeie lidlande het inmenging by menseregte-aangeleenthede ander van lidlande verwerp.

Die Statebond bestaan uit 54 lande wat voorheen koloniale bande met Brittanje gehad het. 

Volgende week se Perth-beraad, wat ook deur die koningin bygewoon word, sal die verslag van die Commonwealth Eminent Persons Group (EPG), wat die toekoms van die groep uitstippel, assesseer.

Die Statebond het onlangs skerp kritiek moes verduur omdat Sri Lanka se gruweldade deur regeringstroepe teen Tamilburgerlikes gedurende die land se burgeroorlog in 2009 nie veroordeel is deur dié liggaam nie.

Die EPG is gestig na die 2009 Vergadering van Statebondshoofde ‘m ‘n “sterker, meer relevante”, Statebond uit te bou. Die lede sluit sir Malcolm Rifkind, die voormalige minister van buitelandse sake in.

Die verslag bevat 106 aanbevelings wat daarop gemik is om aan die groep ‘n meer aktiewe rol in die monitering van menseregte in lande te gee.

Sri Lanka het te kenne gegee dat hulle die plan sal verwerp, en gewaarsku daarteen dat die Statebond ‘n “bestraffende rol” inneem.

Die verslag sê ook dat van lede verwag word om wette wat homoseksualiteit verbied, te herroep.

Daar is steeds 42 lidlande wat homoseksualiteit verbied. Die Statebond werk op die basis van konsensus, wat beteken dat ‘n enkele land die publikasie van die verslag kan blokkeer.

Hugh Segal, die Kanadese lid van die EPG, het die Karibbiese lede daarvan beskuldig dat hulle die verslag onderdruk, ‘n besluit wat hy gesê het “onverklaarbaar” is.

Лобановский Харьков

Malema, Botswana en Wikileaks

Botswana het die moontlikheid van ‘n Africombasis vier jaar gelede oorweeg, volgens WikiLeaks.

Dié onthullings kan volgens die M&G ammunisie vir die ANC-jeugliga wees in die dissiplinêre verhoor teen die leier, Julius Malema en ander liga-amptenare.

Malema word onder meer aangekla in verband met sy oproep vir regimeverandering in Botswana. Hy het ook president Ian Khama as ‘n “imperialistiese marionet” beskryf.

Floyd Shivambu, jeugliga-woordvoerder, het gesê die liga het geweet van die geheime samesprekings tussen Botswana se voormalige minister van buitelandse sake en nou Adjunkpresident Mompati Sebogodi Merafhe en die VSA. “Merafhe het ook gevra vir wapens van die VSA. Botswana is ‘n bedreiging vir die kontinent en nou word ons aangekla omdat ons dit sê,” het Shivambu gesê.

Die ontmoeting tussen die Amerikaners en Botswana het egter vier jaar gelede onder die voormalige president Festus Mogae, en nie Khama nie, plaasgevind.

Malema het in Augustus gesê hulle “weet Botswana is in gesprekke om ‘n militêre basis vir die imperialiste oop te maak”.

Volgens Wikileaks is ‘n kabel deur die Amerikaanse ambassadeur in Botswana, Katherine Canavan, aan die Amerikaanse minister van buitelandse sake in Washington in Oktober 2007 gestuur, waarin Canavan en senior amptenare van die ambassade met Merafhe moontlike plekke vir Africom op die vasteland bespreek.

Canavan het gesê Botswana, saam met ander ongeïdentifiseerde Afrika-lande, word oorweeg vir die huisvesting van Africom.

Volgens ‘n verslag van 2007 deur ‘n Amerikaanse dinkskrum, onder die titel “‘n Groot probleem met ons beeld daar: Die vooruitsigte van ‘n Afrika-hoofkwartier vir Africom“, het Botswana planne om Africom te huisves onder druk van die Suider-Afrikaanse Ontwikkelings-gemeenskap laat vaar.

Botswana se regeringswoordvoerder Jeff Ramsay het intussen geweier om die Mail & Guardian se vrae te beantwoord. Ramsay het die Jeugliga se bewerings in Augustus afgemaak as “volslae gemors”.

Regsverteenwoordigers van die president van die ANC-Jeugliga, Julius Malema, sal na verwagting vandag hul laaste getuies roep wanneer sy tugverhoor vanoggend in Johannesburg hervat.

