Nuus Archives - Page 1375 of 1583

Aanslag teen Europol afgeweer

Die hoofkwartier van Europol in Den Haag het 'n bomaanslag vrygespring. De Telegraaf meld Vrydag dat 'n aanslag deur 'n vragmotorr vol plofstof afgeweer is.

Die Belgies-Marokkaanse Abdelkader Belliraj, hoofverdagte van 'n terreurnetwerk in Marokko, het dit aan 'n Arabiese koerant bekend gemaak. Volgens wat hy aan die koerant gesê het, het hy daarvoor gesorg dat die aanslag afgeweer is.

Die oggendkoerant het 'n woordvoerder van die Nederlandse veiligheidsdiens AIVD oor die voorval gepols, maar die betrokke woordvoerder wou nie enige kommentaar lewer nie.

Belliraj beweer dat hy van Al-Kaida opdrag ontvang het om in Europa na mense te soek wat biologiese wapens kan vervaardig.

Die Marokkaan het klaarblyklik met van die gevaarlikste terroriste ter wêreld te make.

для бассейна

Obama maak gereed vir snelle oorgang

10:08:55 Die bes bewaarde geheim in Washington is dat Barack Obama oor die grootste en mees gedissiplineerde

Barack Obama

presidensiële oorgangspan in die geskiedenis beskik. Die span word aangevoer deur John Podesta, die vorige stafhoof gedurende Bill Clinton se Withuistermyn.

Diegene wat by die oorname betrokke is, mag nie met die media praat nie ingeval die indruk ontstaan dat Obama dink dat hy reeds gewen het.

Een van Obama se hoofmotiveringe is om die foute te vermy wat aan Clinton toegeskryf word. Clinton se eerste 100 dae aan bewind het in 'n nagmerrie ontaard waarvan sy administrasie jare geneem het om te herstel en wat gehelp het om die Republikeinse oorwinning in die 1994-parlementêre verkiesing teweeg te bring.

Mnr Clinton het die eerste paar weke deurgebring om 'n diverse kabinet saam te stel wat "soos Amerika gelyk het". Dit was 'n verkwisting van tyd wat beter gebruik kon gewees het om op wetgewende prioriteite te besluit en om die vernaamste Withuispersoneel aan te stel om te verseker dat die administrasie glad verloop.

In kontras hiermee, fokus Obama op "die regte werk" van hoe dinge behoort te verloop. Een van die eerste kwessies gaan wees hoe en of Obama behoort deel te neem aan die globale finansiële spitsberaad wat George W. Bush vir die week ná die Amerikaanse presidentsverkiesing gereël het.

Obama gaan onmiddellik vier probleme van enorme omvang moet aanspreek. Die eerste is wanneer die Kongres gedwing moet word om 'n tweede fiskale stimulering vir die ekonomie deur te voer.

Die tweede is hoe om Obama se belofte van 'n vinnige onttrekking van troepe uit Irak na te kom. Dit kan gekompliseer word deur die dooiepunt in onderhandelings tussen Bagdad en Washington rondom die "status van magte"-ooreenkoms.

Die derde en vierde besluite sou wees hoe om die finansiële ineenstorting te hanteer en om die eerste begroting op te trek, wat in Februarie voorgelê moet word.

shop games free прокурор Фильчаков

Swart vroue slaan die kitaar

Swart vroue se koopkrag het aansienlik vermeerder sê Unilever se TNS-navorsing wat Vrydag vrygestel is.

Die navorsers by die Universiteit van Kaapstad het bevind dat dit R250 miljard was vir 2008. Dit verteenwoordig omtrent 40% van die jaarlikse uitgawes van die land se vroue. In 2007 was dit op R180 miljard.

Die sogenaamde "swart diamante" het vanaf 2005 tot 2008 gegroei van 1 miljoen tot 3 miljoen. Vir die eerste keer in die geskiedenis het swart vroue byna ewe veel koopkrag as hulle wit eweknieë. Hulle maak nou reeds 10% van die land se volwasse bevolking uit.

Unilever se navorsers het hulle as 'n belangrike ekonomiese krag beskryf. Selfs die motorbedryf gaan dit voel meen hulle. Swart vroue maak reeds 89% van die besluite oor wat vir die huis aangekoop moet word en 69% het 'n sê oor groot bedrae.

bad wolf

McCain loop ver voor… in Israel

As Israel Amerika was, sou die kieserskeusekaart nou bloedrooi vertoon het soos wat die Republikeine skoonskip maak. Tradisioneel is die Republikeine rooi en die Demokrate blou.

