Die prys van petrol het om middernag met tussen 15 en 18 sent per liter gedaal.
Die daling is verlede week reeds deur die departement van energie aangekondig.
Die prys van 93 oktaan loodvrye petrol en LRP sal 15 sent per liter minder wees, terwyl 95 oktaan loodvrye petrol se kleinhandelsprys met 18 sent gedaal het.
Die groothandelsprys van diesel het met tussen 15 en 16 sent per liter gedaal.
‘n Liter 95 oktaan loodvrye petrol in Gauteng sal voortaan agt-rand-27 kos.
Inwoners het drie klaskamers, ‘n personeelkamer en stoorkamer by die Sebitlwane-hoërskool tydens ‘n betoging oor dienslewering aan die brand gesteek.
Vier skole is in Mei vanjaar afgebrand toe inwoners begin oproer maak het oor ‘n teerpad. Die gemeenskap eis dat die grondpad wat hulle dorp met Ganyesa verbind, geteer word.
Die LUR vir Onderwys, Johannes Tselapedi, het die skole gesluit en aangevoer dat die situasie nie bevordelik is vir onderrig nie.
Cosatu se provinsiale sekretaris, Solly Phetoe, sê die besluit benadeel die beeld van die plaaslike gemeenskap. Die provinsale leier van COPE, Nikiwe Num, sê die sluiting van die skole is onverantwoordelik, en die regering behoort eerder in gesprek te tree met die inwoners van Tlaakgameng.
Die man, wie se naam nie bekendgemaak is nie, het gevra dat enigiemand met inligting aangaande plaasaanvalle, dié besonderhede vir hom stuur sodat hy weekliks hierdie inligting na ‘n aanklaer van die internasionale strafhof kan aanstuur.
“Die idee vir die weeklikse aanstuur van statistieke aangaande plaasaanvalle aan die aanklaer het sy oorsprong in onvoldoende en onbetroubare statistiek wat deur ons regering verskaf word,” het Fanie van der Walt, die man se regsverteenwoordiger, in ‘n verklaring gesê.
Dié webblad, www.stopafrikanergenocide.co.za, sal ook gebruik word om mense in te lig van verwikkelinge tydens die hofsaak.
‘n Uitdagende president Robert Mugabe het aan wetgewers gesê dat diamantverkope “groot potensiaal” het om die verpletterde ekonomie nuwe lewe te gee.
Hy het bygevoeg dat Zimbabwe ‘n kwart van die wêreld se diamantvoorraad het.
Die Kimberley-proses sertifiseringskema het nie goedkeuring vir internasionale verkope gegee nie, te midde van aantygings van moorde, menseregteskendings en korrupsie in die reusagtige diamantvelde wat in 2006 in die ooste van Zimbabwe ontdek is.
“Niemand moet ons besluit om ons diamante te verkoop betwyfel nie,” het Mugabe aan wetgewers by die opening van die parlement in Harare gesê.
Die voorvalle het in die gebied van North Queenstraat in die noorde van die stad plaasgevind.
Dít kom nadat Frankryk se parlement tans debateer oor die verbod op die dra van ‘n boerka.
Frankryk sal waarskynlik die verbod op die boerka Dinsdag goedkeur, en vroue sal met sowat R1 500 beboet word indien hulle die boerka in openbare plekke dra.
Rachid Nekkaz het in ‘n verklaring wat in verskeie koerante gepubliseer is gesê hy sal eiendomme verkoop en vroue help om enige boetes te vereffen.
“Die mees onlangse slagoffer was ‘n 19-jarige seun wat Vrydag gesterf het,” het Sizwe Kupelo, woordvoerder, gesê.
Hy was deel van ‘n inisiasieskool by die Nyanisweni-informele nedersetting in Bizana wat Saterdag aan die brand gesteek is.
Sowat 11 seuns is beseer toe die grashut waarin hulle gesit het aan die brand gesteek is.
“Die seuns is na die Nelson Mandela Akademiese Hospitaal geneem waar een gesterf het nadat hy ernstige brandwonde opgedoen het,” het Kupelo gesê.
‘n Tweede slagoffer het ook later aan sy beserings beswyk.
“Die departement het die polisie gevra om die voorval te ondersoek nadat een van die inwoners glo iets op die hut se dak gegooi het. Die verdagte het glo uitgebars van die lag en toe op die vlug geslaan.”
Nkosinathi Ntuli (23) van Doornpoort het glo aan die verkeerde kant van die pad gery toe hy doodgeskiet is, het Moses Dlamini, ‘n woordvoerder gesê.
Volgens Dlamini is die beamptes, wat ‘n kaptein, twee sersante en ‘n adjudant-offisier insluit, gearresteer, nadat geen bewyse gevind kon word wat aandui dat hul lewens in gevaar was nie.
Ten tye van die voorval het die beamptes in ‘n privaatmotor gery en die bestuurder van die motor het nie sy uniform aangehad nie. Die ander drie beamptes het hul uniforms aangehad.
Hulle sal na verwagting Dinsdag in die Pretoriase landdroshof verskyn.
Minstens 74 mense is in die aanval oorlede. Dit is deur rebelle van die Al-Shabaab by twee restaurante in Kampala geloods terwyl skares mense die eindstryd van die Wêreldbeker-sokkertoernooi gekyk het.
Die aanvalle beteken ‘n verinternasionalisering van Somalië se burgeroorlog van 20 jaar.
“Ons het die aanvalle geloods omdat ons oorlog voer teen hulle,” het Mohamoud Rage, die Shabaab-groep se woordvoerder gesê.
Sy uitlating volg nadat Uganda troepe gestuur het namens die Afrika-Unie wat die Somaliese regering in die burgeroorlog ondersteun.
Volgens Kale Kayihura, ‘n plaaslike polisiehoof, het drie ontploffings die stad geskud. Een was glo as gevolg van plofstof wat in ‘n gebou geplant is, maar die ander twee was moontlik weens selfmoordbomaanvalle.
Dreigemente oor die uitbreek van xenofobiese geweld in Suid-Afrika is steeds net gerugte, het pres. Jacob Zuma Maandag gesê.
“Ek is nie seker of daar al dreigemente van xenofobiese geweld was nie. Maar ek weet daar was gerugte wat aangemeld is,” het hy aan joernaliste in Sandton gesê.
Volgens hom het die regering ‘n ministriële kommissie op die been gebring om die situasie te hanteer.
“Die regering is in beheer van die situasie en ek is seker mense hoef nie bang te wees nie omdat ons na hulle veiligheid sal omsien.”
Zuma het gesê daar is nog nie konkrete bewyse van xenofobiese aanvalle nie.
Daar is egter Maandag berig dat daar aanvalle op immigrante in die Wes-Kaap was.
Altesaam 62 mense het in 2008 gesterf en 1500 is haweloos gelaat nadat xenofobiese geweld in Gauteng gewoed het.
