Nuus Archives - Page 1337 of 1583

Swarte van 60 in Limpopo gestenig

'n 60-jarige swartman van Limpopo is dood gestenig, klaarblyklik deur 'n groep vigilantes in Apel, het die Limpopopolisie Sondag gesê.

Die 60-jarige man is daarvan beskuldig dat hy paar maande terug 'n ander man doodgemaak het, Het superintendent Mohale Ramatseba gesê.

Mense het hom uit die huis uit gesleep voordat hy geslaan is en met klippe doodgegooi is.

Ramatseba het gesê daar was geen verband tussen die 60-jarige man en die man wat voorheen vermoor is nie.

"Ek weet nie hoekom hulle hom beskuldig het nie."

Geen arrestasies is sover gemaak nie, en 'n moordsaak is geopen.

для автосервиса лобановский депутат

Rebelle vermoor 45 mense in Kongolese kerk, volgens Oegandese weermag

Die Oegandese weermag het Sondag die Lord's Resistance Army (LRA) daarvan beskuldig dat hulle 45 mense in 'n kerk in noordoos-DRK doodgekap het.

'n Hulpwerker het Vrydag se slagting bevestig en gesê dit het plaasgevind in die Katolieke kerk in die Domuragebied, omtrent 40 kilometer suid van die Soedanese grens.

"Ons het inligting dat die rebelle 45 mense in stukke gekap het," het die weermagwoordvoerder kaptein Chris Magezi gesê.

"Hulle is met pangas gekap en met knuppels geslaan, maar sommiges het reggekry om te ontsnap. Ons magte het van die slagting gehoor terwyl hulle die LRA Saterdag agtervolg het en die soektog na die moordenaars is aan die gang," het hy bygevoeg.

Magezi het gesê die slagoffers, meestal vroue, kinders en ou mense, is vermink in dieselfde styl wat deur die Hoetoe-ekstremiste in die 1994-volksmoord in Rwanda gebruik is.

Magte van Oeganda, die DRK en suidelike Soedan het vandeesmaand 'n gesamentlike operasie teen die LRA-rebelle in die noordooste van die Kongo van stapel gestuur.

Die hulpwerker wat anoniem met AFP gepraat het, het gesê die toneel van die slagting is in en om die kerk versprei.

"Daar was liggaamsdele oraloor. In die kerk, die ingang en in die kerk se ander geboue," het die hulpwerker gesê.

Storms saai verwoesting

Storms het verwoesting gesaai in dele van die Oos-Kaap, Wes-Kaap en KwaZulu-Natal, het die SAUK Sondag berig.

'n Man is dood nadat 'n boom op hom geval het in Ndevana, buitekant King Williams Town. John Fobian, van die polisie se krisisbeheersentrum, het gesê huise se dakke is afgeruk in Tamara, Debe-nek en Alicedale.

Baie mense is ook haweloos gelaat nadat storms hulle huise aan die KwaZulu-Natalse suidkus verwoes het.

бане на Фильчаков прокурор

Amerika meen Zim kan soos Guinee raak

Jendayi Frazer

Die top-Amerikaanse gesant vir Afrika het gewaarsku dat Zimbabwe deselfde lot as Guinee in die gesig mag staar wanneer president Mugabe sterf.

Guinee verkeer in politieke onstuimigheid sedert die langsheersende diktator in Afrika verlede week dood is. 'n Militêr geleide groep het ure ná sy dood 'n oorname aangekondig en 'n tussentydse leier benoem.

Jendayi Frazer, die Amerikaanse adjunkminister van buitelandse sake vir Afrika-aangeleenthede, het Sondag gesê dat indien die 84-jarige Mugabe te sterwe sou kom terwyl hy aan bewind is, dieselfde lot ook vir Zimbabwe wag.

Frazer was 'n luide kritikus van Mugabe, wat sedert die land se onafhanklikheid in 1980 aan bewind is.

Vroeër vandeesmaand het sy gesê dat Amerika nie langer 'n voorgestelde magsdelingooreenkoms ondersteun wat Mugabe as president wil behou nie.

пазла для детей

Israelse tenks versamel terwyl vliegtuie Hamas bombardeer

Hamasvegter met vuurpyl

Israelse tenks het Maandag begin versamel op die grens met Gaza terwyl oorlogsvliegtuie Hamas teikens gebombardeer het in die digbevolkte enklawe waar aanvalle in die laaste twee dae meer as 300 mense gedood het .