'n Meningspeiling wat in Israel onderneem is, wys dat McCain Obama met drie teen een klop. Die peiling het 817 Amerikaners genader vir hulle keuse. Hulle sal in Israel stem. Ongeveer 40 000 Amerikaners wat in Israel woon gaan stem.

Amerikaanse Jode wat in Israel woon is konserwatief en godsdienstig, terwyl Jode in Amerika meer geneig is om die Demokrate te ondersteun.

прокурор Фильчаков

Motlanthe na DRK

Suid-Afrika se minister van buitelandse sake, Nkosazana Dlamini-Zuma, is onderweg na die DRK om voorbrand te maak vir president Motlanthe se besoek vandag.

'n Militêre bron het bevestig dat die Kongolese regering Goma, die hoofstad van die Noord-Kivuprovinsie, verloor het en dat tenks intussen tussen Bukavu en Goma stelling ingeneem het.

Die verlies van Goma en die ineenstorting van die Kongo se soldate het gekom nadat die VN-troepe groter bystand aan regeringsmagte verleen het. Die sleutelstad, Rutshuru, 'n administartiewe vesting, word tans slegs deur die VN verdedig. 'n Rebellewoordvoerder het bevestig dat hulle selgs 4km van Rutshuru stelling ingeneem het.

Hulle word gerugsteun deur Rwandese tenks.

Motlanthe sal met president Kabila en ander senior amptenare vergader. Mandisi Mpahlwa, Charles Nqakula, Barbara Hogan en Richard Baloyi het Motlanthe vergesel.

точечные светильники

‘Geen einde aan rassevoorkeure’ – Zuma

Jacob Zuma

08:33:17 Solank as wat blanke mans aanhou om die boonste bestuursvlakke te oorheers, sal daar geen einde aan regstellende aksie wees nie, het Jacob Zuma Donderdagaand aan die Swart bestuursforum gesê.

Hy het syfers van die werksgelykheidskommissie aangehaal, waarvolgens blankes oorheers met 65,2%, met swartes op 18,1%.

Op senior bestuursvlak was swartes in 40,6% en blankes in 55,2% van die poste gedurende dieselfde tydperk.

"Ons is ver daarvandaan om 'n einde te maak aan regstellende aksie. Ons weet dat regstellende aksie belangrik is vir swart professionele mense en vir die land se ekonomie. Geen ekonomie kan op die lang termyn sukses behaal indien die meerderheidsgroep uitgesluit is van die bestuur nie," het hy gesê.

Met verwysing na grondhervorming, het Zuma gesê dat die ANC-regering beplan om die proses te versnel in 'n poging om te verseker dat 30% van die grond teen 2014 in besit van die armer landelike gemeenskappe is.

Zuma het gesê dat klagtes dat die proses te lank neem wel geldig is, maar hy het ook gewaarsku dat mense nie grond wat hulle kry onproduktief moet laat lê nie.

'm Program was nodig om te verseker dat die mense wat die grond oorneem, weet hoe om dit produktief te bedryf.

Met verwysing na die stigting van 'n nuwe party, het Zuma gevra of dit suksesvol kan wees, gegewe die kort tydperk wat oor is voor die verkiesing.

"Ek glo nie dit kan, wanneer die verkiesing aanbreek, 'n mag wees om mee rekening te hou nie," het hy gesê.

"Mens kan nie 'n party begin in minder as 'n jaar nie. Mens kan 'n party begin uit woede, maar woede gaan nie die party 'n sterk mag maak nie," het hy bygevoeg.

Hy is van mening dat die mense nie vir ontevrede lede gaan stem nie.

"Ons differensieer tussen lede wat griewe het en dit saam met ons wil uitwerk, en die ander lede wat kwaad is vir ons omdat hulle hul gesagsposisies verloor het by die Pietersburg- en provinsiale kongresse. Ons kan nie help daarmee nie. Mense wat kwaad is, is gewoonlik moeilik om mee te werk," het hy voortgegaan.

Hy het gesê dat hoewel mense die reg het om 'n party te stig, die ANC nie kan bekostig om van binne af gedestabiliseer te word nie.

"Die toets vir lojaliteit en begrip van ANC-lidmaatskap is daar wanneer mens probleme in die gesig staar. Sommige van ons kon lankal ons goed gepak het en konvensies gereël het. Die party kyk na die opkomende verkiesing sonder vrees, en sake gaan hul normale gang."

