Die Londense Guardian beskryf die toestand in Suid-Afrika in 'n hoofartikel as die einde van die reënboog.
Verskeie mense is gisteraand weer gedood, waaronder twee mans wat vermoedelik Mosambiekse myners was. Hulle is doodgeslaan terwyl opgeruide skares deur lokasies en plakkerskampe getrek het op soek na immigrante wat hulle daarvan beskuldig dat hulle hul werk en huise afvat.
Die getal Zimbabwiërs, Mosambiekers en ander swartes wat hul toevlug tot polisiestasies, kerke en gemeenskapsale geneem het, is nou ongeveer 20 000.
Opposisielede het reeds gevra dat troepe in die lokasies ontplooi moet word, maar intussen is geen sodanige besluit nog geneem nie.
Leave a Reply
You must be logged in to post a comment.