Dosyne tenks en personeeldraers het by verskeie punte naby die grens gestaan en luier nadat Israel gewaarsku het dat hulle 'n grondaanval kan loods om met hulle lugaanvalle saam te val.

Hamas het op die aanhoudende bombardement gereageer deur vuurpyle dieper in Israel in te vuur, met een wat nie ver van Ashdod, Israel se tweede grootste lughawe, getref het nie. Dit was so 30 kilometer noord van Gaza en het geen ongevalle veroorsaak nie.

Die Islamitiese beweging het Israel daarvan beskuldig dat hulle 'n volkslagting uitvoer en dat die wêreld toekyk sonder om 'n vinger te verroer om dit te keer. Hamas-woordvoerder Fawzi Barhum het gesê "die organisasie behou die reg voor om te kan reageer op die aggressie met martelaaroperasies," bedoelende selfmoordbomaanvalle, van die aard wat Hamas nie in Israel sedert Januarie 2005 uitgevoer het nie.

VN-sekretarisgeneraal Ban ki-Moen het sy stem gevoeg by die VN-veiligheidsraad se versoeke vir 'n onmiddellike einde aan die vyandelikhede. Sy woordvoerder het gesê: "Hy beveel sterk aan dat alle gewelddade onmiddellik gestaak moet word."

Sjina en Japan het ook aangesluit by die internasionale koor van oproepe vir 'n einde aan die geweld, wat die stemme van Brittanje, Frankryk en Rusland insluit.

Beijing het gesê hulle is geskok en ernstig bekommerd oor die geweld, terwyl Japan 'n beroep gedoen het op Israel om selfbeheersing toe te pas en ook op die Palestyne om die vuurpylaanvalle te staak.

Pous Benediktus XVI het die internasionale gemeenskap gevra om alles moontlik te doen om die Israeli's en Palestyne te help met die doodloopstraat en nie toe te gee aan die perverse logika van konfrontasie en geweld nie.

Die Israelse minister van verdediging het beloof om die lugaanvalle te verskerp en uit te brei. Die aanvalle is geloods uit vergelding ná aanhoudende vuurpylaanvalle deur militante groepe.

"Indien dit nodig is om voetsoldate te ontplooi om ons burgers te beskerm, sal ons dit doen," het sy woordvoerder hom klaarblyklik aangehaal.

Die kabinet het reeds toestemming gegee dat 6 500 reserwesoldate opgeroep word, het 'n senior offisier aan verslaggewers ná die vergadering gesê.

Oorlogsvliegtuie gaan steeds voort om die verarmde en oorbevolkte gebied van 1,5 miljoen mense te bestook, waar meeste strate verlate is en baie skole en winkels gesluit is terwyl honderde begrafnisse gehou word.

Vegvliegtuie het die tonnels op Gaza se grens met Egipte bestook – die tonnels was 'n naelstring waardeur Hamas goedere en wapens in die enklawe ingesmokkel het. Die enklawe is so te sê deur Israel van die buitewêreld afgesny sedert Islamiete daar in Junie 2007 beheer oorgeneem het.

Laat Sondag het die vegvliegtuie verskeie metaalwerkswinkels aangeval, wat volgens Israel gebruik word om die vuurpyle saam te flans.

лобановский класс

Inisiasieskool-dodetal in Oos-Kaap styg

Inisiasiekandidate in die Transkei

Nog twee Xhosa-jeugdiges is in die Oos-Kaap dood as gevolg van besnydenisprobleme, wat die sterftesyfer vir die seisoen se inisiasiekandidate op 9 te staan bring, het die departement van gesondheid Dinsdag gesê.

Woordvoerder Sizwe Kupelo het gesê een jeugdige is Maandagoggend dood verklaar met sy aankoms by Mthatha se Nelson Mandela-akademiesehospitaal.

Die dood van 'n jeugdige by die Mlamli-hospitaal in Sterkspruit is ook bevestig.

Kupelo het gesê dat hy nie weet wat die doodsoorsaak van die individuele gevalle is nie, maar dat septisemie en ontwatering die grootste doodsoorsaak by inisiasiekandidate is.