Malema en ander leiers van die liga staan tereg op aanklagte dat hulle onenigheid in die ANC gesaai het en ook die party in die skande gesteek het.

Die ANC-veteraan, Winnie Madikizela-Madela en ‘n lid van die nasionale uitvoerende komitee van die party, Tony Yengeni sal na verwagting getuienis lewer. Die minister van Huisvesting, Tokyo Sexwale het ook vroeër gepleit dat die komitee Malema genadig moet wees.

Die voorsitter van die tugkomitee, Derek Hanekom, sê die komitee is verbind tot ‘n regverdige verhoor. Indien Malema skuldig bevind word kan hy moontlik uit die party geskors word omdat hy reeds vroeër aan ‘n soortgelyke oortreding skuldig bevind is.

Hanekom sê die tugkomitee sal kort na die afsluiting van argumente op 3 November uitspraak lewer.

александр лобановский класс

Tsjegge vir spioenasie in Zambië vas

Drie Tsjeggiese toeriste kan met tot 30 jaar lange tronkstraf in Zambië gevonnis word as hulle skuldig bevind word aan spioenasie nadat hulle nabyfoto’s van militêre instellings in dié land geneem het, het die Tsjeggiese departement van buitelandse sake Maandag gesê.

Volgens die departement was die drie werknemers van A&A Expo, ‘n Nederlandse logistieke maatskappy, en het hulle ‘n vriend in Zambië besoek na ‘n sakebesoek aan Johannesburg, Suid-Afrika.

Die drie mense is op 12 Oktober in hegtenis geneem nadat hulle vier foto’s naby militêre geboue geneem het, volgens ‘n verklaring wat deur Tsjeggiese diplomate in Afrika aan die departement gestuur is.

Die drie toeriste is luidens die verklaring op borgtog vrygelaat.

Die foto’s is geneem van ‘n militêre vliegtuig wat ten toon gestel word by ‘n militêre basis, ‘n “geen toegang”-teken buite ‘n ander instelling en die ingang van die presidensiële paleis in Lusaka, die hoofstad.

Kennedy Sakeni, die Zambiese minister van binnelandse sake, het gesê die regering is gewillig om die saak met Tsjeggiese diplomate te bespreek.

Die Zambiese intelligensiediens is ook by die voorval betrokke, volgens die verklaring.

лобановский александр

Infrastruktuurbesteding eerder as verbruik, sê Gordhan

Pravin Gordhan, minister van finansies, het met die bekendmaking van die mediumtermynbegrotingsraamwerk gesê die nasionale tesourie het ongeveer R13 miljard minder belastinginkomste ingevorder as wat in Februarie met die Begrotingsrede verklaar is.

Gordhan het voorts gesê dat besteding van verbruik na beleggings en infrastruktuur- en ekonomiese ontwikkeling sal moet verskuif. Die minister kon nie sê watter sektore daarby gaan baat nie. Die sektore waarop die staat wil fokus, sal glo in samewerking met die departement van handel en nywerheid uitgewerk word.

Volgens die nasionale tesourie sal dié betrokke sektore in volgende jaar se begroting bekend gemaak word.

Hy het ook R25 miljard oor die volgende ses jaar opsygesit om sukkelende sektore in die ekonomie te steun. Kontantreserwes en besparings sal vir sukkelektore aangewend word, het hy gesê. Staatsdepartemente is daarom versoek om onnodige verkwisting te staak.

“Persepsies dat die regering en sy amptenare ‘groot’ leef ondermyn vertroue. Vermorsing met openbare besteding moet uitgeskakel word.”

Gordhan het gesê dié aansporings sal nie met nuwe belastings gefinansier word nie.

Wysigings aan die wet op die bestuur van openbare finansies sal moontlik aangebring word om openbare amptenare glo “verantwoordbaar” te hou. Die ministerie het nie kommentaar gelewer op die bestaande wetgewing wat reeds voorsiening maak vir strawwe nie.

Daar sal vir die komende nasionale gesondheidsversekeringstelsel ook R500 miljoen opsy gesit word vir loodsprojekte in 10 distrikte, om openbare gesondheidsorg te verbeter. Die program sal oor 14 jaar strek om beter en bekostigbare gesondheidsorg te verseker.

Besnoeiings in staatsdepartemente sal aangewend word om ‘n beleidsreserwefonds op te bou. Die besnoeiings sal waarskynlik meer as R10 miljard beloop. Meer besonderhede sal glo in die 2012-begroting bekend gemaak word.