"Daar is geen krisis nie, en niemand raak paniekerig nie. Ons programme gaan aan soos altyd," het Zuma gesê.

online casinos

Net swartes mag met swartes spot

Die naderende verkiesing in die VSA wat moontlik die land se eerste swart persident gaan oplewer, het rassepolitiek in die hoofstroom ingelei deur middel van humor.

'n Swart grapmaker, David Alan Grier (53), sê hy het besef dat hy kan grappe maak oor Obama se gemengde afkoms omdat hy self swart is. 'n Wit persoon sou nie dieselfde kon sê van die eerste swart kandidaat nie.

Hy is die aanbieder van 'n nuwe halfuurprogram by name “Chocolate News,” op die Comedy Central kabelkanaal. Die program is egter 'n bietjie grof en bevat kru taal.

By CNN het die swart komediant D.L. Hughley (45) 'n sagter aanslag. In sy eerste episode van “D.L. Hughley Breaks the News” voer die aanbieder onderhoude met wit aanhangers van Palin en probeer die Withuis se perssekretaris Scott McClellan uitlok om Obama te ondersteun.

Hughley kry kritiek vir sy spottery vanuit die swart wêreld wat meen dat hy swart stereotipes bevorder.

Hof besluit Sarkozy-pop bly

’n Franse hof het dié week ’n poging van pres. Nicolas Sarkozy om ’n voedoe-pop van hom aan die mark onttrek te kry, verwerp.

Sarkozy het vroeër vandeesmaand ’n klag teen die verkoop van die pop gebring wat saam met ’n satiriese biografie van hom en naalde om die pop mee te steek, verkoop word. Dié klag het verkope van die pop onmiddellik laat styg.

Dit is die president se sesde hofsaak sedert hy verlede jaar verkies is en het wydverspreide hoon in Frankryk ontlok.

Verder het dit eindelose gratis publisiteit vir die pop geskep en Sarkozy se politieke teenstanders laat jubel.

Die regter het gesê die pop val binne “die toelaatbare grense van vryheid van spraak en die reg op humor”.

Koolstofdioksied verraai onwettiges

Vier onwettige immigrante wat Brittanje wou binnekom deur in ’n duur motor weg te kruip, se poging is verydel toe hulle deur immigrasie-amptenare uitgevang is.

Die vier mans van Irak het in ’n Bentley GT ter waarde van R1,9 miljoen gesit wat per vragmotor van die Nurburgring-renbaan in Duitsland na die Bentley-fabriek by Crew, in die VK, vervoer is.

Hulle is uitgevang toe amptenare van die VK Grensagentskap met behulp van opsporingsapparaat hoë vlakke koolstofdioksied gesien het wat uit die vragmotor vrygestel is net voordat dit op ’n veerboot gelaai sou word.

“Dit is belangrik dat ons voornemende onwettige immigrante keer voordat hulle Brittanje bereik,” het mnr. Tom Dowdall, direkteur van Grensbeheer, gesê.

“Dit is hoekom honderde Britse immigrasie-amptenare by hawens in Frankryk en België werksaam is.”

free no deposit

Verslag oor Dinsdag se sinkgat volgende week verwag

‘n Volledige verslag wat die redes vir die vorming van die gat wat Dinsdag in Oxfordweg voorgekom het, sal volgende week bekend gemaak word, het die Johannesburgse Paaieagentskap (JPA) gesê.

Die geo-tegniese kenners het vanoggend die toneel besoek saam met ingenieurs van die JPA, Johannesburg-water en Mbombela vir ‘n inspeksie en om toetse te doen,” het JPA-woordvoerder Conel MacKay gesê.

Hy het gesê die 3-metergat wat ingeval het op die noordelike baan van Oxfordweg tussen Rivieraweg en 8stelaan is in die proses om herstel te word.

Dis onbekend hoe lank die herstelwerk sal duur, waartydens verkeer na 8stelaan herlei sal word.

“Ons sal ‘n beter idee hê nadat ons die verslag volgende week gekry het,” het MacKay gesê.

Mbombela het van die gat bewus geword omstreeks 7:30 Dinsdagoggend nadat ‘n Nissan-paneelwa, wat aan een van die Mbombela werkers behoort het, in die gat geval het, het Mbombela-woordvoerder, Kelebogile Machaka, gesê.

‘n Soortgelyke insident het in Julie voorgekom volgens die Metropolisie se woordvoerder, Wayne Minnaar, en dit het 8 weke geneem om daardie gat te herstel.