Nog 'n kandidaat het oor die naweek verdrink in die Libode-gebied toe hy in die rivier ingegaan het vir die tradisionele wasseremonie aan die einde van die inisiasieritueel.

Twaalf jeugdiges word tans behandel in die Nelson Mandela-hospitaal en 17 in die Mthatha-algemenehospitaal.

Hy het gesê die departement het 'n opgrawingsbevel uitgereik vir die liggaam van 'n jeugdige wat dood is in die Maluti-gebied van Transkei verlede week en sonder seremonie begrawe is naby die inisiasieskool wat hy bygewoon het.

'n Nadoodse ondersoek sal gehou word om vas te stel wat die doodsoorsaak is, waarna die liggaam vir 'n behoorlike begrafnis aan die ouers oorhandig sal word.

диагностика для авто

Zim-wapens: geen bewys van Chinese oorsprong

'n VN-wapenkenner het Dinsdag gesê dat daar geen bewys is dat ammunisie wat in Augustus van die DRK na Zimbabwe gevlieg is se oorsprong in Sjina is nie.

"Dit is moontlik, maar ons het geen bewyse nie," het Jason Sterns, 'n lid van die paneel van VN-kenners wat 'n verslag saamgestel het oor wapenoordragte na en van die oorloggeteisterde Kongo aan AFP gesê.

Hy het gesê mediaberigte wat die VN verlede week aangehaal het, waarin daar gesê is dat betroubare inligting bestaan dat Zimbabwe Sjinese wapens deur Soedan en die DRK ontvang het nie korrek is nie.

Die verslag aan die VN-veiligheidsraad het gesê die kenners is bewus daarvan dat daar "groot hoeveelhede wapens en ammunisie in die oostelike Kongo aankom, sonder enige bekendmaking deur die uitvoerders aan die VN se sanksieskomitee, en dat die Kongolese weermag 'ook dalk wapens en ammunisie kan uitvoer na ander lande in die streek.'"

"Siende dat die DRK nie self wapens en ammunisie vervaardig nie, moes die voorrraad ingevoer gewees het na die DRK sonder enige kennisgewing en dan moontlik in oortreding van die oorspronklike eindgebruikersooreenkoms met die oorspronklike uitvoerder," het die verslag gesê, wat 12 Desember gedateer was.

Die verslag het verwys na vier Boeing-vlugte wat tussen 20 en 22 Augustus vanjaar plaasgevind het tussen Kinshasa, Harare en Lubumbashi, wat 'n totaal van 53 ton ammunisie bevat het en bestem was vir die Zimbabwiese weermag .

"Terwyl dit nie 'n oortreding van die wapenverbod is nie, is dit 'n aanduiding dat die DRK wel 'n oordragpunt kan wees vir wapens wat bestem is vir ander lande," het die verslag gelui.

бань в

Zimbabwe ‘onhoudbaar’ s? Zuma

Jacob Zuma

Die Nuwejaar behoort 'n spoedige oplossing te bring vir die uiters onuithoudbare toestand in Zimbabwe, het Jacob Zuma Dinsdag in sy Kersfees- en Nuwejaarsboodskap gesê.

"Ek het op verskeie kere my toenemende kommer uitgespreek oor die ernstige politieke krisis en meegaande menslike tragedie in Zimbabwe," het Zuma gesê.

Hy het bevestig dat die ANC sy 97ste herdenking sal vier en sy verkiesingsmanifes in Oos-Londen op 10 Januarie sal bekendmaak.

Zuma het gesê dat Suid-Afrika nou 'n regering nodig het met ondervinding en politieke wilskrag, en wat ten volle verstaan wat gedoen moet word om die apartheidsverlede aan te spreek.

"Terwyl ons trots is op die sterk fondasie wat deur ons lang heroïese geskiedenis daargestel is, is die ANC eintlik 'n organisasie wat vorentoe kyk en daaraan toegewy is om verandering en dienslewering te versnel, om die lewens van elke burger te verbeter.

Hy was baie bewus daarvan dat 2008 in 'n ekonomiese sin 'n baie moeilike jaar was vir baie suid-Afrikaners.

"Die ekonomiese beleid wat die ANC-regering gevolg het, het veroorsaak dat die internasionale ekonomiese resessie nie die land so erg benadeel het as wat dit kon nie."

"Ek is wel terdeë daarvan bewus dat daar poste verlore gaan en dat baie Suid-Afrikaners die gevolge van die ekonomiese daling ervaar," het Zuma gesê.

