Phetoe het na afloop van 'n skietvoorval in Driekant verklaar dat mnr. Jaco Swart, wat 'n rower deur 'n geslote deur doodgeskiet het, 'n "rassistiese moordenaar" is.
Volgens Nantes Kelder van Afriforum is dit onaanvaarbaar vir Phetoe om 'n rassekleur aan die insident te verleen, terwyl dit glad nie die geval is nie.
Kelder het gesê dat Phetoe se uitlatings rassespanning aanstook en dat hy persoonlik verantwoordelik sal wees indien plaasaanvalle of geweld weens sy uitlatings ontstaan.
Die besluit om die Reitz-kamerwonings op die kampus van die Vrystaatse universiteit te sluit, aldan nie, sal op 6 Junie geneem word, het die waarnemende rector professor Teuns Verschoor gister gesê.
Die besluit sal die voorleggings van persone op wie dit direkte gevolge het in ag neem, asook voorleggings van ander belanghebbendes.
Reitz het vroeër vanjaar 'n storm ontketen toe 'n studentevideo wat deur voormalige inwoners gemaak is, deur die media vertoon is.
Die video het veral die spot gedryf met die universiteit se koshuisintegrasiebeleid en het skoonmaaksters in die koshuis 'n ontgroeningsritueel laat ondergaan.
Agt busse wat met bevreesde buitelanders gelaai is, het gister die oorloggeteisterde Reigerpark aan die Oosrand verlaat. Die busse is onderweg na Mosambiek, Malawi en Lesotho.
Die busse is deur die lande se onderskeie ambassadeurs voorsien en het vanaf die Germistonse stadsaal vertrek. Die stadsaal self is deur die skielike toeloop van mense beskadig en ontsier.
Die aantal vlugtelinge wat die land verlaat het, is 600 terwyl daar ten minste 11 000 is wat tans aan die Oosrand by veilige hawens wegkruip.
'n Wydverspreide droogte en skerpstygende voedselpryse het weereens hongersnood na Ethiopië gebring. Die VN noem dit die ergste sedert die groot humanitêre krisis van 2003.
Die VN se wêreldvoedselprogram het beraam dat 2,7 miljoen Ethiopiërs noodvoedselhulp sal moet aanvra as gevolg van laat reëns.
Dit is byna dubbel die getal wat verlede jaar benodig is.
In 1984 is 'n hongersnood vererger deur 'n kommunistiese beleid en een miljoen mense het omgekom as gevolg daarvan.
Die streek, tuiste van die Kisi etniese stam, word ook as die hekserygordel beskryf as gevolg van bendes wat vroue aanval wat van heksery verdink word.
Pogings deur die owerhede om die boendoehowe te bekamp, bly vrugteloos.
Dit wil voorkom asof Barack Obama voel dat hy die stryd om die Demokratiese nominasie gewen het, want hy begin meer en meer komplimente aan Hillary Clinton van sy party uitdeel en aanvalle op sy Republikeinse teenstander, John McCain, loods.
Beide Obama en Clinton is tans in Florida waar hulle steeds hul nominasieveldtog voer. Clinton verseg steeds om tou op te gooi, nadat sy die deelstate Oregon en Kentucky aan Obama moes afstaan.
Obama het voor 'n skare in Tampa, Florida, gesê dat sy span op die drumpel van 'n oorwinning verkeer sover dit sy nominasie betref.
Ru-olie het vanmore in die Verre Ooste weer deur alle perke boontoe gebars en die prysvlak van $135 per vat bereik. Dié beweging het in reaksie op 'n onverwagte vermindering in Amerikaanse olievoorraad geskied, asook 'n swakker dollar.
Beleggingsfondse spekuleer tans op olie, gegewe die goeie prestasie van die mark oor die afgelope tyd. Sedert begin vandeesmaand het ru-olie reeds 20% gestyg en niemand wil graag verkoop nie, gegewe die aanbodprobleem en geopolitieke sorge.
Op die termynmark het die Julie NYMEX-kontrak tot 'n rekordhoogte van $135,04 per vat gestyg, nadat dit gisteraand op $134,85 in New York gesluit het.
Terwyl onbeheersde misdaad in Suid-Afrika internasionale nuus is, behoort 13 rooftogte in een gebied sedert Sondag tog die mees gevoellose misdaadwaarnemer te skok.
Tog is dit presies wat in Kameeldrift, noordoos van Pretoria gebeur het waar 'n 65-jarige vrou, Anna Nieman, gister in die vroeë oggendure in haar huis op die Leeuwfonteinlandgoed geskiet is. Sy is tans aan 'n asemhalingstoestel gekoppel en haar toestand is ernstig.
In 12 ander voorvalle in Kameeldrift is huise leeggemaak en motors geroof. Daar word vermoed dat 'n bende van 20 rowers in die gebied werksaam is wat ongesteur voortgaan.
Die Londense Guardian beskryf die toestand in Suid-Afrika in 'n hoofartikel as die einde van die reënboog.
Verskeie mense is gisteraand weer gedood, waaronder twee mans wat vermoedelik Mosambiekse myners was. Hulle is doodgeslaan terwyl opgeruide skares deur lokasies en plakkerskampe getrek het op soek na immigrante wat hulle daarvan beskuldig dat hulle hul werk en huise afvat.
Die getal Zimbabwiërs, Mosambiekers en ander swartes wat hul toevlug tot polisiestasies, kerke en gemeenskapsale geneem het, is nou ongeveer 20 000.
Opposisielede het reeds gevra dat troepe in die lokasies ontplooi moet word, maar intussen is geen sodanige besluit nog geneem nie.
en frustrasie oor misdaad” uit te spreek. Volgens mnr. Pieter Groenewald van die Vryheidsfront Plus, “voed landbou die volk. Die regering weet dat sektorpolisiëring in landelike gebiede nie werk nie en ‘n vakuum in beveiliging bestaan. Dit is duidelik dat die regering nie gesteur is oor die boeregemeenskap en plaasmoorde nie. Dit wil voorkom asof die regering dink hy het sy plig teenoor plaasmoorde afgehandel met die ontvangs van die verslag oor plaasmoorde in Julie 2003.”