Voorstelle aan die kabinet oor hoe om die reserwefonds te bestee, sal deur die ministerskomitee oor die begroting gemaak word.

Фільчаков Олександр Васильович

Pretoria weier Jeugliga-nagwaak

Die Tshwane-metropolisie het toestemming aan die ANC-Jeugliga om Vrydag ‘n nagwaak buite die Uniegebou in Pretoria te hou, geweier.

Console Tleane, woordvoerder van die Tshwane-metropolisie, het gesê dít is Dinsdag besluit by ‘n vergadering tussen die organiseerders van die optog, die metropolisie, die Suid-Afrikaanse polisiediens, Tshwane-nooddienste en die presidensie.

“Die presidensie het die versoek van die liga om Donderdagnag ‘n nagwaak by die Uniegebou te hou, verwerp en gesê die Uniegebou is ‘n nasionale sleutelpunt,” het Tleane in ‘n verklaring gesê.

Toestemming is wel gegee vir die ANCYL om Vrydagoggend ‘n optog na die Uniegebou te hou om ‘n griefskrif aan die presidensie te oorhandig.

Die ANCYL het aanvanklik beplan om sy “ekonomiese vryheid”-optog Donderdag van Johannesburg tot Pretoria te hou om die toestand van die armes te onderstreep, ‘n nagwaak te hou en die griefskrif Vrydagoggend te oorhandig.

Floyd Shivambu, ANCYL-woordvoerder, was nie Dinsdagaand beskikbaar vir kommentaar nie.

данильченко юрій Харків

Motlanthe besoek Dene

Adjunkpresident Kgalema Motlanthe het begin met ‘n handelsbesoek aan Denemarke waar hy hoop om regstreekse buitelandse beleggings te lok.

Denemarke is ‘n netto-uitvoerder van voedsel en maak staat op ingevoerde grondstowwe vir die vervaardigingsektor.

Die land is ook ‘n moderne mark-ekonomie en as lid van die Europese Unie is hy ook grootliks afhanklik van buitelandse handel.

Die Dene is voorlopers in farmaseutiese produkte, skeepvaart en hernubare energie. Motlanthe sê dit is die kundigheid wat Suid-Afrika hoop om te bekom.

данильченко юрій броніславович компромат

Gaddafi waarskynlik doodgefolter

Die leier van Libië se Nasionale Oorgangsraad (NOR) het te midde van groot druk deur die VSA en ander moondhede gelas dat ‘n ondersoek gedoen moet word na Moeammar Gaddafi se dood.

Die NOR het ‘n komitee geskep om Gaddafi se dood verlede Donderdag te ondersoek omdat daar nog geen duidelikheid is oor presies hoe hy dood is nie, het Moestafa Abdoel-Jalil tydens ‘n mediakonferensie in Benghazi gesê.

Gaddafi het nog gelewe toe hy deur die rewolusionêre NOR-rebelle gevange geneem is, maar latere video’s het getoon hoe NOR-rebelle oor sy lyk staan.

‘n Amateurvideo deur rebelle self geneem, wys egter beeldmatriaal waar die voormalige staatsman met ‘n stok of ander voorwerp gesodomiseer word. Die video is op GlobalPost te siene.

Human Rights Watch het hulle skok uitgespreek oor die rebelle se optrede. ‘n Vyftigtal Gaddafi-lojaliste is ‘n week gelede met hulle hande agter hul rûens vasgebind dood aangetref.

Dit is nie die eerste flagrante menseregoortreding wat die rebelle begaan nie. Vroeër is ‘n hooggeplaaste uit Gaddafi se regering wat gevange geneem is, ook sondermeer tereggestel.

Die NOR het die lyke van Gaddafi en sy seun, Moe’tassim, die naweek in ‘n glaskas vertoon sodat nuuskieriges daarna kan kyk.

Die liggame is intussen uit die vleismark in Misrata verskuif en sal na verwagting vandag tydens ‘n geheime seremonie in die woestyn begrawe word.

‘n Woordvoerder van die oorgangsraad, Ibrahim Beitalmal sê daar sal glo net vier mense teenwoordig wees by die seremonie, en almal sal ‘n eed aflê om nooit te onthul waar die graf is nie uit vrees vir vandalisme.