"Ons het steeds 'n lang pad om te gaan voordat ons kan sê dat ons 'n meer regverdige samelewing het wat die erfenis van apartheid oorwin het."

"Tog bly ons toegewyd aan 'n ontwikkelende staat, met die uitwissing van armoede en werkskepping as ons belangrikste prioriteite," het hy verder gesê.

SA regering in duister oor ekonomiese ineenstorting in Zimbabwe

Die Suid-Afrikaanse regering kan nie met sekerheid sê wat die ekonomiese ineenstorting in Zimbabwe veroorsaak het nie. 'n Woordvoerder van die Presidensie, Thabo Masebe, het in 'n telefoniese onderhoud met PRAAG gesê die oorsake van die verval van die Zimbabwiese ekonomie was nie duidelik nie.

Hy sê voorts die regering het geen opinie oor die omstrede grondhervormingsprogram van President Robert Mugabe nie. Dié program word allerweë deur kenners aangegee as die rede hoekom die eens kragtige Zimbabwiese ekonomie algeheel in duie gestort het en die voormalige “broodmandjie” van Afrika nou ernstige hongersnood beleef. Masebe sê Mugabe se grondhervormingsprogram is 'n binnelandse aangeleentheid en Suid-Afrika is geensins van plan om polities in Zimbabwe betrokke te raak nie.

Hy sê daar is geen lesse vir Suid-Afrika te leer uit die krisis in Zimbabwe nie.

Masebe het kommentaar gelewer op die R300-miljoen se noodlenigingshulp wat deur die Suid-Afrikaanse regering aan Zimbabwe bewillig is. Volgens Masebe behels die hulp nie enige geld nie maar landbouhulp in die vorm van saad, kunsmis en implemente. Hy sê die situasie in Zimbabwe is 'n nie 'n politieke nie maar humanitêre krisis.

zoom отзывы

Nog cholera in KwaZulu-Natal

Nog twee mense wat vermoedelik cholera het, is in KwaZulu-Natal se Middellande opgeneem in die hospitaal, het die provinsie se departement Dinsdag gesê.

Woordvoerder Chris Maxon het gesê die twee is vandeesweek opgeneem in die Church of Scotland-hospitaal in Msinga.

"Daar word vermoed dat hulle cholera het en toetse word op hulle gedoen."

Maxon het gesê dat net twee mense sover met die wateroordraagbare siekte gediagnoseer is in dié provinsie en dat een oorleef het.

"Een was 'n vragmotorbestuurder van Zimbabwe wat oorlede is, en die ander man was van Ethiopië afkomstig. Hy het deur Zimbabwe gereis om na Suid-Afrika te kom. Hy is vroeër vandeesmaand by die Nkonjeni-hospitaal in Zoeloeland vir cholera behandel en het oorleef. Hy is daarna ontslaan," het Maxon gesê.

Die cholera-epidemie het reeds meer as 1 120 lewens geëis in Zimbabwe en meer as 21 000 infeksies is reeds aangemeld.

Duisende, waarvan baie met die siekte besmet is, het na naburige lande, insluitend Suid-Afrika, gevlug.

Gesondheidsowerhede het verskeie choleragevalle en vermoedelike gevalle in Suid-Afrika aangemeld.

Spesiale verslaggewer insake gesondheidsaangeleenthede, Anand Grover, het Maandag die mediese krisis wat Zimbabwe bedreig beklemtoon. Groot hospitale is toe vanweë die tekort aan mediese voorrade, asook 'n tekort aan dokters en verpleegsters.

"Zimbabwe se gesondheidstelsel het heeltemal in duie gestort, dit kan nie die uitbraak van die cholera wat daaglike versprei deur die land en waarvan die dodetal styg, meer beheer nie," het hy gesê.

Met die reënseisoen wat naderkom, vrees kenners dat die krisis kan verdiep.

Zimbabwe het die cholerauitbraak 'n nasionale noodtoestand genoem en die internasionale gemeenskap om hulp gevra om te help voorkom dat die siekte verder versprei.

Dit is die mees onlangse krisis om die regering van president Robert Mugabe te tref. Die land trotseer reeds hiperinflasie, ernstige voedseltekorte en chroniese politieke onstabiliteit.

игри для дитей прокурор Фильчаков