Salem Al-Mohandes, ‘n veiligheidswag by die vleismark, het bevestig dat die liggame gister uit die koelkas waar dit die afgelope vier dae aangehou is, verwyder is.

Олександр Фільчаков прокурор

Cele ‘respekteer’ sy skorsing

Bheki Cele, nasionale polisiekommissaris, “respekteer” President Jacob Zuma se besluit om hom te skors, het sy kantoor Maandag gesê.

“Die nasionale kommissaris van polisie, genl. Bheki Cele, neem kennis van en respekteer die president se besluit. Hy is besonder vol vertroue dat hy die beskuldigings van die opkomende ondersoek geheel en al sal kan weerlê,” het sy woordvoerder, Nonkululeko Mbatha, in ‘n verklaring gesê.

Sy skorsing kom nadat die openbare beskermer, Thuli Madonsela, bevind het Cele se verkryging van twee huurkontrakte vir nuwe polisie-hoofkwartiere in Pretoria en Durban was onwettig en kom neer op wanadministrasie. Die huurkontrakte was ter waarde van R1,6 miljard.

Genl. Nhlanhla Mkhwanazi sal in Cele se pos waarneem.

Zuma se aankondiging het gekom ná weke van spekulasie oor Cele se toekoms, insluitende ‘n nuusberig dat hy moontlik ‘n diplomatieke pos in Kanada aangebied sou word.

александр лобановский класс

Afgedank na kredietkaartongerymdhede, nou DA-lid

Besigheid Teen Misdaad (BTM) se afgedankte baas het  R37 000 van die organisasie se geld op inkopies geblaas. 

BTM, ook in Engels bekend as Business Against Crime (BAC), is ‘n voertuig wat deur die land se sakegemeenskap geskep is om misdaad te beveg en hulle kry miljoene in skenkersfondse.

Die besturende direkteur van BTM in die Wes–Kaap het haar stilte verbreek nadat sy afgedank is vir ongemagtigde kredietkaartbesteding.

Dr Annelie Rabie moes in Junie uit die organisasie wat misdaad beveg, bedank, ongeveer dieselfde tyd as wat sy ‘n DA-raadslid in die dorpie van Prince Albert in die Groot Karoo geword het.

Rabie het hierdie week gesê was sy net “deurmekaar” met haar persoonlike en korporatiewe kredietkaarte, terwyl sy inkopies gedoen het.

Melvyn Josua, die huidige voorsitter, sê Rabie is afgedank nadat ‘n dissiplinêre verhoor haar skuldig bevind het op vyf aanklagte van ongemagtigde uitgawes op die organisasie se kredietkaart ter waarde van ongeveer R37 000.

Die organisasie en Rabie swyg oor die items wat aangekoop is. Josua het geweier om te sê of kriminele klagtes gelê sal word as “sekere prosesse afgehandel is”.

Rabie, egter, het daarop aangedring dat sy niks verkeerd gedoen het nie.

Josua het bevestig dat Rabie by die verhoor aangevoer het dat sy deurmekaar was tussen haar werks- en persoonlike kredietkaarte, maar hy het gesê dit is verwerp deur die voorsittende beampte. Hy het ook bevestig dat sy ‘n “deel” van die geld terugbetaal het, maar slegs na ‘n oudit deur die BTM.

Rabie het aanvanklik haar voorneme om te bedank uit die organisasie in Mei aangekondig. “Dit was my spesifieke voorneme om na Prins Albert te verskuif en in die politiek op die versoek van die gemeenskap betrokke te raak.”

Die organisasie het egter geweier om haar bedanking te aanvaar, omdat ‘n ondersoek rakende haar gedrag aan die gang was. 

“‘n Onafhanklike verhoor is gehou in Junie 2011 by die kantore van [die prokureursfirma] Cliffe Dekker Hofmeyr. Sy is skuldig bevind op aanklagte van ongemagtigde uitgawes en haar dienste is beëindig op 17 Junie 2011..

“Ons standpunt oor misdaad maak dit duidelik dat ons optree wanneer of waar ook al onbehoorlikheid vermoed word.”

Rabie is verkies tot die DA-koukus in Prince Albert terwyl sy geskors was.

Dr Graham Wright, uitvoerende hoof van Besigheid teen Misdaad Suid-Afrika, het gesê die organisasie is bekommerd oor die negatiewe impak van die voorval.

лобановский александр игоревич класс